శ్రీ మనసా దేవీ స్తోత్రమ్ (మహేన్ద్ర కృతమ్)

శ్రీ మనసా దేవీ స్తోత్రమ్ (మహేన్ద్ర కృతమ్)

శ్లోక 1

దేవి త్వాం స్తోతుమిచ్ఛామి సాధ్వీనాం ప్రవరాం పరామ్ ।

పరాత్పరాం చ పరమాం న హి స్తోతుం క్షమోఽధునా

శ్లోక 2

స్తోత్రాణాం లక్షణం వేదే స్వభావాఖ్యానతః పరమ్ ।

న క్షమః ప్రకృతిం వక్తుం గుణానాం తవ సువ్రతే

॥ 1 ॥

శ్లోక 3

శుద్ధసత్త్వస్వరూపా త్వం కోపహింసావివర్జితా ।

న చ శప్తో మునిస్తేన త్యక్తయా చ త్వయా యతః

॥ 2 ॥

శ్లోక 4

త్వం మయా పూజితా సాధ్వీ జననీ చ యథాఽదితిః ।

దయారూపా చ భగినీ క్షమారూపా యథా ప్రసూః

॥ 3 ॥

శ్లోక 5

త్వయా మే రక్షితాః ప్రాణా పుత్రదారాః సురేశ్వరి ।

అహం కరోమి త్వాం పూజ్యాం మమ ప్రీతిశ్చ వర్ధతే

॥ 4 ॥

శ్లోక 6

నిత్యం యద్యపి పూజ్యా త్వం భవేఽత్ర జగదమ్బికే ।

తథాపి తవ పూజాం వై వర్ధయామి పునః పునః

॥ 5 ॥

శ్లోక 7

యే త్వామాషాఢసఙ్క్రాన్త్యాం పూజయిష్యన్తి భక్తితః ।

పఞ్చమ్యాం మనసాఖ్యాయాం మాసాన్తే వా దినే దినే

॥ 6 ॥

శ్లోక 8

పుత్రపౌత్రాదయస్తేషాం వర్ధన్తే చ ధనాని చ ।

యశస్వినః కీర్తిమన్తో విద్యావన్తో గుణాన్వితాః

॥ 7 ॥

శ్లోక 9

యే త్వాం న పూజయిష్యన్తి నిన్దన్త్యజ్ఞానతో జనాః ।

లక్ష్మీహీనా భవిష్యన్తి తేషాం నాగభయం సదా

॥ 8 ॥

శ్లోక 10

త్వం స్వర్గలక్ష్మీః స్వర్గే చ వైకుణ్ఠే కమలాకలా ।

నారాయణాంశో భగవాన్ జరత్కారుర్మునీశ్వరః

॥ 9 ॥

శ్లోక 11

తపసా తేజసా త్వాం చ మనసా ససృజే పితా ।

అస్మాకం రక్షణాయైవ తేన త్వం మనసాభిధా

॥ 10 ॥

శ్లోక 12

మనసా దేవి తు శక్తా చాత్మనా సిద్ధయోగినీ ।

తేన త్వం మనసాదేవీ పూజితా వన్దితా భవే

॥ 11 ॥

శ్లోక 13

యాం భక్త్యా మనసా దేవాః పూజయన్త్యనిశం భృశమ్ ।

తేన త్వాం మనసాదేవీం ప్రవదన్తి పురావిదః

॥ 12 ॥

శ్లోక 14

సత్త్వరూపా చ దేవీ త్వం శశ్వత్సత్త్వనిషేవయా ।

యో హి యద్భావయేన్నిత్యం శతం ప్రాప్నోతి తత్సమమ్

॥ 13 ॥

శ్లోక 15

ఇదం స్తోత్రం పుణ్యబీజం తాం సమ్పూజ్య చ యః పఠేత్ ।

తస్య నాగభయం నాస్తి తస్య వంశోద్భవస్య చ

॥ 14 ॥

శ్లోక 16

విషం భవేత్సుధాతుల్యం సిద్ధస్తోత్రం యదా పఠేత్ ।

పఞ్చలక్షజపేనైవ సిద్ధస్తోత్రో భవేన్నరః ।

సర్పశాయీ భవేత్సోఽపి నిశ్చితం సర్పవాహనః

॥ 15 ॥

శ్లోక 17

ఇతి శ్రీబ్రహ్మవైవర్తే మహాపురాణే ప్రకృతిఖణ్డే షట్చత్వారింశోఽధ్యాయే మహేన్ద్ర కృత శ్రీ మనసాదేవీ స్తోత్రమ్ ॥

ఆస్తీకముని మన్త్రః

సర్పాపసర్ప భద్రం తే గచ్ఛ సర్ప మహావిష ।

జనమేజయస్య యజ్ఞాన్తే ఆస్తీకవచనం స్మర ॥