ശ്രീ ബഗലാമുഖീ അഷ്ടോത്തര ശത നാമാ സ്തോത്രം

ശ്രീ ബഗലാമുഖീ അഷ്ടോത്തര ശത നാമാ സ്തോത്രം

ശ്ലോക 1

നാരദ ഉവാച

ഭഗവന് ദേവദേവേശ സൃഷ്ടിസ്ഥിതിലയേശ്വര ।

ശതമഷ്ടോത്തരം നാമ്നാം ബഗലായാ വദാധുനാ

ശ്ലോക 2

ശ്രീ ഭഗവാനുവാച

ശൃണു വത്സ പ്രവക്ഷ്യാമി നാമ്നാമഷ്ടോത്തരം ശതമ് ।

പീതാമ്ബര്യാ മഹാദേവ്യാഃ സ്തോത്രം പാപപ്രണാശനമ്

॥ 1 ॥

ശ്ലോക 3

യസ്യ പ്രപഠനാത്സദ്യോ വാദീ മൂകോഭവേത് ക്ഷണാത് ।

രിപവസ്സ്തമ്ഭനം യാന്തി സത്യം സത്യം വദാമ്യഹമ്

॥ 2 ॥

ശ്ലോക 4

ഓം അസ്യ ശ്രീപീതാമ്ബര്യഷ്ടോത്തരശതനാമസ്തോത്രസ്യ സദാശിവ ഋഷിഃ അനുഷ്ടുപ്ഛന്ദഃ ശ്രീപീതാമ്ബരീ ദേവതാ ശ്രീപീതാമ്ബരീ പ്രീതയേ ജപേ വിനിയോഗഃ ।

ഓം ബഗലാ വിഷ്ണുവനിതാ വിഷ്ണുശങ്കരഭാമിനീ ।

ബഹുലാ ദേവമാതാ ച മഹാവിഷ്ണുപ്രസൂരപി

॥ 3 ॥

ശ്ലോക 5

മഹാമത്സ്യാ മഹാകൂര്മാ മഹാവാരാഹരൂപിണീ ।

നാരസിംഹപ്രിയാ രമ്യാ വാമനാ പടുരൂപിണീ

॥ 4 ॥

ശ്ലോക 6

ജാമദഗ്ന്യസ്വരൂപാ ച രാമാ രാമപ്രപൂജിതാ ।

കൃഷ്ണാ കപര്ദിനീ കൃത്യാ കലഹാ ച വികാരിണീ

॥ 5 ॥

ശ്ലോക 7

ബുദ്ധിരൂപാ ബുദ്ധഭാര്യാ ബൌദ്ധപാഷണ്ഡഖണ്ഡിനീ ।

കല്കിരൂപാ കലിഹരാ കലിദുര്ഗതിനാശിനീ

॥ 6 ॥

ശ്ലോക 8

കോടിസൂര്യപ്രതീകാശാ കോടികന്ദര്പമോഹിനീ ।

കേവലാ കഠിനാ കാലീ കലാ കൈവല്യദായിനീ

॥ 7 ॥

ശ്ലോക 9

കേശവീ കേശവാരാധ്യാ കിശോരീ കേശവസ്തുതാ ।

രുദ്രരൂപാ രുദ്രമൂര്തീ രുദ്രാണീ രുദ്രദേവതാ

॥ 8 ॥

ശ്ലോക 10

നക്ഷത്രരൂപാ നക്ഷത്രാ നക്ഷത്രേശപ്രപൂജിതാ ।

നക്ഷത്രേശപ്രിയാ നിത്യാ നക്ഷത്രപതിവന്ദിതാ

॥ 9 ॥

ശ്ലോക 11

നാഗിനീ നാഗജനനീ നാഗരാജപ്രവന്ദിതാ ।

നാഗേശ്വരീ നാഗകന്യാ നാഗരീ ച നഗാത്മജാ

॥ 10 ॥

ശ്ലോക 12

നഗാധിരാജതനയാ നഗരാജപ്രപൂജിതാ ।

നവീനാ നീരദാ പീതാ ശ്യാമാ സൌന്ദര്യകാരിണീ

॥ 11 ॥

ശ്ലോക 13

രക്താ നീലാ ഘനാ ശുഭ്രാ ശ്വേതാ സൌഭാഗ്യദായിനീ ।

സുന്ദരീ സൌഭഗാ സൌമ്യാ സ്വര്ണാഭാ സ്വര്ഗതിപ്രദാ

॥ 12 ॥

ശ്ലോക 14

രിപുത്രാസകരീ രേഖാ ശത്രുസംഹാരകാരിണീ ।

ഭാമിനീ ച തഥാ മായാ സ്തമ്ഭിനീ മോഹിനീ ശുഭാ

॥ 13 ॥

ശ്ലോക 15

രാഗദ്വേഷകരീ രാത്രീ രൌരവധ്വംസകാരിണീ ।

യക്ഷിണീ സിദ്ധനിവഹാ സിദ്ധേശാ സിദ്ധിരൂപിണീ

॥ 14 ॥

ശ്ലോക 16

ലങ്കാപതിധ്വംസകരീ ലങ്കേശരിപുവന്ദിതാ ।

ലങ്കാനാഥകുലഹരാ മഹാരാവണഹാരിണീ

॥ 15 ॥

ശ്ലോക 17

ദേവദാനവസിദ്ധൌഘപൂജിതാപരമേശ്വരീ ।

പരാണുരൂപാ പരമാ പരതന്ത്രവിനാശിനീ

॥ 16 ॥

ശ്ലോക 18

വരദാ വരദാരാധ്യാ വരദാനപരായണാ ।

വരദേശപ്രിയാ വീരാ വീരഭൂഷണഭൂഷിതാ

॥ 17 ॥

ശ്ലോക 19

വസുദാ ബഹുദാ വാണീ ബ്രഹ്മരൂപാ വരാനനാ ।

ബലദാ പീതവസനാ പീതഭൂഷണഭൂഷിതാ

॥ 18 ॥

ശ്ലോക 20

പീതപുഷ്പപ്രിയാ പീതഹാരാ പീതസ്വരൂപിണീ ।

ഇതി തേ കഥിതം വിപ്ര നാമ്നാമഷ്ടോത്തരം ശതമ്

॥ 19 ॥

ശ്ലോക 21

യഃ പഠേത്പാഠയേദ്വാപി ശൃണുയാദ്വാ സമാഹിതഃ ।

തസ്യ ശത്രുഃ ക്ഷയം സദ്യോ യാതി നൈവാത്ര സംശയഃ

॥ 20 ॥

ശ്ലോക 22

പ്രഭാതകാലേ പ്രയതോ മനുഷ്യഃ

പഠേത്സുഭക്ത്യാ പരിചിന്ത്യ പീതാമ് ।

ധ്രുവം ഭവേത്തസ്യ സമസ്തവൃദ്ധിഃ

വിനാശമായാതി ച തസ്യ ശത്രുഃ

॥ 21 ॥

ശ്ലോക 23

ഇതി ശ്രീവിഷ്ണുയാമലേ നാരദവിഷ്ണുസംവാദേ ശ്രീബഗലാഷ്ടോത്തരശതനാമസ്തോത്രമ് ।