ശ്രീ കാമാക്ഷീ സ്തോത്രമ്

ശ്രീ കാമാക്ഷീ സ്തോത്രമ്

ശ്ലോക 1

കല്പാനോകഹപുഷ്പജാലവിലസന്നീലാലകാം മാതൃകാം

കാന്താം കഞ്ജദലേക്ഷണാം കലിമലപ്രധ്വംസിനീം കാലികാമ് ।

കാഞ്ചീനൂപുരഹാരദാമസുഭഗാം കാഞ്ചീപുരീനായികാം

കാമാക്ഷീം കരികുമ്ഭസന്നിഭകുചാം വന്ദേ മഹേശപ്രിയാമ്

ശ്ലോക 2

കാശാഭാം ശുകഭാസുരാം പ്രവിലസത്കോശാതകീ സന്നിഭാം

ചന്ദ്രാര്കാനലലോചനാം സുരുചിരാലങ്കാരഭൂഷോജ്ജ്വലാമ് ।

ബ്രഹ്മശ്രീപതിവാസവാദിമുനിഭിഃ സംസേവിതാങ്ഘ്രിദ്വയാം

കാമാക്ഷീം ഗജരാജമന്ദഗമനാം വന്ദേ മഹേശപ്രിയാമ്

॥ 1 ॥

ശ്ലോക 3

ഐം ക്ലീം സൌരിതി യാം വദന്തി മുനയസ്തത്ത്വാര്ഥരൂപാം പരാം

വാചാമാദിമകാരണം ഹൃദി സദാ ധ്യായന്തി യാം യോഗിനഃ ।

ബാലാം ഫാലവിലോചനാം നവജപാവര്ണാം സുഷുമ്നാശ്രിതാം

കാമാക്ഷീം കലിതാവതംസസുഭഗാം വന്ദേ മഹേശപ്രിയാമ്

॥ 2 ॥

ശ്ലോക 4

യത്പാദാമ്ബുജരേണുലേശമനിശം ലബ്ധ്വാ വിധത്തേ വിധി-

-ര്വിശ്വം തത്പരിപാതി വിഷ്ണുരഖിലം യസ്യാഃ പ്രസാദാച്ചിരമ് ।

രുദ്രഃ സംഹരതി ക്ഷണാത്തദഖിലം യന്മായയാ മോഹിതഃ

കാമാക്ഷീമതിചിത്രചാരുചരിതാം വന്ദേ മഹേശപ്രിയാമ്

॥ 3 ॥

ശ്ലോക 5

സൂക്ഷ്മാത്സൂക്ഷ്മതരാം സുലക്ഷിതതനും ക്ഷാന്താക്ഷരൈര്ലക്ഷിതാം

വീക്ഷാശിക്ഷിതരാക്ഷസാം ത്രിഭുവനക്ഷേമങ്കരീമക്ഷയാമ് ।

സാക്ഷാല്ലക്ഷണലക്ഷിതാക്ഷരമയീം ദാക്ഷായണീം സാക്ഷിണീം

കാമാക്ഷീം ശുഭലക്ഷണൈഃ സുലലിതാം വന്ദേ മഹേശപ്രിയാമ്

॥ 4 ॥

ശ്ലോക 6

ഓങ്കാരാങ്ഗണദീപികാമുപനിഷത്പ്രാസാദപാരാവതീം

ആമ്നായാമ്ബുധിചന്ദ്രികാമഘതമഃപ്രധ്വംസഹംസപ്രഭാമ് ।

കാഞ്ചീപട്ടണപഞ്ജരാന്തരശുകീം കാരുണ്യകല്ലോലിനീം

കാമാക്ഷീം ശിവകാമരാജമഹിഷീം വന്ദേ മഹേശപ്രിയാമ്

॥ 5 ॥

ശ്ലോക 7

ഹ്രീങ്കാരാത്മകവര്ണമാത്രപഠനാദൈന്ദ്രീം ശ്രിയം തന്വതീം

ചിന്മാത്രാം ഭുവനേശ്വരീമനുദിനം ഭിക്ഷാപ്രദാനക്ഷമാമ് ।

വിശ്വാഘൌഘനിവാരിണീം വിമലിനീം വിശ്വമ്ഭരാം മാതൃകാം

കാമാക്ഷീം പരിപൂര്ണചന്ദ്രവദനാം വന്ദേ മഹേശപ്രിയാമ്

॥ 6 ॥

ശ്ലോക 8

വാഗ്ദേവീതി ച യാം വദന്തി മുനയഃ ക്ഷീരാബ്ധികന്യേതി ച

ക്ഷോണീഭൃത്തനയേതി ച ശ്രുതിഗിരോ യാം ആമനന്തി സ്ഫുടമ് ।

ഏകാനേകഫലപ്രദാം ബഹുവിധാഽഽകാരാസ്തനൂസ്തന്വതീം

കാമാക്ഷീം സകലാര്തിഭഞ്ജനപരാം വന്ദേ മഹേശപ്രിയാമ്

॥ 7 ॥

ശ്ലോക 9

മായാമാദിമകാരണം ത്രിജഗതാമാരാധിതാങ്ഘ്രിദ്വയാം

ആനന്ദാമൃതവാരിരാശിനിലയാം വിദ്യാം വിപശ്ചിദ്ധിയാമ് ।

മായാമാനുഷരൂപിണീം മണിലസന്മധ്യാം മഹാമാതൃകാം

കാമാക്ഷീം കരിരാജമന്ദഗമനാം വന്ദേ മഹേശപ്രിയാമ്

॥ 8 ॥

ശ്ലോക 10

കാന്താ കാമദുഘാ കരീന്ദ്രഗമനാ കാമാരിവാമാങ്കഗാ

കല്യാണീ കലിതാവതാരസുഭഗാ കസ്തൂരികാചര്ചിതാ

കമ്പാതീരരസാലമൂലനിലയാ കാരുണ്യകല്ലോലിനീ

കല്യാണാനി കരോതു മേ ഭഗവതീ കാഞ്ചീപുരീദേവതാ

॥ 9 ॥

ശ്ലോക 11

ഇതി ശ്രീ കാമാക്ഷീ സ്തോത്രമ് ।