શ્રી મનસા દેવી સ્તોત્રમ્ (મહેન્દ્ર કૃતમ્)

શ્રી મનસા દેવી સ્તોત્રમ્ (મહેન્દ્ર કૃતમ્)

શ્લોક 1

દેવિ ત્વાં સ્તોતુમિચ્છામિ સાધ્વીનાં પ્રવરાં પરામ્ ।

પરાત્પરાં ચ પરમાં ન હિ સ્તોતું ક્ષમોઽધુના

શ્લોક 2

સ્તોત્રાણાં લક્ષણં વેદે સ્વભાવાખ્યાનતઃ પરમ્ ।

ન ક્ષમઃ પ્રકૃતિં વક્તું ગુણાનાં તવ સુવ્રતે

॥ 1 ॥

શ્લોક 3

શુદ્ધસત્ત્વસ્વરૂપા ત્વં કોપહિંસાવિવર્જિતા ।

ન ચ શપ્તો મુનિસ્તેન ત્યક્તયા ચ ત્વયા યતઃ

॥ 2 ॥

શ્લોક 4

ત્વં મયા પૂજિતા સાધ્વી જનની ચ યથાઽદિતિઃ ।

દયારૂપા ચ ભગિની ક્ષમારૂપા યથા પ્રસૂઃ

॥ 3 ॥

શ્લોક 5

ત્વયા મે રક્ષિતાઃ પ્રાણા પુત્રદારાઃ સુરેશ્વરિ ।

અહં કરોમિ ત્વાં પૂજ્યાં મમ પ્રીતિશ્ચ વર્ધતે

॥ 4 ॥

શ્લોક 6

નિત્યં યદ્યપિ પૂજ્યા ત્વં ભવેઽત્ર જગદમ્બિકે ।

તથાપિ તવ પૂજાં વૈ વર્ધયામિ પુનઃ પુનઃ

॥ 5 ॥

શ્લોક 7

યે ત્વામાષાઢસઙ્ક્રાન્ત્યાં પૂજયિષ્યન્તિ ભક્તિતઃ ।

પઞ્ચમ્યાં મનસાખ્યાયાં માસાન્તે વા દિને દિને

॥ 6 ॥

શ્લોક 8

પુત્રપૌત્રાદયસ્તેષાં વર્ધન્તે ચ ધનાનિ ચ ।

યશસ્વિનઃ કીર્તિમન્તો વિદ્યાવન્તો ગુણાન્વિતાઃ

॥ 7 ॥

શ્લોક 9

યે ત્વાં ન પૂજયિષ્યન્તિ નિન્દન્ત્યજ્ઞાનતો જનાઃ ।

લક્ષ્મીહીના ભવિષ્યન્તિ તેષાં નાગભયં સદા

॥ 8 ॥

શ્લોક 10

ત્વં સ્વર્ગલક્ષ્મીઃ સ્વર્ગે ચ વૈકુણ્ઠે કમલાકલા ।

નારાયણાંશો ભગવાન્ જરત્કારુર્મુનીશ્વરઃ

॥ 9 ॥

શ્લોક 11

તપસા તેજસા ત્વાં ચ મનસા સસૃજે પિતા ।

અસ્માકં રક્ષણાયૈવ તેન ત્વં મનસાભિધા

॥ 10 ॥

શ્લોક 12

મનસા દેવિ તુ શક્તા ચાત્મના સિદ્ધયોગિની ।

તેન ત્વં મનસાદેવી પૂજિતા વન્દિતા ભવે

॥ 11 ॥

શ્લોક 13

યાં ભક્ત્યા મનસા દેવાઃ પૂજયન્ત્યનિશં ભૃશમ્ ।

તેન ત્વાં મનસાદેવીં પ્રવદન્તિ પુરાવિદઃ

॥ 12 ॥

શ્લોક 14

સત્ત્વરૂપા ચ દેવી ત્વં શશ્વત્સત્ત્વનિષેવયા ।

યો હિ યદ્ભાવયેન્નિત્યં શતં પ્રાપ્નોતિ તત્સમમ્

॥ 13 ॥

શ્લોક 15

ઇદં સ્તોત્રં પુણ્યબીજં તાં સમ્પૂજ્ય ચ યઃ પઠેત્ ।

તસ્ય નાગભયં નાસ્તિ તસ્ય વંશોદ્ભવસ્ય ચ

॥ 14 ॥

શ્લોક 16

વિષં ભવેત્સુધાતુલ્યં સિદ્ધસ્તોત્રં યદા પઠેત્ ।

પઞ્ચલક્ષજપેનૈવ સિદ્ધસ્તોત્રો ભવેન્નરઃ ।

સર્પશાયી ભવેત્સોઽપિ નિશ્ચિતં સર્પવાહનઃ

॥ 15 ॥

શ્લોક 17

ઇતિ શ્રીબ્રહ્મવૈવર્તે મહાપુરાણે પ્રકૃતિખણ્ડે ષટ્ચત્વારિંશોઽધ્યાયે મહેન્દ્ર કૃત શ્રી મનસાદેવી સ્તોત્રમ્ ॥

આસ્તીકમુનિ મન્ત્રઃ

સર્પાપસર્પ ભદ્રં તે ગચ્છ સર્પ મહાવિષ ।

જનમેજયસ્ય યજ્ઞાન્તે આસ્તીકવચનં સ્મર ॥