શ્રી કામાક્ષી સ્તોત્રમ્

શ્રી કામાક્ષી સ્તોત્રમ્

શ્લોક 1

કલ્પાનોકહપુષ્પજાલવિલસન્નીલાલકાં માતૃકાં

કાન્તાં કઞ્જદલેક્ષણાં કલિમલપ્રધ્વંસિનીં કાલિકામ્ ।

કાઞ્ચીનૂપુરહારદામસુભગાં કાઞ્ચીપુરીનાયિકાં

કામાક્ષીં કરિકુમ્ભસન્નિભકુચાં વન્દે મહેશપ્રિયામ્

શ્લોક 2

કાશાભાં શુકભાસુરાં પ્રવિલસત્કોશાતકી સન્નિભાં

ચન્દ્રાર્કાનલલોચનાં સુરુચિરાલઙ્કારભૂષોજ્જ્વલામ્ ।

બ્રહ્મશ્રીપતિવાસવાદિમુનિભિઃ સંસેવિતાઙ્ઘ્રિદ્વયાં

કામાક્ષીં ગજરાજમન્દગમનાં વન્દે મહેશપ્રિયામ્

॥ 1 ॥

શ્લોક 3

ઐં ક્લીં સૌરિતિ યાં વદન્તિ મુનયસ્તત્ત્વાર્થરૂપાં પરાં

વાચામાદિમકારણં હૃદિ સદા ધ્યાયન્તિ યાં યોગિનઃ ।

બાલાં ફાલવિલોચનાં નવજપાવર્ણાં સુષુમ્નાશ્રિતાં

કામાક્ષીં કલિતાવતંસસુભગાં વન્દે મહેશપ્રિયામ્

॥ 2 ॥

શ્લોક 4

યત્પાદામ્બુજરેણુલેશમનિશં લબ્ધ્વા વિધત્તે વિધિ-

-ર્વિશ્વં તત્પરિપાતિ વિષ્ણુરખિલં યસ્યાઃ પ્રસાદાચ્ચિરમ્ ।

રુદ્રઃ સંહરતિ ક્ષણાત્તદખિલં યન્માયયા મોહિતઃ

કામાક્ષીમતિચિત્રચારુચરિતાં વન્દે મહેશપ્રિયામ્

॥ 3 ॥

શ્લોક 5

સૂક્ષ્માત્સૂક્ષ્મતરાં સુલક્ષિતતનું ક્ષાન્તાક્ષરૈર્લક્ષિતાં

વીક્ષાશિક્ષિતરાક્ષસાં ત્રિભુવનક્ષેમઙ્કરીમક્ષયામ્ ।

સાક્ષાલ્લક્ષણલક્ષિતાક્ષરમયીં દાક્ષાયણીં સાક્ષિણીં

કામાક્ષીં શુભલક્ષણૈઃ સુલલિતાં વન્દે મહેશપ્રિયામ્

॥ 4 ॥

શ્લોક 6

ઓઙ્કારાઙ્ગણદીપિકામુપનિષત્પ્રાસાદપારાવતીં

આમ્નાયામ્બુધિચન્દ્રિકામઘતમઃપ્રધ્વંસહંસપ્રભામ્ ।

કાઞ્ચીપટ્ટણપઞ્જરાન્તરશુકીં કારુણ્યકલ્લોલિનીં

કામાક્ષીં શિવકામરાજમહિષીં વન્દે મહેશપ્રિયામ્

॥ 5 ॥

શ્લોક 7

હ્રીઙ્કારાત્મકવર્ણમાત્રપઠનાદૈન્દ્રીં શ્રિયં તન્વતીં

ચિન્માત્રાં ભુવનેશ્વરીમનુદિનં ભિક્ષાપ્રદાનક્ષમામ્ ।

વિશ્વાઘૌઘનિવારિણીં વિમલિનીં વિશ્વમ્ભરાં માતૃકાં

કામાક્ષીં પરિપૂર્ણચન્દ્રવદનાં વન્દે મહેશપ્રિયામ્

॥ 6 ॥

શ્લોક 8

વાગ્દેવીતિ ચ યાં વદન્તિ મુનયઃ ક્ષીરાબ્ધિકન્યેતિ ચ

ક્ષોણીભૃત્તનયેતિ ચ શ્રુતિગિરો યાં આમનન્તિ સ્ફુટમ્ ।

એકાનેકફલપ્રદાં બહુવિધાઽઽકારાસ્તનૂસ્તન્વતીં

કામાક્ષીં સકલાર્તિભઞ્જનપરાં વન્દે મહેશપ્રિયામ્

॥ 7 ॥

શ્લોક 9

માયામાદિમકારણં ત્રિજગતામારાધિતાઙ્ઘ્રિદ્વયાં

આનન્દામૃતવારિરાશિનિલયાં વિદ્યાં વિપશ્ચિદ્ધિયામ્ ।

માયામાનુષરૂપિણીં મણિલસન્મધ્યાં મહામાતૃકાં

કામાક્ષીં કરિરાજમન્દગમનાં વન્દે મહેશપ્રિયામ્

॥ 8 ॥

શ્લોક 10

કાન્તા કામદુઘા કરીન્દ્રગમના કામારિવામાઙ્કગા

કલ્યાણી કલિતાવતારસુભગા કસ્તૂરિકાચર્ચિતા

કમ્પાતીરરસાલમૂલનિલયા કારુણ્યકલ્લોલિની

કલ્યાણાનિ કરોતુ મે ભગવતી કાઞ્ચીપુરીદેવતા

॥ 9 ॥

શ્લોક 11

ઇતિ શ્રી કામાક્ષી સ્તોત્રમ્ ।