Sri Kala Bhairava Stotram

ශ්රී කාල භෛරව ස්තෝත්රම්

ශ්ලොක 1

අථ සඞ්කල්පඃ

ඕං ඓං ශිව ශක්ති සායි සිද්ධගුරු ශ්රී රමණානන්ද මහර්ෂි ගුරුභ්යෝ නමඃ

ඕං ශ්රී දශ මහාවිද්යා දේවතාභ්යෝ නමඃ

ඕං ශ්රී දශ භෛරව දේවතාභ්යෝ නමඃ

අථ චතුර්වේද ජ්ඤාන බ්රහ්ම සිද්ධගුරු ශ්රී රමණානන්ද මහර්ෂි විරචිත

චතුර්විංශති ශ්ලෝකාත්මක ශ්රී කාල භෛරව ස්තෝත්රං

ශිවාය පරමාත්මනේ මහාතේ පාපනාශිනේ .

නීලලෝහිතදේහාය භෛරවාය නමෝ නමඃ ..

බ්රහ්ම ශිරෝ විඛණ්ඩිනේ බ්රහ්ම ගර්ව නිපාතිනේ .

කාලකාලාය රුද්රාය නමෝභෛරව ශූලිනේ ..

විෂ්ණු මෝහ විනාශිනේ විෂ්ණු සේවිත ශම්භවේ .

විෂ්ණු කීර්තිත සෝමාය කාලභෛරව තේ නමඃ ..

සර්වභූෂිත සර්වේශං චතුර්භුජං සුතේජසේ .

ශිව තේජෝද්භවං හරං ශ්රී භෛරවීපතිං භජේ ..

සද්රූපං සකලේශ්වරං චිද්ර්රූපං චින්මයේශ්වරම් .

තපෝවන්තං මහානන්දං මහාභෛරව තේ නමඃ ..

නීලාය නීලකණ්ඨාය අනන්තාය පරාත්මනේ .

භීමාය දුෂ්ටමර්දිනේ කාලභෛරව තේ නමඃ ..

නමස්තේ සර්වබීජාය නමස්තේ සුඛදායිනේ .

නමස්තේ දුඃඛනාශිනේ භෛරවාය නමෝ නමඃ ..

සුන්දරං කරුණානිධිං පාවනං කරුණාමයම් .

අඝෝරං කරුණාසින්ධුං ශ්රිභෛරවං නමාම්යහම් ..

ජටාධරං ත්රිලෝචනං ජගත් පතිං වෘෂධ්වජම් .

ජගන්මූර්තිං කපාලිනිං ශ්රීභෛරවං නම්මාමිතම් ..

අසිතාඞ්ගඃ කපාලශ්ච උන්මත්තඃ භීෂණෝ රුරුඃ .

ක්රෝධඃ සංහාර චණ්ඩශ්ච අෂ්ටභෛරව තේ නමඃ ..

කෞමාරී වෛශ්ණවී චණ්ඩී ඉන්ද්රාණී බ්රාහ්මණීසුධා .

අෂ්ටමාතෘක චාමුණ්ඩා ශ්රී වාරාහී මහේශ්වරී ..

කාශී ක්ෂේත්ර සදා ස්ථිතං කාශී ක්ෂේත්ර සුපාලකම් .

කාශී ජන සමාරාධ්යං නමාමි කාලභෛරවම් ..

අෂ්ටභෛරව ස්රෂ්ටාරං අෂ්ටමාතෘ සුපූජිතම් .

සර්ව භෛරව නාථං ච ශ්රී කාල භෛරවං භජේ ..

විෂ්ණු කීර්තිත වේදේශං සර්ව ඍෂි නමස්කෘතම් .

පඤ්ච පාතක නාශකං ශ්රී කාල භෛරවං භජේ ..

සම්මෝහන මහාරූපං චේතුර්වේද ප්රකීර්තිතම් .

විරාට් පුරුෂ මහේශං ශ්රී කාල භෛරවං භජේ ..

අසිතාඞ්ගඃ චතුර්භුජඃ බ්රහ්මණී මතෘකාපතිඃ .

ශ්වේතවර්ණෝ හංසාරූඪඃ ප්රාක් දිශා රක්ෂකඃ ශිවඃ ..

ශ්රීරුරුං වෘෂභාරූඪං ආග්නේය දික් සුපාලකම් .

නීලවර්ණං මහාශූරං මහේශ්වරීපතිං භජේ ..

මයූර වාහනඃ චණ්ඩඃ කෞමාරී මාතෘකා ප්රියඃ .

රක්තවර්ණෝ මහාකාලඃ දක්ෂිණා දික් සුරක්ෂකඃ ..

ගරුඩ වාහනඃ ක්රෝධඃ වෛෂ්ණවී මාතෘකා ප්රභුඃ .

ඊශානෝ නීලවර්ණශ්ච නිරුතී දික් සුරක්ෂකඃ ..

උන්මත්තඃ ඛඩ්ගධාරී ච අශ්වාරූඪෝ මහෝදරඃ .

ශ්රී වාරාහී මනෝහරඃ පශ්චිම දික් සුරක්ෂකඃ ..

කපාලෝ හස්තිවාහනඃ ඉන්ද්රාණී මාතෘකාපතිඃ .

ස්වර්ණ වර්ණෝ මහාතේජාඃ වායව්යදික් සුරක්ෂකඃ ..

භීෂණඃ ප්රේතවාහනඃ චාමුණ්ඩා මාතෘකා විභුඃ .

උත්තරදික් සුපාලකඃ රක්තවර්ණෝ භයඞ්කරඃ ..

සංහාරඃ සිංහවාහනඃ ශ්රී චණ්ඩී මාතෘකාපතිඃ .

අශභුජඃ ප්රාක්රමී ඊශාන්යදික් සුපාලකඃ ..

තන්ත්ර යෝගීශ්වරේශ්වරං තන්ත්ර විද්යා ප්රදායකම් .

ජ්ඤානදං සිද්ධිදං ශිවං මෝක්ෂදං භෛරවං භජේ ..

ඉති චතුර්වේද ජ්ඤාන බ්රහ්ම සිද්ධගුරු ශ්රී රමණානන්ද මහර්ෂි විරචිත

චතුර්විංශති ශ්ලෝකාත්මක ශ්රී කාල භෛරව ස්තෝත්රම් ..