Sri Lalitha Trishati Stotram
શ્રી લલિતા ત્રિશતિ સ્તોત્રમ્
Sri Lalitha Trishati Stotram
શ્રી લલિતા ત્રિશતિ સ્તોત્રમ્
અસ્ય શ્રીલલિતા ત્રિશતીસ્તોત્ર મહામન્ત્રસ્ય, ભગવાન્ હયગ્રીવ ઋષિઃ, અનુષ્ટુપ્ છન્દઃ, શ્રીલલિતામહાત્રિપુરસુન્દરી દેવતા, ઐં બીજં, સૌઃ શક્તિઃ, ક્લીં કીલકં, મમ ચતુર્વિધપુરુષાર્થફલસિદ્ધ્યર્થે જપે વિનિયોગઃ ।
ઐમિત્યાદિભિરઙ્ગન્યાસકરન્યાસાઃ કાર્યાઃ ।
ધ્યાનમ્ ।
અતિમધુરચાપહસ્તા-
-મપરિમિતામોદબાણસૌભાગ્યામ્ ।
અરુણામતિશયકરુણા-
-મભિનવકુલસુન્દરીં વન્દે ।
શ્રી હયગ્રીવ ઉવાચ ।
કકારરૂપા કલ્યાણી કલ્યાણગુણશાલિની ।
કલ્યાણશૈલનિલયા કમનીયા કલાવતી ॥ 1 ॥
કમલાક્ષી કલ્મષઘ્ની કરુણામૃતસાગરા ।
કદમ્બકાનનાવાસા કદમ્બકુસુમપ્રિયા ॥ 2 ॥
કન્દર્પવિદ્યા કન્દર્પજનકાપાઙ્ગવીક્ષણા ।
કર્પૂરવીટિસૌરભ્યકલ્લોલિતકકુપ્તટા ॥ 3 ॥
કલિદોષહરા કઞ્જલોચના કમ્રવિગ્રહા ।
કર્માદિસાક્ષિણી કારયિત્રી કર્મફલપ્રદા ॥ 4 ॥
એકારરૂપા ચૈકાક્ષર્યેકાનેકાક્ષરાકૃતિઃ ।
એતત્તદિત્યનિર્દેશ્યા ચૈકાનન્દચિદાકૃતિઃ ॥ 5 ॥
એવમિત્યાગમાબોધ્યા ચૈકભક્તિમદર્ચિતા ।
એકાગ્રચિત્તનિર્ધ્યાતા ચૈષણારહિતાદૃતા ॥ 6 ॥
એલાસુગન્ધિચિકુરા ચૈનઃકૂટવિનાશિની ।
એકભોગા ચૈકરસા ચૈકૈશ્વર્યપ્રદાયિની ॥ 7 ॥
એકાતપત્રસામ્રાજ્યપ્રદા ચૈકાન્તપૂજિતા ।
એધમાનપ્રભા ચૈજદનેકજગદીશ્વરી ॥ 8 ॥
એકવીરાદિસંસેવ્યા ચૈકપ્રાભવશાલિની ।
ઈકારરૂપા ચેશિત્રી ચેપ્સિતાર્થપ્રદાયિની ॥ 9 ॥
ઈદૃગિત્યવિનિર્દેશ્યા ચેશ્વરત્વવિધાયિની ।
ઈશાનાદિબ્રહ્મમયી ચેશિત્વાદ્યષ્ટસિદ્ધિદા ॥ 10 ॥
ઈક્ષિત્રીક્ષણસૃષ્ટાણ્ડકોટિરીશ્વરવલ્લભા ।
ઈડિતા ચેશ્વરાર્ધાઙ્ગશરીરેશાધિદેવતા ॥ 11 ॥
ઈશ્વરપ્રેરણકરી ચેશતાણ્ડવસાક્ષિણી ।
ઈશ્વરોત્સઙ્ગનિલયા ચેતિબાધાવિનાશિની ॥ 12 ॥
ઈહાવિરહિતા ચેશશક્તિરીષત્સ્મિતાનના ।
લકારરૂપા લલિતા લક્ષ્મીવાણીનિષેવિતા ॥ 13 ॥
લાકિની લલનારૂપા લસદ્દાડિમપાટલા ।
લલન્તિકાલસત્ફાલા લલાટનયનાર્ચિતા ॥ 14 ॥
લક્ષણોજ્જ્વલદિવ્યાઙ્ગી લક્ષકોટ્યણ્ડનાયિકા ।
લક્ષ્યાર્થા લક્ષણાગમ્યા લબ્ધકામા લતાતનુઃ ॥ 15 ॥
લલામરાજદલિકા લમ્બિમુક્તાલતાઞ્ચિતા ।
લમ્બોદરપ્રસૂર્લભ્યા લજ્જાઢ્યા લયવર્જિતા ॥ 16 ॥
હ્રીંકારરૂપા હ્રીંકારનિલયા હ્રીંપદપ્રિયા ।
હ્રીંકારબીજા હ્રીંકારમન્ત્રા હ્રીંકારલક્ષણા ॥ 17 ॥
હ્રીંકારજપસુપ્રીતા હ્રીંમતી હ્રીંવિભૂષણા ।
હ્રીંશીલા હ્રીંપદારાધ્યા હ્રીંગર્ભા હ્રીંપદાભિધા ॥ 18 ॥
હ્રીંકારવાચ્યા હ્રીંકારપૂજ્યા હ્રીંકારપીઠિકા ।
હ્રીંકારવેદ્યા હ્રીંકારચિન્ત્યા હ્રીં હ્રીંશરીરિણી ॥ 19 ॥
હકારરૂપા હલધૃક્પૂજિતા હરિણેક્ષણા ।
હરપ્રિયા હરારાધ્યા હરિબ્રહ્મેન્દ્રવન્દિતા ॥ 20 ॥
હયારૂઢાસેવિતાઙ્ઘ્રિર્હયમેધસમર્ચિતા ।
હર્યક્ષવાહના હંસવાહના હતદાનવા ॥ 21 ॥
હત્યાદિપાપશમની હરિદશ્વાદિસેવિતા ।
હસ્તિકુમ્ભોત્તુઙ્ગકુચા હસ્તિકૃત્તિપ્રિયાઙ્ગના ॥ 22 ॥
હરિદ્રાકુઙ્કુમાદિગ્ધા હર્યશ્વાદ્યમરાર્ચિતા ।
હરિકેશસખી હાદિવિદ્યા હાલામદાલસા ॥ 23 ॥
સકારરૂપા સર્વજ્ઞા સર્વેશી સર્વમઙ્ગલા ।
સર્વકર્ત્રી સર્વભર્ત્રી સર્વહન્ત્રી સનાતના ॥ 24 ॥
સર્વાનવદ્યા સર્વાઙ્ગસુન્દરી સર્વસાક્ષિણી ।
સર્વાત્મિકા સર્વસૌખ્યદાત્રી સર્વવિમોહિની ॥ 25 ॥
સર્વાધારા સર્વગતા સર્વાવગુણવર્જિતા ।
સર્વારુણા સર્વમાતા સર્વભૂષણભૂષિતા ॥ 26 ॥
કકારાર્થા કાલહન્ત્રી કામેશી કામિતાર્થદા ।
કામસઞ્જીવની કલ્યા કઠિનસ્તનમણ્ડલા ॥ 27 ॥
કરભોરૂઃ કલાનાથમુખી કચજિતામ્બુદા ।
કટાક્ષસ્યન્દિકરુણા કપાલિપ્રાણનાયિકા ॥ 28 ॥
કારુણ્યવિગ્રહા કાન્તા કાન્તિધૂતજપાવલિઃ ।
કલાલાપા કમ્બુકણ્ઠી કરનિર્જિતપલ્લવા ॥ 29 ॥
કલ્પવલ્લીસમભુજા કસ્તૂરીતિલકાઞ્ચિતા ।
હકારાર્થા હંસગતિર્હાટકાભરણોજ્જ્વલા ॥ 30 ॥
હારહારિકુચાભોગા હાકિની હલ્યવર્જિતા ।
હરિત્પતિસમારાધ્યા હઠાત્કારહતાસુરા ॥ 31 ॥
હર્ષપ્રદા હવિર્ભોક્ત્રી હાર્દસન્તમસાપહા ।
હલ્લીસલાસ્યસન્તુષ્ટા હંસમન્ત્રાર્થરૂપિણી ॥ 32 ॥
હાનોપાદાનનિર્મુક્તા હર્ષિણી હરિસોદરી ।
હાહાહૂહૂમુખસ્તુત્યા હાનિવૃદ્ધિવિવર્જિતા ॥ 33 ॥
હય્યઙ્ગવીનહૃદયા હરિગોપારુણાંશુકા ।
લકારાખ્યા લતાપૂજ્યા લયસ્થિત્યુદ્ભવેશ્વરી ॥ 34 ॥
લાસ્યદર્શનસન્તુષ્ટા લાભાલાભવિવર્જિતા ।
લઙ્ઘ્યેતરાજ્ઞા લાવણ્યશાલિની લઘુસિદ્ધિદા ॥ 35 ॥
લાક્ષારસસવર્ણાભા લક્ષ્મણાગ્રજપૂજિતા ।
લભ્યેતરા લબ્ધભક્તિસુલભા લાઙ્ગલાયુધા ॥ 36 ॥
લગ્નચામરહસ્તશ્રીશારદાપરિવીજિતા ।
લજ્જાપદસમારાધ્યા લમ્પટા લકુલેશ્વરી ॥ 37 ॥
લબ્ધમાના લબ્ધરસા લબ્ધસમ્પત્સમુન્નતિઃ ।
હ્રીંકારિણી હ્રીંકારાદ્યા હ્રીંમધ્યા હ્રીંશિખામણિઃ ॥ 38 ॥
હ્રીંકારકુણ્ડાગ્નિશિખા હ્રીંકારશશિચન્દ્રિકા ।
હ્રીંકારભાસ્કરરુચિર્હ્રીંકારામ્ભોદચઞ્ચલા ॥ 39 ॥
હ્રીંકારકન્દાઙ્કુરિકા હ્રીંકારૈકપરાયણા ।
હ્રીંકારદીર્ઘિકાહંસી હ્રીંકારોદ્યાનકેકિની ॥ 40 ॥
હ્રીંકારારણ્યહરિણી હ્રીંકારાવાલવલ્લરી ।
હ્રીંકારપઞ્જરશુકી હ્રીંકારાઙ્ગણદીપિકા ॥ 41 ॥
હ્રીંકારકન્દરાસિંહી હ્રીંકારામ્ભોજભૃઙ્ગિકા ।
હ્રીંકારસુમનોમાધ્વી હ્રીંકારતરુમઞ્જરી ॥ 42 ॥
સકારાખ્યા સમરસા સકલાગમસંસ્તુતા ।
સર્વવેદાન્તતાત્પર્યભૂમિઃ સદસદાશ્રયા ॥ 43 ॥
સકલા સચ્ચિદાનન્દા સાધ્યા સદ્ગતિદાયિની ।
સનકાદિમુનિધ્યેયા સદાશિવકુટુમ્બિની ॥ 44 ॥
સકાલાધિષ્ઠાનરૂપા સત્યરૂપા સમાકૃતિઃ ।
સર્વપ્રપઞ્ચનિર્માત્રી સમનાધિકવર્જિતા ॥ 45 ॥
સર્વોત્તુઙ્ગા સઙ્ગહીના સગુણા સકલેષ્ટદા ।
કકારિણી કાવ્યલોલા કામેશ્વરમનોહરા ॥ 46 ॥
કામેશ્વરપ્રાણનાડી કામેશોત્સઙ્ગવાસિની ।
કામેશ્વરાલિઙ્ગિતાઙ્ગી કામેશ્વરસુખપ્રદા ॥ 47 ॥
કામેશ્વરપ્રણયિની કામેશ્વરવિલાસિની ।
કામેશ્વરતપઃસિદ્ધિઃ કામેશ્વરમનઃપ્રિયા ॥ 48 ॥
કામેશ્વરપ્રાણનાથા કામેશ્વરવિમોહિની ।
કામેશ્વરબ્રહ્મવિદ્યા કામેશ્વરગૃહેશ્વરી ॥ 49 ॥
કામેશ્વરાહ્લાદકરી કામેશ્વરમહેશ્વરી ।
કામેશ્વરી કામકોટિનિલયા કાઙ્ક્ષિતાર્થદા ॥ 50 ॥
લકારિણી લબ્ધરૂપા લબ્ધધીર્લબ્ધવાઞ્છિતા ।
લબ્ધપાપમનોદૂરા લબ્ધાહઙ્કારદુર્ગમા ॥ 51 ॥
લબ્ધશક્તિર્લબ્ધદેહા લબ્ધૈશ્વર્યસમુન્નતિઃ ।
લબ્ધવૃદ્ધિર્લબ્ધલીલા લબ્ધયૌવનશાલિની ॥ 52 ॥
લબ્ધાતિશયસર્વાઙ્ગસૌન્દર્યા લબ્ધવિભ્રમા ।
લબ્ધરાગા લબ્ધપતિર્લબ્ધનાનાગમસ્થિતિઃ ॥ 53 ॥
લબ્ધભોગા લબ્ધસુખા લબ્ધહર્ષાભિપૂરિતા ।
હ્રીંકારમૂર્તિર્હ્રીંકારસૌધશૃઙ્ગકપોતિકા ॥ 54 ॥
હ્રીંકારદુગ્ધાબ્ધિસુધા હ્રીંકારકમલેન્દિરા ।
હ્રીંકારમણિદીપાર્ચિર્હ્રીંકારતરુશારિકા ॥ 55 ॥
હ્રીંકારપેટકમણિર્હ્રીંકારાદર્શબિમ્બિતા ।
હ્રીંકારકોશાસિલતા હ્રીંકારાસ્થાનનર્તકી ॥ 56 ॥
હ્રીંકારશુક્તિકામુક્તામણિર્હ્રીંકારબોધિતા ।
હ્રીંકારમયસૌવર્ણસ્તમ્ભવિદ્રુમપુત્રિકા ॥ 57 ॥
હ્રીંકારવેદોપનિષદ્ હ્રીંકારાધ્વરદક્ષિણા ।
હ્રીંકારનન્દનારામનવકલ્પકવલ્લરી ॥ 58 ॥
હ્રીંકારહિમવદ્ગઙ્ગા હ્રીંકારાર્ણવકૌસ્તુભા ।
હ્રીંકારમન્ત્રસર્વસ્વા હ્રીંકારપરસૌખ્યદા ॥ 59 ॥
ઉત્તરપીઠિકા (ફલશૃતિઃ)
હયગ્રીવ ઉવાચ ।
ઇત્યેવં તે મયાખ્યાતં દેવ્યા નામશતત્રયમ્ ।
રહસ્યાતિરહસ્યત્વાદ્ગોપનીયં ત્વયા મુને ॥ 1 ॥
શિવવર્ણાનિ નામાનિ શ્રીદેવ્યા કથિતાનિ હિ ।
શક્ત્યક્ષરાણિ નામાનિ કામેશકથિતાનિ ચ ॥ 2 ॥
ઉભયાક્ષરનામાનિ હ્યુભાભ્યાં કથિતાનિ વૈ ।
તદન્યૈર્ગ્રથિતં સ્તોત્રમેતસ્ય સદૃશં કિમુ ॥ 3 ॥
નાનેન સદૃશં સ્તોત્રં શ્રીદેવીપ્રીતિદાયકમ્ ।
લોકત્રયેઽપિ કલ્યાણં સમ્ભવેન્નાત્ર સંશયઃ ॥ 4 ॥
સૂત ઉવાચ ।
ઇતિ હયમુખગીતં સ્તોત્રરાજં નિશમ્ય
પ્રગલિતકલુષોઽભૂચ્ચિત્તપર્યાપ્તિમેત્ય ।
નિજગુરુમથ નત્વા કુમ્ભજન્મા તદુક્તં
પુનરધિકરહસ્યં જ્ઞાતુમેવં જગાદ ॥ 5 ॥
અગસ્ત્ય ઉવાચ ।
અશ્વાનન મહાભાગ રહસ્યમપિ મે વદ ।
શિવવર્ણાનિ કાન્યત્ર શક્તિવર્ણાનિ કાનિ હિ ॥ 6 ॥
ઉભયોરપિ વર્ણાનિ કાનિ વા વદ દેશિક ।
ઇતિ પૃષ્ટઃ કુમ્ભજેન હયગ્રીવોઽવદત્પુનઃ ॥ 7 ॥
હયગ્રીવ ઉવાચ ।
તવ ગોપ્યં કિમસ્તીહ સાક્ષાદમ્બાનુશાસનાત્ ।
ઇદં ત્વતિરહસ્યં તે વક્ષ્યામિ શૃણુ કુમ્ભજ ॥ 8 ॥
એતદ્વિજ્ઞાનમાત્રેણ શ્રીવિદ્યા સિદ્ધિદા ભવેત્ ।
કત્રયં હદ્વયં ચૈવ શૈવો ભાગઃ પ્રકીર્તિતઃ ॥ 9 ॥
શક્ત્યક્ષરાણિ શેષાણિ હ્રીઙ્કાર ઉભયાત્મકઃ ।
એવં વિભાગમજ્ઞાત્વા યે વિદ્યાજપશાલિનઃ ॥ 10 ॥
ન તેષાં સિદ્ધિદા વિદ્યા કલ્પકોટિશતૈરપિ ।
ચતુર્ભિઃ શિવચક્રૈશ્ચ શક્તિચક્રૈશ્ચ પઞ્ચભિઃ ॥ 11 ॥
નવચક્રૈશ્ચ સંસિદ્ધં શ્રીચક્રં શિવયોર્વપુઃ ।
ત્રિકોણમષ્ટકોણં ચ દશકોણદ્વયં તથા ॥ 12 ॥
ચતુર્દશારં ચૈતાનિ શક્તિચક્રાણિ પઞ્ચ ચ ।
બિન્દુશ્ચાષ્ટદલં પદ્મં પદ્મં ષોડશપત્રકમ્ ॥ 13 ॥
ચતુરશ્રં ચ ચત્વારિ શિવચક્રાણ્યનુક્રમાત્ ।
ત્રિકોણે બૈન્દવં શ્લિષ્ટં અષ્ટારેઽષ્ટદલામ્બુજમ્ ॥ 14 ॥
દશારયોઃ ષોડશારં ભૂગૃહં ભુવનાશ્રકે ।
શૈવાનામપિ શાક્તાનાં ચક્રાણાં ચ પરસ્પરમ્ ॥ 15 ॥
અવિનાભાવસમ્બન્ધં યો જાનાતિ સ ચક્રવિત્ ।
ત્રિકોણરૂપિણી શક્તિર્બિન્દુરૂપપરઃ શિવઃ ॥ 16 ॥
અવિનાભાવસમ્બન્ધં તસ્માદ્બિન્દુત્રિકોણયોઃ ।
એવં વિભાગમજ્ઞાત્વા શ્રીચક્રં યઃ સમર્ચયેત્ ॥ 17 ॥
ન તત્ફલમવાપ્નોતિ લલિતામ્બા ન તુષ્યતિ ।
યે ચ જાનન્તિ લોકેઽસ્મિન્ શ્રીવિદ્યાચક્રવેદિનઃ ॥ 18 ॥
સામન્યવેદિનઃ સર્વે વિશેષજ્ઞોઽતિદુર્લભઃ ।
સ્વયંવિદ્યાવિશેષજ્ઞો વિશેષજ્ઞં સમર્ચયેત્ ॥ 19 ॥
તસ્મૈ દેયં તતો ગ્રાહ્યમશક્તસ્તસ્ય દાપયેત્ ।
અન્ધં તમઃ પ્રવિશન્તિ યેઽવિદ્યાં સમુપાસતે ॥ 20 ॥
ઇતિ શ્રુતિરપાહૈતાનવિદ્યોપાસકાન્પુનઃ ।
વિદ્યાન્યોપાસકાનેવ નિન્દત્યારુણિકી શ્રુતિઃ ॥ 21 ॥
અશ્રુતા સશ્રુતાસશ્ચ યજ્વાનો યેઽપ્યયજ્વનઃ ।
સ્વર્યન્તો નાપેક્ષન્તે ઇન્દ્રમગ્નિં ચ યે વિદુઃ ॥ 22 ॥
સિકતા ઇવ સંયન્તિ રશ્મિભિઃ સમુદીરિતાઃ ।
અસ્માલ્લોકાદમુષ્માચ્ચેત્યાહ ચારણ્યકશ્રુતિઃ ॥ 23 ॥
યસ્ય નો પશ્ચિમં જન્મ યદિ વા શઙ્કરઃ સ્વયમ્ ।
તેનૈવ લભ્યતે વિદ્યા શ્રીમત્પઞ્ચદશાક્ષરી ॥ 24 ॥
ઇતિ મન્ત્રેષુ બહુધા વિદ્યાયા મહિમોચ્યતે ।
મોક્ષૈકહેતુવિદ્યા તુ શ્રીવિદ્યા નાત્ર સંશયઃ ॥ 25 ॥
ન શિલ્પાદિજ્ઞાનયુક્તે વિદ્વચ્છબ્ધઃ પ્રયુજ્યતે ।
મોક્ષૈકહેતુવિદ્યા સા શ્રીવિદ્યૈવ ન સંશયઃ ॥ 26 ॥
તસ્માદ્વિદ્યાવિદેવાત્ર વિદ્વાન્વિદ્વાનિતીર્યતે ।
સ્વયં વિદ્યાવિદે દદ્યાત્ખ્યાપયેત્તદ્ગુણાન્સુધીઃ ॥ 27 ॥
સ્વયંવિદ્યારહસ્યજ્ઞો વિદ્યામાહાત્મ્યવેદ્યપિ ।
વિદ્યાવિદં નાર્ચયેચ્ચેત્કો વા તં પૂજયેજ્જનઃ ॥ 28 ॥
પ્રસઙ્ગાદિદમુક્તં તે પ્રકૃતં શૃણુ કુમ્ભજ ।
યઃ કીર્તયેત્સકૃદ્ભક્ત્યા દિવ્યનામશતત્રયમ્ ॥ 29 ॥
તસ્ય પુણ્યમહં વક્ષ્યે શૃણુ ત્વં કુમ્ભસમ્ભવ ।
રહસ્યનામસાહસ્રપાઠે યત્ફલમીરિતમ્ ॥ 30 ॥
તત્ફલં કોટિગુણિતમેકનામજપાદ્ભવેત્ ।
કામેશ્વરીકામેશાભ્યાં કૃતં નામશતત્રયમ્ ॥ 31 ॥
નાન્યેન તુલયેદેતત્ સ્તોત્રેણાન્યકૃતેન ચ ।
શ્રિયઃ પરમ્પરા યસ્ય ભાવિ વા ચોત્તરોત્તરમ્ ॥ 32 ॥
તેનૈવ લભ્યતે ચૈતત્પશ્ચાચ્છ્રેયઃ પરીક્ષયેત્ ।
અસ્યા નામ્નાં ત્રિશત્યાસ્તુ મહિમા કેન વર્ણ્યતે ॥ 33 ॥
યા સ્વયં શિવયોર્વક્ત્રપદ્માભ્યાં પરિનિઃસૃતા ।
નિત્યં ષોડશસઙ્ખ્યાકાન્વિપ્રાનાદૌ તુ ભોજયેત્ ॥ 34 ॥
અભ્યક્તાંસ્તિલતૈલેન સ્નાતાનુષ્ણેન વારિણા ।
અભ્યર્ચ્ય ગન્ધપુષ્પાદ્યૈઃ કામેશ્વર્યાદિનામભિઃ ॥ 35 ॥
સૂપાપૂપૈઃ શર્કરાદ્યૈઃ પાયસૈઃ ફલસંયુતૈઃ ।
વિદ્યાવિદો વિશેષેણ ભોજયેત્ષોડશ દ્વિજાન્ ॥ 36 ॥
એવં નિત્યાર્ચનં કુર્યાદાદૌ બ્રાહ્મણભોજનમ્ ।
ત્રિશતીનામભિઃ પશ્ચાદ્બ્રાહ્મણાન્ક્રમશોઽર્ચયેત્ ॥ 37 ॥
તૈલાભ્યઙ્ગાદિકં દત્વા વિભવે સતિ ભક્તિતઃ ।
શુક્લપ્રતિપદારભ્ય પૌર્ણમાસ્યવધિ ક્રમાત્ ॥ 38 ॥
દિવસે દિવસે વિપ્રા ભોજ્યા વિંશતિસઙ્ખ્યયા ।
દશભિઃ પઞ્ચભિર્વાપિ ત્રિભિરેકેન વા દિનૈઃ ॥ 39 ॥
ત્રિંશત્ષષ્ટિઃ શતં વિપ્રાઃ સમ્ભોજ્યાસ્ત્રિશતં ક્રમાત્ ।
એવં યઃ કુરુતે ભક્ત્યા જન્મમધ્યે સકૃન્નરઃ ॥ 40 ॥
તસ્યૈવ સફલં જન્મ મુક્તિસ્તસ્ય કરે સ્થિરા ।
રહસ્યનામસાહસ્રભોજનેઽપ્યેવમેવ હિ ॥ 41 ॥
આદૌ નિત્યબલિં કુર્યાત્પશ્ચાદ્બ્રાહ્મણભોજનમ્ ।
રહસ્યનામસાહસ્રમહિમા યો મયોદિતઃ ॥ 42 ॥
સ શીકરાણુરત્નૈકનામ્નો મહિમવારિધેઃ ।
વાગ્દેવીરચિતે નામસાહસ્રે યદ્યદીરિતમ્ ॥ 43 ॥
તત્ફલં કોટિગુણિતં નામ્નોઽપ્યેકસ્ય કીર્તનાત્ ।
એતદન્યૈર્જપૈઃ સ્તોત્રૈરર્ચનૈર્યત્ફલં ભવેત્ ॥ 44 ॥
તત્ફલં કોટિગુણિતં ભવેન્નામશતત્રયાત્ ।
વાગ્દેવીરચિતે સ્તોત્રે તાદૃશો મહિમા યદિ ॥ 45 ॥
સાક્ષાત્કામેશકામેશીકૃતેઽસ્મિન્ગૃહ્યતામિતિ ।
સકૃત્સઙ્કીર્તનાદેવ નામ્નામસ્મિન્ શતત્રયે ॥ 46 ॥
ભવેચ્ચિત્તસ્ય પર્યાપ્તિર્ન્યૂનમન્યાનપેક્ષિણી ।
ન જ્ઞાતવ્યમિતોઽપ્યન્યત્ર જપ્તવ્યં ચ કુમ્ભજ ॥ 47 ॥
યદ્યત્સાધ્યતમં કાર્યં તત્તદર્થમિદં જપેત્ ।
તત્તત્ફલમવાપ્નોતિ પશ્ચાત્કાર્યં પરીક્ષયેત્ ॥ 48 ॥
યે યે પ્રયોગાસ્તન્ત્રેષુ તૈસ્તૈર્યત્સાધ્યતે ફલમ્ ।
તત્સર્વં સિધ્યતિ ક્ષિપ્રં નામત્રિશતકીર્તનાત્ ॥ 49 ॥
આયુષ્કરં પુષ્ટિકરં પુત્રદં વશ્યકારકમ્ ।
વિદ્યાપ્રદં કીર્તિકરં સુકવિત્વપ્રદાયકમ્ ॥ 50 ॥
સર્વસમ્પત્પ્રદં સર્વભોગદં સર્વસૌખ્યદમ્ ।
સર્વાભીષ્ટપ્રદં ચૈવ દેવ્યા નામશતત્રયમ્ ॥ 51 ॥
એતજ્જપપરો ભૂયાન્નાન્યદિચ્છેત્કદાચન ।
એતત્કીર્તનસન્તુષ્ટા શ્રીદેવી લલિતામ્બિકા ॥ 52 ॥
ભક્તસ્ય યદ્યદિષ્ટં સ્યાત્તત્તત્પૂરયતે ધ્રુવમ્ ।
તસ્માત્કુમ્ભોદ્ભવ મુને કીર્તય ત્વમિદં સદા ॥ 53 ॥
નાપરં કિઞ્ચિદપિ તે બોદ્ધવ્યમવશિષ્યતે ।
ઇતિ તે કથિતં સ્તોત્રં લલિતાપ્રીતિદાયકમ્ ॥ 54 ॥
નાવિદ્યાવેદિને બ્રૂયાન્નાભક્તાય કદાચન ।
ન શઠાય ન દુષ્ટાય નાવિશ્વાસાય કર્હિચિત્ ॥ 56 ॥
યો બ્રૂયાત્ત્રિશતીં નામ્નાં તસ્યાનર્થો મહાન્ભવેત્ ।
ઇત્યાજ્ઞા શાઙ્કરી પ્રોક્તા તસ્માદ્ગોપ્યમિદં ત્વયા ॥ 57 ॥
લલિતાપ્રેરિતેનૈવ મયોક્તં સ્તોત્રમુત્તમમ્ ।
રહસ્યનામસાહસ્રાદપિ ગોપ્યમિદં મુને ॥ 58 ॥
સૂત ઉવાચ ।
એવમુક્ત્વા હયગ્રીવઃ કુમ્ભજં તાપસોત્તમમ્ ।
સ્તોત્રેણાનેન લલિતાં સ્તુત્વા ત્રિપુરસુન્દરીમ્ ।
આનન્દલહરીમગ્નમાનસઃ સમવર્તત ॥ 59 ॥
ઇતિ બ્રહ્માણ્ડપુરાણે ઉત્તરખણ્ડે હયગ્રીવાગસ્ત્યસંવાદે લલિતોપાખ્યાને સ્તોત્રખણ્ડે શ્રીલલિતાત્રિશતીસ્તોત્રરત્નમ્ ।
About This Stotram
Overview
Sri Lalitha Trishati Stotram is a Sanskrit stotram in 117 verses dedicated to Goddess Lalitha Tripurasundari. The nyasa assigns Lord Hayagriva as the rishi, connecting the text to the Sri Vidya tradition where Hayagriva is the divine teacher of the Srikula lineage. The stotram includes nyasa, dhyana, and bija mantras, reflecting its Tantric structure. It belongs to the Shakta tradition of Sri Vidya upasana.
What are the benefits of chanting Sri Lalitha Trishati Stotram?
- Chanting is said to lead to attainment of the four human goals: dharma, artha, kama, and moksha.
- Devotees recite it for spiritual purification and liberation.
- It is used for protection from negative energies and obstacles.
- The bija mantras within the text are considered potent for invocation of the Goddess.
- Regular recitation is associated with Lalitha's grace and blessings.
When is the best time to recite this?
Morning and evening recitation are traditional. Lalitha Panchami, Navaratri, and the month of Shravana are especially recommended. It is a core text in Sri Vidya ritual and is recited alongside the Lalitha Sahasranama.
Historical and traditional background
The attribution to Lord Hayagriva as rishi places this stotram within the Sri Vidya lineage transmitted through the Srikula Shakta tradition. Hayagriva, the horse-headed avatar of Vishnu, is the principal teacher of Sri Vidya according to tradition. The inclusion of bija mantras like "Aim," "Sauh," and "Klim" and the formal nyasa structure indicate Tantric composition. The trishati is a recognized component of Lalitha puja across South Indian Shakta traditions. The exact date of composition is not known.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Lalitha Trishati Namavali — the namavali form of the same 300 names, used for puja worship with individual salutations.
- Sri Lalita Sahasranama — the foundational thousand-name hymn from the Brahmanda Purana, the primary text of Srikula worship.