ಶ್ರೀ ಮನಸಾ ದೇವೀ ಸ್ತೋತ್ರಮ್ (ಮಹೇನ್ದ್ರ ಕೃತಮ್)

ಶ್ರೀ ಮನಸಾ ದೇವೀ ಸ್ತೋತ್ರಮ್ (ಮಹೇನ್ದ್ರ ಕೃತಮ್)

ಶ್ಲೋಕ 1

ದೇವಿ ತ್ವಾಂ ಸ್ತೋತುಮಿಚ್ಛಾಮಿ ಸಾಧ್ವೀನಾಂ ಪ್ರವರಾಂ ಪರಾಮ್ ।

ಪರಾತ್ಪರಾಂ ಚ ಪರಮಾಂ ನ ಹಿ ಸ್ತೋತುಂ ಕ್ಷಮೋಽಧುನಾ

ಶ್ಲೋಕ 2

ಸ್ತೋತ್ರಾಣಾಂ ಲಕ್ಷಣಂ ವೇದೇ ಸ್ವಭಾವಾಖ್ಯಾನತಃ ಪರಮ್ ।

ನ ಕ್ಷಮಃ ಪ್ರಕೃತಿಂ ವಕ್ತುಂ ಗುಣಾನಾಂ ತವ ಸುವ್ರತೇ

॥ 1 ॥

ಶ್ಲೋಕ 3

ಶುದ್ಧಸತ್ತ್ವಸ್ವರೂಪಾ ತ್ವಂ ಕೋಪಹಿಂಸಾವಿವರ್ಜಿತಾ ।

ನ ಚ ಶಪ್ತೋ ಮುನಿಸ್ತೇನ ತ್ಯಕ್ತಯಾ ಚ ತ್ವಯಾ ಯತಃ

॥ 2 ॥

ಶ್ಲೋಕ 4

ತ್ವಂ ಮಯಾ ಪೂಜಿತಾ ಸಾಧ್ವೀ ಜನನೀ ಚ ಯಥಾಽದಿತಿಃ ।

ದಯಾರೂಪಾ ಚ ಭಗಿನೀ ಕ್ಷಮಾರೂಪಾ ಯಥಾ ಪ್ರಸೂಃ

॥ 3 ॥

ಶ್ಲೋಕ 5

ತ್ವಯಾ ಮೇ ರಕ್ಷಿತಾಃ ಪ್ರಾಣಾ ಪುತ್ರದಾರಾಃ ಸುರೇಶ್ವರಿ ।

ಅಹಂ ಕರೋಮಿ ತ್ವಾಂ ಪೂಜ್ಯಾಂ ಮಮ ಪ್ರೀತಿಶ್ಚ ವರ್ಧತೇ

॥ 4 ॥

ಶ್ಲೋಕ 6

ನಿತ್ಯಂ ಯದ್ಯಪಿ ಪೂಜ್ಯಾ ತ್ವಂ ಭವೇಽತ್ರ ಜಗದಮ್ಬಿಕೇ ।

ತಥಾಪಿ ತವ ಪೂಜಾಂ ವೈ ವರ್ಧಯಾಮಿ ಪುನಃ ಪುನಃ

॥ 5 ॥

ಶ್ಲೋಕ 7

ಯೇ ತ್ವಾಮಾಷಾಢಸಙ್ಕ್ರಾನ್ತ್ಯಾಂ ಪೂಜಯಿಷ್ಯನ್ತಿ ಭಕ್ತಿತಃ ।

ಪಞ್ಚಮ್ಯಾಂ ಮನಸಾಖ್ಯಾಯಾಂ ಮಾಸಾನ್ತೇ ವಾ ದಿನೇ ದಿನೇ

॥ 6 ॥

ಶ್ಲೋಕ 8

ಪುತ್ರಪೌತ್ರಾದಯಸ್ತೇಷಾಂ ವರ್ಧನ್ತೇ ಚ ಧನಾನಿ ಚ ।

ಯಶಸ್ವಿನಃ ಕೀರ್ತಿಮನ್ತೋ ವಿದ್ಯಾವನ್ತೋ ಗುಣಾನ್ವಿತಾಃ

॥ 7 ॥

ಶ್ಲೋಕ 9

ಯೇ ತ್ವಾಂ ನ ಪೂಜಯಿಷ್ಯನ್ತಿ ನಿನ್ದನ್ತ್ಯಜ್ಞಾನತೋ ಜನಾಃ ।

ಲಕ್ಷ್ಮೀಹೀನಾ ಭವಿಷ್ಯನ್ತಿ ತೇಷಾಂ ನಾಗಭಯಂ ಸದಾ

॥ 8 ॥

ಶ್ಲೋಕ 10

ತ್ವಂ ಸ್ವರ್ಗಲಕ್ಷ್ಮೀಃ ಸ್ವರ್ಗೇ ಚ ವೈಕುಣ್ಠೇ ಕಮಲಾಕಲಾ ।

ನಾರಾಯಣಾಂಶೋ ಭಗವಾನ್ ಜರತ್ಕಾರುರ್ಮುನೀಶ್ವರಃ

॥ 9 ॥

ಶ್ಲೋಕ 11

ತಪಸಾ ತೇಜಸಾ ತ್ವಾಂ ಚ ಮನಸಾ ಸಸೃಜೇ ಪಿತಾ ।

ಅಸ್ಮಾಕಂ ರಕ್ಷಣಾಯೈವ ತೇನ ತ್ವಂ ಮನಸಾಭಿಧಾ

॥ 10 ॥

ಶ್ಲೋಕ 12

ಮನಸಾ ದೇವಿ ತು ಶಕ್ತಾ ಚಾತ್ಮನಾ ಸಿದ್ಧಯೋಗಿನೀ ।

ತೇನ ತ್ವಂ ಮನಸಾದೇವೀ ಪೂಜಿತಾ ವನ್ದಿತಾ ಭವೇ

॥ 11 ॥

ಶ್ಲೋಕ 13

ಯಾಂ ಭಕ್ತ್ಯಾ ಮನಸಾ ದೇವಾಃ ಪೂಜಯನ್ತ್ಯನಿಶಂ ಭೃಶಮ್ ।

ತೇನ ತ್ವಾಂ ಮನಸಾದೇವೀಂ ಪ್ರವದನ್ತಿ ಪುರಾವಿದಃ

॥ 12 ॥

ಶ್ಲೋಕ 14

ಸತ್ತ್ವರೂಪಾ ಚ ದೇವೀ ತ್ವಂ ಶಶ್ವತ್ಸತ್ತ್ವನಿಷೇವಯಾ ।

ಯೋ ಹಿ ಯದ್ಭಾವಯೇನ್ನಿತ್ಯಂ ಶತಂ ಪ್ರಾಪ್ನೋತಿ ತತ್ಸಮಮ್

॥ 13 ॥

ಶ್ಲೋಕ 15

ಇದಂ ಸ್ತೋತ್ರಂ ಪುಣ್ಯಬೀಜಂ ತಾಂ ಸಮ್ಪೂಜ್ಯ ಚ ಯಃ ಪಠೇತ್ ।

ತಸ್ಯ ನಾಗಭಯಂ ನಾಸ್ತಿ ತಸ್ಯ ವಂಶೋದ್ಭವಸ್ಯ ಚ

॥ 14 ॥

ಶ್ಲೋಕ 16

ವಿಷಂ ಭವೇತ್ಸುಧಾತುಲ್ಯಂ ಸಿದ್ಧಸ್ತೋತ್ರಂ ಯದಾ ಪಠೇತ್ ।

ಪಞ್ಚಲಕ್ಷಜಪೇನೈವ ಸಿದ್ಧಸ್ತೋತ್ರೋ ಭವೇನ್ನರಃ ।

ಸರ್ಪಶಾಯೀ ಭವೇತ್ಸೋಽಪಿ ನಿಶ್ಚಿತಂ ಸರ್ಪವಾಹನಃ

॥ 15 ॥

ಶ್ಲೋಕ 17

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಪ್ರಕೃತಿಖಣ್ಡೇ ಷಟ್ಚತ್ವಾರಿಂಶೋಽಧ್ಯಾಯೇ ಮಹೇನ್ದ್ರ ಕೃತ ಶ್ರೀ ಮನಸಾದೇವೀ ಸ್ತೋತ್ರಮ್ ॥

ಆಸ್ತೀಕಮುನಿ ಮನ್ತ್ರಃ

ಸರ್ಪಾಪಸರ್ಪ ಭದ್ರಂ ತೇ ಗಚ್ಛ ಸರ್ಪ ಮಹಾವಿಷ ।

ಜನಮೇಜಯಸ್ಯ ಯಜ್ಞಾನ್ತೇ ಆಸ್ತೀಕವಚನಂ ಸ್ಮರ ॥