ശ്രീ മനസാ ദേവീ സ്തോത്രമ് (മഹേന്ദ്ര കൃതമ്)

ശ്രീ മനസാ ദേവീ സ്തോത്രമ് (മഹേന്ദ്ര കൃതമ്)

ശ്ലോക 1

ദേവി ത്വാം സ്തോതുമിച്ഛാമി സാധ്വീനാം പ്രവരാം പരാമ് ।

പരാത്പരാം ച പരമാം ന ഹി സ്തോതും ക്ഷമോഽധുനാ

ശ്ലോക 2

സ്തോത്രാണാം ലക്ഷണം വേദേ സ്വഭാവാഖ്യാനതഃ പരമ് ।

ന ക്ഷമഃ പ്രകൃതിം വക്തും ഗുണാനാം തവ സുവ്രതേ

॥ 1 ॥

ശ്ലോക 3

ശുദ്ധസത്ത്വസ്വരൂപാ ത്വം കോപഹിംസാവിവര്ജിതാ ।

ന ച ശപ്തോ മുനിസ്തേന ത്യക്തയാ ച ത്വയാ യതഃ

॥ 2 ॥

ശ്ലോക 4

ത്വം മയാ പൂജിതാ സാധ്വീ ജനനീ ച യഥാഽദിതിഃ ।

ദയാരൂപാ ച ഭഗിനീ ക്ഷമാരൂപാ യഥാ പ്രസൂഃ

॥ 3 ॥

ശ്ലോക 5

ത്വയാ മേ രക്ഷിതാഃ പ്രാണാ പുത്രദാരാഃ സുരേശ്വരി ।

അഹം കരോമി ത്വാം പൂജ്യാം മമ പ്രീതിശ്ച വര്ധതേ

॥ 4 ॥

ശ്ലോക 6

നിത്യം യദ്യപി പൂജ്യാ ത്വം ഭവേഽത്ര ജഗദമ്ബികേ ।

തഥാപി തവ പൂജാം വൈ വര്ധയാമി പുനഃ പുനഃ

॥ 5 ॥

ശ്ലോക 7

യേ ത്വാമാഷാഢസങ്ക്രാന്ത്യാം പൂജയിഷ്യന്തി ഭക്തിതഃ ।

പഞ്ചമ്യാം മനസാഖ്യായാം മാസാന്തേ വാ ദിനേ ദിനേ

॥ 6 ॥

ശ്ലോക 8

പുത്രപൌത്രാദയസ്തേഷാം വര്ധന്തേ ച ധനാനി ച ।

യശസ്വിനഃ കീര്തിമന്തോ വിദ്യാവന്തോ ഗുണാന്വിതാഃ

॥ 7 ॥

ശ്ലോക 9

യേ ത്വാം ന പൂജയിഷ്യന്തി നിന്ദന്ത്യജ്ഞാനതോ ജനാഃ ।

ലക്ഷ്മീഹീനാ ഭവിഷ്യന്തി തേഷാം നാഗഭയം സദാ

॥ 8 ॥

ശ്ലോക 10

ത്വം സ്വര്ഗലക്ഷ്മീഃ സ്വര്ഗേ ച വൈകുണ്ഠേ കമലാകലാ ।

നാരായണാംശോ ഭഗവാന് ജരത്കാരുര്മുനീശ്വരഃ

॥ 9 ॥

ശ്ലോക 11

തപസാ തേജസാ ത്വാം ച മനസാ സസൃജേ പിതാ ।

അസ്മാകം രക്ഷണായൈവ തേന ത്വം മനസാഭിധാ

॥ 10 ॥

ശ്ലോക 12

മനസാ ദേവി തു ശക്താ ചാത്മനാ സിദ്ധയോഗിനീ ।

തേന ത്വം മനസാദേവീ പൂജിതാ വന്ദിതാ ഭവേ

॥ 11 ॥

ശ്ലോക 13

യാം ഭക്ത്യാ മനസാ ദേവാഃ പൂജയന്ത്യനിശം ഭൃശമ് ।

തേന ത്വാം മനസാദേവീം പ്രവദന്തി പുരാവിദഃ

॥ 12 ॥

ശ്ലോക 14

സത്ത്വരൂപാ ച ദേവീ ത്വം ശശ്വത്സത്ത്വനിഷേവയാ ।

യോ ഹി യദ്ഭാവയേന്നിത്യം ശതം പ്രാപ്നോതി തത്സമമ്

॥ 13 ॥

ശ്ലോക 15

ഇദം സ്തോത്രം പുണ്യബീജം താം സമ്പൂജ്യ ച യഃ പഠേത് ।

തസ്യ നാഗഭയം നാസ്തി തസ്യ വംശോദ്ഭവസ്യ ച

॥ 14 ॥

ശ്ലോക 16

വിഷം ഭവേത്സുധാതുല്യം സിദ്ധസ്തോത്രം യദാ പഠേത് ।

പഞ്ചലക്ഷജപേനൈവ സിദ്ധസ്തോത്രോ ഭവേന്നരഃ ।

സര്പശായീ ഭവേത്സോഽപി നിശ്ചിതം സര്പവാഹനഃ

॥ 15 ॥

ശ്ലോക 17

ഇതി ശ്രീബ്രഹ്മവൈവര്തേ മഹാപുരാണേ പ്രകൃതിഖണ്ഡേ ഷട്ചത്വാരിംശോഽധ്യായേ മഹേന്ദ്ര കൃത ശ്രീ മനസാദേവീ സ്തോത്രമ് ॥

ആസ്തീകമുനി മന്ത്രഃ

സര്പാപസര്പ ഭദ്രം തേ ഗച്ഛ സര്പ മഹാവിഷ ।

ജനമേജയസ്യ യജ്ഞാന്തേ ആസ്തീകവചനം സ്മര ॥