શ્રી હરિ સ્તોત્રમ્ (જગજ્જાલપાલમ્)

શ્રી હરિ સ્તોત્રમ્ (જગજ્જાલપાલમ્)

શ્લોક 1

જગજ્જાલપાલં કનત્કણ્ઠમાલં

શરચ્ચન્દ્રફાલં મહાદૈત્યકાલમ્ ।

નભોનીલકાયં દુરાવારમાયં

સુપદ્માસહાયં ભજેઽહં ભજેઽહમ્

શ્લોક 2

સદામ્ભોધિવાસં ગલત્પુષ્પહાસં

જગત્સન્નિવાસં શતાદિત્યભાસમ્ ।

ગદાચક્રશસ્ત્રં લસત્પીતવસ્ત્રં

હસચ્ચારુવક્ત્રં ભજેઽહં ભજેઽહમ્

॥ 1 ॥

શ્લોક 3

રમાકણ્ઠહારં શ્રુતિવ્રાતસારં

જલાન્તર્વિહારં ધરાભારહારમ્ ।

ચિદાનન્દરૂપં મનોજ્ઞસ્વરૂપં

ધૃતાનેકરૂપં ભજેઽહં ભજેઽહમ્

॥ 2 ॥

શ્લોક 4

જરાજન્મહીનં પરાનન્દપીનં

સમાધાનલીનં સદૈવાનવીનમ્ ।

જગજ્જન્મહેતું સુરાનીકકેતું

ત્રિલોકૈકસેતું ભજેઽહં ભજેઽહમ્

॥ 3 ॥

શ્લોક 5

કૃતામ્નાયગાનં ખગાધીશયાનં

વિમુક્તેર્નિદાનં હરારાતિમાનમ્ ।

સ્વભક્તાનુકૂલં જગદ્વૃક્ષમૂલં

નિરસ્તાર્તશૂલં ભજેઽહં ભજેઽહમ્

॥ 4 ॥

શ્લોક 6

સમસ્તામરેશં દ્વિરેફાભકેશં

જગદ્બિમ્બલેશં હૃદાકાશવેશમ્ ।

સદા દિવ્યદેહં વિમુક્તાખિલેહં

સુવૈકુણ્ઠગેહં ભજેઽહં ભજેઽહમ્

॥ 5 ॥

શ્લોક 7

સુરાલીબલિષ્ઠં ત્રિલોકીવરિષ્ઠં

ગુરૂણાં ગરિષ્ઠં સ્વરૂપૈકનિષ્ઠમ્ ।

સદા યુદ્ધધીરં મહાવીરવીરં

ભવામ્ભોધિતીરં ભજેઽહં ભજેઽહમ્

॥ 6 ॥

શ્લોક 8

રમાવામભાગં તલાલગ્નનાગં

કૃતાધીનયાગં ગતારાગરાગમ્ ।

મુનીન્દ્રૈસ્સુગીતં સુરૈસ્સમ્પરીતં

ગુણૌઘૈરતીતં ભજેઽહં ભજેઽહમ્

॥ 7 ॥

શ્લોક 9

ફલશ્રુતિ ।

ઇદં યસ્તુ નિત્યં સમાધાય ચિત્તં

પઠેદષ્ટકં કણ્ઠહારં મુરારેઃ ।

સ વિષ્ણોર્વિશોકં ધ્રુવં યાતિ લોકં

જરાજન્મશોકં પુનર્વિન્દતે નો

॥ 8 ॥

શ્લોક 10

ઇતિ શ્રી પરમહંસસ્વામિ બ્રહ્માનન્દવિરચિતં શ્રીહરિસ્તોત્રમ્ ॥