শ্রী কামাক্ষী স্তোত্রম্

শ্রী কামাক্ষী স্তোত্রম্

শ্লোক 1

কল্পানোকহপুষ্পজালবিলসন্নীলালকাং মাতৃকাং

কান্তাং কঞ্জদলেক্ষণাং কলিমলপ্রধ্বংসিনীং কালিকাম্ ।

কাঞ্চীনূপুরহারদামসুভগাং কাঞ্চীপুরীনাযিকাং

কামাক্ষীং করিকুম্ভসন্নিভকুচাং বন্দে মহেশপ্রিযাম্

শ্লোক 2

কাশাভাং শুকভাসুরাং প্রবিলসত্কোশাতকী সন্নিভাং

চন্দ্রার্কানললোচনাং সুরুচিরালঙ্কারভূষোজ্জ্বলাম্ ।

ব্রহ্মশ্রীপতিবাসবাদিমুনিভিঃ সংসেবিতাঙ্ঘ্রিদ্বযাং

কামাক্ষীং গজরাজমন্দগমনাং বন্দে মহেশপ্রিযাম্

॥ 1 ॥

শ্লোক 3

ঐং ক্লীং সৌরিতি যাং বদন্তি মুনযস্তত্ত্বার্থরূপাং পরাং

বাচামাদিমকারণং হৃদি সদা ধ্যাযন্তি যাং যোগিনঃ ।

বালাং ফালবিলোচনাং নবজপাবর্ণাং সুষুম্নাশ্রিতাং

কামাক্ষীং কলিতাবতংসসুভগাং বন্দে মহেশপ্রিযাম্

॥ 2 ॥

শ্লোক 4

যত্পাদাম্বুজরেণুলেশমনিশং লব্ধ্বা বিধত্তে বিধি-

-র্বিশ্বং তত্পরিপাতি বিষ্ণুরখিলং যস্যাঃ প্রসাদাচ্চিরম্ ।

রুদ্রঃ সংহরতি ক্ষণাত্তদখিলং যন্মাযযা মোহিতঃ

কামাক্ষীমতিচিত্রচারুচরিতাং বন্দে মহেশপ্রিযাম্

॥ 3 ॥

শ্লোক 5

সূক্ষ্মাত্সূক্ষ্মতরাং সুলক্ষিততনুং ক্ষান্তাক্ষরৈর্লক্ষিতাং

বীক্ষাশিক্ষিতরাক্ষসাং ত্রিভুবনক্ষেমঙ্করীমক্ষযাম্ ।

সাক্ষাল্লক্ষণলক্ষিতাক্ষরমযীং দাক্ষাযণীং সাক্ষিণীং

কামাক্ষীং শুভলক্ষণৈঃ সুললিতাং বন্দে মহেশপ্রিযাম্

॥ 4 ॥

শ্লোক 6

ওঙ্কারাঙ্গণদীপিকামুপনিষত্প্রাসাদপারাবতীং

আম্নাযাম্বুধিচন্দ্রিকামঘতমঃপ্রধ্বংসহংসপ্রভাম্ ।

কাঞ্চীপট্টণপঞ্জরান্তরশুকীং কারুণ্যকল্লোলিনীং

কামাক্ষীং শিবকামরাজমহিষীং বন্দে মহেশপ্রিযাম্

॥ 5 ॥

শ্লোক 7

হ্রীঙ্কারাত্মকবর্ণমাত্রপঠনাদৈন্দ্রীং শ্রিযং তন্বতীং

চিন্মাত্রাং ভুবনেশ্বরীমনুদিনং ভিক্ষাপ্রদানক্ষমাম্ ।

বিশ্বাঘৌঘনিবারিণীং বিমলিনীং বিশ্বম্ভরাং মাতৃকাং

কামাক্ষীং পরিপূর্ণচন্দ্রবদনাং বন্দে মহেশপ্রিযাম্

॥ 6 ॥

শ্লোক 8

বাগ্দেবীতি চ যাং বদন্তি মুনযঃ ক্ষীরাব্ধিকন্যেতি চ

ক্ষোণীভৃত্তনযেতি চ শ্রুতিগিরো যাং আমনন্তি স্ফুটম্ ।

একানেকফলপ্রদাং বহুবিধাঽঽকারাস্তনূস্তন্বতীং

কামাক্ষীং সকলার্তিভঞ্জনপরাং বন্দে মহেশপ্রিযাম্

॥ 7 ॥

শ্লোক 9

মাযামাদিমকারণং ত্রিজগতামারাধিতাঙ্ঘ্রিদ্বযাং

আনন্দামৃতবারিরাশিনিলযাং বিদ্যাং বিপশ্চিদ্ধিযাম্ ।

মাযামানুষরূপিণীং মণিলসন্মধ্যাং মহামাতৃকাং

কামাক্ষীং করিরাজমন্দগমনাং বন্দে মহেশপ্রিযাম্

॥ 8 ॥

শ্লোক 10

কান্তা কামদুঘা করীন্দ্রগমনা কামারিবামাঙ্কগা

কল্যাণী কলিতাবতারসুভগা কস্তূরিকাচর্চিতা

কম্পাতীররসালমূলনিলযা কারুণ্যকল্লোলিনী

কল্যাণানি করোতু মে ভগবতী কাঞ্চীপুরীদেবতা

॥ 9 ॥

শ্লোক 11

ইতি শ্রী কামাক্ষী স্তোত্রম্ ।