శ్రీ మీనాక్షీ స్తోత్రమ్

శ్రీ మీనాక్షీ స్తోత్రమ్

శ్లోక 1

శ్రీవిద్యే శివవామభాగనిలయే శ్రీరాజరాజార్చితే

శ్రీనాథాదిగురుస్వరూపవిభవే చిన్తామణీపీఠికే ।

శ్రీవాణీగిరిజానుతాఙ్ఘ్రికమలే శ్రీశామ్భవి శ్రీశివే

మధ్యాహ్నే మలయధ్వజాధిపసుతే మాం పాహి మీనామ్బికే

శ్లోక 2

చక్రస్థేఽచపలే చరాచరజగన్నాథే జగత్పూజితే

ఆర్తాలీవరదే నతాభయకరే వక్షోజభారాన్వితే ।

విద్యే వేదకలాపమౌలివిదితే విద్యుల్లతావిగ్రహే

మాతః పూర్ణసుధారసార్ద్రహృదయే మాం పాహి మీనామ్బికే

॥ 1 ॥

శ్లోక 3

కోటీరాఙ్గదరత్నకుణ్డలధరే కోదణ్డబాణాఞ్చితే

కోకాకారకుచద్వయోపరిలసత్ప్రాలమ్బహారాఞ్చితే ।

శిఞ్జన్నూపురపాదసారసమణీశ్రీపాదుకాలఙ్కృతే

మద్దారిద్ర్యభుజఙ్గగారుడఖగే మాం పాహి మీనామ్బికే

॥ 2 ॥

శ్లోక 4

బ్రహ్మేశాచ్యుతగీయమానచరితే ప్రేతాసనాన్తస్థితే

పాశోదఙ్కుశచాపబాణకలితే బాలేన్దుచూడాఞ్చితే ।

బాలే బాలకురఙ్గలోలనయనే బాలార్కకోట్యుజ్జ్వలే

ముద్రారాధితదైవతే మునిసుతే మాం పాహి మీనామ్బికే

॥ 3 ॥

శ్లోక 5

గన్ధర్వామరయక్షపన్నగనుతే గఙ్గాధరాలిఙ్గితే

గాయత్రీగరుడాసనే కమలజే సుశ్యామలే సుస్థితే ।

ఖాతీతే ఖలదారుపావకశిఖే ఖద్యోతకోట్యుజ్జ్వలే

మన్త్రారాధితదైవతే మునిసుతే మాం పాహీ మీనామ్బికే

॥ 4 ॥

శ్లోక 6

నాదే నారదతుమ్బురాద్యవినుతే నాదాన్తనాదాత్మికే

నిత్యే నీలలతాత్మికే నిరుపమే నీవారశూకోపమే ।

కాన్తే కామకలే కదమ్బనిలయే కామేశ్వరాఙ్కస్థితే

మద్విద్యే మదభీష్టకల్పలతికే మాం పాహి మీనామ్బికే

॥ 5 ॥

శ్లోక 7

వీణానాదనిమీలితార్ధనయనే విస్రస్తచూలీభరే

తామ్బూలారుణపల్లవాధరయుతే తాటఙ్కహారాన్వితే ।

శ్యామే చన్ద్రకలావతంసకలితే కస్తూరికాఫాలికే

పూర్ణే పూర్ణకలాభిరామవదనే మాం పాహి మీనామ్బికే

॥ 6 ॥

శ్లోక 8

శబ్దబ్రహ్మమయీ చరాచరమయీ జ్యోతిర్మయీ వాఙ్మయీ

నిత్యానన్దమయీ నిరఞ్జనమయీ తత్త్వమ్మయీ చిన్మయీ ।

తత్త్వాతీతమయీ పరాత్పరమయీ మాయామయీ శ్రీమయీ

సర్వైశ్వర్యమయీ సదాశివమయీ మాం పాహి మీనామ్బికే

॥ 7 ॥

శ్లోక 9

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ మీనాక్షీ స్తోత్రమ్ ।