শ্রী মধ্বাচার্য কৃত দ্বাদশ স্তোত্র - তৃতীযস্তোত্রম্

শ্রী মধ্বাচার্য কৃত দ্বাদশ স্তোত্র - তৃতীযস্তোত্রম্

শ্লোক 1

অথ তৃতীযস্তোত্রম্

কুরু ভুঙ্ক্ষ্ব চ কর্ম নিজং নিযতং হরিপাদবিনম্রধিযা সততম্ ।

হরিরেব পরো হরিরেব গুরুঃ হরিরেব জগত্পিতৃমাতৃগতিঃ

শ্লোক 2

ন ততোঽস্ত্যপরং জগদীড্যতমং (জগতীড্যতমং) পরমাত্পরতঃ পুরুষোত্তমতঃ ।

তদলং বহুলোকবিচিন্তনযা প্রবণং কুরু মানসমীশপদে

॥ 1॥

শ্লোক 3

যততোঽপি হরেঃ পদসংস্মরণে সকলং হ্যঘমাশু লযং ব্রজতি ।

স্মরতস্তু বিমুক্তিপদং পরমং স্ফুটমেষ্যতি তত্কিমপাক্রিযতে

॥ 2॥

শ্লোক 4

শ‍ঋণুতামলসত্যবচঃ পরমং শপথেরিতং উচ্ছ্রিতবাহুযুগম্ ।

ন হরেঃ পরমো ন হরেঃ সদৃশঃ পরমঃ স তু সর্ব চিদাত্মগণাত্

॥ 3॥

শ্লোক 5

যদি নাম পরো ন ভবেত (ভবেত্স) হরিঃ কথমস্য বশে জগদেতদভূত্ ।

যদি নাম ন তস্য বশে সকলং কথমেব তু নিত্যসুখং ন ভবেত্

॥ 4॥

শ্লোক 6

ন চ কর্মবিমামল কালগুণপ্রভৃতীশমচিত্তনু তদ্ধি যতঃ ।

চিদচিত্তনু সর্বমসৌ তু হরির্যমযেদিতি বৈদিকমস্তি বচঃ

॥ 5॥

শ্লোক 7

ব্যবহারভিদাঽপি গুরোর্জগতাং ন তু চিত্তগতা স হি চোদ্যপরম্ ।

বহবঃ পুরুষাঃ পুরুষপ্রবরো হরিরিত্যবদত্স্বযমেব হরিঃ

॥ 6॥

শ্লোক 8

চতুরানন পূর্ববিমুক্তগণা হরিমেত্য তু পূর্ববদেব সদা ।

নিযতোচ্চবিনীচতযৈব নিজাং স্থিতিমাপুরিতি স্ম পরং বচনম্

॥ 7॥

শ্লোক 9

আনন্দতীর্থসন্নাম্না পূর্ণপ্রজ্ঞাভিধাযুজা ।

কৃতং হর্যষ্টকং ভক্ত্যা পঠতঃ প্রীযতে হরিঃ

॥ 8॥

শ্লোক 10

ইতি শ্রীমদানন্দতীর্থভগবত্পাদাচার্য বিরচিতং

দ্বাদশস্তোত্রেষু তৃতীযস্তোত্রং সম্পূর্ণম্