శ్రీ మధ్వాచార్య కృత ద్వాదశ స్తోత్ర - తృతీయస్తోత్రమ్

శ్రీ మధ్వాచార్య కృత ద్వాదశ స్తోత్ర - తృతీయస్తోత్రమ్

శ్లోక 1

అథ తృతీయస్తోత్రమ్

కురు భుఙ్క్ష్వ చ కర్మ నిజం నియతం హరిపాదవినమ్రధియా సతతమ్ ।

హరిరేవ పరో హరిరేవ గురుః హరిరేవ జగత్పితృమాతృగతిః

శ్లోక 2

న తతోఽస్త్యపరం జగదీడ్యతమం (జగతీడ్యతమం) పరమాత్పరతః పురుషోత్తమతః ।

తదలం బహులోకవిచిన్తనయా ప్రవణం కురు మానసమీశపదే

॥ 1॥

శ్లోక 3

యతతోఽపి హరేః పదసంస్మరణే సకలం హ్యఘమాశు లయం వ్రజతి ।

స్మరతస్తు విముక్తిపదం పరమం స్ఫుటమేష్యతి తత్కిమపాక్రియతే

॥ 2॥

శ్లోక 4

శ‍ఋణుతామలసత్యవచః పరమం శపథేరితం ఉచ్ఛ్రితబాహుయుగమ్ ।

న హరేః పరమో న హరేః సదృశః పరమః స తు సర్వ చిదాత్మగణాత్

॥ 3॥

శ్లోక 5

యది నామ పరో న భవేత (భవేత్స) హరిః కథమస్య వశే జగదేతదభూత్ ।

యది నామ న తస్య వశే సకలం కథమేవ తు నిత్యసుఖం న భవేత్

॥ 4॥

శ్లోక 6

న చ కర్మవిమామల కాలగుణప్రభృతీశమచిత్తను తద్ధి యతః ।

చిదచిత్తను సర్వమసౌ తు హరిర్యమయేదితి వైదికమస్తి వచః

॥ 5॥

శ్లోక 7

వ్యవహారభిదాఽపి గురోర్జగతాం న తు చిత్తగతా స హి చోద్యపరమ్ ।

బహవః పురుషాః పురుషప్రవరో హరిరిత్యవదత్స్వయమేవ హరిః

॥ 6॥

శ్లోక 8

చతురానన పూర్వవిముక్తగణా హరిమేత్య తు పూర్వవదేవ సదా ।

నియతోచ్చవినీచతయైవ నిజాం స్థితిమాపురితి స్మ పరం వచనమ్

॥ 7॥

శ్లోక 9

ఆనన్దతీర్థసన్నామ్నా పూర్ణప్రజ్ఞాభిధాయుజా ।

కృతం హర్యష్టకం భక్త్యా పఠతః ప్రీయతే హరిః

॥ 8॥

శ్లోక 10

ఇతి శ్రీమదానన్దతీర్థభగవత్పాదాచార్య విరచితం

ద్వాదశస్తోత్రేషు తృతీయస్తోత్రం సమ్పూర్ణమ్