ಶ್ರೀ ಲಲಿತಾ ತ್ರಿಶತಿ ಸ್ತೋತ್ರಮ್

ಶ್ರೀ ಲಲಿತಾ ತ್ರಿಶತಿ ಸ್ತೋತ್ರಮ್

ಶ್ಲೋಕ 1

ಅಸ್ಯ ಶ್ರೀಲಲಿತಾ ತ್ರಿಶತೀಸ್ತೋತ್ರ ಮಹಾಮನ್ತ್ರಸ್ಯ, ಭಗವಾನ್ ಹಯಗ್ರೀವ ಋಷಿಃ, ಅನುಷ್ಟುಪ್ ಛನ್ದಃ, ಶ್ರೀಲಲಿತಾಮಹಾತ್ರಿಪುರಸುನ್ದರೀ ದೇವತಾ, ಐಂ ಬೀಜಂ, ಸೌಃ ಶಕ್ತಿಃ, ಕ್ಲೀಂ ಕೀಲಕಂ, ಮಮ ಚತುರ್ವಿಧಪುರುಷಾರ್ಥಫಲಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಐಮಿತ್ಯಾದಿಭಿರಙ್ಗನ್ಯಾಸಕರನ್ಯಾಸಾಃ ಕಾರ್ಯಾಃ ।

ಧ್ಯಾನಮ್ ।

ಅತಿಮಧುರಚಾಪಹಸ್ತಾ-

-ಮಪರಿಮಿತಾಮೋದಬಾಣಸೌಭಾಗ್ಯಾಮ್ ।

ಅರುಣಾಮತಿಶಯಕರುಣಾ-

-ಮಭಿನವಕುಲಸುನ್ದರೀಂ ವನ್ದೇ ।

ಶ್ರೀ ಹಯಗ್ರೀವ ಉವಾಚ ।

ಕಕಾರರೂಪಾ ಕಲ್ಯಾಣೀ ಕಲ್ಯಾಣಗುಣಶಾಲಿನೀ ।

ಕಲ್ಯಾಣಶೈಲನಿಲಯಾ ಕಮನೀಯಾ ಕಲಾವತೀ

ಶ್ಲೋಕ 2

ಕಮಲಾಕ್ಷೀ ಕಲ್ಮಷಘ್ನೀ ಕರುಣಾಮೃತಸಾಗರಾ ।

ಕದಮ್ಬಕಾನನಾವಾಸಾ ಕದಮ್ಬಕುಸುಮಪ್ರಿಯಾ

॥ 1 ॥

ಶ್ಲೋಕ 3

ಕನ್ದರ್ಪವಿದ್ಯಾ ಕನ್ದರ್ಪಜನಕಾಪಾಙ್ಗವೀಕ್ಷಣಾ ।

ಕರ್ಪೂರವೀಟಿಸೌರಭ್ಯಕಲ್ಲೋಲಿತಕಕುಪ್ತಟಾ

॥ 2 ॥

ಶ್ಲೋಕ 4

ಕಲಿದೋಷಹರಾ ಕಞ್ಜಲೋಚನಾ ಕಮ್ರವಿಗ್ರಹಾ ।

ಕರ್ಮಾದಿಸಾಕ್ಷಿಣೀ ಕಾರಯಿತ್ರೀ ಕರ್ಮಫಲಪ್ರದಾ

॥ 3 ॥

ಶ್ಲೋಕ 5

ಏಕಾರರೂಪಾ ಚೈಕಾಕ್ಷರ್ಯೇಕಾನೇಕಾಕ್ಷರಾಕೃತಿಃ ।

ಏತತ್ತದಿತ್ಯನಿರ್ದೇಶ್ಯಾ ಚೈಕಾನನ್ದಚಿದಾಕೃತಿಃ

॥ 4 ॥

ಶ್ಲೋಕ 6

ಏವಮಿತ್ಯಾಗಮಾಬೋಧ್ಯಾ ಚೈಕಭಕ್ತಿಮದರ್ಚಿತಾ ।

ಏಕಾಗ್ರಚಿತ್ತನಿರ್ಧ್ಯಾತಾ ಚೈಷಣಾರಹಿತಾದೃತಾ

॥ 5 ॥

ಶ್ಲೋಕ 7

ಏಲಾಸುಗನ್ಧಿಚಿಕುರಾ ಚೈನಃಕೂಟವಿನಾಶಿನೀ ।

ಏಕಭೋಗಾ ಚೈಕರಸಾ ಚೈಕೈಶ್ವರ್ಯಪ್ರದಾಯಿನೀ

॥ 6 ॥

ಶ್ಲೋಕ 8

ಏಕಾತಪತ್ರಸಾಮ್ರಾಜ್ಯಪ್ರದಾ ಚೈಕಾನ್ತಪೂಜಿತಾ ।

ಏಧಮಾನಪ್ರಭಾ ಚೈಜದನೇಕಜಗದೀಶ್ವರೀ

॥ 7 ॥

ಶ್ಲೋಕ 9

ಏಕವೀರಾದಿಸಂಸೇವ್ಯಾ ಚೈಕಪ್ರಾಭವಶಾಲಿನೀ ।

ಈಕಾರರೂಪಾ ಚೇಶಿತ್ರೀ ಚೇಪ್ಸಿತಾರ್ಥಪ್ರದಾಯಿನೀ

॥ 8 ॥

ಶ್ಲೋಕ 10

ಈದೃಗಿತ್ಯವಿನಿರ್ದೇಶ್ಯಾ ಚೇಶ್ವರತ್ವವಿಧಾಯಿನೀ ।

ಈಶಾನಾದಿಬ್ರಹ್ಮಮಯೀ ಚೇಶಿತ್ವಾದ್ಯಷ್ಟಸಿದ್ಧಿದಾ

॥ 9 ॥

ಶ್ಲೋಕ 11

ಈಕ್ಷಿತ್ರೀಕ್ಷಣಸೃಷ್ಟಾಣ್ಡಕೋಟಿರೀಶ್ವರವಲ್ಲಭಾ ।

ಈಡಿತಾ ಚೇಶ್ವರಾರ್ಧಾಙ್ಗಶರೀರೇಶಾಧಿದೇವತಾ

॥ 10 ॥

ಶ್ಲೋಕ 12

ಈಶ್ವರಪ್ರೇರಣಕರೀ ಚೇಶತಾಣ್ಡವಸಾಕ್ಷಿಣೀ ।

ಈಶ್ವರೋತ್ಸಙ್ಗನಿಲಯಾ ಚೇತಿಬಾಧಾವಿನಾಶಿನೀ

॥ 11 ॥

ಶ್ಲೋಕ 13

ಈಹಾವಿರಹಿತಾ ಚೇಶಶಕ್ತಿರೀಷತ್ಸ್ಮಿತಾನನಾ ।

ಲಕಾರರೂಪಾ ಲಲಿತಾ ಲಕ್ಷ್ಮೀವಾಣೀನಿಷೇವಿತಾ

॥ 12 ॥

ಶ್ಲೋಕ 14

ಲಾಕಿನೀ ಲಲನಾರೂಪಾ ಲಸದ್ದಾಡಿಮಪಾಟಲಾ ।

ಲಲನ್ತಿಕಾಲಸತ್ಫಾಲಾ ಲಲಾಟನಯನಾರ್ಚಿತಾ

॥ 13 ॥

ಶ್ಲೋಕ 15

ಲಕ್ಷಣೋಜ್ಜ್ವಲದಿವ್ಯಾಙ್ಗೀ ಲಕ್ಷಕೋಟ್ಯಣ್ಡನಾಯಿಕಾ ।

ಲಕ್ಷ್ಯಾರ್ಥಾ ಲಕ್ಷಣಾಗಮ್ಯಾ ಲಬ್ಧಕಾಮಾ ಲತಾತನುಃ

॥ 14 ॥

ಶ್ಲೋಕ 16

ಲಲಾಮರಾಜದಲಿಕಾ ಲಮ್ಬಿಮುಕ್ತಾಲತಾಞ್ಚಿತಾ ।

ಲಮ್ಬೋದರಪ್ರಸೂರ್ಲಭ್ಯಾ ಲಜ್ಜಾಢ್ಯಾ ಲಯವರ್ಜಿತಾ

॥ 15 ॥

ಶ್ಲೋಕ 17

ಹ್ರೀಂ‍ಕಾರರೂಪಾ ಹ್ರೀಂ‍ಕಾರನಿಲಯಾ ಹ್ರೀಂ‍ಪದಪ್ರಿಯಾ ।

ಹ್ರೀಂ‍ಕಾರಬೀಜಾ ಹ್ರೀಂ‍ಕಾರಮನ್ತ್ರಾ ಹ್ರೀಂ‍ಕಾರಲಕ್ಷಣಾ

॥ 16 ॥

ಶ್ಲೋಕ 18

ಹ್ರೀಂ‍ಕಾರಜಪಸುಪ್ರೀತಾ ಹ್ರೀಂ‍ಮತೀ ಹ್ರೀಂ‍ವಿಭೂಷಣಾ ।

ಹ್ರೀಂ‍ಶೀಲಾ ಹ್ರೀಂ‍ಪದಾರಾಧ್ಯಾ ಹ್ರೀಂ‍ಗರ್ಭಾ ಹ್ರೀಂ‍ಪದಾಭಿಧಾ

॥ 17 ॥

ಶ್ಲೋಕ 19

ಹ್ರೀಂ‍ಕಾರವಾಚ್ಯಾ ಹ್ರೀಂ‍ಕಾರಪೂಜ್ಯಾ ಹ್ರೀಂ‍ಕಾರಪೀಠಿಕಾ ।

ಹ್ರೀಂ‍ಕಾರವೇದ್ಯಾ ಹ್ರೀಂ‍ಕಾರಚಿನ್ತ್ಯಾ ಹ್ರೀಂ ಹ್ರೀಂ‍ಶರೀರಿಣೀ

॥ 18 ॥

ಶ್ಲೋಕ 20

ಹಕಾರರೂಪಾ ಹಲಧೃಕ್ಪೂಜಿತಾ ಹರಿಣೇಕ್ಷಣಾ ।

ಹರಪ್ರಿಯಾ ಹರಾರಾಧ್ಯಾ ಹರಿಬ್ರಹ್ಮೇನ್ದ್ರವನ್ದಿತಾ

॥ 19 ॥

ಶ್ಲೋಕ 21

ಹಯಾರೂಢಾಸೇವಿತಾಙ್ಘ್ರಿರ್ಹಯಮೇಧಸಮರ್ಚಿತಾ ।

ಹರ್ಯಕ್ಷವಾಹನಾ ಹಂಸವಾಹನಾ ಹತದಾನವಾ

॥ 20 ॥

ಶ್ಲೋಕ 22

ಹತ್ಯಾದಿಪಾಪಶಮನೀ ಹರಿದಶ್ವಾದಿಸೇವಿತಾ ।

ಹಸ್ತಿಕುಮ್ಭೋತ್ತುಙ್ಗಕುಚಾ ಹಸ್ತಿಕೃತ್ತಿಪ್ರಿಯಾಙ್ಗನಾ

॥ 21 ॥

ಶ್ಲೋಕ 23

ಹರಿದ್ರಾಕುಙ್ಕುಮಾದಿಗ್ಧಾ ಹರ್ಯಶ್ವಾದ್ಯಮರಾರ್ಚಿತಾ ।

ಹರಿಕೇಶಸಖೀ ಹಾದಿವಿದ್ಯಾ ಹಾಲಾಮದಾಲಸಾ

॥ 22 ॥

ಶ್ಲೋಕ 24

ಸಕಾರರೂಪಾ ಸರ್ವಜ್ಞಾ ಸರ್ವೇಶೀ ಸರ್ವಮಙ್ಗಲಾ ।

ಸರ್ವಕರ್ತ್ರೀ ಸರ್ವಭರ್ತ್ರೀ ಸರ್ವಹನ್ತ್ರೀ ಸನಾತನಾ

॥ 23 ॥

ಶ್ಲೋಕ 25

ಸರ್ವಾನವದ್ಯಾ ಸರ್ವಾಙ್ಗಸುನ್ದರೀ ಸರ್ವಸಾಕ್ಷಿಣೀ ।

ಸರ್ವಾತ್ಮಿಕಾ ಸರ್ವಸೌಖ್ಯದಾತ್ರೀ ಸರ್ವವಿಮೋಹಿನೀ

॥ 24 ॥

ಶ್ಲೋಕ 26

ಸರ್ವಾಧಾರಾ ಸರ್ವಗತಾ ಸರ್ವಾವಗುಣವರ್ಜಿತಾ ।

ಸರ್ವಾರುಣಾ ಸರ್ವಮಾತಾ ಸರ್ವಭೂಷಣಭೂಷಿತಾ

॥ 25 ॥

ಶ್ಲೋಕ 27

ಕಕಾರಾರ್ಥಾ ಕಾಲಹನ್ತ್ರೀ ಕಾಮೇಶೀ ಕಾಮಿತಾರ್ಥದಾ ।

ಕಾಮಸಞ್ಜೀವನೀ ಕಲ್ಯಾ ಕಠಿನಸ್ತನಮಣ್ಡಲಾ

॥ 26 ॥

ಶ್ಲೋಕ 28

ಕರಭೋರೂಃ ಕಲಾನಾಥಮುಖೀ ಕಚಜಿತಾಮ್ಬುದಾ ।

ಕಟಾಕ್ಷಸ್ಯನ್ದಿಕರುಣಾ ಕಪಾಲಿಪ್ರಾಣನಾಯಿಕಾ

॥ 27 ॥

ಶ್ಲೋಕ 29

ಕಾರುಣ್ಯವಿಗ್ರಹಾ ಕಾನ್ತಾ ಕಾನ್ತಿಧೂತಜಪಾವಲಿಃ ।

ಕಲಾಲಾಪಾ ಕಮ್ಬುಕಣ್ಠೀ ಕರನಿರ್ಜಿತಪಲ್ಲವಾ

॥ 28 ॥

ಶ್ಲೋಕ 30

ಕಲ್ಪವಲ್ಲೀಸಮಭುಜಾ ಕಸ್ತೂರೀತಿಲಕಾಞ್ಚಿತಾ ।

ಹಕಾರಾರ್ಥಾ ಹಂಸಗತಿರ್ಹಾಟಕಾಭರಣೋಜ್ಜ್ವಲಾ

॥ 29 ॥

ಶ್ಲೋಕ 31

ಹಾರಹಾರಿಕುಚಾಭೋಗಾ ಹಾಕಿನೀ ಹಲ್ಯವರ್ಜಿತಾ ।

ಹರಿತ್ಪತಿಸಮಾರಾಧ್ಯಾ ಹಠಾತ್ಕಾರಹತಾಸುರಾ

॥ 30 ॥

ಶ್ಲೋಕ 32

ಹರ್ಷಪ್ರದಾ ಹವಿರ್ಭೋಕ್ತ್ರೀ ಹಾರ್ದಸನ್ತಮಸಾಪಹಾ ।

ಹಲ್ಲೀಸಲಾಸ್ಯಸನ್ತುಷ್ಟಾ ಹಂಸಮನ್ತ್ರಾರ್ಥರೂಪಿಣೀ

॥ 31 ॥

ಶ್ಲೋಕ 33

ಹಾನೋಪಾದಾನನಿರ್ಮುಕ್ತಾ ಹರ್ಷಿಣೀ ಹರಿಸೋದರೀ ।

ಹಾಹಾಹೂಹೂಮುಖಸ್ತುತ್ಯಾ ಹಾನಿವೃದ್ಧಿವಿವರ್ಜಿತಾ

॥ 32 ॥

ಶ್ಲೋಕ 34

ಹಯ್ಯಙ್ಗವೀನಹೃದಯಾ ಹರಿಗೋಪಾರುಣಾಂಶುಕಾ ।

ಲಕಾರಾಖ್ಯಾ ಲತಾಪೂಜ್ಯಾ ಲಯಸ್ಥಿತ್ಯುದ್ಭವೇಶ್ವರೀ

॥ 33 ॥

ಶ್ಲೋಕ 35

ಲಾಸ್ಯದರ್ಶನಸನ್ತುಷ್ಟಾ ಲಾಭಾಲಾಭವಿವರ್ಜಿತಾ ।

ಲಙ್ಘ್ಯೇತರಾಜ್ಞಾ ಲಾವಣ್ಯಶಾಲಿನೀ ಲಘುಸಿದ್ಧಿದಾ

॥ 34 ॥

ಶ್ಲೋಕ 36

ಲಾಕ್ಷಾರಸಸವರ್ಣಾಭಾ ಲಕ್ಷ್ಮಣಾಗ್ರಜಪೂಜಿತಾ ।

ಲಭ್ಯೇತರಾ ಲಬ್ಧಭಕ್ತಿಸುಲಭಾ ಲಾಙ್ಗಲಾಯುಧಾ

॥ 35 ॥

ಶ್ಲೋಕ 37

ಲಗ್ನಚಾಮರಹಸ್ತಶ್ರೀಶಾರದಾಪರಿವೀಜಿತಾ ।

ಲಜ್ಜಾಪದಸಮಾರಾಧ್ಯಾ ಲಮ್ಪಟಾ ಲಕುಲೇಶ್ವರೀ

॥ 36 ॥

ಶ್ಲೋಕ 38

ಲಬ್ಧಮಾನಾ ಲಬ್ಧರಸಾ ಲಬ್ಧಸಮ್ಪತ್ಸಮುನ್ನತಿಃ ।

ಹ್ರೀಂ‍ಕಾರಿಣೀ ಹ್ರೀಂ‍ಕಾರಾದ್ಯಾ ಹ್ರೀಂ‍ಮಧ್ಯಾ ಹ್ರೀಂ‍ಶಿಖಾಮಣಿಃ

॥ 37 ॥

ಶ್ಲೋಕ 39

ಹ್ರೀಂ‍ಕಾರಕುಣ್ಡಾಗ್ನಿಶಿಖಾ ಹ್ರೀಂ‍ಕಾರಶಶಿಚನ್ದ್ರಿಕಾ ।

ಹ್ರೀಂ‍ಕಾರಭಾಸ್ಕರರುಚಿರ್ಹ್ರೀಂ‍ಕಾರಾಮ್ಭೋದಚಞ್ಚಲಾ

॥ 38 ॥

ಶ್ಲೋಕ 40

ಹ್ರೀಂ‍ಕಾರಕನ್ದಾಙ್ಕುರಿಕಾ ಹ್ರೀಂ‍ಕಾರೈಕಪರಾಯಣಾ ।

ಹ್ರೀಂ‍ಕಾರದೀರ್ಘಿಕಾಹಂಸೀ ಹ್ರೀಂ‍ಕಾರೋದ್ಯಾನಕೇಕಿನೀ

॥ 39 ॥

ಶ್ಲೋಕ 41

ಹ್ರೀಂ‍ಕಾರಾರಣ್ಯಹರಿಣೀ ಹ್ರೀಂ‍ಕಾರಾವಾಲವಲ್ಲರೀ ।

ಹ್ರೀಂ‍ಕಾರಪಞ್ಜರಶುಕೀ ಹ್ರೀಂ‍ಕಾರಾಙ್ಗಣದೀಪಿಕಾ

॥ 40 ॥

ಶ್ಲೋಕ 42

ಹ್ರೀಂ‍ಕಾರಕನ್ದರಾಸಿಂಹೀ ಹ್ರೀಂ‍ಕಾರಾಮ್ಭೋಜಭೃಙ್ಗಿಕಾ ।

ಹ್ರೀಂ‍ಕಾರಸುಮನೋಮಾಧ್ವೀ ಹ್ರೀಂ‍ಕಾರತರುಮಞ್ಜರೀ

॥ 41 ॥

ಶ್ಲೋಕ 43

ಸಕಾರಾಖ್ಯಾ ಸಮರಸಾ ಸಕಲಾಗಮಸಂಸ್ತುತಾ ।

ಸರ್ವವೇದಾನ್ತತಾತ್ಪರ್ಯಭೂಮಿಃ ಸದಸದಾಶ್ರಯಾ

॥ 42 ॥

ಶ್ಲೋಕ 44

ಸಕಲಾ ಸಚ್ಚಿದಾನನ್ದಾ ಸಾಧ್ಯಾ ಸದ್ಗತಿದಾಯಿನೀ ।

ಸನಕಾದಿಮುನಿಧ್ಯೇಯಾ ಸದಾಶಿವಕುಟುಮ್ಬಿನೀ

॥ 43 ॥

ಶ್ಲೋಕ 45

ಸಕಾಲಾಧಿಷ್ಠಾನರೂಪಾ ಸತ್ಯರೂಪಾ ಸಮಾಕೃತಿಃ ।

ಸರ್ವಪ್ರಪಞ್ಚನಿರ್ಮಾತ್ರೀ ಸಮನಾಧಿಕವರ್ಜಿತಾ

॥ 44 ॥

ಶ್ಲೋಕ 46

ಸರ್ವೋತ್ತುಙ್ಗಾ ಸಙ್ಗಹೀನಾ ಸಗುಣಾ ಸಕಲೇಷ್ಟದಾ ।

ಕಕಾರಿಣೀ ಕಾವ್ಯಲೋಲಾ ಕಾಮೇಶ್ವರಮನೋಹರಾ

॥ 45 ॥

ಶ್ಲೋಕ 47

ಕಾಮೇಶ್ವರಪ್ರಾಣನಾಡೀ ಕಾಮೇಶೋತ್ಸಙ್ಗವಾಸಿನೀ ।

ಕಾಮೇಶ್ವರಾಲಿಙ್ಗಿತಾಙ್ಗೀ ಕಾಮೇಶ್ವರಸುಖಪ್ರದಾ

॥ 46 ॥

ಶ್ಲೋಕ 48

ಕಾಮೇಶ್ವರಪ್ರಣಯಿನೀ ಕಾಮೇಶ್ವರವಿಲಾಸಿನೀ ।

ಕಾಮೇಶ್ವರತಪಃಸಿದ್ಧಿಃ ಕಾಮೇಶ್ವರಮನಃಪ್ರಿಯಾ

॥ 47 ॥

ಶ್ಲೋಕ 49

ಕಾಮೇಶ್ವರಪ್ರಾಣನಾಥಾ ಕಾಮೇಶ್ವರವಿಮೋಹಿನೀ ।

ಕಾಮೇಶ್ವರಬ್ರಹ್ಮವಿದ್ಯಾ ಕಾಮೇಶ್ವರಗೃಹೇಶ್ವರೀ

॥ 48 ॥

ಶ್ಲೋಕ 50

ಕಾಮೇಶ್ವರಾಹ್ಲಾದಕರೀ ಕಾಮೇಶ್ವರಮಹೇಶ್ವರೀ ।

ಕಾಮೇಶ್ವರೀ ಕಾಮಕೋಟಿನಿಲಯಾ ಕಾಙ್ಕ್ಷಿತಾರ್ಥದಾ

॥ 49 ॥

ಶ್ಲೋಕ 51

ಲಕಾರಿಣೀ ಲಬ್ಧರೂಪಾ ಲಬ್ಧಧೀರ್ಲಬ್ಧವಾಞ್ಛಿತಾ ।

ಲಬ್ಧಪಾಪಮನೋದೂರಾ ಲಬ್ಧಾಹಙ್ಕಾರದುರ್ಗಮಾ

॥ 50 ॥

ಶ್ಲೋಕ 52

ಲಬ್ಧಶಕ್ತಿರ್ಲಬ್ಧದೇಹಾ ಲಬ್ಧೈಶ್ವರ್ಯಸಮುನ್ನತಿಃ ।

ಲಬ್ಧವೃದ್ಧಿರ್ಲಬ್ಧಲೀಲಾ ಲಬ್ಧಯೌವನಶಾಲಿನೀ

॥ 51 ॥

ಶ್ಲೋಕ 53

ಲಬ್ಧಾತಿಶಯಸರ್ವಾಙ್ಗಸೌನ್ದರ್ಯಾ ಲಬ್ಧವಿಭ್ರಮಾ ।

ಲಬ್ಧರಾಗಾ ಲಬ್ಧಪತಿರ್ಲಬ್ಧನಾನಾಗಮಸ್ಥಿತಿಃ

॥ 52 ॥

ಶ್ಲೋಕ 54

ಲಬ್ಧಭೋಗಾ ಲಬ್ಧಸುಖಾ ಲಬ್ಧಹರ್ಷಾಭಿಪೂರಿತಾ ।

ಹ್ರೀಂ‍ಕಾರಮೂರ್ತಿರ್ಹ್ರೀಂ‍ಕಾರಸೌಧಶೃಙ್ಗಕಪೋತಿಕಾ

॥ 53 ॥

ಶ್ಲೋಕ 55

ಹ್ರೀಂ‍ಕಾರದುಗ್ಧಾಬ್ಧಿಸುಧಾ ಹ್ರೀಂ‍ಕಾರಕಮಲೇನ್ದಿರಾ ।

ಹ್ರೀಂ‍ಕಾರಮಣಿದೀಪಾರ್ಚಿರ್ಹ್ರೀಂ‍ಕಾರತರುಶಾರಿಕಾ

॥ 54 ॥

ಶ್ಲೋಕ 56

ಹ್ರೀಂ‍ಕಾರಪೇಟಕಮಣಿರ್ಹ್ರೀಂ‍ಕಾರಾದರ್ಶಬಿಮ್ಬಿತಾ ।

ಹ್ರೀಂ‍ಕಾರಕೋಶಾಸಿಲತಾ ಹ್ರೀಂ‍ಕಾರಾಸ್ಥಾನನರ್ತಕೀ

॥ 55 ॥

ಶ್ಲೋಕ 57

ಹ್ರೀಂ‍ಕಾರಶುಕ್ತಿಕಾಮುಕ್ತಾಮಣಿರ್ಹ್ರೀಂ‍ಕಾರಬೋಧಿತಾ ।

ಹ್ರೀಂ‍ಕಾರಮಯಸೌವರ್ಣಸ್ತಮ್ಭವಿದ್ರುಮಪುತ್ರಿಕಾ

॥ 56 ॥

ಶ್ಲೋಕ 58

ಹ್ರೀಂ‍ಕಾರವೇದೋಪನಿಷದ್ ಹ್ರೀಂ‍ಕಾರಾಧ್ವರದಕ್ಷಿಣಾ ।

ಹ್ರೀಂ‍ಕಾರನನ್ದನಾರಾಮನವಕಲ್ಪಕವಲ್ಲರೀ

॥ 57 ॥

ಶ್ಲೋಕ 59

ಹ್ರೀಂ‍ಕಾರಹಿಮವದ್ಗಙ್ಗಾ ಹ್ರೀಂ‍ಕಾರಾರ್ಣವಕೌಸ್ತುಭಾ ।

ಹ್ರೀಂ‍ಕಾರಮನ್ತ್ರಸರ್ವಸ್ವಾ ಹ್ರೀಂ‍ಕಾರಪರಸೌಖ್ಯದಾ

॥ 58 ॥

ಶ್ಲೋಕ 60

ಉತ್ತರಪೀಠಿಕಾ (ಫಲಶೃತಿಃ)

ಹಯಗ್ರೀವ ಉವಾಚ ।

ಇತ್ಯೇವಂ ತೇ ಮಯಾಖ್ಯಾತಂ ದೇವ್ಯಾ ನಾಮಶತತ್ರಯಮ್ ।

ರಹಸ್ಯಾತಿರಹಸ್ಯತ್ವಾದ್ಗೋಪನೀಯಂ ತ್ವಯಾ ಮುನೇ

॥ 59 ॥

ಶ್ಲೋಕ 61

ಶಿವವರ್ಣಾನಿ ನಾಮಾನಿ ಶ್ರೀದೇವ್ಯಾ ಕಥಿತಾನಿ ಹಿ ।

ಶಕ್ತ್ಯಕ್ಷರಾಣಿ ನಾಮಾನಿ ಕಾಮೇಶಕಥಿತಾನಿ ಚ

॥ 1 ॥

ಶ್ಲೋಕ 62

ಉಭಯಾಕ್ಷರನಾಮಾನಿ ಹ್ಯುಭಾಭ್ಯಾಂ ಕಥಿತಾನಿ ವೈ ।

ತದನ್ಯೈರ್ಗ್ರಥಿತಂ ಸ್ತೋತ್ರಮೇತಸ್ಯ ಸದೃಶಂ ಕಿಮು

॥ 2 ॥

ಶ್ಲೋಕ 63

ನಾನೇನ ಸದೃಶಂ ಸ್ತೋತ್ರಂ ಶ್ರೀದೇವೀಪ್ರೀತಿದಾಯಕಮ್ ।

ಲೋಕತ್ರಯೇಽಪಿ ಕಲ್ಯಾಣಂ ಸಮ್ಭವೇನ್ನಾತ್ರ ಸಂಶಯಃ

॥ 3 ॥

ಶ್ಲೋಕ 64

ಸೂತ ಉವಾಚ ।

ಇತಿ ಹಯಮುಖಗೀತಂ ಸ್ತೋತ್ರರಾಜಂ ನಿಶಮ್ಯ

ಪ್ರಗಲಿತಕಲುಷೋಽಭೂಚ್ಚಿತ್ತಪರ್ಯಾಪ್ತಿಮೇತ್ಯ ।

ನಿಜಗುರುಮಥ ನತ್ವಾ ಕುಮ್ಭಜನ್ಮಾ ತದುಕ್ತಂ

ಪುನರಧಿಕರಹಸ್ಯಂ ಜ್ಞಾತುಮೇವಂ ಜಗಾದ

॥ 4 ॥

ಶ್ಲೋಕ 65

ಅಗಸ್ತ್ಯ ಉವಾಚ ।

ಅಶ್ವಾನನ ಮಹಾಭಾಗ ರಹಸ್ಯಮಪಿ ಮೇ ವದ ।

ಶಿವವರ್ಣಾನಿ ಕಾನ್ಯತ್ರ ಶಕ್ತಿವರ್ಣಾನಿ ಕಾನಿ ಹಿ

॥ 5 ॥

ಶ್ಲೋಕ 66

ಉಭಯೋರಪಿ ವರ್ಣಾನಿ ಕಾನಿ ವಾ ವದ ದೇಶಿಕ ।

ಇತಿ ಪೃಷ್ಟಃ ಕುಮ್ಭಜೇನ ಹಯಗ್ರೀವೋಽವದತ್ಪುನಃ

॥ 6 ॥

ಶ್ಲೋಕ 67

ಹಯಗ್ರೀವ ಉವಾಚ ।

ತವ ಗೋಪ್ಯಂ ಕಿಮಸ್ತೀಹ ಸಾಕ್ಷಾದಮ್ಬಾನುಶಾಸನಾತ್ ।

ಇದಂ ತ್ವತಿರಹಸ್ಯಂ ತೇ ವಕ್ಷ್ಯಾಮಿ ಶೃಣು ಕುಮ್ಭಜ

॥ 7 ॥

ಶ್ಲೋಕ 68

ಏತದ್ವಿಜ್ಞಾನಮಾತ್ರೇಣ ಶ್ರೀವಿದ್ಯಾ ಸಿದ್ಧಿದಾ ಭವೇತ್ ।

ಕತ್ರಯಂ ಹದ್ವಯಂ ಚೈವ ಶೈವೋ ಭಾಗಃ ಪ್ರಕೀರ್ತಿತಃ

॥ 8 ॥

ಶ್ಲೋಕ 69

ಶಕ್ತ್ಯಕ್ಷರಾಣಿ ಶೇಷಾಣಿ ಹ್ರೀಙ್ಕಾರ ಉಭಯಾತ್ಮಕಃ ।

ಏವಂ ವಿಭಾಗಮಜ್ಞಾತ್ವಾ ಯೇ ವಿದ್ಯಾಜಪಶಾಲಿನಃ

॥ 9 ॥

ಶ್ಲೋಕ 70

ನ ತೇಷಾಂ ಸಿದ್ಧಿದಾ ವಿದ್ಯಾ ಕಲ್ಪಕೋಟಿಶತೈರಪಿ ।

ಚತುರ್ಭಿಃ ಶಿವಚಕ್ರೈಶ್ಚ ಶಕ್ತಿಚಕ್ರೈಶ್ಚ ಪಞ್ಚಭಿಃ

॥ 10 ॥

ಶ್ಲೋಕ 71

ನವಚಕ್ರೈಶ್ಚ ಸಂಸಿದ್ಧಂ ಶ್ರೀಚಕ್ರಂ ಶಿವಯೋರ್ವಪುಃ ।

ತ್ರಿಕೋಣಮಷ್ಟಕೋಣಂ ಚ ದಶಕೋಣದ್ವಯಂ ತಥಾ

॥ 11 ॥

ಶ್ಲೋಕ 72

ಚತುರ್ದಶಾರಂ ಚೈತಾನಿ ಶಕ್ತಿಚಕ್ರಾಣಿ ಪಞ್ಚ ಚ ।

ಬಿನ್ದುಶ್ಚಾಷ್ಟದಲಂ ಪದ್ಮಂ ಪದ್ಮಂ ಷೋಡಶಪತ್ರಕಮ್

॥ 12 ॥

ಶ್ಲೋಕ 73

ಚತುರಶ್ರಂ ಚ ಚತ್ವಾರಿ ಶಿವಚಕ್ರಾಣ್ಯನುಕ್ರಮಾತ್ ।

ತ್ರಿಕೋಣೇ ಬೈನ್ದವಂ ಶ್ಲಿಷ್ಟಂ ಅಷ್ಟಾರೇಽಷ್ಟದಲಾಮ್ಬುಜಮ್

॥ 13 ॥

ಶ್ಲೋಕ 74

ದಶಾರಯೋಃ ಷೋಡಶಾರಂ ಭೂಗೃಹಂ ಭುವನಾಶ್ರಕೇ ।

ಶೈವಾನಾಮಪಿ ಶಾಕ್ತಾನಾಂ ಚಕ್ರಾಣಾಂ ಚ ಪರಸ್ಪರಮ್

॥ 14 ॥

ಶ್ಲೋಕ 75

ಅವಿನಾಭಾವಸಮ್ಬನ್ಧಂ ಯೋ ಜಾನಾತಿ ಸ ಚಕ್ರವಿತ್ ।

ತ್ರಿಕೋಣರೂಪಿಣೀ ಶಕ್ತಿರ್ಬಿನ್ದುರೂಪಪರಃ ಶಿವಃ

॥ 15 ॥

ಶ್ಲೋಕ 76

ಅವಿನಾಭಾವಸಮ್ಬನ್ಧಂ ತಸ್ಮಾದ್ಬಿನ್ದುತ್ರಿಕೋಣಯೋಃ ।

ಏವಂ ವಿಭಾಗಮಜ್ಞಾತ್ವಾ ಶ್ರೀಚಕ್ರಂ ಯಃ ಸಮರ್ಚಯೇತ್

॥ 16 ॥

ಶ್ಲೋಕ 77

ನ ತತ್ಫಲಮವಾಪ್ನೋತಿ ಲಲಿತಾಮ್ಬಾ ನ ತುಷ್ಯತಿ ।

ಯೇ ಚ ಜಾನನ್ತಿ ಲೋಕೇಽಸ್ಮಿನ್ ಶ್ರೀವಿದ್ಯಾಚಕ್ರವೇದಿನಃ

॥ 17 ॥

ಶ್ಲೋಕ 78

ಸಾಮನ್ಯವೇದಿನಃ ಸರ್ವೇ ವಿಶೇಷಜ್ಞೋಽತಿದುರ್ಲಭಃ ।

ಸ್ವಯಂವಿದ್ಯಾವಿಶೇಷಜ್ಞೋ ವಿಶೇಷಜ್ಞಂ ಸಮರ್ಚಯೇತ್

॥ 18 ॥

ಶ್ಲೋಕ 79

ತಸ್ಮೈ ದೇಯಂ ತತೋ ಗ್ರಾಹ್ಯಮಶಕ್ತಸ್ತಸ್ಯ ದಾಪಯೇತ್ ।

ಅನ್ಧಂ ತಮಃ ಪ್ರವಿಶನ್ತಿ ಯೇಽವಿದ್ಯಾಂ ಸಮುಪಾಸತೇ

॥ 19 ॥

ಶ್ಲೋಕ 80

ಇತಿ ಶ್ರುತಿರಪಾಹೈತಾನವಿದ್ಯೋಪಾಸಕಾನ್ಪುನಃ ।

ವಿದ್ಯಾನ್ಯೋಪಾಸಕಾನೇವ ನಿನ್ದತ್ಯಾರುಣಿಕೀ ಶ್ರುತಿಃ

॥ 20 ॥

ಶ್ಲೋಕ 81

ಅಶ್ರುತಾ ಸಶ್ರುತಾಸಶ್ಚ ಯಜ್ವಾನೋ ಯೇಽಪ್ಯಯಜ್ವನಃ ।

ಸ್ವರ್ಯನ್ತೋ ನಾಪೇಕ್ಷನ್ತೇ ಇನ್ದ್ರಮಗ್ನಿಂ ಚ ಯೇ ವಿದುಃ

॥ 21 ॥

ಶ್ಲೋಕ 82

ಸಿಕತಾ ಇವ ಸಂಯನ್ತಿ ರಶ್ಮಿಭಿಃ ಸಮುದೀರಿತಾಃ ।

ಅಸ್ಮಾಲ್ಲೋಕಾದಮುಷ್ಮಾಚ್ಚೇತ್ಯಾಹ ಚಾರಣ್ಯಕಶ್ರುತಿಃ

॥ 22 ॥

ಶ್ಲೋಕ 83

ಯಸ್ಯ ನೋ ಪಶ್ಚಿಮಂ ಜನ್ಮ ಯದಿ ವಾ ಶಙ್ಕರಃ ಸ್ವಯಮ್ ।

ತೇನೈವ ಲಭ್ಯತೇ ವಿದ್ಯಾ ಶ್ರೀಮತ್ಪಞ್ಚದಶಾಕ್ಷರೀ

॥ 23 ॥

ಶ್ಲೋಕ 84

ಇತಿ ಮನ್ತ್ರೇಷು ಬಹುಧಾ ವಿದ್ಯಾಯಾ ಮಹಿಮೋಚ್ಯತೇ ।

ಮೋಕ್ಷೈಕಹೇತುವಿದ್ಯಾ ತು ಶ್ರೀವಿದ್ಯಾ ನಾತ್ರ ಸಂಶಯಃ

॥ 24 ॥

ಶ್ಲೋಕ 85

ನ ಶಿಲ್ಪಾದಿಜ್ಞಾನಯುಕ್ತೇ ವಿದ್ವಚ್ಛಬ್ಧಃ ಪ್ರಯುಜ್ಯತೇ ।

ಮೋಕ್ಷೈಕಹೇತುವಿದ್ಯಾ ಸಾ ಶ್ರೀವಿದ್ಯೈವ ನ ಸಂಶಯಃ

॥ 25 ॥

ಶ್ಲೋಕ 86

ತಸ್ಮಾದ್ವಿದ್ಯಾವಿದೇವಾತ್ರ ವಿದ್ವಾನ್ವಿದ್ವಾನಿತೀರ್ಯತೇ ।

ಸ್ವಯಂ ವಿದ್ಯಾವಿದೇ ದದ್ಯಾತ್ಖ್ಯಾಪಯೇತ್ತದ್ಗುಣಾನ್ಸುಧೀಃ

॥ 26 ॥

ಶ್ಲೋಕ 87

ಸ್ವಯಂವಿದ್ಯಾರಹಸ್ಯಜ್ಞೋ ವಿದ್ಯಾಮಾಹಾತ್ಮ್ಯವೇದ್ಯಪಿ ।

ವಿದ್ಯಾವಿದಂ ನಾರ್ಚಯೇಚ್ಚೇತ್ಕೋ ವಾ ತಂ ಪೂಜಯೇಜ್ಜನಃ

॥ 27 ॥

ಶ್ಲೋಕ 88

ಪ್ರಸಙ್ಗಾದಿದಮುಕ್ತಂ ತೇ ಪ್ರಕೃತಂ ಶೃಣು ಕುಮ್ಭಜ ।

ಯಃ ಕೀರ್ತಯೇತ್ಸಕೃದ್ಭಕ್ತ್ಯಾ ದಿವ್ಯನಾಮಶತತ್ರಯಮ್

॥ 28 ॥

ಶ್ಲೋಕ 89

ತಸ್ಯ ಪುಣ್ಯಮಹಂ ವಕ್ಷ್ಯೇ ಶೃಣು ತ್ವಂ ಕುಮ್ಭಸಮ್ಭವ ।

ರಹಸ್ಯನಾಮಸಾಹಸ್ರಪಾಠೇ ಯತ್ಫಲಮೀರಿತಮ್

॥ 29 ॥

ಶ್ಲೋಕ 90

ತತ್ಫಲಂ ಕೋಟಿಗುಣಿತಮೇಕನಾಮಜಪಾದ್ಭವೇತ್ ।

ಕಾಮೇಶ್ವರೀಕಾಮೇಶಾಭ್ಯಾಂ ಕೃತಂ ನಾಮಶತತ್ರಯಮ್

॥ 30 ॥

ಶ್ಲೋಕ 91

ನಾನ್ಯೇನ ತುಲಯೇದೇತತ್ ಸ್ತೋತ್ರೇಣಾನ್ಯಕೃತೇನ ಚ ।

ಶ್ರಿಯಃ ಪರಮ್ಪರಾ ಯಸ್ಯ ಭಾವಿ ವಾ ಚೋತ್ತರೋತ್ತರಮ್

॥ 31 ॥

ಶ್ಲೋಕ 92

ತೇನೈವ ಲಭ್ಯತೇ ಚೈತತ್ಪಶ್ಚಾಚ್ಛ್ರೇಯಃ ಪರೀಕ್ಷಯೇತ್ ।

ಅಸ್ಯಾ ನಾಮ್ನಾಂ ತ್ರಿಶತ್ಯಾಸ್ತು ಮಹಿಮಾ ಕೇನ ವರ್ಣ್ಯತೇ

॥ 32 ॥

ಶ್ಲೋಕ 93

ಯಾ ಸ್ವಯಂ ಶಿವಯೋರ್ವಕ್ತ್ರಪದ್ಮಾಭ್ಯಾಂ ಪರಿನಿಃಸೃತಾ ।

ನಿತ್ಯಂ ಷೋಡಶಸಙ್ಖ್ಯಾಕಾನ್ವಿಪ್ರಾನಾದೌ ತು ಭೋಜಯೇತ್

॥ 33 ॥

ಶ್ಲೋಕ 94

ಅಭ್ಯಕ್ತಾಂಸ್ತಿಲತೈಲೇನ ಸ್ನಾತಾನುಷ್ಣೇನ ವಾರಿಣಾ ।

ಅಭ್ಯರ್ಚ್ಯ ಗನ್ಧಪುಷ್ಪಾದ್ಯೈಃ ಕಾಮೇಶ್ವರ್ಯಾದಿನಾಮಭಿಃ

॥ 34 ॥

ಶ್ಲೋಕ 95

ಸೂಪಾಪೂಪೈಃ ಶರ್ಕರಾದ್ಯೈಃ ಪಾಯಸೈಃ ಫಲಸಂಯುತೈಃ ।

ವಿದ್ಯಾವಿದೋ ವಿಶೇಷೇಣ ಭೋಜಯೇತ್ಷೋಡಶ ದ್ವಿಜಾನ್

॥ 35 ॥

ಶ್ಲೋಕ 96

ಏವಂ ನಿತ್ಯಾರ್ಚನಂ ಕುರ್ಯಾದಾದೌ ಬ್ರಾಹ್ಮಣಭೋಜನಮ್ ।

ತ್ರಿಶತೀನಾಮಭಿಃ ಪಶ್ಚಾದ್ಬ್ರಾಹ್ಮಣಾನ್ಕ್ರಮಶೋಽರ್ಚಯೇತ್

॥ 36 ॥

ಶ್ಲೋಕ 97

ತೈಲಾಭ್ಯಙ್ಗಾದಿಕಂ ದತ್ವಾ ವಿಭವೇ ಸತಿ ಭಕ್ತಿತಃ ।

ಶುಕ್ಲಪ್ರತಿಪದಾರಭ್ಯ ಪೌರ್ಣಮಾಸ್ಯವಧಿ ಕ್ರಮಾತ್

॥ 37 ॥

ಶ್ಲೋಕ 98

ದಿವಸೇ ದಿವಸೇ ವಿಪ್ರಾ ಭೋಜ್ಯಾ ವಿಂಶತಿಸಙ್ಖ್ಯಯಾ ।

ದಶಭಿಃ ಪಞ್ಚಭಿರ್ವಾಪಿ ತ್ರಿಭಿರೇಕೇನ ವಾ ದಿನೈಃ

॥ 38 ॥

ಶ್ಲೋಕ 99

ತ್ರಿಂಶತ್ಷಷ್ಟಿಃ ಶತಂ ವಿಪ್ರಾಃ ಸಮ್ಭೋಜ್ಯಾಸ್ತ್ರಿಶತಂ ಕ್ರಮಾತ್ ।

ಏವಂ ಯಃ ಕುರುತೇ ಭಕ್ತ್ಯಾ ಜನ್ಮಮಧ್ಯೇ ಸಕೃನ್ನರಃ

॥ 39 ॥

ಶ್ಲೋಕ 100

ತಸ್ಯೈವ ಸಫಲಂ ಜನ್ಮ ಮುಕ್ತಿಸ್ತಸ್ಯ ಕರೇ ಸ್ಥಿರಾ ।

ರಹಸ್ಯನಾಮಸಾಹಸ್ರಭೋಜನೇಽಪ್ಯೇವಮೇವ ಹಿ

॥ 40 ॥

ಶ್ಲೋಕ 101

ಆದೌ ನಿತ್ಯಬಲಿಂ ಕುರ್ಯಾತ್ಪಶ್ಚಾದ್ಬ್ರಾಹ್ಮಣಭೋಜನಮ್ ।

ರಹಸ್ಯನಾಮಸಾಹಸ್ರಮಹಿಮಾ ಯೋ ಮಯೋದಿತಃ

॥ 41 ॥

ಶ್ಲೋಕ 102

ಸ ಶೀಕರಾಣುರತ್ನೈಕನಾಮ್ನೋ ಮಹಿಮವಾರಿಧೇಃ ।

ವಾಗ್ದೇವೀರಚಿತೇ ನಾಮಸಾಹಸ್ರೇ ಯದ್ಯದೀರಿತಮ್

॥ 42 ॥

ಶ್ಲೋಕ 103

ತತ್ಫಲಂ ಕೋಟಿಗುಣಿತಂ ನಾಮ್ನೋಽಪ್ಯೇಕಸ್ಯ ಕೀರ್ತನಾತ್ ।

ಏತದನ್ಯೈರ್ಜಪೈಃ ಸ್ತೋತ್ರೈರರ್ಚನೈರ್ಯತ್ಫಲಂ ಭವೇತ್

॥ 43 ॥

ಶ್ಲೋಕ 104

ತತ್ಫಲಂ ಕೋಟಿಗುಣಿತಂ ಭವೇನ್ನಾಮಶತತ್ರಯಾತ್ ।

ವಾಗ್ದೇವೀರಚಿತೇ ಸ್ತೋತ್ರೇ ತಾದೃಶೋ ಮಹಿಮಾ ಯದಿ

॥ 44 ॥

ಶ್ಲೋಕ 105

ಸಾಕ್ಷಾತ್ಕಾಮೇಶಕಾಮೇಶೀಕೃತೇಽಸ್ಮಿನ್ಗೃಹ್ಯತಾಮಿತಿ ।

ಸಕೃತ್ಸಙ್ಕೀರ್ತನಾದೇವ ನಾಮ್ನಾಮಸ್ಮಿನ್ ಶತತ್ರಯೇ

॥ 45 ॥

ಶ್ಲೋಕ 106

ಭವೇಚ್ಚಿತ್ತಸ್ಯ ಪರ್ಯಾಪ್ತಿರ್ನ್ಯೂನಮನ್ಯಾನಪೇಕ್ಷಿಣೀ ।

ನ ಜ್ಞಾತವ್ಯಮಿತೋಽಪ್ಯನ್ಯತ್ರ ಜಪ್ತವ್ಯಂ ಚ ಕುಮ್ಭಜ

॥ 46 ॥

ಶ್ಲೋಕ 107

ಯದ್ಯತ್ಸಾಧ್ಯತಮಂ ಕಾರ್ಯಂ ತತ್ತದರ್ಥಮಿದಂ ಜಪೇತ್ ।

ತತ್ತತ್ಫಲಮವಾಪ್ನೋತಿ ಪಶ್ಚಾತ್ಕಾರ್ಯಂ ಪರೀಕ್ಷಯೇತ್

॥ 47 ॥

ಶ್ಲೋಕ 108

ಯೇ ಯೇ ಪ್ರಯೋಗಾಸ್ತನ್ತ್ರೇಷು ತೈಸ್ತೈರ್ಯತ್ಸಾಧ್ಯತೇ ಫಲಮ್ ।

ತತ್ಸರ್ವಂ ಸಿಧ್ಯತಿ ಕ್ಷಿಪ್ರಂ ನಾಮತ್ರಿಶತಕೀರ್ತನಾತ್

॥ 48 ॥

ಶ್ಲೋಕ 109

ಆಯುಷ್ಕರಂ ಪುಷ್ಟಿಕರಂ ಪುತ್ರದಂ ವಶ್ಯಕಾರಕಮ್ ।

ವಿದ್ಯಾಪ್ರದಂ ಕೀರ್ತಿಕರಂ ಸುಕವಿತ್ವಪ್ರದಾಯಕಮ್

॥ 49 ॥

ಶ್ಲೋಕ 110

ಸರ್ವಸಮ್ಪತ್ಪ್ರದಂ ಸರ್ವಭೋಗದಂ ಸರ್ವಸೌಖ್ಯದಮ್ ।

ಸರ್ವಾಭೀಷ್ಟಪ್ರದಂ ಚೈವ ದೇವ್ಯಾ ನಾಮಶತತ್ರಯಮ್

॥ 50 ॥

ಶ್ಲೋಕ 111

ಏತಜ್ಜಪಪರೋ ಭೂಯಾನ್ನಾನ್ಯದಿಚ್ಛೇತ್ಕದಾಚನ ।

ಏತತ್ಕೀರ್ತನಸನ್ತುಷ್ಟಾ ಶ್ರೀದೇವೀ ಲಲಿತಾಮ್ಬಿಕಾ

॥ 51 ॥

ಶ್ಲೋಕ 112

ಭಕ್ತಸ್ಯ ಯದ್ಯದಿಷ್ಟಂ ಸ್ಯಾತ್ತತ್ತತ್ಪೂರಯತೇ ಧ್ರುವಮ್ ।

ತಸ್ಮಾತ್ಕುಮ್ಭೋದ್ಭವ ಮುನೇ ಕೀರ್ತಯ ತ್ವಮಿದಂ ಸದಾ

॥ 52 ॥

ಶ್ಲೋಕ 113

ನಾಪರಂ ಕಿಞ್ಚಿದಪಿ ತೇ ಬೋದ್ಧವ್ಯಮವಶಿಷ್ಯತೇ ।

ಇತಿ ತೇ ಕಥಿತಂ ಸ್ತೋತ್ರಂ ಲಲಿತಾಪ್ರೀತಿದಾಯಕಮ್

॥ 53 ॥

ಶ್ಲೋಕ 114

ನಾವಿದ್ಯಾವೇದಿನೇ ಬ್ರೂಯಾನ್ನಾಭಕ್ತಾಯ ಕದಾಚನ ।

ನ ಶಠಾಯ ನ ದುಷ್ಟಾಯ ನಾವಿಶ್ವಾಸಾಯ ಕರ್ಹಿಚಿತ್

॥ 54 ॥

ಶ್ಲೋಕ 115

ಯೋ ಬ್ರೂಯಾತ್ತ್ರಿಶತೀಂ ನಾಮ್ನಾಂ ತಸ್ಯಾನರ್ಥೋ ಮಹಾನ್ಭವೇತ್ ।

ಇತ್ಯಾಜ್ಞಾ ಶಾಙ್ಕರೀ ಪ್ರೋಕ್ತಾ ತಸ್ಮಾದ್ಗೋಪ್ಯಮಿದಂ ತ್ವಯಾ

॥ 56 ॥

ಶ್ಲೋಕ 116

ಲಲಿತಾಪ್ರೇರಿತೇನೈವ ಮಯೋಕ್ತಂ ಸ್ತೋತ್ರಮುತ್ತಮಮ್ ।

ರಹಸ್ಯನಾಮಸಾಹಸ್ರಾದಪಿ ಗೋಪ್ಯಮಿದಂ ಮುನೇ

॥ 57 ॥

ಶ್ಲೋಕ 117

ಸೂತ ಉವಾಚ ।

ಏವಮುಕ್ತ್ವಾ ಹಯಗ್ರೀವಃ ಕುಮ್ಭಜಂ ತಾಪಸೋತ್ತಮಮ್ ।

ಸ್ತೋತ್ರೇಣಾನೇನ ಲಲಿತಾಂ ಸ್ತುತ್ವಾ ತ್ರಿಪುರಸುನ್ದರೀಮ್ ।

ಆನನ್ದಲಹರೀಮಗ್ನಮಾನಸಃ ಸಮವರ್ತತ

॥ 58 ॥

ಶ್ಲೋಕ 118

ಇತಿ ಬ್ರಹ್ಮಾಣ್ಡಪುರಾಣೇ ಉತ್ತರಖಣ್ಡೇ ಹಯಗ್ರೀವಾಗಸ್ತ್ಯಸಂವಾದೇ ಲಲಿತೋಪಾಖ್ಯಾನೇ ಸ್ತೋತ್ರಖಣ್ಡೇ ಶ್ರೀಲಲಿತಾತ್ರಿಶತೀಸ್ತೋತ್ರರತ್ನಮ್ ।