శ్రీ నృసింహ మన్త్రరాజపాద స్తోత్రమ్

శ్రీ నృసింహ మన్త్రరాజపాద స్తోత్రమ్

శ్లోక 1

పార్వత్యువాచ ।

మన్త్రాణాం పరమం మన్త్రం గుహ్యానాం గుహ్యమేవ చ ।

బ్రూహి మే నారసింహస్య తత్త్వం మన్త్రస్య దుర్లభమ్ ॥

శఙ్కర ఉవాచ ।

వృత్తోత్ఫుల్లవిశాలాక్షం విపక్షక్షయదీక్షితమ్ ।

నినాదత్రస్తవిశ్వాణ్డం విష్ణుముగ్రం నమామ్యహమ్

శ్లోక 2

సర్వైరవధ్యతాం ప్రాప్తం సబలౌఘం దితేః సుతమ్ ।

నఖాగ్రైః శకలీచక్రే యస్తం వీరం నమామ్యహమ్

॥ 1 ॥

శ్లోక 3

పదావష్టబ్ధపాతాలం మూర్ధాఽఽవిష్టత్రివిష్టపమ్ ।

భుజప్రవిష్టాష్టదిశం మహావిష్ణుం నమామ్యహమ్

॥ 2 ॥

శ్లోక 4

జ్యోతీంష్యర్కేన్దునక్షత్రజ్వలనాదీన్యనుక్రమాత్ ।

జ్వలన్తి తేజసా యస్య తం జ్వలన్తం నమామ్యహమ్

॥ 3 ॥

శ్లోక 5

సర్వేన్ద్రియైరపి వినా సర్వం సర్వత్ర సర్వదా ।

యో జానాతి నమామ్యాద్యం తమహం సర్వతోముఖమ్

॥ 4 ॥

శ్లోక 6

నరవత్ సింహవచ్చైవ యస్య రూపం మహాత్మనః ।

మహాసటం మహాదంష్ట్రం తం నృసింహం నమామ్యహమ్

॥ 5 ॥

శ్లోక 7

యన్నామస్మరణాద్భీతాః భూతవేతాలరాక్షసాః ।

రోగాద్యాశ్చ ప్రణశ్యన్తి భీషణం తం నమామ్యహమ్

॥ 6 ॥

శ్లోక 8

సర్వేఽపి యం సమాశ్రిత్య సకలం భద్రమశ్నుతే ।

శ్రియా చ భద్రయా జుష్టో యస్తం భద్రం నమామ్యహమ్

॥ 7 ॥

శ్లోక 9

సాక్షాత్ స్వకాలే సమ్ప్రాప్తం మృత్యుం శత్రుగణాన్వితమ్ ।

భక్తానాం నాశయేద్యస్తు మృత్యుమృత్యుం నమామ్యహమ్

॥ 8 ॥

శ్లోక 10

నమస్కారాత్మకం యస్మై విధాయాత్మనివేదనమ్ ।

త్యక్తదుఃఖోఽఖిలాన్ కామానశ్నన్తం తం నమామ్యహమ్

॥ 9 ॥

శ్లోక 11

దాసభూతాః స్వతః సర్వే హ్యాత్మానః పరమాత్మనః ।

అతోఽహమపి తే దాసః ఇతి మత్వా నమామ్యహమ్

॥ 10 ॥

శ్లోక 12

శఙ్కరేణాదరాత్ ప్రోక్తం పదానాం తత్త్వముత్తమమ్ ।

త్రిసన్ధ్యం యః పఠేత్తస్య శ్రీవిద్యాఽఽయుశ్చ వర్ధతే

॥ 11 ॥

శ్లోక 13

ఇతి శ్రీశఙ్కరకృత శ్రీ నృసింహ మన్త్రరాజపద స్తోత్రమ్ ।