શ્રી નૃસિંહ મન્ત્રરાજપાદ સ્તોત્રમ્

શ્રી નૃસિંહ મન્ત્રરાજપાદ સ્તોત્રમ્

શ્લોક 1

પાર્વત્યુવાચ ।

મન્ત્રાણાં પરમં મન્ત્રં ગુહ્યાનાં ગુહ્યમેવ ચ ।

બ્રૂહિ મે નારસિંહસ્ય તત્ત્વં મન્ત્રસ્ય દુર્લભમ્ ॥

શઙ્કર ઉવાચ ।

વૃત્તોત્ફુલ્લવિશાલાક્ષં વિપક્ષક્ષયદીક્ષિતમ્ ।

નિનાદત્રસ્તવિશ્વાણ્ડં વિષ્ણુમુગ્રં નમામ્યહમ્

શ્લોક 2

સર્વૈરવધ્યતાં પ્રાપ્તં સબલૌઘં દિતેઃ સુતમ્ ।

નખાગ્રૈઃ શકલીચક્રે યસ્તં વીરં નમામ્યહમ્

॥ 1 ॥

શ્લોક 3

પદાવષ્ટબ્ધપાતાલં મૂર્ધાઽઽવિષ્ટત્રિવિષ્ટપમ્ ।

ભુજપ્રવિષ્ટાષ્ટદિશં મહાવિષ્ણું નમામ્યહમ્

॥ 2 ॥

શ્લોક 4

જ્યોતીંષ્યર્કેન્દુનક્ષત્રજ્વલનાદીન્યનુક્રમાત્ ।

જ્વલન્તિ તેજસા યસ્ય તં જ્વલન્તં નમામ્યહમ્

॥ 3 ॥

શ્લોક 5

સર્વેન્દ્રિયૈરપિ વિના સર્વં સર્વત્ર સર્વદા ।

યો જાનાતિ નમામ્યાદ્યં તમહં સર્વતોમુખમ્

॥ 4 ॥

શ્લોક 6

નરવત્ સિંહવચ્ચૈવ યસ્ય રૂપં મહાત્મનઃ ।

મહાસટં મહાદંષ્ટ્રં તં નૃસિંહં નમામ્યહમ્

॥ 5 ॥

શ્લોક 7

યન્નામસ્મરણાદ્ભીતાઃ ભૂતવેતાલરાક્ષસાઃ ।

રોગાદ્યાશ્ચ પ્રણશ્યન્તિ ભીષણં તં નમામ્યહમ્

॥ 6 ॥

શ્લોક 8

સર્વેઽપિ યં સમાશ્રિત્ય સકલં ભદ્રમશ્નુતે ।

શ્રિયા ચ ભદ્રયા જુષ્ટો યસ્તં ભદ્રં નમામ્યહમ્

॥ 7 ॥

શ્લોક 9

સાક્ષાત્ સ્વકાલે સમ્પ્રાપ્તં મૃત્યું શત્રુગણાન્વિતમ્ ।

ભક્તાનાં નાશયેદ્યસ્તુ મૃત્યુમૃત્યું નમામ્યહમ્

॥ 8 ॥

શ્લોક 10

નમસ્કારાત્મકં યસ્મૈ વિધાયાત્મનિવેદનમ્ ।

ત્યક્તદુઃખોઽખિલાન્ કામાનશ્નન્તં તં નમામ્યહમ્

॥ 9 ॥

શ્લોક 11

દાસભૂતાઃ સ્વતઃ સર્વે હ્યાત્માનઃ પરમાત્મનઃ ।

અતોઽહમપિ તે દાસઃ ઇતિ મત્વા નમામ્યહમ્

॥ 10 ॥

શ્લોક 12

શઙ્કરેણાદરાત્ પ્રોક્તં પદાનાં તત્ત્વમુત્તમમ્ ।

ત્રિસન્ધ્યં યઃ પઠેત્તસ્ય શ્રીવિદ્યાઽઽયુશ્ચ વર્ધતે

॥ 11 ॥

શ્લોક 13

ઇતિ શ્રીશઙ્કરકૃત શ્રી નૃસિંહ મન્ત્રરાજપદ સ્તોત્રમ્ ।