ಶ್ರೀ ಹರಿ ಸ್ತೋತ್ರಮ್ (ಜಗಜ್ಜಾಲಪಾಲಮ್)

ಶ್ರೀ ಹರಿ ಸ್ತೋತ್ರಮ್ (ಜಗಜ್ಜಾಲಪಾಲಮ್)

ಶ್ಲೋಕ 1

ಜಗಜ್ಜಾಲಪಾಲಂ ಕನತ್ಕಣ್ಠಮಾಲಂ

ಶರಚ್ಚನ್ದ್ರಫಾಲಂ ಮಹಾದೈತ್ಯಕಾಲಮ್ ।

ನಭೋನೀಲಕಾಯಂ ದುರಾವಾರಮಾಯಂ

ಸುಪದ್ಮಾಸಹಾಯಂ ಭಜೇಽಹಂ ಭಜೇಽಹಮ್

ಶ್ಲೋಕ 2

ಸದಾಮ್ಭೋಧಿವಾಸಂ ಗಲತ್ಪುಷ್ಪಹಾಸಂ

ಜಗತ್ಸನ್ನಿವಾಸಂ ಶತಾದಿತ್ಯಭಾಸಮ್ ।

ಗದಾಚಕ್ರಶಸ್ತ್ರಂ ಲಸತ್ಪೀತವಸ್ತ್ರಂ

ಹಸಚ್ಚಾರುವಕ್ತ್ರಂ ಭಜೇಽಹಂ ಭಜೇಽಹಮ್

॥ 1 ॥

ಶ್ಲೋಕ 3

ರಮಾಕಣ್ಠಹಾರಂ ಶ್ರುತಿವ್ರಾತಸಾರಂ

ಜಲಾನ್ತರ್ವಿಹಾರಂ ಧರಾಭಾರಹಾರಮ್ ।

ಚಿದಾನನ್ದರೂಪಂ ಮನೋಜ್ಞಸ್ವರೂಪಂ

ಧೃತಾನೇಕರೂಪಂ ಭಜೇಽಹಂ ಭಜೇಽಹಮ್

॥ 2 ॥

ಶ್ಲೋಕ 4

ಜರಾಜನ್ಮಹೀನಂ ಪರಾನನ್ದಪೀನಂ

ಸಮಾಧಾನಲೀನಂ ಸದೈವಾನವೀನಮ್ ।

ಜಗಜ್ಜನ್ಮಹೇತುಂ ಸುರಾನೀಕಕೇತುಂ

ತ್ರಿಲೋಕೈಕಸೇತುಂ ಭಜೇಽಹಂ ಭಜೇಽಹಮ್

॥ 3 ॥

ಶ್ಲೋಕ 5

ಕೃತಾಮ್ನಾಯಗಾನಂ ಖಗಾಧೀಶಯಾನಂ

ವಿಮುಕ್ತೇರ್ನಿದಾನಂ ಹರಾರಾತಿಮಾನಮ್ ।

ಸ್ವಭಕ್ತಾನುಕೂಲಂ ಜಗದ್ವೃಕ್ಷಮೂಲಂ

ನಿರಸ್ತಾರ್ತಶೂಲಂ ಭಜೇಽಹಂ ಭಜೇಽಹಮ್

॥ 4 ॥

ಶ್ಲೋಕ 6

ಸಮಸ್ತಾಮರೇಶಂ ದ್ವಿರೇಫಾಭಕೇಶಂ

ಜಗದ್ಬಿಮ್ಬಲೇಶಂ ಹೃದಾಕಾಶವೇಶಮ್ ।

ಸದಾ ದಿವ್ಯದೇಹಂ ವಿಮುಕ್ತಾಖಿಲೇಹಂ

ಸುವೈಕುಣ್ಠಗೇಹಂ ಭಜೇಽಹಂ ಭಜೇಽಹಮ್

॥ 5 ॥

ಶ್ಲೋಕ 7

ಸುರಾಲೀಬಲಿಷ್ಠಂ ತ್ರಿಲೋಕೀವರಿಷ್ಠಂ

ಗುರೂಣಾಂ ಗರಿಷ್ಠಂ ಸ್ವರೂಪೈಕನಿಷ್ಠಮ್ ।

ಸದಾ ಯುದ್ಧಧೀರಂ ಮಹಾವೀರವೀರಂ

ಭವಾಮ್ಭೋಧಿತೀರಂ ಭಜೇಽಹಂ ಭಜೇಽಹಮ್

॥ 6 ॥

ಶ್ಲೋಕ 8

ರಮಾವಾಮಭಾಗಂ ತಲಾಲಗ್ನನಾಗಂ

ಕೃತಾಧೀನಯಾಗಂ ಗತಾರಾಗರಾಗಮ್ ।

ಮುನೀನ್ದ್ರೈಸ್ಸುಗೀತಂ ಸುರೈಸ್ಸಮ್ಪರೀತಂ

ಗುಣೌಘೈರತೀತಂ ಭಜೇಽಹಂ ಭಜೇಽಹಮ್

॥ 7 ॥

ಶ್ಲೋಕ 9

ಫಲಶ್ರುತಿ ।

ಇದಂ ಯಸ್ತು ನಿತ್ಯಂ ಸಮಾಧಾಯ ಚಿತ್ತಂ

ಪಠೇದಷ್ಟಕಂ ಕಣ್ಠಹಾರಂ ಮುರಾರೇಃ ।

ಸ ವಿಷ್ಣೋರ್ವಿಶೋಕಂ ಧ್ರುವಂ ಯಾತಿ ಲೋಕಂ

ಜರಾಜನ್ಮಶೋಕಂ ಪುನರ್ವಿನ್ದತೇ ನೋ

॥ 8 ॥

ಶ್ಲೋಕ 10

ಇತಿ ಶ್ರೀ ಪರಮಹಂಸಸ್ವಾಮಿ ಬ್ರಹ್ಮಾನನ್ದವಿರಚಿತಂ ಶ್ರೀಹರಿಸ್ತೋತ್ರಮ್ ॥