શ્રી કાલ ભૈરવ સ્તોત્રમ્

શ્રી કાલ ભૈરવ સ્તોત્રમ્

શ્લોક 1

અથ સઙ્કલ્પઃ

ૐ ઐં શિવ શક્તિ સાયિ સિદ્ધગુરુ શ્રી રમણાનન્દ મહર્ષિ ગુરુભ્યો નમઃ

ૐ શ્રી દશ મહાવિદ્યા દેવતાભ્યો નમઃ

ૐ શ્રી દશ ભૈરવ દેવતાભ્યો નમઃ

અથ ચતુર્વેદ જ્ઞાન બ્રહ્મ સિદ્ધગુરુ શ્રી રમણાનન્દ મહર્ષિ વિરચિત

ચતુર્વિંશતિ શ્લોકાત્મક શ્રી કાલ ભૈરવ સ્તોત્રં

શિવાય પરમાત્મને મહાતે પાપનાશિને ।

નીલલોહિતદેહાય ભૈરવાય નમો નમઃ ॥

બ્રહ્મ શિરો વિખણ્ડિને બ્રહ્મ ગર્વ નિપાતિને ।

કાલકાલાય રુદ્રાય નમોભૈરવ શૂલિને ॥

વિષ્ણુ મોહ વિનાશિને વિષ્ણુ સેવિત શમ્ભવે ।

વિષ્ણુ કીર્તિત સોમાય કાલભૈરવ તે નમઃ ॥

સર્વભૂષિત સર્વેશં ચતુર્ભુજં સુતેજસે ।

શિવ તેજોદ્ભવં હરં શ્રી ભૈરવીપતિં ભજે ॥

સદ્રૂપં સકલેશ્વરં ચિદ્ર્રૂપં ચિન્મયેશ્વરમ્ ।

તપોવન્તં મહાનન્દં મહાભૈરવ તે નમઃ ॥

નીલાય નીલકણ્ઠાય અનન્તાય પરાત્મને ।

ભીમાય દુષ્ટમર્દિને કાલભૈરવ તે નમઃ ॥

નમસ્તે સર્વબીજાય નમસ્તે સુખદાયિને ।

નમસ્તે દુઃખનાશિને ભૈરવાય નમો નમઃ ॥

સુન્દરં કરુણાનિધિં પાવનં કરુણામયમ્ ।

અઘોરં કરુણાસિન્ધું શ્રિભૈરવં નમામ્યહમ્ ॥

જટાધરં ત્રિલોચનં જગત્ પતિં વૃષધ્વજમ્ ।

જગન્મૂર્તિં કપાલિનિં શ્રીભૈરવં નમ્મામિતમ્ ॥

અસિતાઙ્ગઃ કપાલશ્ચ ઉન્મત્તઃ ભીષણો રુરુઃ ।

ક્રોધઃ સંહાર ચણ્ડશ્ચ અષ્ટભૈરવ તે નમઃ ॥

કૌમારી વૈશ્ણવી ચણ્ડી ઇન્દ્રાણી બ્રાહ્મણીસુધા ।

અષ્ટમાતૃક ચામુણ્ડા શ્રી વારાહી મહેશ્વરી ॥

કાશી ક્ષેત્ર સદા સ્થિતં કાશી ક્ષેત્ર સુપાલકમ્ ।

કાશી જન સમારાધ્યં નમામિ કાલભૈરવમ્ ॥

અષ્ટભૈરવ સ્રષ્ટારં અષ્ટમાતૃ સુપૂજિતમ્ ।

સર્વ ભૈરવ નાથં ચ શ્રી કાલ ભૈરવં ભજે ॥

વિષ્ણુ કીર્તિત વેદેશં સર્વ ઋષિ નમસ્કૃતમ્ ।

પઞ્ચ પાતક નાશકં શ્રી કાલ ભૈરવં ભજે ॥

સમ્મોહન મહારૂપં ચેતુર્વેદ પ્રકીર્તિતમ્ ।

વિરાટ્ પુરુષ મહેશં શ્રી કાલ ભૈરવં ભજે ॥

અસિતાઙ્ગઃ ચતુર્ભુજઃ બ્રહ્મણી મતૃકાપતિઃ ।

શ્વેતવર્ણો હંસારૂઢઃ પ્રાક્ દિશા રક્ષકઃ શિવઃ ॥

શ્રીરુરું વૃષભારૂઢં આગ્નેય દિક્ સુપાલકમ્ ।

નીલવર્ણં મહાશૂરં મહેશ્વરીપતિં ભજે ॥

મયૂર વાહનઃ ચણ્ડઃ કૌમારી માતૃકા પ્રિયઃ ।

રક્તવર્ણો મહાકાલઃ દક્ષિણા દિક્ સુરક્ષકઃ ॥

ગરુડ વાહનઃ ક્રોધઃ વૈષ્ણવી માતૃકા પ્રભુઃ ।

ઈશાનો નીલવર્ણશ્ચ નિરુતી દિક્ સુરક્ષકઃ ॥

ઉન્મત્તઃ ખડ્ગધારી ચ અશ્વારૂઢો મહોદરઃ ।

શ્રી વારાહી મનોહરઃ પશ્ચિમ દિક્ સુરક્ષકઃ ॥

કપાલો હસ્તિવાહનઃ ઇન્દ્રાણી માતૃકાપતિઃ ।

સ્વર્ણ વર્ણો મહાતેજાઃ વાયવ્યદિક્ સુરક્ષકઃ ॥

ભીષણઃ પ્રેતવાહનઃ ચામુણ્ડા માતૃકા વિભુઃ ।

ઉત્તરદિક્ સુપાલકઃ રક્તવર્ણો ભયઙ્કરઃ ॥

સંહારઃ સિંહવાહનઃ શ્રી ચણ્ડી માતૃકાપતિઃ ।

અશભુજઃ પ્રાક્રમી ઈશાન્યદિક્ સુપાલકઃ ॥

તન્ત્ર યોગીશ્વરેશ્વરં તન્ત્ર વિદ્યા પ્રદાયકમ્ ।

જ્ઞાનદં સિદ્ધિદં શિવં મોક્ષદં ભૈરવં ભજે ॥

ઇતિ ચતુર્વેદ જ્ઞાન બ્રહ્મ સિદ્ધગુરુ શ્રી રમણાનન્દ મહર્ષિ વિરચિત

ચતુર્વિંશતિ શ્લોકાત્મક શ્રી કાલ ભૈરવ સ્તોત્રમ્ ॥