Sri Rama Apaduddharaka Stotram
Sri Rama Apaduddharaka Stotram
শ্রী রাম আপদুদ্ধারক স্তোত্রম্
শ্লোক 1
আপদামপহর্তারং দাতারং সর্বসম্পদাম্ ।
লোকাভিরামং শ্রীরামং ভূযো ভূযো নমাম্যহম্ ॥
নমঃ কোদণ্ডহস্তায সন্ধীকৃতশরায চ ।
দণ্ডিতাখিলদৈত্যায রামাযাপন্নিবারিণে
শ্লোক 2
আপন্নজনরক্ষৈকদীক্ষাযামিততেজসে ।
নমোঽস্তু বিষ্ণবে তুভ্যং রামাযাপন্নিবারিণে
॥ 1 ॥
শ্লোক 3
পদাম্ভোজরজস্স্পর্শপবিত্রমুনিযোষিতে ।
নমোঽস্তু সীতাপতযে রামাযাপন্নিবারিণে
॥ 2 ॥
শ্লোক 4
দানবেন্দ্রমহামত্তগজপঞ্চাস্যরূপিণে ।
নমোঽস্তু রঘুনাথায রামাযাপন্নিবারিণে
॥ 3 ॥
শ্লোক 5
মহিজাকুচসংলগ্নকুঙ্কুমারুণবক্ষসে ।
নমঃ কল্যাণরূপায রামাযাপন্নিবারিণে
॥ 4 ॥
শ্লোক 6
পদ্মসম্ভব ভূতেশ মুনিসংস্তুতকীর্তযে ।
নমো মার্তাণ্ডবংশ্যায রামাযাপন্নিবারিণে
॥ 5 ॥
শ্লোক 7
হরত্যার্তিং চ লোকানাং যো বা মধুনিষূদনঃ ।
নমোঽস্তু হরযে তুভ্যং রামাযাপন্নিবারিণে
॥ 6 ॥
শ্লোক 8
তাপকারণসংসারগজসিংহস্বরূপিণে ।
নমো বেদান্তবেদ্যায রামাযাপন্নিবারিণে
॥ 7 ॥
শ্লোক 9
রঙ্গত্তরঙ্গজলধিগর্বহৃচ্ছরধারিণে ।
নমঃ প্রতাপরূপায রামাযাপন্নিবারিণে
॥ 8 ॥
শ্লোক 10
দারোপহিতচন্দ্রাবতংসধ্যাতস্বমূর্তযে ।
নমঃ সত্যস্বরূপায রামাযাপন্নিবারিণে
॥ 9 ॥
শ্লোক 11
তারানাযকসঙ্কাশবদনায মহৌজসে ।
নমোঽস্তু তাটকাহন্ত্রে রামাযাপন্নিবারিণে
॥ 10 ॥
শ্লোক 12
রম্যসানুলসচ্চিত্রকূটাশ্রমবিহারিণে ।
নমঃ সৌমিত্রিসেব্যায রামাযাপন্নিবারিণে
॥ 11 ॥
শ্লোক 13
সর্বদেবহিতাসক্ত দশাননবিনাশিনে ।
নমোঽস্তু দুঃখধ্বংসায রামাযাপন্নিবারিণে
॥ 12 ॥
শ্লোক 14
রত্নসানুনিবাসৈক বন্দ্যপাদাম্বুজায চ ।
নমস্ত্রৈলোক্যনাথায রামাযাপন্নিবারিণে
॥ 13 ॥
শ্লোক 15
সংসারবন্ধমোক্ষৈকহেতুধামপ্রকাশিনে ।
নমঃ কলুষসংহর্ত্রে রামাযাপন্নিবারিণে
॥ 14 ॥
শ্লোক 16
পবনাশুগ সঙ্ক্ষিপ্ত মারীচাদি সুরারযে ।
নমো মখপরিত্রাত্রে রামাযাপন্নিবারিণে
॥ 15 ॥
শ্লোক 17
দাম্ভিকেতরভক্তৌঘমহদানন্দদাযিনে ।
নমঃ কমলনেত্রায রামাযাপন্নিবারিণে
॥ 16 ॥
শ্লোক 18
লোকত্রযোদ্বেগকর কুম্ভকর্ণশিরশ্ছিদে ।
নমো নীরদদেহায রামাযাপন্নিবারিণে
॥ 17 ॥
শ্লোক 19
কাকাসুরৈকনযনহরল্লীলাস্ত্রধারিণে ।
নমো ভক্তৈকবেদ্যায রামাযাপন্নিবারিণে
॥ 18 ॥
শ্লোক 20
ভিক্ষুরূপসমাক্রান্ত বলিসর্বৈকসম্পদে ।
নমো বামনরূপায রামাযাপন্নিবারিণে
॥ 19 ॥
শ্লোক 21
রাজীবনেত্রসুস্পন্দ রুচিরাঙ্গসুরোচিষে ।
নমঃ কৈবল্যনিধযে রামাযাপন্নিবারিণে
॥ 20 ॥
শ্লোক 22
মন্দমারুতসংবীত মন্দারদ্রুমবাসিনে ।
নমঃ পল্লবপাদায রামাযাপন্নিবারিণে
॥ 21 ॥
শ্লোক 23
শ্রীকণ্ঠচাপদলনধুরীণবলবাহবে ।
নমঃ সীতানুষক্তায রামাযাপন্নিবারিণে
॥ 22 ॥
শ্লোক 24
রাজরাজসুহৃদ্যোষার্চিত মঙ্গলমূর্তযে ।
নম ইক্ষ্বাকুবংশ্যায রামাযাপন্নিবারিণে
॥ 23 ॥
শ্লোক 25
মঞ্জুলাদর্শবিপ্রেক্ষণোত্সুকৈকবিলাসিনে ।
নমঃ পালিতভক্তায রামাযাপন্নিবারিণে
॥ 24 ॥
শ্লোক 26
ভূরিভূধর কোদণ্ডমূর্তি ধ্যেযস্বরূপিণে ।
নমোঽস্তু তেজোনিধযে রামাযাপন্নিবারিণে
॥ 25 ॥
শ্লোক 27
যোগীন্দ্রহৃত্সরোজাতমধুপায মহাত্মনে ।
নমো রাজাধিরাজায রামাযাপন্নিবারিণে
॥ 26 ॥
শ্লোক 28
ভূবরাহস্বরূপায নমো ভূরিপ্রদাযিনে ।
নমো হিরণ্যগর্ভায রামাযাপন্নিবারিণে
॥ 27 ॥
শ্লোক 29
যোষাঞ্জলিবিনির্মুক্ত লাজাঞ্চিতবপুষ্মতে ।
নমঃ সৌন্দর্যনিধযে রামাযাপন্নিবারিণে
॥ 28 ॥
শ্লোক 30
নখকোটিবিনির্ভিন্নদৈত্যাধিপতিবক্ষসে ।
নমো নৃসিংহরূপায রামাযাপন্নিবারিণে
॥ 29 ॥
শ্লোক 31
মাযামানুষদেহায বেদোদ্ধরণহেতবে ।
নমোঽস্তু মত্স্যরূপায রামাযাপন্নিবারিণে
॥ 30 ॥
শ্লোক 32
মিতিশূন্য মহাদিব্যমহিম্নে মানিতাত্মনে ।
নমো ব্রহ্মস্বরূপায রামাযাপন্নিবারিণে
॥ 31 ॥
শ্লোক 33
অহঙ্কারেতরজন স্বান্তসৌধবিহারিণে ।
নমোঽস্তু চিত্স্বরূপায রামাযাপন্নিবারিণে
॥ 32 ॥
শ্লোক 34
সীতালক্ষ্মণসংশোভিপার্শ্বায পরমাত্মনে ।
নমঃ পট্টাভিষিক্তায রামাযাপন্নিবারিণে
॥ 33 ॥
শ্লোক 35
অগ্রতঃ পৃষ্ঠতশ্চৈব পার্শ্বতশ্চ মহাবলৌ ।
আকর্ণপূর্ণধন্বানৌ রক্ষেতাং রামলক্ষ্মণৌ
॥ 34 ॥
শ্লোক 36
সন্নদ্ধঃ কবচী খড্গী চাপবাণধরো যুবা ।
তিষ্ঠন্মমাগ্রতো নিত্যং রামঃ পাতু সলক্ষ্মণঃ
॥ 35 ॥
শ্লোক 37
আপদামপহর্তারং দাতারং সর্বসম্পদাম্ ।
লোকাভিরামং শ্রীরামং ভূযো ভূযো নমাম্যহম্ ॥
ফলশ্রুতি
ইমং স্তবং ভগবতঃ পঠেদ্যঃ প্রীতমানসঃ ।
প্রভাতে বা প্রদোষে বা রামস্য পরমাত্মনঃ
॥ 36 ॥
শ্লোক 38
স তু তীর্ত্বা ভবাম্বোধিমাপদস্সকলানপি ।
রামসাযুজ্যমাপ্নোতি দেবদেবপ্রসাদতঃ
॥ 1 ॥
শ্লোক 39
কারাগৃহাদিবাধাসু সম্প্রাপ্তে বহুসঙ্কটে ।
আপন্নিবারকস্তোত্রং পঠেদ্যস্তু যথাবিধিঃ
॥ 2 ॥
শ্লোক 40
সংযোজ্যানুষ্টুভং মন্ত্রমনুশ্লোকং স্মরন্বিভুম্ ।
সপ্তাহাত্সর্ববাধাভ্যো মুচ্যতে নাত্র সংশযঃ
॥ 3 ॥
শ্লোক 41
দ্বাত্রিংশদ্বারজপতঃ প্রত্যহং তু দৃঢব্রতঃ ।
বৈশাখে ভানুমালোক্য প্রত্যহং শতসঙ্খ্যযা
॥ 4 ॥
শ্লোক 42
ধনবান্ ধনদপ্রখ্যস্স ভবেন্নাত্র সংশযঃ ।
বহুনাত্র কিমুক্তেন যং যং কামযতে নরঃ
॥ 5 ॥
শ্লোক 43
তং তং কামমবাপ্নোতি স্তোত্রেণানেন মানবঃ ।
যন্ত্রপূজাবিধানেন জপহোমাদিতর্পণৈঃ
॥ 6 ॥
শ্লোক 44
যস্তু কুর্বীত সহসা সর্বান্কামানবাপ্নুযাত্ ।
ইহ লোকে সুখী ভূত্বা পরে মুক্তো ভবিষ্যতি
॥ 7 ॥