Sri Madhvacharya Kruta Dwadasha Stotra

श्री मध्वाचार्य कृत द्वादश स्तोत्र - तृतीयस्तोत्रम्

श्लोक 1

अथ तृतीयस्तोत्रम्

कुरु भुङ्क्ष्व च कर्म निजं नियतं हरिपादविनम्रधिया सततम् ।

हरिरेव परो हरिरेव गुरुः हरिरेव जगत्पितृमातृगतिः

श्लोक 2

न ततोऽस्त्यपरं जगदीड्यतमं (जगतीड्यतमं) परमात्परतः पुरुषोत्तमतः ।

तदलं बहुलोकविचिन्तनया प्रवणं कुरु मानसमीशपदे

॥ 1॥

श्लोक 3

यततोऽपि हरेः पदसंस्मरणे सकलं ह्यघमाशु लयं व्रजति ।

स्मरतस्तु विमुक्तिपदं परमं स्फुटमेष्यति तत्किमपाक्रियते

॥ 2॥

श्लोक 4

श‍ऋणुतामलसत्यवचः परमं शपथेरितं उच्छ्रितबाहुयुगम् ।

न हरेः परमो न हरेः सदृशः परमः स तु सर्व चिदात्मगणात्

॥ 3॥

श्लोक 5

यदि नाम परो न भवेत (भवेत्स) हरिः कथमस्य वशे जगदेतदभूत् ।

यदि नाम न तस्य वशे सकलं कथमेव तु नित्यसुखं न भवेत्

॥ 4॥

श्लोक 6

न च कर्मविमामल कालगुणप्रभृतीशमचित्तनु तद्धि यतः ।

चिदचित्तनु सर्वमसौ तु हरिर्यमयेदिति वैदिकमस्ति वचः

॥ 5॥

श्लोक 7

व्यवहारभिदाऽपि गुरोर्जगतां न तु चित्तगता स हि चोद्यपरम् ।

बहवः पुरुषाः पुरुषप्रवरो हरिरित्यवदत्स्वयमेव हरिः

॥ 6॥

श्लोक 8

चतुरानन पूर्वविमुक्तगणा हरिमेत्य तु पूर्ववदेव सदा ।

नियतोच्चविनीचतयैव निजां स्थितिमापुरिति स्म परं वचनम्

॥ 7॥

श्लोक 9

आनन्दतीर्थसन्नाम्ना पूर्णप्रज्ञाभिधायुजा ।

कृतं हर्यष्टकं भक्त्या पठतः प्रीयते हरिः

॥ 8॥

श्लोक 10

इति श्रीमदानन्दतीर्थभगवत्पादाचार्य विरचितं

द्वादशस्तोत्रेषु तृतीयस्तोत्रं सम्पूर्णम्