ಶ್ರೀ ದೇವ್ಯಥರ್ವಶೀರ್ಷಮ್

ಶ್ರೀ ದೇವ್ಯಥರ್ವಶೀರ್ಷಮ್

ಶ್ಲೋಕ 1

ಓಂ ಸರ್ವೇ ವೈ ದೇವಾ ದೇವೀಮುಪತಸ್ಥುಃ ಕಾಸಿ ತ್ವ-ಮ್ಮಹಾದೇವೀತಿ

ಶ್ಲೋಕ 2

ಸಾ-ಽಬ್ರವೀದಹ-ಮ್ಬ್ರಹ್ಮಸ್ವರೂಪಿಣೀ ।

ಮತ್ತಃ ಪ್ರಕೃತಿಪುರುಷಾತ್ಮಕ-ಞ್ಜಗತ್ ।

ಶೂನ್ಯ-ಞ್ಚಾಶೂನ್ಯ-ಞ್ಚ

॥ 1 ॥

ಶ್ಲೋಕ 3

ಅಹಮಾನನ್ದಾನಾನನ್ದೌ ।

ಅಹಂ-ವಿಁಜ್ಞಾನಾವಿಜ್ಞಾನೇ ।

ಅಹ-ಮ್ಬ್ರಹ್ಮಾಬ್ರಹ್ಮಣಿ ವೇದಿತವ್ಯೇ ।

ಅಹ-ಮ್ಪಞ್ಚಭೂತಾನ್ಯಪಞ್ಚಭೂತಾನಿ ।

ಅಹಮಖಿಲ-ಞ್ಜಗತ್

॥ 2 ॥

ಶ್ಲೋಕ 4

ವೇದೋ-ಽಹಮವೇದೋ-ಽಹಮ್ ।

ವಿದ್ಯಾ-ಽಹಮವಿದ್ಯಾ-ಽಹಮ್ ।

ಅಜಾ-ಽಹಮನಜಾ-ಽಹಮ್ ।

ಅಧಶ್ಚೋರ್ಧ್ವ-ಞ್ಚ ತಿರ್ಯಕ್ಚಾಹಮ್

॥ 3 ॥

ಶ್ಲೋಕ 5

ಅಹಂ ರುದ್ರೇಭಿರ್ವಸುಭಿಶ್ಚರಾಮಿ ।

ಅಹಮಾದಿತ್ಯೈರುತ ವಿಶ್ವದೇವೈಃ ।

ಅಹ-ಮ್ಮಿತ್ರಾವರುಣಾವುಭೌ ಬಿಭರ್ಮಿ ।

ಅಹಮಿನ್ದ್ರಾಗ್ನೀ ಅಹಮಶ್ವಿನಾವುಭೌ

॥ 4 ॥

ಶ್ಲೋಕ 6

ಅಹಂ ಸೋಮ-ನ್ತ್ವಷ್ಟಾರ-ಮ್ಪೂಷಣ-ಮ್ಭಗ-ನ್ದಧಾಮಿ ।

ಅಹಂ-ವಿಁಷ್ಣುಮುರುಕ್ರಮ-ಮ್ಬ್ರಹ್ಮಾಣಮುತ ಪ್ರಜಾಪತಿ-ನ್ದಧಾಮಿ

॥ 5 ॥

ಶ್ಲೋಕ 7

ಅ॒ಹ-ನ್ದ॑ಧಾಮಿ॒ ದ್ರವಿ॑ಣಂ ಹ॒ವಿಷ್ಮ॑ತೇ ಸುಪ್ರಾ॒ವ್ಯೇ॒3 ಯಜ॑ಮಾನಾಯ ಸುನ್ವ॒ತೇ ।

ಅ॒ಹಂ ರಾಷ್ಟ್ರೀ॑ ಸ॒ಙ್ಗಮ॑ನೀ॒ ವಸೂ॑ನಾ-ಞ್ಚಿಕಿ॒ತುಷೀ॑ ಪ್ರಥ॒ಮಾ ಯ॒ಜ್ಞಿಯಾ॑ನಾಮ್ ।

ಅ॒ಹಂ ಸು॑ವೇ ಪಿ॒ತರ॑ಮಸ್ಯ ಮೂ॒ರ್ಧನ್ಮಮ॒ ಯೋನಿ॑ರ॒ಪ್ಸ್ವನ್ತ-ಸ್ಸ॑ಮು॒ದ್ರೇ ।

ಯ ಏವಂ-ವೇಁದ । ಸ ದೇವೀಂ ಸಮ್ಪದಮಾಪ್ನೋತಿ

॥ 6 ॥

ಶ್ಲೋಕ 8

ತೇ ದೇವಾ ಅಬ್ರುವನ್

ನಮೋ ದೇವ್ಯೈ ಮಹಾದೇವ್ಯೈ ಶಿವಾಯೈ ಸತತ-ನ್ನಮಃ ।

ನಮಃ ಪ್ರಕೃತ್ಯೈ ಭದ್ರಾಯೈ ನಿಯತಾಃ ಪ್ರಣತಾ-ಸ್ಸ್ಮ ತಾಮ್

॥ 7 ॥

ಶ್ಲೋಕ 9

ತಾಮ॒ಗ್ನಿವ॑ರ್ಣಾ॒-ನ್ತಪ॑ಸಾ ಜ್ವಲ॒ನ್ತೀಂ-ವೈಁ॑ರೋಚ॒ನೀ-ಙ್ಕ॑ರ್ಮಫ॒ಲೇಷು॒ ಜುಷ್ಟಾ᳚ಮ್ ।

ದು॒ರ್ಗಾ-ನ್ದೇ॒ವೀಂ ಶರ॑ಣ-ಮ್ಪ್ರಪ॑ದ್ಯಾಮಹೇ-ಽಸುರಾನ್ನಾಶಯಿತ್ರ್ಯೈ ತೇ ನಮಃ

॥ 8 ॥

ಶ್ಲೋಕ 10

(ಋ.ವೇ.8.100.11)

ದೇ॒ವೀಂ-ವಾಁಚ॑ಮಜನಯನ್ತ ದೇ॒ವಾಸ್ತಾಂ-ವಿಁ॒ಶ್ವರೂ॑ಪಾಃ ಪ॒ಶವೋ॑ ವದನ್ತಿ ।

ಸಾ ನೋ॑ ಮ॒ನ್ದ್ರೇಷ॒ಮೂರ್ಜ॒-ನ್ದುಹಾ॑ನಾ ಧೇ॒ನುರ್ವಾಗ॒ಸ್ಮಾನುಪ॒ ಸುಷ್ಟು॒ತೈತು॑

॥ 9 ॥

ಶ್ಲೋಕ 11

ಕಾಲರಾತ್ರೀ-ಮ್ಬ್ರಹ್ಮಸ್ತುತಾಂ-ವೈಁಷ್ಣವೀಂ ಸ್ಕನ್ದಮಾತರಮ್ ।

ಸರಸ್ವತೀಮದಿತಿ-ನ್ದಕ್ಷದುಹಿತರ-ನ್ನಮಾಮಃ ಪಾವನಾಂ ಶಿವಾಮ್

॥ 10 ॥

ಶ್ಲೋಕ 12

ಮಹಾಲಕ್ಷ್ಮ್ಯೈ ಚ ವಿದ್ಮಹೇ ಸರ್ವಶಕ್ತ್ಯೈ ಚ ಧೀಮಹಿ ।

ತನ್ನೋ ದೇವೀ ಪ್ರಚೋದಯಾತ್

॥ 11 ॥

ಶ್ಲೋಕ 13

ಅದಿತಿರ್​ಹ್ಯಜನಿಷ್ಟ ದಕ್ಷ ಯಾ ದುಹಿತಾ ತವ ।

ತಾ-ನ್ದೇವಾ ಅನ್ವಜಾಯನ್ತ ಭದ್ರಾ ಅಮೃತಬನ್ಧವಃ

॥ 12 ॥

ಶ್ಲೋಕ 14

ಕಾಮೋ ಯೋನಿಃ ಕಮಲಾ ವಜ್ರಪಾಣಿ-

ರ್ಗುಹಾ ಹಸಾ ಮಾತರಿಶ್ವಾಭ್ರಮಿನ್ದ್ರಃ ।

ಪುನರ್ಗುಹಾ ಸಕಲಾ ಮಾಯಯಾ ಚ

ಪುರೂಚ್ಯೈಷಾ ವಿಶ್ವಮಾತಾದಿವಿದ್ಯೋಮ್

॥ 13 ॥

ಶ್ಲೋಕ 15

ಏಷಾ-ಽಽತ್ಮಶಕ್ತಿಃ ।

ಏಷಾ ವಿಶ್ವಮೋಹಿನೀ ।

ಪಾಶಾಙ್ಕುಶಧನುರ್ಬಾಣಧರಾ ।

ಏಷಾ ಶ್ರೀಮಹಾವಿದ್ಯಾ ।

ಯ ಏವಂ-ವೇಁದ ಸ ಶೋಕ-ನ್ತರತಿ

॥ 14 ॥

ಶ್ಲೋಕ 16

ನಮಸ್ತೇ ಅಸ್ತು ಭಗವತಿ ಮಾತರಸ್ಮಾನ್ಪಾಹಿ ಸರ್ವತಃ

॥ 15 ॥

ಶ್ಲೋಕ 17

ಸೈಷಾಷ್ಟೌ ವಸವಃ ।

ಸೈಷೈಕಾದಶ ರುದ್ರಾಃ ।

ಸೈಷಾ ದ್ವಾದಶಾದಿತ್ಯಾಃ ।

ಸೈಷಾ ವಿಶ್ವೇದೇವಾ-ಸ್ಸೋಮಪಾ ಅಸೋಮಪಾಶ್ಚ ।

ಸೈಷಾ ಯಾತುಧಾನಾ ಅಸುರಾ ರಕ್ಷಾಂಸಿ ಪಿಶಾಚಾ ಯಕ್ಷಾ ಸಿದ್ಧಾಃ ।

ಸೈಷಾ ಸತ್ತ್ವರಜಸ್ತಮಾಂಸಿ ।

ಸೈಷಾ ಬ್ರಹ್ಮವಿಷ್ಣುರುದ್ರರೂಪಿಣೀ ।

ಸೈಷಾ ಪ್ರಜಾಪತೀನ್ದ್ರಮನವಃ ।

ಸೈಷಾ ಗ್ರಹನಕ್ಷತ್ರಜ್ಯೋತೀಂಷಿ । ಕಲಾಕಾಷ್ಠಾದಿಕಾಲರೂಪಿಣೀ ।

ತಾಮಹ-ಮ್ಪ್ರಣೌಮಿ ನಿತ್ಯಮ್ ।

ಪಾಪಾಪಹಾರಿಣೀ-ನ್ದೇವೀ-ಮ್ಭುಕ್ತಿಮುಕ್ತಿಪ್ರದಾಯಿನೀಮ್ ।

ಅನನ್ತಾಂ-ವಿಁಜಯಾಂ ಶುದ್ಧಾಂ ಶರಣ್ಯಾಂ ಶಿವದಾಂ ಶಿವಾಮ್

॥ 16 ॥

ಶ್ಲೋಕ 18

ವಿಯದೀಕಾರಸಂ​ಯುಁಕ್ತಂ-ವೀಁತಿಹೋತ್ರಸಮನ್ವಿತಮ್ ।

ಅರ್ಧೇನ್ದುಲಸಿತ-ನ್ದೇವ್ಯಾ ಬೀಜಂ ಸರ್ವಾರ್ಥಸಾಧಕಮ್

॥ 17 ॥

ಶ್ಲೋಕ 19

ಏವಮೇಕಾಕ್ಷರ-ಮ್ಬ್ರಹ್ಮ ಯತಯ-ಶ್ಶುದ್ಧಚೇತಸಃ ।

ಧ್ಯಾಯನ್ತಿ ಪರಮಾನನ್ದಮಯಾ ಜ್ಞಾನಾಮ್ಬುರಾಶಯಃ

॥ 18 ॥

ಶ್ಲೋಕ 20

ವಾಙ್ಮಾಯಾ ಬ್ರಹ್ಮಸೂಸ್ತಸ್ಮಾ-ಥ್ಷಷ್ಠಂ-ವಁಕ್ತ್ರಸಮನ್ವಿತಮ್ ।

ಸೂರ್ಯೋ-ಽವಾಮಶ್ರೋತ್ರಬಿನ್ದುಸಂ​ಯುಁಕ್ತಷ್ಟಾತ್ತೃತೀಯಕಃ ।

ನಾರಾಯಣೇನ ಸಮ್ಮಿಶ್ರೋ ವಾಯುಶ್ಚಾಧರಯುಕ್ತತಃ ।

ವಿಚ್ಚೇ ನವಾರ್ಣಕೋ-ಽರ್ಣ-ಸ್ಸ್ಯಾನ್ಮಹದಾನನ್ದದಾಯಕಃ

॥ 19 ॥

ಶ್ಲೋಕ 21

ಹೃತ್ಪುಣ್ಡರೀಕಮಧ್ಯಸ್ಥಾ-ಮ್ಪ್ರಾತಸ್ಸೂರ್ಯಸಮಪ್ರಭಾಮ್ ।

ಪಾಶಾಙ್ಕುಶಧರಾಂ ಸೌಮ್ಯಾಂ-ವಁರದಾಭಯಹಸ್ತಕಾಮ್ ।

ತ್ರಿನೇತ್ರಾಂ ರಕ್ತವಸನಾ-ಮ್ಭಕ್ತಕಾಮದುಘಾ-ಮ್ಭಜೇ

॥ 20 ॥

ಶ್ಲೋಕ 22

ನಮಾಮಿ ತ್ವಾ-ಮ್ಮಹಾದೇವೀ-ಮ್ಮಹಾಭಯವಿನಾಶಿನೀಮ್ ।

ಮಹಾದುರ್ಗಪ್ರಶಮನೀ-ಮ್ಮಹಾಕಾರುಣ್ಯರೂಪಿಣೀಮ್

॥ 21 ॥

ಶ್ಲೋಕ 23

ಯಸ್ಯಾ-ಸ್ಸ್ವರೂಪ-ಮ್ಬ್ರಹ್ಮಾದಯೋ ನ ಜಾನನ್ತಿ ತಸ್ಮಾದುಚ್ಯತೇ ಅಜ್ಞೇಯಾ ।

ಯಸ್ಯಾ ಅನ್ತೋ ನ ಲಭ್ಯತೇ ತಸ್ಮಾದುಚ್ಯತೇ ಅನನ್ತಾ ।

ಯಸ್ಯಾ ಲಕ್ಷ್ಯ-ನ್ನೋಪಲಕ್ಷ್ಯತೇ ತಸ್ಮಾದುಚ್ಯತೇ ಅಲಕ್ಷ್ಯಾ ।

ಯಸ್ಯಾ ಜನನ-ನ್ನೋಪಲಭ್ಯತೇ ತಸ್ಮಾದುಚ್ಯತೇ ಅಜಾ ।

ಏಕೈವ ಸರ್ವತ್ರ ವರ್ತತೇ ತಸ್ಮಾದುಚ್ಯತೇ ಏಕಾ ।

ಏಕೈವ ವಿಶ್ವರೂಪಿಣೀ ತಸ್ಮಾದುಚ್ಯತೇ ನೈಕಾ ।

ಅತ ಏವೋಚ್ಯತೇ ಅಜ್ಞೇಯಾನನ್ತಾಲಕ್ಷ್ಯಾಜೈಕಾ ನೈಕೇತಿ

॥ 22 ॥

ಶ್ಲೋಕ 24

ಮನ್ತ್ರಾಣಾ-ಮ್ಮಾತೃಕಾ ದೇವೀ ಶಬ್ದಾನಾ-ಞ್ಜ್ಞಾನರೂಪಿಣೀ ।

ಜ್ಞಾನಾನಾ-ಞ್ಚಿನ್ಮಯಾತೀತಾ ಶೂನ್ಯಾನಾಂ ಶೂನ್ಯಸಾಕ್ಷಿಣೀ ।

ಯಸ್ಯಾಃ ಪರತರ-ನ್ನಾಸ್ತಿ ಸೈಷಾ ದುರ್ಗಾ ಪ್ರಕೀರ್ತಿತಾ

॥ 23 ॥

ಶ್ಲೋಕ 25

ತಾ-ನ್ದುರ್ಗಾ-ನ್ದುರ್ಗಮಾ-ನ್ದೇವೀ-ನ್ದುರಾಚಾರವಿಘಾತಿನೀಮ್ ।

ನಮಾಮಿ ಭವಭೀತೋ-ಽಹಂ ಸಂಸಾರಾರ್ಣವತಾರಿಣೀಮ್

॥ 24 ॥

ಶ್ಲೋಕ 26

ಇದಮಥರ್ವಶೀರ್​ಷಂ-ಯೋಁ-ಽಧೀತೇ ಸ ಪಞ್ಚಾಥರ್ವಶೀರ್​ಷಜಪಫಲಮಾಪ್ನೋತಿ ।

ಇದಮಥರ್ವಶೀರ್​ಷಮಜ್ಞಾತ್ವಾ ಯೋ-ಽರ್ಚಾಂ ಸ್ಥಾಪಯತಿ ।

ಶತಲಕ್ಷ-ಮ್ಪ್ರಜಪ್ತ್ವಾ-ಽಪಿ ಸೋ-ಽರ್ಚಾಸಿದ್ಧಿ-ನ್ನ ವಿನ್ದತಿ ।

ಶತಮಷ್ಟೋತ್ತರ-ಞ್ಚಾಸ್ಯ ಪುರಶ್ಚರ್ಯಾವಿಧಿ-ಸ್ಸ್ಮೃತಃ ।

ದಶವಾರ-ಮ್ಪಠೇದ್ಯಸ್ತು ಸದ್ಯಃ ಪಾಪೈಃ ಪ್ರಮುಚ್ಯತೇ ।

ಮಹಾದುರ್ಗಾಣಿ ತರತಿ ಮಹಾದೇವ್ಯಾಃ ಪ್ರಸಾದತಃ । 26 ॥

ಸಾಯಮಧೀಯಾನೋ ದಿವಸಕೃತ-ಮ್ಪಾಪ-ನ್ನಾಶಯತಿ ।

ಪ್ರಾತರಧೀಯಾನೋ ರಾತ್ರಿಕೃತ-ಮ್ಪಾಪ-ನ್ನಾಶಯತಿ ।

ಸಾಯ-ಮ್ಪ್ರಾತಃ ಪ್ರಯುಞ್ಜಾನೋ ಅಪಾಪೋ ಭವತಿ ।

ನಿಶೀಥೇ ತುರೀಯಸನ್ಧ್ಯಾಯಾ-ಞ್ಜಪ್ತ್ವಾ ವಾಕ್ಸಿದ್ಧಿರ್ಭವತಿ ।

ನೂತನಾಯಾ-ಮ್ಪ್ರತಿಮಾಯಾ-ಞ್ಜಪ್ತ್ವಾ ದೇವತಾಸಾನ್ನಿಧ್ಯ-ಮ್ಭವತಿ ।

ಪ್ರಾಣಪ್ರತಿಷ್ಠಾಯಾ-ಞ್ಜಪ್ತ್ವಾ ಪ್ರಾಣಾನಾ-ಮ್ಪ್ರತಿಷ್ಠಾ ಭವತಿ ।

ಭೌಮಾಶ್ವಿನ್ಯಾ-ಮ್ಮಹಾದೇವೀಸನ್ನಿಧೌ ಜಪ್ತ್ವಾ ಮಹಾಮೃತ್ಯು-ನ್ತರತಿ ।

ಸ ಮಹಾಮೃತ್ಯು-ನ್ತರತಿ ।

ಯ ಏವಂ-ವೇಁದ ।

ಇತ್ಯುಪನಿಷತ್

॥ 25 ॥

ಶ್ಲೋಕ 27

ಇತಿ ದೇವ್ಯಥರ್ವಶೀರ್​ಷಮ್ ।