શ્રી મધ્વાચાર્ય કૃત દ્વાદશ સ્તોત્ર - તૃતીયસ્તોત્રમ્

શ્રી મધ્વાચાર્ય કૃત દ્વાદશ સ્તોત્ર - તૃતીયસ્તોત્રમ્

શ્લોક 1

અથ તૃતીયસ્તોત્રમ્

કુરુ ભુઙ્ક્ષ્વ ચ કર્મ નિજં નિયતં હરિપાદવિનમ્રધિયા સતતમ્ ।

હરિરેવ પરો હરિરેવ ગુરુઃ હરિરેવ જગત્પિતૃમાતૃગતિઃ

શ્લોક 2

ન તતોઽસ્ત્યપરં જગદીડ્યતમં (જગતીડ્યતમં) પરમાત્પરતઃ પુરુષોત્તમતઃ ।

તદલં બહુલોકવિચિન્તનયા પ્રવણં કુરુ માનસમીશપદે

॥ 1॥

શ્લોક 3

યતતોઽપિ હરેઃ પદસંસ્મરણે સકલં હ્યઘમાશુ લયં વ્રજતિ ।

સ્મરતસ્તુ વિમુક્તિપદં પરમં સ્ફુટમેષ્યતિ તત્કિમપાક્રિયતે

॥ 2॥

શ્લોક 4

શ‍ઋણુતામલસત્યવચઃ પરમં શપથેરિતં ઉચ્છ્રિતબાહુયુગમ્ ।

ન હરેઃ પરમો ન હરેઃ સદૃશઃ પરમઃ સ તુ સર્વ ચિદાત્મગણાત્

॥ 3॥

શ્લોક 5

યદિ નામ પરો ન ભવેત (ભવેત્સ) હરિઃ કથમસ્ય વશે જગદેતદભૂત્ ।

યદિ નામ ન તસ્ય વશે સકલં કથમેવ તુ નિત્યસુખં ન ભવેત્

॥ 4॥

શ્લોક 6

ન ચ કર્મવિમામલ કાલગુણપ્રભૃતીશમચિત્તનુ તદ્ધિ યતઃ ।

ચિદચિત્તનુ સર્વમસૌ તુ હરિર્યમયેદિતિ વૈદિકમસ્તિ વચઃ

॥ 5॥

શ્લોક 7

વ્યવહારભિદાઽપિ ગુરોર્જગતાં ન તુ ચિત્તગતા સ હિ ચોદ્યપરમ્ ।

બહવઃ પુરુષાઃ પુરુષપ્રવરો હરિરિત્યવદત્સ્વયમેવ હરિઃ

॥ 6॥

શ્લોક 8

ચતુરાનન પૂર્વવિમુક્તગણા હરિમેત્ય તુ પૂર્વવદેવ સદા ।

નિયતોચ્ચવિનીચતયૈવ નિજાં સ્થિતિમાપુરિતિ સ્મ પરં વચનમ્

॥ 7॥

શ્લોક 9

આનન્દતીર્થસન્નામ્ના પૂર્ણપ્રજ્ઞાભિધાયુજા ।

કૃતં હર્યષ્ટકં ભક્ત્યા પઠતઃ પ્રીયતે હરિઃ

॥ 8॥

શ્લોક 10

ઇતિ શ્રીમદાનન્દતીર્થભગવત્પાદાચાર્ય વિરચિતં

દ્વાદશસ્તોત્રેષુ તૃતીયસ્તોત્રં સમ્પૂર્ણમ્