શ્રિ દત્તાત્રેય સ્તોત્રમ્

શ્રિ દત્તાત્રેય સ્તોત્રમ્

શ્લોક 1

જટાધરં પાણ્ડુરાઙ્ગં શૂલહસ્તં કૃપાનિધિમ્ ।

સર્વરોગહરં દેવં દત્તાત્રેયમહં ભજે

શ્લોક 2

અસ્ય શ્રીદત્તાત્રેયસ્તોત્રમન્ત્રસ્ય ભગવાન્નારદૃષિઃ । અનુષ્ટુપ્ છન્દઃ । શ્રીદત્તઃ પરમાત્મા દેવતા । શ્રીદત્તાત્રેય પ્રીત્યર્થે જપે વિનિયોગઃ ॥

નારદ ઉવાચ ।

જગદુત્પત્તિકર્ત્રે ચ સ્થિતિસંહારહેતવે ।

ભવપાશવિમુક્તાય દત્તાત્રેય નમોઽસ્તુ તે

॥ 1 ॥

શ્લોક 3

જરાજન્મવિનાશાય દેહશુદ્ધિકરાય ચ ।

દિગમ્બર દયામૂર્તે દત્તાત્રેય નમોઽસ્તુ તે

॥ 1 ॥

શ્લોક 4

કર્પૂરકાન્તિદેહાય બ્રહ્મમૂર્તિધરાય ચ ।

વેદશાસ્ત્રપરિજ્ઞાય દત્તાત્રેય નમોઽસ્તુ તે

॥ 2 ॥

શ્લોક 5

હ્રસ્વદીર્ઘકૃશસ્થૂલનામગોત્રવિવર્જિત ।

પઞ્ચભૂતૈકદીપ્તાય દત્તાત્રેય નમોઽસ્તુ તે

॥ 3 ॥

શ્લોક 6

યજ્ઞભોક્તે ચ યજ્ઞાય યજ્ઞરૂપધરાય ચ ।

યજ્ઞપ્રિયાય સિદ્ધાય દત્તાત્રેય નમોઽસ્તુ તે

॥ 4 ॥

શ્લોક 7

આદૌ બ્રહ્મા હરિર્મધ્યે હ્યન્તે દેવસ્સદાશિવઃ ।

મૂર્તિત્રયસ્વરૂપાય દત્તાત્રેય નમોઽસ્તુ તે

॥ 5 ॥

શ્લોક 8

ભોગાલયાય ભોગાય યોગયોગ્યાય ધારિણે ।

જિતેન્દ્રિય જિતજ્ઞાય દત્તાત્રેય નમોઽસ્તુ તે

॥ 6 ॥

શ્લોક 9

દિગમ્બરાય દિવ્યાય દિવ્યરૂપધરાય ચ ।

સદોદિતપરબ્રહ્મ દત્તાત્રેય નમોઽસ્તુ તે

॥ 7 ॥

શ્લોક 10

જમ્બૂદ્વીપે મહાક્ષેત્રે માતાપુરનિવાસિને ।

જયમાન સતાં દેવ દત્તાત્રેય નમોઽસ્તુ તે

॥ 8 ॥

શ્લોક 11

ભિક્ષાટનં ગૃહે ગ્રામે પાત્રં હેમમયં કરે ।

નાનાસ્વાદમયી ભિક્ષા દત્તાત્રેય નમોઽસ્તુ તે

॥ 9 ॥

શ્લોક 12

બ્રહ્મજ્ઞાનમયી મુદ્રા વસ્ત્રે ચાકાશભૂતલે ।

પ્રજ્ઞાનઘનબોધાય દત્તાત્રેય નમોઽસ્તુ તે

॥ 10 ॥

શ્લોક 13

અવધૂત સદાનન્દ પરબ્રહ્મસ્વરૂપિણે ।

વિદેહદેહરૂપાય દત્તાત્રેય નમોઽસ્તુ તે

॥ 11 ॥

શ્લોક 14

સત્યરૂપ સદાચાર સત્યધર્મપરાયણ ।

સત્યાશ્રયપરોક્ષાય દત્તાત્રેય નમોઽસ્તુ તે

॥ 12 ॥

શ્લોક 15

શૂલહસ્તગદાપાણે વનમાલાસુકન્ધર ।

યજ્ઞસૂત્રધર બ્રહ્મન્ દત્તાત્રેય નમોઽસ્તુ તે

॥ 13 ॥

શ્લોક 16

ક્ષરાક્ષરસ્વરૂપાય પરાત્પરતરાય ચ ।

દત્તમુક્તિપરસ્તોત્ર દત્તાત્રેય નમોઽસ્તુ તે

॥ 14 ॥

શ્લોક 17

દત્ત વિદ્યાઢ્ય લક્ષ્મીશ દત્ત સ્વાત્મસ્વરૂપિણે ।

ગુણનિર્ગુણરૂપાય દત્તાત્રેય નમોઽસ્તુ તે

॥ 15 ॥

શ્લોક 18

શત્રુનાશકરં સ્તોત્રં જ્ઞાનવિજ્ઞાનદાયકમ્ ।

સર્વપાપં શમં યાતિ દત્તાત્રેય નમોઽસ્તુ તે

॥ 16 ॥

શ્લોક 19

ઇદં સ્તોત્રં મહદ્દિવ્યં દત્તપ્રત્યક્ષકારકમ્ ।

દત્તાત્રેયપ્રસાદાચ્ચ નારદેન પ્રકીર્તિતમ્

॥ 17 ॥

શ્લોક 20

ઇતિ શ્રીનારદપુરાણે નારદવિરચિતં શ્રી દત્તાત્રેય સ્તોત્રમ્ ।