ശ്രീ ഹര്യഷ്ടകമ് (പ്രഹ്ലാദ കൃതമ്)

ശ്രീ ഹര്യഷ്ടകമ് (പ്രഹ്ലാദ കൃതമ്)

ശ്ലോക 1

ഹരിര്ഹരതി പാപാനി ദുഷ്ടചിത്തൈരപി സ്മൃതഃ ।

അനിച്ഛയാഽപി സംസ്പൃഷ്ടോ ദഹത്യേവ ഹി പാവകഃ

ശ്ലോക 2

സ ഗങ്ഗാ സ ഗയാ സേതുഃ സ കാശീ സ ച പുഷ്കരമ് ।

ജിഹ്വാഗ്രേ വര്തതേ യസ്യ ഹരിരിത്യക്ഷരദ്വയമ്

॥ 1 ॥

ശ്ലോക 3

വാരാണസ്യാം കുരുക്ഷേത്രേ നൈമിശാരണ്യ ഏവ ച ।

യത്കൃതം തേന യേനോക്തം ഹരിരിത്യക്ഷരദ്വയമ്

॥ 2 ॥

ശ്ലോക 4

പൃഥിവ്യാം യാനി തീര്ഥാനി പുണ്യാന്യായതനാനി ച ।

താനി സര്വാണ്യശേഷാണി ഹരിരിത്യക്ഷരദ്വയമ്

॥ 3 ॥

ശ്ലോക 5

ഗവാം കോടിസഹസ്രാണി ഹേമകന്യാസഹസ്രകമ് ।

ദത്തം സ്യാത്തേന യേനോക്തം ഹരിരിത്യക്ഷരദ്വയമ്

॥ 4 ॥

ശ്ലോക 6

ഋഗ്വേദോഽഥ യജുര്വേദഃ സാമവേദോഽപ്യഥര്വണഃ ।

അധീതസ്തേന യേനോക്തം ഹരിരിത്യക്ഷരദ്വയമ്

॥ 5 ॥

ശ്ലോക 7

അശ്വമേധൈര്മഹായജ്ഞൈര്നരമേധൈസ്തഥൈവ ച ।

ഇഷ്ടം സ്യാത്തേന യേനോക്തം ഹരിരിത്യക്ഷരദ്വയമ്

॥ 6 ॥

ശ്ലോക 8

പ്രാണഃ പ്രയാണ പാഥേയം സംസാരവ്യാധിനാശനമ് ।

ദുഃഖാത്യന്ത പരിത്രാണം ഹരിരിത്യക്ഷരദ്വയമ്

॥ 7 ॥

ശ്ലോക 9

ബദ്ധഃ പരികരസ്തേന മോക്ഷായ ഗമനം പ്രതി ।

സകൃദുച്ചാരിതം യേന ഹരിരിത്യക്ഷരദ്വയമ്

॥ 8 ॥

ശ്ലോക 10

ഹര്യഷ്ടകമിദം പുണ്യം പ്രാതരുത്ഥായ യഃ പഠേത് ।

ആയുഷ്യം ബലമാരോഗ്യം യശോ വൃദ്ധിഃ ശ്രിയാവഹമ്

॥ 9 ॥

ശ്ലോക 11

പ്രഹ്ലാദേന കൃതം സ്തോത്രം ദുഃഖസാഗരശോഷണമ് ।

യഃ പഠേത്സ നരോ യാതി തദ്വിഷ്ണോഃ പരമം പദമ്

॥ 10 ॥

ശ്ലോക 12

ഇതി പ്രഹ്ലാദകൃത ശ്രീ ഹര്യഷ്ടകമ് ।