ஶ்ரீ தேவ்யதர்வஶீர்ஷம்

ஶ்ரீ தேவ்யதர்வஶீர்ஷம்

ஶ்லோக 1

ௐ ஸர்வே வை தேவா தேவீமுபதஸ்துஃ காஸி த்வ-ம்மஹாதேவீதி

ஶ்லோக 2

ஸா-ऽப்ரவீதஹ-ம்ப்ரஹ்மஸ்வரூபிணீ ।

மத்தஃ ப்ரக்ரு'திபுருஷாத்மக-ஞ்ஜகத் ।

ஶூந்ய-ஞ்சாஶூந்ய-ஞ்ச

॥ 1 ॥

ஶ்லோக 3

அஹமாநந்தாநாநந்தௌ ।

அஹம்-விँஜ்ஞாநாவிஜ்ஞாநே ।

அஹ-ம்ப்ரஹ்மாப்ரஹ்மணி வேதிதவ்யே ।

அஹ-ம்பஞ்சபூதாந்யபஞ்சபூதாநி ।

அஹமகில-ஞ்ஜகத்

॥ 2 ॥

ஶ்லோக 4

வேதோ-ऽஹமவேதோ-ऽஹம் ।

வித்யா-ऽஹமவித்யா-ऽஹம் ।

அஜா-ऽஹமநஜா-ऽஹம் ।

அதஶ்சோர்த்வ-ஞ்ச திர்யக்சாஹம்

॥ 3 ॥

ஶ்லோக 5

அஹம் ருத்ரேபிர்வஸுபிஶ்சராமி ।

அஹமாதித்யைருத விஶ்வதேவைஃ ।

அஹ-ம்மித்ராவருணாவுபௌ பிபர்மி ।

அஹமிந்த்ராக்நீ அஹமஶ்விநாவுபௌ

॥ 4 ॥

ஶ்லோக 6

அஹம் ஸோம-ந்த்வஷ்டார-ம்பூஷண-ம்பக-ந்ததாமி ।

அஹம்-விँஷ்ணுமுருக்ரம-ம்ப்ரஹ்மாணமுத ப்ரஜாபதி-ந்ததாமி

॥ 5 ॥

ஶ்லோக 7

அ॒ஹ-ந்த॑தாமி॒ த்ரவி॑ணம் ஹ॒விஷ்ம॑தே ஸுப்ரா॒வ்யே॒3 யஜ॑மாநாய ஸுந்வ॒தே ।

அ॒ஹம் ராஷ்ட்ரீ॑ ஸ॒ங்கம॑நீ॒ வஸூ॑நா-ஞ்சிகி॒துஷீ॑ ப்ரத॒மா ய॒ஜ்ஞியா॑நாம் ।

அ॒ஹம் ஸு॑வே பி॒தர॑மஸ்ய மூ॒ர்தந்மம॒ யோநி॑ர॒ப்ஸ்வந்த-ஸ்ஸ॑மு॒த்ரே ।

ய ஏவம்-வேँத । ஸ தேவீம் ஸம்பதமாப்நோதி

॥ 6 ॥

ஶ்லோக 8

தே தேவா அப்ருவந்

நமோ தேவ்யை மஹாதேவ்யை ஶிவாயை ஸதத-ந்நமஃ ।

நமஃ ப்ரக்ரு'த்யை பத்ராயை நியதாஃ ப்ரணதா-ஸ்ஸ்ம தாம்

॥ 7 ॥

ஶ்லோக 9

தாம॒க்நிவ॑ர்ணா॒-ந்தப॑ஸா ஜ்வல॒ந்தீம்-வைँ॑ரோச॒நீ-ங்க॑ர்மப॒லேஷு॒ ஜுஷ்டா᳚ம் ।

து॒ர்கா-ந்தே॒வீம் ஶர॑ண-ம்ப்ரப॑த்யாமஹே-ऽஸுராந்நாஶயித்ர்யை தே நமஃ

॥ 8 ॥

ஶ்லோக 10

(ரு'.வே.8.100.11)

தே॒வீம்-வாँச॑மஜநயந்த தே॒வாஸ்தாம்-விँ॒ஶ்வரூ॑பாஃ ப॒ஶவோ॑ வதந்தி ।

ஸா நோ॑ ம॒ந்த்ரேஷ॒மூர்ஜ॒-ந்துஹா॑நா தே॒நுர்வாக॒ஸ்மாநுப॒ ஸுஷ்டு॒தைது॑

॥ 9 ॥

ஶ்லோக 11

காலராத்ரீ-ம்ப்ரஹ்மஸ்துதாம்-வைँஷ்ணவீம் ஸ்கந்தமாதரம் ।

ஸரஸ்வதீமதிதி-ந்தக்ஷதுஹிதர-ந்நமாமஃ பாவநாம் ஶிவாம்

॥ 10 ॥

ஶ்லோக 12

மஹாலக்ஷ்ம்யை ச வித்மஹே ஸர்வஶக்த்யை ச தீமஹி ।

தந்நோ தேவீ ப்ரசோதயாத்

॥ 11 ॥

ஶ்லோக 13

அதிதிர்​ஹ்யஜநிஷ்ட தக்ஷ யா துஹிதா தவ ।

தா-ந்தேவா அந்வஜாயந்த பத்ரா அம்ரு'தபந்தவஃ

॥ 12 ॥

ஶ்லோக 14

காமோ யோநிஃ கமலா வஜ்ரபாணி-

ர்குஹா ஹஸா மாதரிஶ்வாப்ரமிந்த்ரஃ ।

புநர்குஹா ஸகலா மாயயா ச

புரூச்யைஷா விஶ்வமாதாதிவித்யோம்

॥ 13 ॥

ஶ்லோக 15

ஏஷா-ऽऽத்மஶக்திஃ ।

ஏஷா விஶ்வமோஹிநீ ।

பாஶாங்குஶதநுர்பாணதரா ।

ஏஷா ஶ்ரீமஹாவித்யா ।

ய ஏவம்-வேँத ஸ ஶோக-ந்தரதி

॥ 14 ॥

ஶ்லோக 16

நமஸ்தே அஸ்து பகவதி மாதரஸ்மாந்பாஹி ஸர்வதஃ

॥ 15 ॥

ஶ்லோக 17

ஸைஷாஷ்டௌ வஸவஃ ।

ஸைஷைகாதஶ ருத்ராஃ ।

ஸைஷா த்வாதஶாதித்யாஃ ।

ஸைஷா விஶ்வேதேவா-ஸ்ஸோமபா அஸோமபாஶ்ச ।

ஸைஷா யாதுதாநா அஸுரா ரக்ஷாம்ஸி பிஶாசா யக்ஷா ஸித்தாஃ ।

ஸைஷா ஸத்த்வரஜஸ்தமாம்ஸி ।

ஸைஷா ப்ரஹ்மவிஷ்ணுருத்ரரூபிணீ ।

ஸைஷா ப்ரஜாபதீந்த்ரமநவஃ ।

ஸைஷா க்ரஹநக்ஷத்ரஜ்யோதீம்ஷி । கலாகாஷ்டாதிகாலரூபிணீ ।

தாமஹ-ம்ப்ரணௌமி நித்யம் ।

பாபாபஹாரிணீ-ந்தேவீ-ம்புக்திமுக்திப்ரதாயிநீம் ।

அநந்தாம்-விँஜயாம் ஶுத்தாம் ஶரண்யாம் ஶிவதாம் ஶிவாம்

॥ 16 ॥

ஶ்லோக 18

வியதீகாரஸம்​யுँக்தம்-வீँதிஹோத்ரஸமந்விதம் ।

அர்தேந்துலஸித-ந்தேவ்யா பீஜம் ஸர்வார்தஸாதகம்

॥ 17 ॥

ஶ்லோக 19

ஏவமேகாக்ஷர-ம்ப்ரஹ்ம யதய-ஶ்ஶுத்தசேதஸஃ ।

த்யாயந்தி பரமாநந்தமயா ஜ்ஞாநாம்புராஶயஃ

॥ 18 ॥

ஶ்லோக 20

வாங்மாயா ப்ரஹ்மஸூஸ்தஸ்மா-த்ஷஷ்டம்-வँக்த்ரஸமந்விதம் ।

ஸூர்யோ-ऽவாமஶ்ரோத்ரபிந்துஸம்​யுँக்தஷ்டாத்த்ரு'தீயகஃ ।

நாராயணேந ஸம்மிஶ்ரோ வாயுஶ்சாதரயுக்ததஃ ।

விச்சே நவார்ணகோ-ऽர்ண-ஸ்ஸ்யாந்மஹதாநந்ததாயகஃ

॥ 19 ॥

ஶ்லோக 21

ஹ்ரு'த்புண்டரீகமத்யஸ்தா-ம்ப்ராதஸ்ஸூர்யஸமப்ரபாம் ।

பாஶாங்குஶதராம் ஸௌம்யாம்-வँரதாபயஹஸ்தகாம் ।

த்ரிநேத்ராம் ரக்தவஸநா-ம்பக்தகாமதுகா-ம்பஜே

॥ 20 ॥

ஶ்லோக 22

நமாமி த்வா-ம்மஹாதேவீ-ம்மஹாபயவிநாஶிநீம் ।

மஹாதுர்கப்ரஶமநீ-ம்மஹாகாருண்யரூபிணீம்

॥ 21 ॥

ஶ்லோக 23

யஸ்யா-ஸ்ஸ்வரூப-ம்ப்ரஹ்மாதயோ ந ஜாநந்தி தஸ்மாதுச்யதே அஜ்ஞேயா ।

யஸ்யா அந்தோ ந லப்யதே தஸ்மாதுச்யதே அநந்தா ।

யஸ்யா லக்ஷ்ய-ந்நோபலக்ஷ்யதே தஸ்மாதுச்யதே அலக்ஷ்யா ।

யஸ்யா ஜநந-ந்நோபலப்யதே தஸ்மாதுச்யதே அஜா ।

ஏகைவ ஸர்வத்ர வர்ததே தஸ்மாதுச்யதே ஏகா ।

ஏகைவ விஶ்வரூபிணீ தஸ்மாதுச்யதே நைகா ।

அத ஏவோச்யதே அஜ்ஞேயாநந்தாலக்ஷ்யாஜைகா நைகேதி

॥ 22 ॥

ஶ்லோக 24

மந்த்ராணா-ம்மாத்ரு'கா தேவீ ஶப்தாநா-ஞ்ஜ்ஞாநரூபிணீ ।

ஜ்ஞாநாநா-ஞ்சிந்மயாதீதா ஶூந்யாநாம் ஶூந்யஸாக்ஷிணீ ।

யஸ்யாஃ பரதர-ந்நாஸ்தி ஸைஷா துர்கா ப்ரகீர்திதா

॥ 23 ॥

ஶ்லோக 25

தா-ந்துர்கா-ந்துர்கமா-ந்தேவீ-ந்துராசாரவிகாதிநீம் ।

நமாமி பவபீதோ-ऽஹம் ஸம்ஸாரார்ணவதாரிணீம்

॥ 24 ॥

ஶ்லோக 26

இதமதர்வஶீர்​ஷம்-யோँ-ऽதீதே ஸ பஞ்சாதர்வஶீர்​ஷஜபபலமாப்நோதி ।

இதமதர்வஶீர்​ஷமஜ்ஞாத்வா யோ-ऽர்சாம் ஸ்தாபயதி ।

ஶதலக்ஷ-ம்ப்ரஜப்த்வா-ऽபி ஸோ-ऽர்சாஸித்தி-ந்ந விந்ததி ।

ஶதமஷ்டோத்தர-ஞ்சாஸ்ய புரஶ்சர்யாவிதி-ஸ்ஸ்ம்ரு'தஃ ।

தஶவார-ம்படேத்யஸ்து ஸத்யஃ பாபைஃ ப்ரமுச்யதே ।

மஹாதுர்காணி தரதி மஹாதேவ்யாஃ ப்ரஸாததஃ । 26 ॥

ஸாயமதீயாநோ திவஸக்ரு'த-ம்பாப-ந்நாஶயதி ।

ப்ராதரதீயாநோ ராத்ரிக்ரு'த-ம்பாப-ந்நாஶயதி ।

ஸாய-ம்ப்ராதஃ ப்ரயுஞ்ஜாநோ அபாபோ பவதி ।

நிஶீதே துரீயஸந்த்யாயா-ஞ்ஜப்த்வா வாக்ஸித்திர்பவதி ।

நூதநாயா-ம்ப்ரதிமாயா-ஞ்ஜப்த்வா தேவதாஸாந்நித்ய-ம்பவதி ।

ப்ராணப்ரதிஷ்டாயா-ஞ்ஜப்த்வா ப்ராணாநா-ம்ப்ரதிஷ்டா பவதி ।

பௌமாஶ்விந்யா-ம்மஹாதேவீஸந்நிதௌ ஜப்த்வா மஹாம்ரு'த்யு-ந்தரதி ।

ஸ மஹாம்ரு'த்யு-ந்தரதி ।

ய ஏவம்-வேँத ।

இத்யுபநிஷத்

॥ 25 ॥

ஶ்லோக 27

இதி தேவ்யதர்வஶீர்​ஷம் ।