শ্রী মনসা দেবী স্তোত্রম্ (মহেন্দ্র কৃতম্)

শ্রী মনসা দেবী স্তোত্রম্ (মহেন্দ্র কৃতম্)

শ্লোক 1

দেবি ত্বাং স্তোতুমিচ্ছামি সাধ্বীনাং প্রবরাং পরাম্ ।

পরাত্পরাং চ পরমাং ন হি স্তোতুং ক্ষমোঽধুনা

শ্লোক 2

স্তোত্রাণাং লক্ষণং বেদে স্বভাবাখ্যানতঃ পরম্ ।

ন ক্ষমঃ প্রকৃতিং বক্তুং গুণানাং তব সুব্রতে

॥ 1 ॥

শ্লোক 3

শুদ্ধসত্ত্বস্বরূপা ত্বং কোপহিংসাবিবর্জিতা ।

ন চ শপ্তো মুনিস্তেন ত্যক্তযা চ ত্বযা যতঃ

॥ 2 ॥

শ্লোক 4

ত্বং মযা পূজিতা সাধ্বী জননী চ যথাঽদিতিঃ ।

দযারূপা চ ভগিনী ক্ষমারূপা যথা প্রসূঃ

॥ 3 ॥

শ্লোক 5

ত্বযা মে রক্ষিতাঃ প্রাণা পুত্রদারাঃ সুরেশ্বরি ।

অহং করোমি ত্বাং পূজ্যাং মম প্রীতিশ্চ বর্ধতে

॥ 4 ॥

শ্লোক 6

নিত্যং যদ্যপি পূজ্যা ত্বং ভবেঽত্র জগদম্বিকে ।

তথাপি তব পূজাং বৈ বর্ধযামি পুনঃ পুনঃ

॥ 5 ॥

শ্লোক 7

যে ত্বামাষাঢসঙ্ক্রান্ত্যাং পূজযিষ্যন্তি ভক্তিতঃ ।

পঞ্চম্যাং মনসাখ্যাযাং মাসান্তে বা দিনে দিনে

॥ 6 ॥

শ্লোক 8

পুত্রপৌত্রাদযস্তেষাং বর্ধন্তে চ ধনানি চ ।

যশস্বিনঃ কীর্তিমন্তো বিদ্যাবন্তো গুণান্বিতাঃ

॥ 7 ॥

শ্লোক 9

যে ত্বাং ন পূজযিষ্যন্তি নিন্দন্ত্যজ্ঞানতো জনাঃ ।

লক্ষ্মীহীনা ভবিষ্যন্তি তেষাং নাগভযং সদা

॥ 8 ॥

শ্লোক 10

ত্বং স্বর্গলক্ষ্মীঃ স্বর্গে চ বৈকুণ্ঠে কমলাকলা ।

নারাযণাংশো ভগবান্ জরত্কারুর্মুনীশ্বরঃ

॥ 9 ॥

শ্লোক 11

তপসা তেজসা ত্বাং চ মনসা সসৃজে পিতা ।

অস্মাকং রক্ষণাযৈব তেন ত্বং মনসাভিধা

॥ 10 ॥

শ্লোক 12

মনসা দেবি তু শক্তা চাত্মনা সিদ্ধযোগিনী ।

তেন ত্বং মনসাদেবী পূজিতা বন্দিতা ভবে

॥ 11 ॥

শ্লোক 13

যাং ভক্ত্যা মনসা দেবাঃ পূজযন্ত্যনিশং ভৃশম্ ।

তেন ত্বাং মনসাদেবীং প্রবদন্তি পুরাবিদঃ

॥ 12 ॥

শ্লোক 14

সত্ত্বরূপা চ দেবী ত্বং শশ্বত্সত্ত্বনিষেবযা ।

যো হি যদ্ভাবযেন্নিত্যং শতং প্রাপ্নোতি তত্সমম্

॥ 13 ॥

শ্লোক 15

ইদং স্তোত্রং পুণ্যবীজং তাং সম্পূজ্য চ যঃ পঠেত্ ।

তস্য নাগভযং নাস্তি তস্য বংশোদ্ভবস্য চ

॥ 14 ॥

শ্লোক 16

বিষং ভবেত্সুধাতুল্যং সিদ্ধস্তোত্রং যদা পঠেত্ ।

পঞ্চলক্ষজপেনৈব সিদ্ধস্তোত্রো ভবেন্নরঃ ।

সর্পশাযী ভবেত্সোঽপি নিশ্চিতং সর্পবাহনঃ

॥ 15 ॥

শ্লোক 17

ইতি শ্রীব্রহ্মবৈবর্তে মহাপুরাণে প্রকৃতিখণ্ডে ষট্চত্বারিংশোঽধ্যাযে মহেন্দ্র কৃত শ্রী মনসাদেবী স্তোত্রম্ ॥

আস্তীকমুনি মন্ত্রঃ

সর্পাপসর্প ভদ্রং তে গচ্ছ সর্প মহাবিষ ।

জনমেজযস্য যজ্ঞান্তে আস্তীকবচনং স্মর ॥