শ্রী মীনাক্ষী স্তোত্রম্

শ্রী মীনাক্ষী স্তোত্রম্

শ্লোক 1

শ্রীবিদ্যে শিববামভাগনিলযে শ্রীরাজরাজার্চিতে

শ্রীনাথাদিগুরুস্বরূপবিভবে চিন্তামণীপীঠিকে ।

শ্রীবাণীগিরিজানুতাঙ্ঘ্রিকমলে শ্রীশাম্ভবি শ্রীশিবে

মধ্যাহ্নে মলযধ্বজাধিপসুতে মাং পাহি মীনাম্বিকে

শ্লোক 2

চক্রস্থেঽচপলে চরাচরজগন্নাথে জগত্পূজিতে

আর্তালীবরদে নতাভযকরে বক্ষোজভারান্বিতে ।

বিদ্যে বেদকলাপমৌলিবিদিতে বিদ্যুল্লতাবিগ্রহে

মাতঃ পূর্ণসুধারসার্দ্রহৃদযে মাং পাহি মীনাম্বিকে

॥ 1 ॥

শ্লোক 3

কোটীরাঙ্গদরত্নকুণ্ডলধরে কোদণ্ডবাণাঞ্চিতে

কোকাকারকুচদ্বযোপরিলসত্প্রালম্বহারাঞ্চিতে ।

শিঞ্জন্নূপুরপাদসারসমণীশ্রীপাদুকালঙ্কৃতে

মদ্দারিদ্র্যভুজঙ্গগারুডখগে মাং পাহি মীনাম্বিকে

॥ 2 ॥

শ্লোক 4

ব্রহ্মেশাচ্যুতগীযমানচরিতে প্রেতাসনান্তস্থিতে

পাশোদঙ্কুশচাপবাণকলিতে বালেন্দুচূডাঞ্চিতে ।

বালে বালকুরঙ্গলোলনযনে বালার্ককোট্যুজ্জ্বলে

মুদ্রারাধিতদৈবতে মুনিসুতে মাং পাহি মীনাম্বিকে

॥ 3 ॥

শ্লোক 5

গন্ধর্বামরযক্ষপন্নগনুতে গঙ্গাধরালিঙ্গিতে

গাযত্রীগরুডাসনে কমলজে সুশ্যামলে সুস্থিতে ।

খাতীতে খলদারুপাবকশিখে খদ্যোতকোট্যুজ্জ্বলে

মন্ত্রারাধিতদৈবতে মুনিসুতে মাং পাহী মীনাম্বিকে

॥ 4 ॥

শ্লোক 6

নাদে নারদতুম্বুরাদ্যবিনুতে নাদান্তনাদাত্মিকে

নিত্যে নীললতাত্মিকে নিরুপমে নীবারশূকোপমে ।

কান্তে কামকলে কদম্বনিলযে কামেশ্বরাঙ্কস্থিতে

মদ্বিদ্যে মদভীষ্টকল্পলতিকে মাং পাহি মীনাম্বিকে

॥ 5 ॥

শ্লোক 7

বীণানাদনিমীলিতার্ধনযনে বিস্রস্তচূলীভরে

তাম্বূলারুণপল্লবাধরযুতে তাটঙ্কহারান্বিতে ।

শ্যামে চন্দ্রকলাবতংসকলিতে কস্তূরিকাফালিকে

পূর্ণে পূর্ণকলাভিরামবদনে মাং পাহি মীনাম্বিকে

॥ 6 ॥

শ্লোক 8

শব্দব্রহ্মমযী চরাচরমযী জ্যোতির্মযী বাঙ্মযী

নিত্যানন্দমযী নিরঞ্জনমযী তত্ত্বম্মযী চিন্মযী ।

তত্ত্বাতীতমযী পরাত্পরমযী মাযামযী শ্রীমযী

সর্বৈশ্বর্যমযী সদাশিবমযী মাং পাহি মীনাম্বিকে

॥ 7 ॥

শ্লোক 9

ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ মীনাক্ষী স্তোত্রম্ ।