శ్రీ మేధా దక్షిణామూర్తి మన్త్రవర్ణపద స్తుతిః

శ్రీ మేధా దక్షిణామూర్తి మన్త్రవర్ణపద స్తుతిః

శ్లోక 1

ఓమిత్యేకాక్షరం బ్రహ్మ వ్యాహరన్తి త్రయశ్శిఖాః ।

తస్మైతారాత్మనే మేధాదక్షిణామూర్తయే నమః

శ్లోక 2

నత్వా యం మునయస్సర్వే పరంయాన్తి దురాసదమ్ ।

నకారరూపిణే మేధాదక్షిణామూర్తయే నమః

॥ 1 ॥

శ్లోక 3

మోహజాలవినిర్ముక్తో బ్రహ్మవిద్యాతి యత్పదమ్ ।

మోకారరూపిణే మేధాదక్షిణామూర్తయే నమః

॥ 2 ॥

శ్లోక 4

భవమాశ్రిత్యయం విద్వాన్ నభవోహ్యభవత్పరః ।

భకారరూపిణే మేధాదక్షిణామూర్తయే నమః

॥ 3 ॥

శ్లోక 5

గగనాకారవద్భాన్తమనుభాత్యఖిలం జగత్ ।

గకారరూపిణే మేధాదక్షిణామూర్తయే నమః

॥ 4 ॥

శ్లోక 6

వటమూలనివాసో యో లోకానాం ప్రభురవ్యయః ।

వకారరూపిణే మేధాదక్షిణామూర్తయే నమః

॥ 5 ॥

శ్లోక 7

తేజోభిర్యస్యసూర్యోఽసౌ కాలక్లృప్తికరో భవేత్ ।

తేకారరూపిణే మేధాదక్షిణామూర్తయే నమః

॥ 6 ॥

శ్లోక 8

దక్షత్రిపురసంహారే యః కాలవిషభఞ్జనే ।

దకారరూపిణే మేధాదక్షిణామూర్తయే నమః

॥ 7 ॥

శ్లోక 9

క్షిప్రం భవతి వాక్సిద్ధిర్యన్నామస్మరణాన్నృణామ్ ।

క్షికారరూపిణే మేధాదక్షిణామూర్తయే నమః

॥ 8 ॥

శ్లోక 10

ణాకారవాచ్యోయస్సుప్తం సన్దీపయతి మే మనః ।

ణాకారరూపిణే మేధాదక్షిణామూర్తయే నమః

॥ 9 ॥

శ్లోక 11

మూర్తయో హ్యష్టధాయస్య జగజ్జన్మాదికారణమ్ ।

మూకారరూపిణే మేధాదక్షిణామూర్తయే నమః

॥ 10 ॥

శ్లోక 12

తత్త్వం బ్రహ్మాసి పరమమితి యద్గురుబోధితః ।

సరేఫతాత్మనే మేధాదక్షిణామూర్తయే నమః

॥ 11 ॥

శ్లోక 13

యేయం విదిత్వా బ్రహ్మాద్యా ఋషయో యాన్తి నిర్వృతిమ్ ।

యేకారరూపిణే మేధాదక్షిణామూర్తయే నమః

॥ 12 ॥

శ్లోక 14

మహతాం దేవమిత్యాహుర్నిగమాగమయోశ్శివః ।

మకారరూపిణే మేధాదక్షిణామూర్తయే నమః

॥ 13 ॥

శ్లోక 15

సర్వస్యజగతో హ్యన్తర్బహిర్యో వ్యాప్యసంస్థితః ।

హ్యకారరూపిణే మేధాదక్షిణామూర్తయే నమః

॥ 14 ॥

శ్లోక 16

త్వమేవ జగతస్సాక్షీ సృష్టిస్థిత్యన్తకారణమ్ ।

మేకారరూపిణే మేధాదక్షిణామూర్తయే నమః

॥ 15 ॥

శ్లోక 17

ధామేతి ధాతృసృష్టేర్యత్కారణం కార్యముచ్యతే ।

ధాఙ్కారరూపిణే మేధాదక్షిణామూర్తయే నమః

॥ 16 ॥

శ్లోక 18

ప్రకృతేర్యత్పరం ధ్యాత్వా తాదాత్మ్యం యాతి వై మునిః ।

ప్రకారరూపిణే మేధాదక్షిణామూర్తయే నమః

॥ 17 ॥

శ్లోక 19

జ్ఞానినోయముపాస్యన్తి తత్త్వాతీతం చిదాత్మకమ్ ।

జ్ఞాకారరూపిణే మేధాదక్షిణామూర్తయే నమః

॥ 18 ॥

శ్లోక 20

ప్రజ్ఞా సఞ్జాయతే యస్య ధ్యాననామార్చనాదిభిః ।

ప్రకారరూపిణే మేధాదక్షిణామూర్తయే నమః

॥ 19 ॥

శ్లోక 21

యస్య స్మరణమాత్రేణ నరోముక్తస్సబన్ధనాత్ । [ సరోముక్త ]

యకారరూపిణే మేధాదక్షిణామూర్తయే నమః

॥ 20 ॥

శ్లోక 22

ఛవేర్యన్నేన్ద్రియాణ్యాపుర్విషయేష్విహ జాడ్యతామ్ ।

ఛకారరూపిణే మేధాదక్షిణామూర్తయే నమః

॥ 21 ॥

శ్లోక 23

స్వాన్తేవిదాం జడానాం యో దూరేతిష్ఠతి చిన్మయః ।

స్వాకారరూపిణే మేధాదక్షిణామూర్తయే నమః

॥ 22 ॥

శ్లోక 24

హారప్రాయఫణీన్ద్రాయ సర్వవిద్యాప్రదాయినే ।

హాకారరూపిణే మేధాదక్షిణామూర్తయే నమః

॥ 23 ॥

శ్లోక 25

ఇతి శ్రీ మేధాదక్షిణామూర్తి మన్త్రవర్ణపద స్తుతిః ॥