શ્રી અન્નપૂર્ણા અષ્ટોત્તરશત નામ્સ્તોત્રમ્

શ્રી અન્નપૂર્ણા અષ્ટોત્તરશત નામ્સ્તોત્રમ્

શ્લોક 1

અસ્ય શ્રી અન્નપૂર્ણાષ્ટોત્તર શતનામસ્તોત્ર મહામન્ત્રસ્ય બ્રહ્મા ઋષિઃ અનુષ્ટુપ્છન્દઃ શ્રી અન્નપૂર્ણેશ્વરી દેવતા સ્વધા બીજં સ્વાહા શક્તિઃ ૐ કીલકં મમ સર્વાભીષ્ટપ્રસાદસિદ્ધ્યર્થે જપે વિનિયોગઃ ।

ૐ અન્નપૂર્ણા શિવા દેવી ભીમા પુષ્ટિસ્સરસ્વતી ।

સર્વજ્ઞા પાર્વતી દુર્ગા શર્વાણી શિવવલ્લભા

શ્લોક 2

વેદવેદ્યા મહાવિદ્યા વિદ્યાદાત્રી વિશારદા ।

કુમારી ત્રિપુરા બાલા લક્ષ્મીશ્શ્રીર્ભયહારિણી

॥ 1 ॥

શ્લોક 3

ભવાની વિષ્ણુજનની બ્રહ્માદિજનની તથા ।

ગણેશજનની શક્તિઃ કુમારજનની શુભા

॥ 2 ॥

શ્લોક 4

ભોગપ્રદા ભગવતી ભક્તાભીષ્ટપ્રદાયિની ।

ભવરોગહરા ભવ્યા શુભ્રા પરમમઙ્ગલા

॥ 3 ॥

શ્લોક 5

ભવાની ચઞ્ચલા ગૌરી ચારુચન્દ્રકલાધરા ।

વિશાલાક્ષી વિશ્વમાતા વિશ્વવન્દ્યા વિલાસિની

॥ 4 ॥

શ્લોક 6

આર્યા કલ્યાણનિલયા રુદ્રાણી કમલાસના ।

શુભપ્રદા શુભાઽનન્તા વૃત્તપીનપયોધરા

॥ 5 ॥

શ્લોક 7

અમ્બા સંહારમથની મૃડાની સર્વમઙ્ગલા ।

વિષ્ણુસંસેવિતા સિદ્ધા બ્રહ્માણી સુરસેવિતા

॥ 6 ॥

શ્લોક 8

પરમાનન્દદા શાન્તિઃ પરમાનન્દરૂપિણી ।

પરમાનન્દજનની પરાનન્દપ્રદાયિની

॥ 7 ॥

શ્લોક 9

પરોપકારનિરતા પરમા ભક્તવત્સલા ।

પૂર્ણચન્દ્રાભવદના પૂર્ણચન્દ્રનિભાંશુકા

॥ 8 ॥

શ્લોક 10

શુભલક્ષણસમ્પન્ના શુભાનન્દગુણાર્ણવા ।

શુભસૌભાગ્યનિલયા શુભદા ચ રતિપ્રિયા

॥ 9 ॥

શ્લોક 11

ચણ્ડિકા ચણ્ડમથની ચણ્ડદર્પનિવારિણી ।

માર્તાણ્ડનયના સાધ્વી ચન્દ્રાગ્નિનયના સતી

॥ 10 ॥

શ્લોક 12

પુણ્ડરીકહરા પૂર્ણા પુણ્યદા પુણ્યરૂપિણી ।

માયાતીતા શ્રેષ્ઠમાયા શ્રેષ્ઠધર્માત્મવન્દિતા

॥ 11 ॥

શ્લોક 13

અસૃષ્ટિસ્સઙ્ગરહિતા સૃષ્ટિહેતુ કપર્દિની ।

વૃષારૂઢા શૂલહસ્તા સ્થિતિસંહારકારિણી

॥ 12 ॥

શ્લોક 14

મન્દસ્મિતા સ્કન્દમાતા શુદ્ધચિત્તા મુનિસ્તુતા ।

મહાભગવતી દક્ષા દક્ષાધ્વરવિનાશિની

॥ 13 ॥

શ્લોક 15

સર્વાર્થદાત્રી સાવિત્રી સદાશિવકુટુમ્બિની ।

નિત્યસુન્દરસર્વાઙ્ગી સચ્ચિદાનન્દલક્ષણા

॥ 14 ॥

શ્લોક 16

નામ્નામષ્ટોત્તરશતમમ્બાયાઃ પુણ્યકારણમ્ ।

સર્વસૌભાગ્યસિદ્ધ્યર્થં જપનીયં પ્રયત્નતઃ

॥ 15 ॥

શ્લોક 17

ઇદં જપાધિકારસ્તુ પ્રાણમેવ તતસ્સ્તુતઃ ।

આવહન્તીતિ મન્ત્રેણ પ્રત્યેકં ચ યથાક્રમમ્

॥ 16 ॥

શ્લોક 18

કર્તવ્યં તર્પણં નિત્યં પીઠમન્ત્રેતિ મૂલવત્ ।

તત્તન્મન્ત્રેતિહોમેતિ કર્તવ્યશ્ચેતિ માલવત્

॥ 17 ॥

શ્લોક 19

એતાનિ દિવ્યનામાનિ શ્રુત્વા ધ્યાત્વા નિરન્તરમ્ ।

સ્તુત્વા દેવીં ચ સતતં સર્વાન્કામાનવાપ્નુયાત્

॥ 18 ॥

શ્લોક 20

ઇતિ શ્રી બ્રહ્મોત્તરખણ્ડે આગમપ્રખ્યાતિશિવરહસ્યે અન્નપૂર્ણાષ્ટોત્તર શતનામસ્તોત્રમ્ ॥