ಶ್ರೀ ಕಾಮಾಕ್ಷೀ ಸ್ತೋತ್ರಮ್

ಶ್ರೀ ಕಾಮಾಕ್ಷೀ ಸ್ತೋತ್ರಮ್

ಶ್ಲೋಕ 1

ಕಲ್ಪಾನೋಕಹಪುಷ್ಪಜಾಲವಿಲಸನ್ನೀಲಾಲಕಾಂ ಮಾತೃಕಾಂ

ಕಾನ್ತಾಂ ಕಞ್ಜದಲೇಕ್ಷಣಾಂ ಕಲಿಮಲಪ್ರಧ್ವಂಸಿನೀಂ ಕಾಲಿಕಾಮ್ ।

ಕಾಞ್ಚೀನೂಪುರಹಾರದಾಮಸುಭಗಾಂ ಕಾಞ್ಚೀಪುರೀನಾಯಿಕಾಂ

ಕಾಮಾಕ್ಷೀಂ ಕರಿಕುಮ್ಭಸನ್ನಿಭಕುಚಾಂ ವನ್ದೇ ಮಹೇಶಪ್ರಿಯಾಮ್

ಶ್ಲೋಕ 2

ಕಾಶಾಭಾಂ ಶುಕಭಾಸುರಾಂ ಪ್ರವಿಲಸತ್ಕೋಶಾತಕೀ ಸನ್ನಿಭಾಂ

ಚನ್ದ್ರಾರ್ಕಾನಲಲೋಚನಾಂ ಸುರುಚಿರಾಲಙ್ಕಾರಭೂಷೋಜ್ಜ್ವಲಾಮ್ ।

ಬ್ರಹ್ಮಶ್ರೀಪತಿವಾಸವಾದಿಮುನಿಭಿಃ ಸಂಸೇವಿತಾಙ್ಘ್ರಿದ್ವಯಾಂ

ಕಾಮಾಕ್ಷೀಂ ಗಜರಾಜಮನ್ದಗಮನಾಂ ವನ್ದೇ ಮಹೇಶಪ್ರಿಯಾಮ್

॥ 1 ॥

ಶ್ಲೋಕ 3

ಐಂ ಕ್ಲೀಂ ಸೌರಿತಿ ಯಾಂ ವದನ್ತಿ ಮುನಯಸ್ತತ್ತ್ವಾರ್ಥರೂಪಾಂ ಪರಾಂ

ವಾಚಾಮಾದಿಮಕಾರಣಂ ಹೃದಿ ಸದಾ ಧ್ಯಾಯನ್ತಿ ಯಾಂ ಯೋಗಿನಃ ।

ಬಾಲಾಂ ಫಾಲವಿಲೋಚನಾಂ ನವಜಪಾವರ್ಣಾಂ ಸುಷುಮ್ನಾಶ್ರಿತಾಂ

ಕಾಮಾಕ್ಷೀಂ ಕಲಿತಾವತಂಸಸುಭಗಾಂ ವನ್ದೇ ಮಹೇಶಪ್ರಿಯಾಮ್

॥ 2 ॥

ಶ್ಲೋಕ 4

ಯತ್ಪಾದಾಮ್ಬುಜರೇಣುಲೇಶಮನಿಶಂ ಲಬ್ಧ್ವಾ ವಿಧತ್ತೇ ವಿಧಿ-

-ರ್ವಿಶ್ವಂ ತತ್ಪರಿಪಾತಿ ವಿಷ್ಣುರಖಿಲಂ ಯಸ್ಯಾಃ ಪ್ರಸಾದಾಚ್ಚಿರಮ್ ।

ರುದ್ರಃ ಸಂಹರತಿ ಕ್ಷಣಾತ್ತದಖಿಲಂ ಯನ್ಮಾಯಯಾ ಮೋಹಿತಃ

ಕಾಮಾಕ್ಷೀಮತಿಚಿತ್ರಚಾರುಚರಿತಾಂ ವನ್ದೇ ಮಹೇಶಪ್ರಿಯಾಮ್

॥ 3 ॥

ಶ್ಲೋಕ 5

ಸೂಕ್ಷ್ಮಾತ್ಸೂಕ್ಷ್ಮತರಾಂ ಸುಲಕ್ಷಿತತನುಂ ಕ್ಷಾನ್ತಾಕ್ಷರೈರ್ಲಕ್ಷಿತಾಂ

ವೀಕ್ಷಾಶಿಕ್ಷಿತರಾಕ್ಷಸಾಂ ತ್ರಿಭುವನಕ್ಷೇಮಙ್ಕರೀಮಕ್ಷಯಾಮ್ ।

ಸಾಕ್ಷಾಲ್ಲಕ್ಷಣಲಕ್ಷಿತಾಕ್ಷರಮಯೀಂ ದಾಕ್ಷಾಯಣೀಂ ಸಾಕ್ಷಿಣೀಂ

ಕಾಮಾಕ್ಷೀಂ ಶುಭಲಕ್ಷಣೈಃ ಸುಲಲಿತಾಂ ವನ್ದೇ ಮಹೇಶಪ್ರಿಯಾಮ್

॥ 4 ॥

ಶ್ಲೋಕ 6

ಓಙ್ಕಾರಾಙ್ಗಣದೀಪಿಕಾಮುಪನಿಷತ್ಪ್ರಾಸಾದಪಾರಾವತೀಂ

ಆಮ್ನಾಯಾಮ್ಬುಧಿಚನ್ದ್ರಿಕಾಮಘತಮಃಪ್ರಧ್ವಂಸಹಂಸಪ್ರಭಾಮ್ ।

ಕಾಞ್ಚೀಪಟ್ಟಣಪಞ್ಜರಾನ್ತರಶುಕೀಂ ಕಾರುಣ್ಯಕಲ್ಲೋಲಿನೀಂ

ಕಾಮಾಕ್ಷೀಂ ಶಿವಕಾಮರಾಜಮಹಿಷೀಂ ವನ್ದೇ ಮಹೇಶಪ್ರಿಯಾಮ್

॥ 5 ॥

ಶ್ಲೋಕ 7

ಹ್ರೀಙ್ಕಾರಾತ್ಮಕವರ್ಣಮಾತ್ರಪಠನಾದೈನ್ದ್ರೀಂ ಶ್ರಿಯಂ ತನ್ವತೀಂ

ಚಿನ್ಮಾತ್ರಾಂ ಭುವನೇಶ್ವರೀಮನುದಿನಂ ಭಿಕ್ಷಾಪ್ರದಾನಕ್ಷಮಾಮ್ ।

ವಿಶ್ವಾಘೌಘನಿವಾರಿಣೀಂ ವಿಮಲಿನೀಂ ವಿಶ್ವಮ್ಭರಾಂ ಮಾತೃಕಾಂ

ಕಾಮಾಕ್ಷೀಂ ಪರಿಪೂರ್ಣಚನ್ದ್ರವದನಾಂ ವನ್ದೇ ಮಹೇಶಪ್ರಿಯಾಮ್

॥ 6 ॥

ಶ್ಲೋಕ 8

ವಾಗ್ದೇವೀತಿ ಚ ಯಾಂ ವದನ್ತಿ ಮುನಯಃ ಕ್ಷೀರಾಬ್ಧಿಕನ್ಯೇತಿ ಚ

ಕ್ಷೋಣೀಭೃತ್ತನಯೇತಿ ಚ ಶ್ರುತಿಗಿರೋ ಯಾಂ ಆಮನನ್ತಿ ಸ್ಫುಟಮ್ ।

ಏಕಾನೇಕಫಲಪ್ರದಾಂ ಬಹುವಿಧಾಽಽಕಾರಾಸ್ತನೂಸ್ತನ್ವತೀಂ

ಕಾಮಾಕ್ಷೀಂ ಸಕಲಾರ್ತಿಭಞ್ಜನಪರಾಂ ವನ್ದೇ ಮಹೇಶಪ್ರಿಯಾಮ್

॥ 7 ॥

ಶ್ಲೋಕ 9

ಮಾಯಾಮಾದಿಮಕಾರಣಂ ತ್ರಿಜಗತಾಮಾರಾಧಿತಾಙ್ಘ್ರಿದ್ವಯಾಂ

ಆನನ್ದಾಮೃತವಾರಿರಾಶಿನಿಲಯಾಂ ವಿದ್ಯಾಂ ವಿಪಶ್ಚಿದ್ಧಿಯಾಮ್ ।

ಮಾಯಾಮಾನುಷರೂಪಿಣೀಂ ಮಣಿಲಸನ್ಮಧ್ಯಾಂ ಮಹಾಮಾತೃಕಾಂ

ಕಾಮಾಕ್ಷೀಂ ಕರಿರಾಜಮನ್ದಗಮನಾಂ ವನ್ದೇ ಮಹೇಶಪ್ರಿಯಾಮ್

॥ 8 ॥

ಶ್ಲೋಕ 10

ಕಾನ್ತಾ ಕಾಮದುಘಾ ಕರೀನ್ದ್ರಗಮನಾ ಕಾಮಾರಿವಾಮಾಙ್ಕಗಾ

ಕಲ್ಯಾಣೀ ಕಲಿತಾವತಾರಸುಭಗಾ ಕಸ್ತೂರಿಕಾಚರ್ಚಿತಾ

ಕಮ್ಪಾತೀರರಸಾಲಮೂಲನಿಲಯಾ ಕಾರುಣ್ಯಕಲ್ಲೋಲಿನೀ

ಕಲ್ಯಾಣಾನಿ ಕರೋತು ಮೇ ಭಗವತೀ ಕಾಞ್ಚೀಪುರೀದೇವತಾ

॥ 9 ॥

ಶ್ಲೋಕ 11

ಇತಿ ಶ್ರೀ ಕಾಮಾಕ್ಷೀ ಸ್ತೋತ್ರಮ್ ।