శ్రి దత్తాత్రేయ స్తోత్రమ్

శ్రి దత్తాత్రేయ స్తోత్రమ్

శ్లోక 1

జటాధరం పాణ్డురాఙ్గం శూలహస్తం కృపానిధిమ్ ।

సర్వరోగహరం దేవం దత్తాత్రేయమహం భజే

శ్లోక 2

అస్య శ్రీదత్తాత్రేయస్తోత్రమన్త్రస్య భగవాన్నారదృషిః । అనుష్టుప్ ఛన్దః । శ్రీదత్తః పరమాత్మా దేవతా । శ్రీదత్తాత్రేయ ప్రీత్యర్థే జపే వినియోగః ॥

నారద ఉవాచ ।

జగదుత్పత్తికర్త్రే చ స్థితిసంహారహేతవే ।

భవపాశవిముక్తాయ దత్తాత్రేయ నమోఽస్తు తే

॥ 1 ॥

శ్లోక 3

జరాజన్మవినాశాయ దేహశుద్ధికరాయ చ ।

దిగమ్బర దయామూర్తే దత్తాత్రేయ నమోఽస్తు తే

॥ 1 ॥

శ్లోక 4

కర్పూరకాన్తిదేహాయ బ్రహ్మమూర్తిధరాయ చ ।

వేదశాస్త్రపరిజ్ఞాయ దత్తాత్రేయ నమోఽస్తు తే

॥ 2 ॥

శ్లోక 5

హ్రస్వదీర్ఘకృశస్థూలనామగోత్రవివర్జిత ।

పఞ్చభూతైకదీప్తాయ దత్తాత్రేయ నమోఽస్తు తే

॥ 3 ॥

శ్లోక 6

యజ్ఞభోక్తే చ యజ్ఞాయ యజ్ఞరూపధరాయ చ ।

యజ్ఞప్రియాయ సిద్ధాయ దత్తాత్రేయ నమోఽస్తు తే

॥ 4 ॥

శ్లోక 7

ఆదౌ బ్రహ్మా హరిర్మధ్యే హ్యన్తే దేవస్సదాశివః ।

మూర్తిత్రయస్వరూపాయ దత్తాత్రేయ నమోఽస్తు తే

॥ 5 ॥

శ్లోక 8

భోగాలయాయ భోగాయ యోగయోగ్యాయ ధారిణే ।

జితేన్ద్రియ జితజ్ఞాయ దత్తాత్రేయ నమోఽస్తు తే

॥ 6 ॥

శ్లోక 9

దిగమ్బరాయ దివ్యాయ దివ్యరూపధరాయ చ ।

సదోదితపరబ్రహ్మ దత్తాత్రేయ నమోఽస్తు తే

॥ 7 ॥

శ్లోక 10

జమ్బూద్వీపే మహాక్షేత్రే మాతాపురనివాసినే ।

జయమాన సతాం దేవ దత్తాత్రేయ నమోఽస్తు తే

॥ 8 ॥

శ్లోక 11

భిక్షాటనం గృహే గ్రామే పాత్రం హేమమయం కరే ।

నానాస్వాదమయీ భిక్షా దత్తాత్రేయ నమోఽస్తు తే

॥ 9 ॥

శ్లోక 12

బ్రహ్మజ్ఞానమయీ ముద్రా వస్త్రే చాకాశభూతలే ।

ప్రజ్ఞానఘనబోధాయ దత్తాత్రేయ నమోఽస్తు తే

॥ 10 ॥

శ్లోక 13

అవధూత సదానన్ద పరబ్రహ్మస్వరూపిణే ।

విదేహదేహరూపాయ దత్తాత్రేయ నమోఽస్తు తే

॥ 11 ॥

శ్లోక 14

సత్యరూప సదాచార సత్యధర్మపరాయణ ।

సత్యాశ్రయపరోక్షాయ దత్తాత్రేయ నమోఽస్తు తే

॥ 12 ॥

శ్లోక 15

శూలహస్తగదాపాణే వనమాలాసుకన్ధర ।

యజ్ఞసూత్రధర బ్రహ్మన్ దత్తాత్రేయ నమోఽస్తు తే

॥ 13 ॥

శ్లోక 16

క్షరాక్షరస్వరూపాయ పరాత్పరతరాయ చ ।

దత్తముక్తిపరస్తోత్ర దత్తాత్రేయ నమోఽస్తు తే

॥ 14 ॥

శ్లోక 17

దత్త విద్యాఢ్య లక్ష్మీశ దత్త స్వాత్మస్వరూపిణే ।

గుణనిర్గుణరూపాయ దత్తాత్రేయ నమోఽస్తు తే

॥ 15 ॥

శ్లోక 18

శత్రునాశకరం స్తోత్రం జ్ఞానవిజ్ఞానదాయకమ్ ।

సర్వపాపం శమం యాతి దత్తాత్రేయ నమోఽస్తు తే

॥ 16 ॥

శ్లోక 19

ఇదం స్తోత్రం మహద్దివ్యం దత్తప్రత్యక్షకారకమ్ ।

దత్తాత్రేయప్రసాదాచ్చ నారదేన ప్రకీర్తితమ్

॥ 17 ॥

శ్లోక 20

ఇతి శ్రీనారదపురాణే నారదవిరచితం శ్రీ దత్తాత్రేయ స్తోత్రమ్ ।