ಶ್ರೀ ಮಧ್ವಾಚಾರ್ಯ ಕೃತ ದ್ವಾದಶ ಸ್ತೋತ್ರ - ತೃತೀಯಸ್ತೋತ್ರಮ್

ಶ್ರೀ ಮಧ್ವಾಚಾರ್ಯ ಕೃತ ದ್ವಾದಶ ಸ್ತೋತ್ರ - ತೃತೀಯಸ್ತೋತ್ರಮ್

ಶ್ಲೋಕ 1

ಅಥ ತೃತೀಯಸ್ತೋತ್ರಮ್

ಕುರು ಭುಙ್ಕ್ಷ್ವ ಚ ಕರ್ಮ ನಿಜಂ ನಿಯತಂ ಹರಿಪಾದವಿನಮ್ರಧಿಯಾ ಸತತಮ್ ।

ಹರಿರೇವ ಪರೋ ಹರಿರೇವ ಗುರುಃ ಹರಿರೇವ ಜಗತ್ಪಿತೃಮಾತೃಗತಿಃ

ಶ್ಲೋಕ 2

ನ ತತೋಽಸ್ತ್ಯಪರಂ ಜಗದೀಡ್ಯತಮಂ (ಜಗತೀಡ್ಯತಮಂ) ಪರಮಾತ್ಪರತಃ ಪುರುಷೋತ್ತಮತಃ ।

ತದಲಂ ಬಹುಲೋಕವಿಚಿನ್ತನಯಾ ಪ್ರವಣಂ ಕುರು ಮಾನಸಮೀಶಪದೇ

॥ 1॥

ಶ್ಲೋಕ 3

ಯತತೋಽಪಿ ಹರೇಃ ಪದಸಂಸ್ಮರಣೇ ಸಕಲಂ ಹ್ಯಘಮಾಶು ಲಯಂ ವ್ರಜತಿ ।

ಸ್ಮರತಸ್ತು ವಿಮುಕ್ತಿಪದಂ ಪರಮಂ ಸ್ಫುಟಮೇಷ್ಯತಿ ತತ್ಕಿಮಪಾಕ್ರಿಯತೇ

॥ 2॥

ಶ್ಲೋಕ 4

ಶ‍ಋಣುತಾಮಲಸತ್ಯವಚಃ ಪರಮಂ ಶಪಥೇರಿತಂ ಉಚ್ಛ್ರಿತಬಾಹುಯುಗಮ್ ।

ನ ಹರೇಃ ಪರಮೋ ನ ಹರೇಃ ಸದೃಶಃ ಪರಮಃ ಸ ತು ಸರ್ವ ಚಿದಾತ್ಮಗಣಾತ್

॥ 3॥

ಶ್ಲೋಕ 5

ಯದಿ ನಾಮ ಪರೋ ನ ಭವೇತ (ಭವೇತ್ಸ) ಹರಿಃ ಕಥಮಸ್ಯ ವಶೇ ಜಗದೇತದಭೂತ್ ।

ಯದಿ ನಾಮ ನ ತಸ್ಯ ವಶೇ ಸಕಲಂ ಕಥಮೇವ ತು ನಿತ್ಯಸುಖಂ ನ ಭವೇತ್

॥ 4॥

ಶ್ಲೋಕ 6

ನ ಚ ಕರ್ಮವಿಮಾಮಲ ಕಾಲಗುಣಪ್ರಭೃತೀಶಮಚಿತ್ತನು ತದ್ಧಿ ಯತಃ ।

ಚಿದಚಿತ್ತನು ಸರ್ವಮಸೌ ತು ಹರಿರ್ಯಮಯೇದಿತಿ ವೈದಿಕಮಸ್ತಿ ವಚಃ

॥ 5॥

ಶ್ಲೋಕ 7

ವ್ಯವಹಾರಭಿದಾಽಪಿ ಗುರೋರ್ಜಗತಾಂ ನ ತು ಚಿತ್ತಗತಾ ಸ ಹಿ ಚೋದ್ಯಪರಮ್ ।

ಬಹವಃ ಪುರುಷಾಃ ಪುರುಷಪ್ರವರೋ ಹರಿರಿತ್ಯವದತ್ಸ್ವಯಮೇವ ಹರಿಃ

॥ 6॥

ಶ್ಲೋಕ 8

ಚತುರಾನನ ಪೂರ್ವವಿಮುಕ್ತಗಣಾ ಹರಿಮೇತ್ಯ ತು ಪೂರ್ವವದೇವ ಸದಾ ।

ನಿಯತೋಚ್ಚವಿನೀಚತಯೈವ ನಿಜಾಂ ಸ್ಥಿತಿಮಾಪುರಿತಿ ಸ್ಮ ಪರಂ ವಚನಮ್

॥ 7॥

ಶ್ಲೋಕ 9

ಆನನ್ದತೀರ್ಥಸನ್ನಾಮ್ನಾ ಪೂರ್ಣಪ್ರಜ್ಞಾಭಿಧಾಯುಜಾ ।

ಕೃತಂ ಹರ್ಯಷ್ಟಕಂ ಭಕ್ತ್ಯಾ ಪಠತಃ ಪ್ರೀಯತೇ ಹರಿಃ

॥ 8॥

ಶ್ಲೋಕ 10

ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ

ದ್ವಾದಶಸ್ತೋತ್ರೇಷು ತೃತೀಯಸ್ತೋತ್ರಂ ಸಮ್ಪೂರ್ಣಮ್