శ్రీ పురుషోత్తమ సహస్ర నామ స్తోత్రమ్

శ్రీ పురుషోత్తమ సహస్ర నామ స్తోత్రమ్

శ్లోక 1

వినియోగః

పురాణపురుషో విష్ణుః పురుషోత్తమ ఉచ్యతే ।

నామ్నాం సహస్రం వక్ష్యామి తస్య భాగవతోద్ధృతమ్

శ్లోక 2

యస్య ప్రసాదాద్వాగీశాః ప్రజేశా విభవోన్నతాః ।

క్షుద్రా అపి భవన్త్యాశు శ్రీకృష్ణం తం నతోఽస్మ్యహమ్

॥ 1॥

శ్లోక 3

అనన్తా ఏవ కృష్ణస్య లీలా నామప్రవర్తికాః ।

ఉక్తా భాగవతే గూహాః ప్రకటా అపి కుత్రచిత్

॥ 2॥

శ్లోక 4

అతస్తాని ప్రవక్ష్యామి నామాని మురవైరిణః ।

సహస్రం యైస్తు పఠితైః పఠితం స్యాచ్ఛుకామృతమ్

॥ 3॥

శ్లోక 5

కృష్ణనామసహస్రస్య ఋషిరగ్నిర్నిరూపితః ।

గాయత్రీ చ తథా ఛన్దో దేవతా పురుషోత్తమః

॥ 4॥

శ్లోక 6

వినియోగః సమస్తేషు పురుషార్థేషు వై మతః ।

బీజం భక్తప్రియః శక్తిః సత్యవాగుచ్యతే హరిః

॥ 5॥

శ్లోక 7

భక్తోద్ధరణయత్నస్తు మన్త్రోఽత్ర పరమో మతః ।

అవతారితభక్తాంశః కీలకం పరికీర్తితమ్

॥ 6॥

శ్లోక 8

అస్త్రం సర్వసమర్థశ్చ గోవిన్దః కవచం మతమ్ ।

పురుషో ధ్యానమత్రోక్తః సిద్ధిః శరణసంస్మృతిః

॥ 7॥

శ్లోక 9

అధికారలీలా

శ్రీకృష్ణః సచ్చిదానన్దో నిత్యలీలావినోదకృత్ ।

సర్వాగమవినోదీ చ లక్ష్మీశః పురుషోత్తమః

॥ 8॥

శ్లోక 10

ఆదికాలః సర్వకాలః కాలాత్మా మాయయావృతః ।

భక్తోద్ధారప్రయత్నాత్మా జగత్కర్తా జగన్మయః

॥ 9॥

శ్లోక 11

నామలీలాపరో విష్ణుర్వ్యాసాత్మా శుకమోక్షదః ।

వ్యాపివైకుణ్ఠదాతా చ శ్రీమద్భాగవతాగమః

॥ 10॥

శ్లోక 12

శుకవాగమృతాబ్ధీన్దుః శౌనకాద్యఖిలేష్టదః ।

భక్తిప్రవర్తకస్త్రాతా వ్యాసచిన్తావినాశకః

॥ 11॥

శ్లోక 13

సర్వసిద్ధాన్తవాగాత్మా నారదాద్యఖిలేష్టదః ।

అన్తరాత్మా ధ్యానగమ్యో భక్తిరత్నప్రదాయకః

॥ 12॥

శ్లోక 14

ముక్తోపసృప్యః పూర్ణాత్మా ముక్తానాం రతివర్ధనః ।

భక్తకార్యైకనిరతో ద్రౌణ్యస్త్రవినివారకః

॥ 13॥

శ్లోక 15

భక్తస్మయప్రణేతా చ భక్తవాక్పరిపాలకః ।

బ్రహ్మణ్యదేవో ధర్మాత్మా భక్తానాం చ పరీక్షకః

॥ 14॥

శ్లోక 16

ఆసన్నహితకర్తా చ మాయాహితకరః ప్రభుః ।

ఉత్తరాప్రాణదాతా చ బ్రహ్మాస్త్రవినివారకః

॥ 15॥

శ్లోక 17

సర్వతః పాణవపతిః పరీక్షిచ్ఛుద్ధికారణమ్ ।

గూహాత్మా సర్వవేదేషు భక్తైకహృదయఙ్గమః

॥ 16॥

శ్లోక 18

కున్తీస్తుత్యః ప్రసన్నాత్మా పరమాద్భుతకార్యకృత్ ।

భీష్మముక్తిప్రదః స్వామీ భక్తమోహనివారకః

॥ 17॥

శ్లోక 19

సర్వావస్థాసు సంసేవ్యః సమః సుఖహితప్రదః ।

కృతకృత్యః సర్వసాక్షీ భక్తస్త్రీరతివర్ధనః

॥ 18॥

శ్లోక 20

సర్వసౌభాగ్యనిలయః పరమాశ్చర్యరూపధృక్ ।

అనన్యపురుషస్వామీ ద్వారకాభాగ్యభాజనమ్

॥ 19॥

శ్లోక 21

బీజసంస్కారకర్తా చ పరీక్షిజ్జానపోషకః ।

సర్వత్రపూర్ణగుణకః సర్వభూషణభూషితః

॥ 20॥

శ్లోక 22

సర్వలక్షణదాతా చ ధృతరాష్ట్రవిముక్తిదః ।

సన్మార్గరక్షకో నిత్యం విదురప్రీతిపూరకః

॥ 21॥

శ్లోక 23

లీలావ్యామోహకర్తా చ కాలధర్మప్రవర్తకః ।

పాణవానాం మోక్షదాతా పరీక్షిద్భాగ్యవర్ధనః

॥ 22॥

శ్లోక 24

కలినిగ్రహకర్తా చ ధర్మాదీనాం చ పోషకః ।

సత్సఙ్గజానహేతుశ్చ శ్రీభాగవతకారణమ్

॥ 23॥

శ్లోక 25

ప్రాకృతాదృష్టమార్గశ్చ॥॥॥॥॥॥ చోన్తినుఏద్

జ్ఞాన-సాధన-లీలా

॥॥॥॥॥॥॥॥॥॥॥॥ శ్రోతవ్యః సకలాగమైః ।

కీర్తితవ్యః శుద్ధభావైః స్మర్తవ్యశ్చాత్మవిత్తమైః

॥ 24॥

శ్లోక 26

అనేకమార్గకర్తా చ నానావిధగతిప్రదః ।

పురుషః సకలాధారః సత్త్వైకనిలయాత్మభూః

॥ 25॥

శ్లోక 27

సర్వధ్యేయో యోగగమ్యో భక్త్యా గ్రాహ్యః సురప్రియః ।

జన్మాదిసార్థకకృతిర్లీలాకర్తా పతిః సతామ్

॥ 26॥

శ్లోక 28

ఆదికర్తా తత్త్వకర్తా సర్వకర్తా విశారదః ।

నానావతారకర్తా చ బ్రహ్మావిర్భావకారణమ్

॥ 27॥

శ్లోక 29

దశలీలావినోదీ చ నానాసృష్టిప్రవర్తకః ।

అనేకకల్పకర్తా చ సర్వదోషవివర్జితః

॥ 28॥

శ్లోక 30

సర్గలీలా

వైరాగ్యహేతుస్తీర్థాత్మా సర్వతీర్థఫలప్రదః ।

తీర్థశుద్ధైకనిలయః స్వమార్గపరిపోషకః

॥ 29॥

శ్లోక 31

తీర్థకీర్తిర్భక్తగమ్యో భక్తానుశయకార్యకృత్ ।

భక్తతుల్యః సర్వతుల్యః స్వేచ్ఛాసర్వప్రవర్తకః

॥ 30॥

శ్లోక 32

గుణాతీతోఽనవద్యాత్మా సర్గలీలాప్రవర్తకః ।

సాక్షాత్సర్వజగత్కర్తా మహదాదిప్రవర్తకః

॥ 31॥

శ్లోక 33

మాయాప్రవర్తకః సాక్షీ మాయారతివివర్ధనః ।

ఆకాశాత్మా చతుర్మూర్తిశ్చతుర్ధా భూతభావనః

॥ 32॥

శ్లోక 34

రజఃప్రవర్తకో బ్రహ్మా మరీచ్యాదిపితామహః ।

వేదకర్తా యజ్ఞకర్తా సర్వకర్తాఽమితాత్మకః

॥ 33॥

శ్లోక 35

అనేకసృష్టికర్తా చ దశధాసృష్టికారకః ।

యజ్ఞాఙ్గో యజ్ఞవారాహో భూధరో భూమిపాలకః

॥ 34॥

శ్లోక 36

సేతుర్విధరణో జైత్రో హిరణ్యాక్షాన్తకః సురః ।

దితికశ్యపకామైకహేతుసృష్టిప్రవర్తకః

॥ 35॥

శ్లోక 37

దేవాభయప్రదాతా చ వైకుణ్ఠాధిపతిర్మహాన్ ।

సర్వగర్వప్రహారీ చ సనకాద్యఖిలార్థదః

॥ 36॥

శ్లోక 38

సర్వాశ్వాసనకర్తా చ భక్తతుల్యాహవప్రదః ।

కాలలక్షణహేతుశ్చ సర్వార్థజ్ఞాపకః పరః

॥ 37॥

శ్లోక 39

భక్తోన్నతికరః సర్వప్రకారసుఖదాయకః ।

నానాయుద్ధప్రహరణో బ్రహ్మశాపవిమోచకః

॥ 38॥

శ్లోక 40

పుష్టిసర్గప్రణేతా చ గుణసృష్టిప్రవర్తకః ।

కర్దమేష్టప్రదాతా చ దేవహూత్యఖిలార్థదః

॥ 39॥

శ్లోక 41

శుక్లనారాయణః సత్యకాలధర్మప్రవర్తకః ।

జ్ఞానావతారః శాన్తాత్మా కపిలః కాలనాశకః

॥ 40॥

శ్లోక 42

త్రిగుణాధిపతిః సాఙ్ఖ్యశాస్త్రకర్తా విశారదః ।

సర్గదూషణహారీ చ పుష్టిమోక్షప్రవర్తకః

॥ 41॥

శ్లోక 43

లౌకికానన్దదాతా చ బ్రహ్మానన్దప్రవర్తకః ।

భక్తిసిద్ధాన్తవక్తా చ సగుణజ్ఞానదీపకః

॥ 42॥

శ్లోక 44

ఆత్మప్రదః పూర్ణకామో యోగాత్మా యోగభావితః ।

జీవన్ముక్తిప్రదః శ్రీమానన్యభక్తిప్రవర్తకః

॥ 43॥

శ్లోక 45

కాలసామర్థ్యదాతా చ కాలదోషనివారకః ।

గర్భోత్తమజ్ఞానదాతా కర్మమార్గనియామకః

॥ 44॥

శ్లోక 46

సర్వమార్గనిరాకర్తా భక్తిమార్గైకపోషకః ।

సిద్ధిహేతుః సర్వహేతుః సర్వాశ్చర్యైకకారణమ్

॥ 45॥

శ్లోక 47

చేతనాచేతనపతిః సముద్రపరిపూజితః ।

సాఙ్ఖ్యాచార్యస్తుతః సిద్ధపూజితః సర్వపూజితః

॥ 46॥

శ్లోక 48

విసర్గలీలా

విసర్గకర్తా సర్వేశః కోటిసూర్యసమప్రభః ।

అనన్తగుణగమ్భీరో మహాపురుషపూజితః

॥ 47॥

శ్లోక 49

అనన్తసుఖదాతా చ బ్రహ్మకోటిప్రజాపతిః ।

సుధాకోటిస్వాస్థ్యహేతుః కామధుక్కోటికామదః

॥ 48॥

శ్లోక 50

సముద్రకోటిగమ్భీరస్తీర్థకోటిసమాహ్వయః ।

సుమేరుకోటినిష్కమ్పః కోటిబ్రహ్మాణ్డవిగ్రహః

॥ 49॥

శ్లోక 51

కోట్యశ్వమేధపాపఘ్నో వాయుకోటిమహాబలః ।

కోటీన్దుజగదానన్దీ శివకోటిప్రసాదకృత్

॥ 50॥

శ్లోక 52

సర్వసద్గుణమాహాత్మ్యః సర్వసద్గుణభాజనమ్ ।

మన్వాదిప్రేరకో ధర్మో యజ్ఞనారాయణః పరః

॥ 51॥

శ్లోక 53

ఆకూతిసూనుర్దేవేన్ద్రో రుచిజన్మాఽభయప్రదః ।

దక్షిణాపతిరోజస్వీ క్రియాశక్తిః పరాయణః

॥ 52॥

శ్లోక 54

దత్తాత్రేయో యోగపతిర్యోగమార్గప్రవర్తకః ।

అనసూయాగర్భరత్నమృషివంశవివర్ధనః

॥ 53॥

శ్లోక 55

గుణత్రయవిభాగజ్ఞశ్చతుర్వర్గవిశారదః ।

నారాయణో ధర్మసూనుర్మూర్తిపుణ్యయశస్కరః

॥ 54॥

శ్లోక 56

సహస్రకవచచ్ఛేదీ తపఃసారో నరప్రియః ।

విశ్వానన్దప్రదః కర్మసాక్షీ భారతపూజితః

॥ 55॥

శ్లోక 57

అనన్తాద్భుతమాహాత్మ్యో బదరీస్థానభూషణమ్ ।

జితకామో జితక్రోధో జితసఙ్గో జితేన్ద్రియః

॥ 56॥

శ్లోక 58

ఉర్వశీప్రభవః స్వర్గసుఖదాయీ స్థితిప్రదః ।

అమానీ మానదో గోప్తా భగవచ్ఛాస్త్రబోధకః

॥ 57॥

శ్లోక 59

బ్రహ్మాదివన్ద్యో హంసశ్రీర్మాయావైభవకారణమ్ ।

వివిధానన్తసర్గాత్మా విశ్వపూరణతత్పరః

॥ 58॥

శ్లోక 60

యజ్ఞజీవనహేతుశ్చ యజ్ఞస్వామీష్టబోధకః ।

నానాసిద్ధాన్తగమ్యశ్చ సప్తతన్తుశ్చ షడ్గుణః

॥ 59॥

శ్లోక 61

ప్రతిసర్గజగత్కర్తా నానాలీలావిశారదః ।

ధ్రువప్రియో ధ్రువస్వామీ చిన్తితాధికదాయకః

॥ 60॥

శ్లోక 62

దుర్లభానన్తఫలదో దయానిధిరమిత్రహా ।

అఙ్గస్వామీ కృపాసారో వైన్యో భూమినియామకః

॥ 61॥

శ్లోక 63

భూమిదోగ్ధా ప్రజాప్రాణపాలనైకపరాయణః ।

యశోదాతా జ్ఞానదాతా సర్వధర్మప్రదర్శకః

॥ 62॥

శ్లోక 64

పురఞ్జనో జగన్మిత్రం విసర్గాన్తప్రదర్శకః ।

ప్రచేతసాం పతిశ్చిత్రభక్తిహేతుర్జనార్దనః

॥ 63॥

శ్లోక 65

స్మృతిహేతుబ్రహ్మభావసాయుజ్యాదిప్రదః శుభః ।

విజయీ ॥॥॥॥॥॥॥॥॥॥ చోన్తినుఏద్

స్థానలీలా

॥॥ స్థితిలీలాబ్ధిరచ్యుతో విజయప్రదః

॥ 64॥

శ్లోక 66

స్వసామర్థ్యప్రదో భక్తకీర్తిహేతురధోక్షజః ।

ప్రియవ్రతప్రియస్వామీ స్వేచ్ఛావాదవిశారదః

॥ 65॥

శ్లోక 67

సఙ్గ్యగమ్యః స్వప్రకాశః సర్వసఙ్గవివర్జితః ।

ఇచ్ఛాయాం చ సమర్యాదస్త్యాగమాత్రోపలమ్భనః

॥ 66॥

శ్లోక 68

అచిన్త్యకార్యకర్తా చ తర్కాగోచరకార్యకృత్ ।

శ‍ఋఙ్గారరసమర్యాదా ఆగ్నీధ్రరసభాజనమ్

॥ 67॥

శ్లోక 69

నాభీష్టపూరకః కర్మమర్యాదాదర్శనోత్సుకః ।

సర్వరూపోఽద్భుతతమో మర్యాదాపురుషోత్తమః

॥ 68॥

శ్లోక 70

సర్వరూపేషు సత్యాత్మా కాలసాక్షీ శశిప్రభః ।

మేరుదేవీవ్రతఫలమృషభో భగలక్షణః

॥ 69॥

శ్లోక 71

జగత్సన్తర్పకో మేఘరూపీ దేవేన్ద్రదర్పహా ।

జయన్తీపతిరత్యన్తప్రమాణాశేషలౌకికః

॥ 70॥

శ్లోక 72

శతధాన్యస్తభూతాత్మా శతానన్దో గుణప్రసూః ।

వైష్ణవోత్పాదనపరః సర్వధర్మోపదేశకః

॥ 71॥

శ్లోక 73

పరహంసక్రియాగోప్తా యోగచర్యాప్రదర్శకః ।

చతుర్థాశ్రమనిర్ణేతా సదానన్దశరీరవాన్

॥ 72॥

శ్లోక 74

ప్రదర్శితాన్యధర్మశ్చ భరతస్వామ్యపారకృత్ ।

యథావత్కర్మకర్తా చ సఙ్గానిష్టప్రదర్శకః

॥ 73॥

శ్లోక 75

ఆవశ్యకపునర్జన్మకర్మమార్గప్రదర్శకః ।

యజ్ఞరూపమృగః శాన్తః సహిష్ణుః సత్పరాక్రమః

॥ 74॥

శ్లోక 76

రహూగణగతిజ్ఞశ్చ రహూగణవిమోచకః ।

భవాటవీతత్త్వవక్తా బహిర్ముఖహితే రతః

॥ 75॥

శ్లోక 77

గయస్వామీ స్థానవంశకర్తా స్థానవిభేదకృత్ ।

పురుషావయవో భూమివిశేషవినిరూపకః

॥ 76॥

శ్లోక 78

జమ్బూద్వీపపతిర్మేరునాభిపద్మరుహాశ్రయః ।

నానావిభూతిలీలాఢ్యో గఙ్గోత్పత్తినిదానకృత్

॥ 77॥

శ్లోక 79

గఙ్గామాహాత్మ్యహేతుశ్చ గఙ్గారూపోఽతిగూఢకృత్ ।

వైకుణ్ఠదేహహేత్వమ్బుజన్మకృత్ సర్వపావనః

॥ 78॥

శ్లోక 80

శివస్వామీ శివోపాస్యో గూఢః సఙ్కర్షణాత్మకః ।

స్థానరక్షార్థమత్స్యాదిరూపః సర్వైకపూజితః

॥ 79॥

శ్లోక 81

ఉపాస్యనానారూపాత్మా జ్యోతీరూపో గతిప్రదః ।

సూర్యనారాయణో వేదకాన్తిరుజ్జ్వలవేషధృక్

॥ 80॥

శ్లోక 82

హంసోఽన్తరిక్షగమనః సర్వప్రసవకారణమ్ ।

ఆనన్దకర్తా వసుదో బుధో వాక్పతిరుజ్జ్వలః

॥ 81॥

శ్లోక 83

కాలాత్మా కాలకాలశ్చ కాలచ్ఛేదకృదుత్తమః ।

శిశుమారః సర్వమూర్తిరాధిదైవికరూపధృక్

॥ 82॥

శ్లోక 84

అనన్తసుఖభోగాఢ్యో వివరైశ్వర్యభాజనమ్ ।

సఙ్కర్షణో దైత్యపతిః సర్వాధారో బృహద్వపుః

॥ 83॥

శ్లోక 85

అనన్తనరకచ్ఛేదీ స్మృతిమాత్రార్తినాశనః ।

సర్వానుగ్రహకర్తా చ ॥॥॥॥॥॥॥॥॥॥ చోన్తినుఏద్

పోషణ-పుష్టి-లీలా

॥॥॥॥॥॥॥॥ మర్యాదాభిన్నశాస్త్రకృత్

॥ 84॥

శ్లోక 86

కాలాన్తకభయచ్ఛేదీ నామసామర్థ్యరూపధృక్ ।

ఉద్ధారానర్హగోప్త్రాత్మా నామాదిప్రేరకోత్తమః

॥ 85 ॥

శ్లోక 87

అజామిలమహాదుష్టమోచకోఽఘవిమోచకః ।

ధర్మవక్తాఽక్లిష్టవక్తా విష్ణుధర్మస్వరూపధృక్

॥ 86॥

శ్లోక 88

సన్మార్గప్రేరకో ధర్తా త్యాగహేతురధోక్షజః ।

వైకుణ్ఠపురనేతా చ దాససంవృద్ధికారకః

॥ 87॥

శ్లోక 89

దక్షప్రసాదకృద్ధంసగుహ్యస్తుతివిభావనః ।

స్వాభిప్రాయప్రవక్తా చ ముక్తజీవప్రసూతికృత్

॥ 88॥

శ్లోక 90

నారదప్రేరణాత్మా చ హర్యశ్వబ్రహ్మభావనః ।

శబలాశ్వహితో గూఢవాక్యార్థజ్ఞాపనక్షమః

॥ 89॥

శ్లోక 91

గూఢార్థజ్ఞాపనః సర్వమోక్షానన్దప్రతిష్ఠితః ।

పుష్టిప్రరోహహేతుశ్చ దాసైకజ్ఞాతహృద్గతః

॥ 90॥

శ్లోక 92

శాన్తికర్తా సుహితకృత్ స్త్రీప్రసూః సర్వకామధుక్ ।

పుష్టివంశప్రణేతా చ విశ్వరూపేష్టదేవతా

॥ 91॥

శ్లోక 93

కవచాత్మా పాలనాత్మా వర్మోపచితికారణమ్ ।

విశ్వరూపశిరశ్ఛేదీ త్వాష్ట్రయజ్ఞవినాశకః

॥ 92॥

శ్లోక 94

వృత్రస్వామీ వృత్రగమ్యో వృత్రవ్రతపరాయణః ।

వృత్రకీర్తిర్వృత్రమోక్షో మఘవత్ప్రాణరక్షకః

॥ 93॥

శ్లోక 95

అశ్వమేధహవిర్భోక్తా దేవేన్ద్రామీవనాశకః ।

సంసారమోచకశ్చిత్రకేతుబోధనతత్పరః

॥ 94॥

శ్లోక 96

మన్త్రసిద్ధిః సిద్ధిహేతుః సుసిద్ధిఫలదాయకః ।

మహాదేవతిరస్కర్తా భక్త్యై పూర్వార్థనాశకః

॥ 95॥

శ్లోక 97

దేవబ్రాహ్మణవిద్వేషవైముఖ్యజ్ఞాపకః శివః ।

ఆదిత్యో దైత్యరాజశ్చ మహత్పతిరచిన్త్యకృత్

॥ 96॥

శ్లోక 98

మరుతాం భేదకస్త్రాతా వ్రతాత్మా పుమ్ప్రసూతికృత్ ।

ఊతిలీలా

కర్మాత్మా వాసనాత్మా చ ఊతిలీలాపరాయణః

॥ 97॥

శ్లోక 99

సమదైత్యసురః స్వాత్మా వైషమ్యజ్ఞానసంశ్రయః ।

దేహాద్యుపాధిరహితః సర్వజ్ఞః సర్వహేతువిద్

॥ 98॥

శ్లోక 100

బ్రహ్మవాక్స్థాపనపరః స్వజన్మావధికార్యకృత్ ।

సదసద్వాసనాహేతుస్త్రిసత్యో భక్తమోచకః

॥ 99॥

శ్లోక 101

హిరణ్యకశిపుద్వేషీ ప్రవిష్టాత్మాఽతిభీషణః ।

శాన్తిజ్ఞానాదిహేతుశ్చ ప్రహ్లాదోత్పత్తికారణమ్

॥ 100॥

శ్లోక 102

దైత్యసిద్ధాన్తసద్వక్తా తపఃసార ఉదారధీః ।

దైత్యహేతుప్రకటనో భక్తిచిహ్నప్రకాశకః

॥ 101॥

శ్లోక 103

సద్ద్వేషహేతుః సద్ద్వేషవాసనాత్మా నిరన్తరః ।

నైష్ఠుర్యసీమా ప్రహ్లాదవత్సలః సఙ్గదోషహా

॥ 102॥

శ్లోక 104

మహానుభావః సాకారః సర్వాకారః ప్రమాణభూః ।

స్తమ్భప్రసూతిర్నృహరిర్నృసింహో భీమవిక్రమః

॥ 103॥

శ్లోక 105

వికటాస్యో లలజ్జిహ్వో నఖశస్త్రో జవోత్కటః ।

హిరణ్యకశిపుచ్ఛేదీ క్రూరదైత్యనివారకః

॥ 104॥

శ్లోక 106

సింహాసనస్థః క్రోధాత్మా లక్ష్మీభయవివర్ధనః ।

బ్రహ్మాద్యత్యన్తభయభూరపూర్వాచిన్త్యరూపధృక్

॥ 105॥

శ్లోక 107

భక్తైకశాన్తహృదయో భక్తస్తుత్యః స్తుతిప్రియః ।

భక్తాఙ్గలేహనోద్ధూతక్రోధపుఙ్జః ప్రశాన్తధీః

॥ 106॥

శ్లోక 108

స్మృతిమాత్రభయత్రాతా బ్రహ్మబుద్ధిప్రదాయకః ।

గోరూపధార్యమృతపాః శివకీర్తివివర్ధనః

॥ 107॥

శ్లోక 109

ధర్మాత్మా సర్వకర్మాత్మా విశేషాత్మాఽఽశ్రమప్రభుః ।

సంసారమగ్నస్వోద్ధర్తా సన్మార్గాఖిలతత్త్వవాక్

॥ 108॥

శ్లోక 110

ఆచారాత్మా సదాచారః ॥॥॥॥॥॥॥॥॥ చోన్తినుఏద్

మన్వన్తరలీలా

॥॥॥॥॥॥॥॥॥॥మన్వన్తరవిభావనః ।

స్మృత్యాఽశేషాశుభహరో గజేన్ద్రస్మృతికారణమ్

॥ 109॥

శ్లోక 111

జాతిస్మరణహేత్వైకపూజాభక్తిస్వరూపదః ।

యజ్ఞో భయాన్మనుత్రాతా విభుర్బ్రహ్మవ్రతాశ్రయః

॥ 110॥

శ్లోక 112

సత్యసేనో దుష్టఘాతీ హరిర్గజవిమోచకః ।

వైకుణ్ఠో లోకకర్తా చ అజితోఽమృతకారణమ్

॥ 111॥

శ్లోక 113

ఉరుక్రమో భూమిహర్తా సార్వభౌమో బలిప్రియః ।

విభుః సర్వహితైకాత్మా విష్వక్సేనః శివప్రియః

॥ 112॥

శ్లోక 114

ధర్మసేతుర్లోకధృతిః సుధామాన్తరపాలకః ।

ఉపహర్తా యోగపతిర్బృహద్భానుః క్రియాపతిః

॥ 113॥

శ్లోక 115

చతుర్దశప్రమాణాత్మా ధర్మో మన్వాదిబోధకః ।

లక్ష్మీభోగైకనిలయో దేవమన్త్రప్రదాయకః

॥ 114॥

శ్లోక 116

దైత్యవ్యామోహకః సాక్షాద్గరుడస్కన్ధసంశ్రయః ।

లీలామన్దరధారీ చ దైత్యవాసుకిపూజితః

॥ 115॥

శ్లోక 117

సముద్రోన్మథనాయత్తోఽవిఘ్నకర్తా స్వవాక్యకృత్ ।

ఆదికూర్మః పవిత్రాత్మా మన్దరాఘర్షణోత్సుకః

॥ 116॥

శ్లోక 118

శ్వాసైజదబ్ధివార్వీచిః కల్పాన్తావధికార్యకృత్ ।

చతుర్దశమహారత్నో లక్ష్మీసౌభాగ్యవర్ధనః

॥ 117॥

శ్లోక 119

ధన్వన్తరిః సుధాహస్తో యజ్ఞభోక్తాఽఽర్తినాశనః ।

ఆయుర్వేదప్రణేతా చ దేవదైత్యాఖిలార్చితః

॥ 118॥

శ్లోక 120

బుద్ధివ్యామోహకో దేవకార్యసాధనతత్పరః ।

స్త్రీరూపో మాయయా వక్తా దైత్యాన్తఃకరణప్రియః

॥ 119॥

శ్లోక 121

పాయితామృతదేవాంశో యుద్ధహేతుస్మృతిప్రదః ।

సుమాలిమాలివధకృన్మాల్యవత్ప్రాణహారకః

॥ 120॥

శ్లోక 122

కాలనేమిశిరశ్ఛేదీ దైత్యయజ్ఞవినాశకః ।

ఇన్ద్రసామర్థ్యదాతా చ దైత్యశేషస్థితిప్రియః

॥ 121॥

శ్లోక 123

శివవ్యామోహకో మాయీ భృగుమన్త్రస్వశక్తిదః ।

బలిజీవనకర్తా చ స్వర్గహేతుర్వ్రతార్చితః

॥ 122॥

శ్లోక 124

అదిత్యానన్దకర్తా చ కశ్యపాదితిసమ్భవః ।

ఉపేన్ద్ర ఇన్ద్రావరజో వామనబ్రహ్మరూపధృక్

॥ 123॥

శ్లోక 125

బ్రహ్మాదిసేవితవపుర్యజ్ఞపావనతత్పరః ।

యాచ్ఞోపదేశకర్తా చ జ్ఞాపితాశేషసంస్థితిః

॥ 124॥

శ్లోక 126

సత్యార్థప్రేరకః సర్వహర్తా గర్వవినాశకః ।

త్రివిక్రమస్త్రిలోకాత్మా విశ్వమూర్తిః పృథుశ్రవాః

॥ 125॥

శ్లోక 127

పాశబద్ధబలిః సర్వదైత్యపక్షోపమర్దకః ।

సుతలస్థాపితబలిః స్వర్గాధికసుఖప్రదః

॥ 126॥

శ్లోక 128

కర్మసమ్పూర్తికర్తా చ స్వర్గసంస్థాపితామరః ।

జ్ఞాతత్రివిధధర్మాత్మా మహామీనోఽబ్ధిసంశ్రయః

॥ 127॥

శ్లోక 129

సత్యవ్రతప్రియో గోప్తా మత్స్యమూర్తిధృతశ్రుతిః ।

శ‍ఋఙ్గబద్ధధృతక్షోణిః సర్వార్థజ్ఞాపకో గురుః

॥ 128॥

శ్లోక 130

ఈశానుకథాలీలా

ఈశసేవకలీలాత్మా సూర్యవంశప్రవర్తకః ।

సోమవంశోద్భవకరో మనుపుత్రగతిప్రదః

॥ 129॥

శ్లోక 131

అమ్బరీషప్రియః సాధుర్దుర్వాసోగర్వనాశకః ।

బ్రహ్మశాపోపసంహర్తా భక్తకీర్తివివర్ధనః

॥ 130॥

శ్లోక 132

ఇక్ష్వాకువంశజనకః సగరాద్యఖిలార్థదః ।

భగీరథమహాయత్నో గఙ్గాధౌతాఙ్ఘ్రిపఙ్కజః

॥ 131॥

శ్లోక 133

బ్రహ్మస్వామీ శివస్వామీ సగరాత్మజముక్తిదః ।

ఖట్వాఙ్గమోక్షహేతుశ్చ రఘువంశవివర్ధనః

॥ 132॥

శ్లోక 134

రఘునాథో రామచన్ద్రో రామభద్రో రఘుప్రియః ।

అనన్తకీర్తిః పుణ్యాత్మా పుణ్యశ్లోకైకభాస్కరః

॥ 133॥

శ్లోక 135

కోశలేన్ద్రః ప్రమాణాత్మా సేవ్యో దశరథాత్మజః ।

లక్ష్మణో భరతశ్చైవ శత్రుఘ్నో వ్యూహవిగ్రహః

॥ 134॥

శ్లోక 136

విశ్వామిత్రప్రియో దాన్తస్తాడకావధమోక్షదః ।

వాయవ్యాస్త్రాబ్ధినిక్షిప్తమారీచశ్చ సుబాహుహా

॥ 135॥

శ్లోక 137

వృషధ్వజధనుర్భఙ్గప్రాప్తసీతామహోత్సవః ।

సీతాపతిర్భృగుపతిగర్వపర్వతనాశకః

॥ 136॥

శ్లోక 138

అయోధ్యాస్థమహాభోగయుక్తలక్ష్మీవినోదవాన్ ।

కైకేయీవాక్యకర్తా చ పితృవాక్పరిపాలకః

॥ 137॥

శ్లోక 139

వైరాగ్యబోధకోఽనన్యసాత్త్వికస్థానబోధకః ।

అహల్యాదుఃఖహారీ చ గుహస్వామీ సలక్ష్మణః

॥ 138॥

శ్లోక 140

చిత్రకూటప్రియస్థానో దణ్డకారణ్యపావనః ।

శరభఙ్గసుతీక్ష్ణాదిపూజితోఽగస్త్యభాగ్యభూః

॥ 139॥

శ్లోక 141

ఋషిసమ్ప్రార్థితకృతిర్విరాధవధపణ్డితః ।

ఛిన్నశూర్పణఖానాసః ఖరదూషణఘాతకః

॥ 140॥

శ్లోక 142

ఏకబాణహతానేకసహస్రబలరాక్షసః ।

మారీచఘాతీ నియతసీతాసమ్బన్ధశోభితః

॥ 141॥

శ్లోక 143

సీతావియోగనాట్యశ్చ జటాయుర్వధమోక్షదః ।

శబరీపూజితో భక్తహనుమత్ప్రముఖావృతః

॥ 142॥

శ్లోక 144

దున్దుభ్యస్థిప్రహరణః సప్తతాలవిభేదనః ।

సుగ్రీవరాజ్యదో వాలిఘాతీ సాగరశోషణః

॥ 143॥

శ్లోక 145

సేతుబన్ధనకర్తా చ విభీషణహితప్రదః ।

రావణాదిశిరశ్ఛేదీ రాక్షసాఘౌఘనాశకః

॥ 144॥

శ్లోక 146

సీతాఽభయప్రదాతా చ పుష్పకాగమనోత్సుకః ।

అయోధ్యాపతిరత్యన్తసర్వలోకసుఖప్రదః

॥ 145॥

శ్లోక 147

మథురాపురనిర్మాతా సుకృతజ్ఞస్వరూపదః ।

జనకజ్ఞానగమ్యశ్చ ఐలాన్తప్రకటశ్రుతిః

॥ 146॥

శ్లోక 148

హైహయాన్తకరో రామో దుష్టక్షత్రవినాశకః ।

సోమవంశహితైకాత్మా యదువంశవివర్ధనః

॥ 147॥

శ్లోక 149

నిరోధలీలా

పరబ్రహ్మావతరణః కేశవః క్లేశనాశనః ।

భూమిభారావతరణో భక్తార్థాఖిలమానసః

॥ 148॥

శ్లోక 150

సర్వభక్తనిరోధాత్మా లీలానన్తనిరోధకృత్ ।

భూమిష్ఠపరమానన్దో దేవకీశుద్ధికారణమ్

॥ 149॥

శ్లోక 151

వసుదేవజ్ఞాననిష్ఠసమజీవనివారకః ।

సర్వవైరాగ్యకరణస్వలీలాధారశోధకః

॥ 150॥

శ్లోక 152

మాయాజ్ఞాపనకర్తా చ శేషసమ్భారసమ్భృతిః ।

భక్తక్లేశపరిజ్ఞాతా తన్నివారణతత్పరః

॥ 151॥

శ్లోక 153

ఆవిష్టవసుదేవాంశో దేవకీగర్భభూషణమ్ ।

పూర్ణతేజోమయః పూర్ణః కంసాధృష్యప్రతాపవాన్

॥ 152॥

శ్లోక 154

వివేకజ్ఞానదాతా చ బ్రహ్మాద్యఖిలసంస్తుతః ।

సత్యో జగత్కల్పతరుర్నానారూపవిమోహనః

॥ 153॥

శ్లోక 155

భక్తిమార్గప్రతిష్ఠాతా విద్వన్మోహప్రవర్తకః ।

మూలకాలగుణద్రష్టా నయనానన్దభాజనమ్

॥ 154॥

శ్లోక 156

వసుదేవసుఖాబ్ధిశ్చ దేవకీనయనామృతమ్ ।

పితృమాతృస్తుతః పూర్వసర్వవృత్తాన్తబోధకః

॥ 155॥

శ్లోక 157

గోకులాగతిలీలాప్తవసుదేవకరస్థితిః ।

సర్వేశత్వప్రకటనో మాయావ్యత్యయకారకః

॥ 156॥

శ్లోక 158

జ్ఞానమోహితదుష్టేశః ప్రపఞ్చాస్మృతికారణమ్ ।

యశోదానన్దనో నన్దభాగ్యభూగోకులోత్సవః

॥ 157॥

శ్లోక 159

నన్దప్రియో నన్దసూనుర్యశోదాయాః స్తనన్ధయః ।

పూతనాసుపయఃపాతా ముగ్ధభావాతిసున్దరః

॥ 158॥

శ్లోక 160

సున్దరీహృదయానన్దో గోపీమన్త్రాభిమన్త్రితః ।

గోపాలాశ్చర్యరసకృత్ శకటాసురఖణ్డనః

॥ 159॥

శ్లోక 161

నన్దవ్రజజనానన్దీ నన్దభాగ్యమహోదయః ।

తృణావర్తవధోత్సాహో యశోదాజ్ఞానవిగ్రహః

॥ 160॥

శ్లోక 162

బలభద్రప్రియః కృష్ణః సఙ్కర్షణసహాయవాన్ ।

రామానుజో వాసుదేవో గోష్ఠాఙ్గణగతిప్రియః

॥ 161॥

శ్లోక 163

కిఙ్కిణీరవభావజ్ఞో వత్సపుచ్ఛావలమ్బనః ।

నవనీతప్రియో గోపీమోహసంసారనాశకః

॥ 162॥

శ్లోక 164

గోపబాలకభావజ్ఞశ్చౌర్యవిద్యావిశారదః ।

మృత్స్నాభక్షణలీలాస్యమాహాత్మ్యజ్ఞానదాయకః

॥ 163॥

శ్లోక 165

ధరాద్రోణప్రీతికర్తా దధిభాణ్డవిభేదనః ।

దామోదరో భక్తవశ్యో యమలార్జునభఞ్జనః

॥ 164॥

శ్లోక 166

బృహద్వనమహాశ్చర్యో వృన్దావనగతిప్రియః ।

వత్సఘాతీ బాలకేలిర్బకాసురనిషూదనః

॥ 165॥

శ్లోక 167

అరణ్యభోక్తాఽప్యథవా బాలలీలాపరాయణః ।

ప్రోత్సాహజనకశ్చైవమఘాసురనిషూదనః

॥ 166॥

శ్లోక 168

వ్యాలమోక్షప్రదః పుష్టో బ్రహ్మమోహప్రవర్ధనః ।

అనన్తమూర్తిః సర్వాత్మా జఙ్గమస్థావరాకృతిః

॥ 167॥

శ్లోక 169

బ్రహ్మమోహనకర్తా చ స్తుత్య ఆత్మా సదాప్రియః ।

పౌగణ్డలీలాభిరతిర్గోచారణపరాయణః

॥ 168॥

శ్లోక 170

వృన్దావనలతాగుల్మవృక్షరూపనిరూపకః ।

నాదబ్రహ్మప్రకటనో వయఃప్రతికృతిస్వనః

॥ 169॥

శ్లోక 171

బర్హినృత్యానుకరణో గోపాలానుకృతిస్వనః ।

సదాచారప్రతిష్ఠాతా బలశ్రమనిరాకృతిః

॥ 170॥

శ్లోక 172

తరుమూలకృతాశేషతల్పశాయీ సఖిస్తుతః ।

గోపాలసేవితపదః శ్రీలాలితపదామ్బుజః

॥ 171॥

శ్లోక 173

గోపసమ్ప్రార్థితఫలదాననాశితధేనుకః ।

కాలీయఫణిమాణిక్యరఞ్జితశ్రీపదామ్బుజః

॥ 172॥

శ్లోక 174

దృష్టిసఙ్జీవితాశేషగోపగోగోపికాప్రియః ।

లీలాసమ్పీతదావాగ్నిః ప్రలమ్బవధపణ్డితః

॥ 173॥

శ్లోక 175

దావాగ్న్యావృతగోపాలదృష్ట్యాచ్ఛాదనవహ్నిపః ।

వర్షాశరద్విభూతిశ్రీర్గోపీకామప్రబోధకః

॥ 174॥

శ్లోక 176

గోపీరత్నస్తుతాశేషవేణువాద్యవిశారదః ।

కాత్యాయనీవ్రతవ్యాజసర్వభావాశ్రితాఙ్గనః

॥ 175॥

శ్లోక 177

సత్సఙ్గతిస్తుతివ్యాజస్తుతవృన్దావనాఙ్ఘ్రిపః ।

గోపక్షుచ్ఛాన్తిసంవ్యాజవిప్రభార్యాప్రసాదకృత్

॥ 176॥

శ్లోక 178

హేతుప్రాప్తేన్ద్రయాగస్వకార్యగోసవబోధకః ।

శైలరూపకృతాశేషరసభోగసుఖావహః

॥ 177॥

శ్లోక 179

లీలాగోవర్ధనోద్ధారపాలితస్వవ్రజప్రియః ।

గోపస్వచ్ఛన్దలీలార్థగర్గవాక్యార్థబోధకః

॥ 178॥

శ్లోక 180

ఇన్ద్రధేనుస్తుతిప్రాప్తగోవిన్దేన్ద్రాభిధానవాన్ ।

వ్రతాదిధర్మసంసక్తనన్దక్లేశవినాశకః

॥ 179॥

శ్లోక 181

నన్దాదిగోపమాత్రేష్టవైకుణ్ఠగతిదాయకః ।

వేణువాదస్మరక్షోభమత్తగోపీవిముక్తిదః

॥ 180॥

శ్లోక 182

సర్వభావప్రాప్తగోపీసుఖసంవర్ధనక్షమః ।

గోపీగర్వప్రణాశార్థతిరోధానసుఖప్రదః

॥ 181॥

శ్లోక 183

కృష్ణభావవ్యాప్తవిశ్వగోపీభావితవేషధృక్ ।

రాధావిశేషసమ్భోగప్రాప్తదోషనివారకః

॥ 182॥

శ్లోక 184

పరమప్రీతిసఙ్గీతసర్వాద్భుతమహాగుణః ।

మానాపనోదనాక్రన్దగోపీదృష్టిమహోత్సవః

॥ 183॥

శ్లోక 185

గోపికావ్యాప్తసర్వాఙ్గః స్త్రీసమ్భాషావిశారదః ।

రాసోత్సవమహాసౌఖ్యగోపీసమ్భోగసాగరః

॥ 184॥

శ్లోక 186

జలస్థలరతివ్యాప్తగోపీదృష్ట్యభిపూజితః ।

శాస్త్రానపేక్షకామైకముక్తిద్వారవివర్ధనః

॥ 185॥

శ్లోక 187

సుదర్శనమహాసర్పగ్రస్తనన్దవిమోచకః ।

గీతమోహితగోపీధృక్షఙ్ఖచూడవినాశకః

॥ 186॥

శ్లోక 188

గుణసఙ్గీతసన్తుష్టిర్గోపీసంసారవిస్మృతిః ।

అరిష్టమథనో దైత్యబుద్ధివ్యామోహకారకః

॥ 187॥

శ్లోక 189

కేశిఘాతీ నారదేష్టో వ్యోమాసురవినాశకః ।

అక్రూరభక్తిసంరాద్ధపాదరేణుమహానిధిః

॥ 188॥

శ్లోక 190

రథావరోహశుద్ధాత్మా గోపీమానసహారకః ।

హ్రదసన్దర్శితాశేషవైకుణ్ఠాక్రూరసంస్తుతః

॥ 189॥

శ్లోక 191

మథురాగమనోత్సాహో మథురాభాగ్యభాజనమ్ ।

మథురానగరీశోభాదర్శనోత్సుకమానసః

॥ 190॥

శ్లోక 192

దుష్టరఞ్జకఘాతీ చ వాయకార్చితవిగ్రహః ।

వస్త్రమాలాసుశోభాఙ్గః కుబ్జాలేపనభూషితః

॥ 191॥

శ్లోక 193

కుబ్జాసురూపకర్తా చ కుబ్జారతివరప్రదః ।

ప్రసాదరూపసన్తుష్టహరకోదణ్డఖణ్డనః

॥ 192॥

శ్లోక 194

శకలాహతకంసాప్తధనూరక్షకసైనికః ।

జాగ్రత్స్వప్నభయవ్యాప్తమృత్యులక్షణబోధకః

॥ 193॥

శ్లోక 195

మథురామల్ల ఓజస్వీ మల్లయుద్ధవిశారదః ।

సద్యః కువలయాపీడఘాతీ చాణూరమర్దనః

॥ 194॥

శ్లోక 196

లీలాహతమహామల్లః శలతోశలఘాతకః ।

కంసాన్తకో జితామిత్రో వసుదేవవిమోచకః

॥ 195॥

శ్లోక 197

జ్ఞాతతత్త్వపితృజ్ఞానమోహనామృతవాఙ్మయః ।

ఉగ్రసేనప్రతిష్ఠాతా యాదవాధివినాశకః

॥ 196॥

శ్లోక 198

నన్దాదిసాన్త్వనకరో బ్రహ్మచర్యవ్రతే స్థితః ।

గురుశుశ్రూషణపరో విద్యాపారమితేశ్వరః

॥ 197॥

శ్లోక 199

సాన్దీపనిమృతాపత్యదాతా కాలాన్తకాదిజిత్ ।

గోకులాశ్వాసనపరో యశోదానన్దపోషకః

॥ 198॥

శ్లోక 200

గోపికావిరహవ్యాజమనోగతిరతిప్రదః ।

సమోద్ధవభ్రమరవాక్ గోపికామోహనాశకః

॥ 199॥

శ్లోక 201

కుబ్జారతిప్రదోఽక్రూరపవిత్రీకృతభూగృహః ।

పృథాదుఃఖప్రణేతా చ పాణ్డవానాం సుఖప్రదః

॥ 200॥

శ్లోక 202

దశమస్కన్ధోత్తరార్ధనామాని నిరోధలీలా

జరాసన్ధసమానీతసైన్యఘాతీ విచారకః ।

యవనవ్యాప్తమథురాజనదత్తకుశస్థలిః

॥ 201॥

శ్లోక 203

ద్వారకాద్భుతనిర్మాణవిస్మాపితసురాసురః ।

మనుష్యమాత్రభోగార్థభూమ్యానీతేన్ద్రవైభవః

॥ 202॥

శ్లోక 204

యవనవ్యాప్తమథురానిర్గమానన్దవిగ్రహః ।

ముచుకున్దమహాబోధయవనప్రాణదర్పహా

॥ 203॥

శ్లోక 205

ముచుకున్దస్తుతాశేషగుణకర్మమహోదయః ।

ఫలప్రదానసన్తుష్టిర్జన్మాన్తరితమోక్షదః

॥ 204॥

శ్లోక 206

శివబ్రాహ్మణవాక్యాప్తజయభీతివిభావనః ।

ప్రవర్షణప్రార్థితాగ్నిదానపుణ్యమహోత్సవః

॥ 205॥

శ్లోక 207

రుక్మిణీరమణః కామపితా ప్రద్యుమ్నభావనః ।

స్యమన్తకమణివ్యాజప్రాప్తజామ్బవతీపతిః

॥ 206॥

శ్లోక 208

సత్యభామాప్రాణపతిః కాలిన్దీరతివర్ధనః ।

మిత్రవిన్దాపతిః సత్యాపతిర్వృషనిషూదనః

॥ 207॥

శ్లోక 209

భద్రావాఞ్ఛితభర్తా చ లక్ష్మణావరణక్షమః ।

ఇన్ద్రాదిప్రార్థితవధనరకాసురసూదనః

॥ 208॥

శ్లోక 210

మురారిః పీఠహన్తా చ తామ్రాదిప్రాణహారకః ।

షోడశస్త్రీసహస్రేశః ఛత్రకుణ్డలదానకృత్

॥ 209॥

శ్లోక 211

పారిజాతాపహరణో దేవేన్ద్రమదనాశకః ।

రుక్మిణీసమసర్వస్త్రీసాధ్యభోగరతిప్రదః

॥ 210॥

శ్లోక 212

రుక్మిణీపరిహాసోక్తివాక్తిరోధానకారకః ।

పుత్రపౌత్రమహాభాగ్యగృహధర్మప్రవర్తకః

॥ 211॥

శ్లోక 213

శమ్బరాన్తకసత్పుత్రవివాహహతరుక్మికః ।

ఉషాపహృతపౌత్రశ్రీర్బాణబాహునివారకః

॥ 212॥

శ్లోక 214

శీతజ్వరభయవ్యాప్తజ్వరసంస్తుతషడ్గుణః ।

శఙ్కరప్రతియోద్ధా చ ద్వన్ద్వయుద్ధవిశారదః

॥ 213॥

శ్లోక 215

నృగపాపప్రభేత్తా చ బ్రహ్మస్వగుణదోషదృక్ ।

విష్ణుభక్తివిరోధైకబ్రహ్మస్వవినివారకః

॥ 214॥

శ్లోక 216

బలభద్రాహితగుణో గోకులప్రీతిదాయకః ।

గోపీస్నేహైకనిలయో గోపీప్రాణస్థితిప్రదః

॥ 215॥

శ్లోక 217

వాక్యాతిగామియమునాహలాకర్షణవైభవః ।

పౌణ్డ్రకత్యాజితస్పర్ధః కాశీరాజవిభేదనః

॥ 216॥

శ్లోక 218

కాశీనిదాహకరణః శివభస్మప్రదాయకః ।

ద్వివిదప్రాణఘాతీ చ కౌరవాఖర్వగర్వనుత్

॥ 217॥

శ్లోక 219

లాఙ్గలాకృష్టనగరీసంవిగ్నాఖిలనాగరః ।

ప్రపన్నాభయదః సామ్బప్రాప్తసన్మానభాజనమ్

॥ 218॥

శ్లోక 220

నారదాన్విష్టచరణో భక్తవిక్షేపనాశకః ।

సదాచారైకనిలయః సుధర్మాధ్యాసితాసనః

॥ 219॥

శ్లోక 221

జరాసన్ధావరుద్ధేన విజ్ఞాపితనిజక్లమః ।

మన్త్ర్యుద్ధవాదివాక్యోక్తప్రకారైకపరాయణః

॥ 220॥

శ్లోక 222

రాజసూయాదిమఖకృత్ సమ్ప్రార్థితసహాయకృత్ ।

ఇన్ద్రప్రస్థప్రయాణార్థమహత్సమ్భారసమ్భృతిః

॥ 221॥

శ్లోక 223

జరాసన్ధవధవ్యాజమోచితాశేషభూమిపః ।

సన్మార్గబోధకో యజ్ఞక్షితివారణతత్పరః

॥ 222॥

శ్లోక 224

శిశుపాలహతివ్యాజజయశాపవిమోచకః ।

దుర్యోధనాభిమానాబ్ధిశోషబాణవృకోదరః

॥ 223॥

శ్లోక 225

మహాదేవవరప్రాప్తపురశాల్వవినాశకః ।

దన్తవక్త్రవధవ్యాజవిజయాఘౌఘనాశకః

॥ 224॥

శ్లోక 226

విదూరథప్రాణహర్తా న్యస్తశస్త్రాస్త్రవిగ్రహః ।

ఉపధర్మవిలిప్తాఙ్గసూతఘాతీ వరప్రదః

॥ 225॥

శ్లోక 227

బల్వలప్రాణహరణపాలితర్షిశ్రుతిక్రియః ।

సర్వతీర్థాఘనాశార్థతీర్థయాత్రావిశారదః

॥ 226॥

శ్లోక 228

జ్ఞానక్రియావిభేదేష్టఫలసాధనతత్పరః ।

సారథ్యాదిక్రియాకర్తా భక్తవశ్యత్వబోధకః

॥ 227॥

శ్లోక 229

సుదామారఙ్కభార్యార్థభూమ్యానీతేన్ద్రవైభవః ।

రవిగ్రహనిమిత్తాప్తకురుక్షేత్రైకపావనః

॥ 228॥

శ్లోక 230

నృపగోపీసమస్తస్త్రీపావనార్థాఖిలక్రియః ।

ఋషిమార్గప్రతిష్ఠాతా వసుదేవమఖక్రియః

॥ 229॥

శ్లోక 231

వసుదేవజ్ఞానదాతా దేవకీపుత్రదాయకః ।

అర్జునస్త్రీప్రదాతా చ బహులాశ్వస్వరూపదః

॥ 230॥

శ్లోక 232

శ్రుతదేవేష్టదాతా చ సర్వశ్రుతినిరూపితః ।

మహాదేవాద్యతిశ్రేష్ఠో భక్తిలక్షణనిర్ణయః

॥ 231॥

శ్లోక 233

వృకగ్రస్తశివత్రాతా నానావాక్యవిశారదః ।

నరగర్వవినాశార్థహృతబ్రాహ్మణబాలకః

॥ 232॥

శ్లోక 234

లోకాలోకపరస్థానస్థితబాలకదాయకః ।

ద్వారకాస్థమహాభోగనానాస్త్రీరతివర్ధనః

॥ 233॥

శ్లోక 235

మనస్తిరోధానకృతవ్యగ్రస్త్రీచిత్తభావితః ।

ముక్తిలీలా

ముక్తిలీలావిహరణో మౌశలవ్యాజసంహృతిః

॥ 234॥

శ్లోక 236

శ్రీభాగవతధర్మాదిబోధకో భక్తినీతికృత్ ।

ఉద్ధవజ్ఞానదాతా చ పఞ్చవింశతిధా గురుః

॥ 235॥

శ్లోక 237

ఆచారభక్తిముక్త్యాదివక్తా శబ్దోద్భవస్థితిః ।

హంసో ధర్మప్రవక్తా చ సనకాద్యుపదేశకృత్

॥ 236॥

శ్లోక 238

భక్తిసాధనవక్తా చ యోగసిద్ధిప్రదాయకః ।

నానావిభూతివక్తా చ శుద్ధధర్మావబోధకః

॥ 237॥

శ్లోక 239

మార్గత్రయవిభేదాత్మా నానాశఙ్కానివారకః ।

భిక్షుగీతాప్రవక్తా చ శుద్ధసాఙ్ఖ్యప్రవర్తకః

॥ 238॥

శ్లోక 240

మనోగుణవిశేషాత్మా జ్ఞాపకోక్తపురూరవాః ।

పూజావిధిప్రవక్తా చ సర్వసిద్ధాన్తబోధకః

॥ 239॥

శ్లోక 241

లఘుస్వమార్గవక్తా చ స్వస్థానగతిబోధకః ।

యాదవాఙ్గోపసంహర్తా సర్వాశ్చర్యగతిక్రియః

॥ 240॥

శ్లోక 242

ఆశ్రయలీలా

కాలధర్మవిభేదార్థవర్ణనాశనతత్పరః ।

బుద్ధో గుప్తార్థవక్తా చ నానాశాస్త్రవిధాయకః

॥ 241॥

శ్లోక 243

నష్టధర్మమనుష్యాదిలక్షణజ్ఞాపనోత్సుకః ।

ఆశ్రయైకగతిజ్ఞాతా కల్కిః కలిమలాపహః

॥ 242॥

శ్లోక 244

శాస్త్రవైరాగ్యసమ్బోధో నానాప్రలయబోధకః ।

విశేషతః శుకవ్యాజపరీక్షిజ్జ్ఞానబోధకః

॥ 243॥

శ్లోక 245

శుకేష్టగతిరూపాత్మా పరీక్షిద్దేహమోక్షదః ।

శబ్దరూపో నాదరూపో వేదరూపో విభేదనః

॥ 244॥

శ్లోక 246

వ్యాసః శాఖాప్రవక్తా చ పురాణార్థప్రవర్తకః ।

మార్కణ్డేయప్రసన్నాత్మా వటపత్రపుటేశయః

॥ 245॥

శ్లోక 247

మాయావ్యాప్తమహామోహదుఃఖశాన్తిప్రవర్తకః ।

మహాదేవస్వరూపశ్చ భక్తిదాతా కృపానిధిః

॥ 246॥

శ్లోక 248

ఆదిత్యాన్తర్గతః కాలః ద్వాదశాత్మా సుపూజితః ।

శ్రీభాగవతరూపశ్చ సర్వార్థఫలదాయకః

॥ 247॥

శ్లోక 249

ఇతీదం కీర్తనీయస్య హరేర్నామసహస్రకమ్ ।

పఞ్చసప్తతివిస్తీర్ణం పురాణాన్తరభాషితమ్

॥ 248॥

శ్లోక 250

య ఏతత్ప్రాతరుత్థాయ శ్రద్ధావాన్ సుసమాహితః ।

జపేదర్థాహితమతిః స గోవిన్దపదం లభేత్

॥ 249॥

శ్లోక 251

సర్వధర్మవినిర్ముక్తః సర్వసాధనవర్జితః ।

ఏతద్ధారణమాత్రేణ కృష్ణస్య పదవీం వ్రజేత్

॥ 250॥

శ్లోక 252

హర్యావేశితచిత్తేన శ్రీభాగవతసాగరాత్ ।

సముద్ధృతాని నామాని చిన్తామణినిభాని హి

॥ 251॥

శ్లోక 253

కణ్ఠస్థితాన్యర్థదీప్త్యా బాధన్తేఽజ్ఞానజం తమః ।

భక్తిం శ్రీకృష్ణదేవస్య సాధయన్తి వినిశ్చితమ్

॥ 252॥

శ్లోక 254

కిమ్బహూక్తేన భగవాన్ నామభిః స్తుతషడ్గుణః ।

ఆత్మభావం నయత్యాశు భక్తిం చ కురుతే దృఢామ్

॥ 253॥

శ్లోక 255

యః కృష్ణభక్తిమిహ వాఞ్ఛతి సాధనౌఘైర్-

నామాని భాసురయశాంసి జపేత్స నిత్యమ్ ।

తం వై హరిః స్వపురుషం కురుతేఽతిశీఘ్రమ్-

ఆత్మార్పణం సమధిగచ్ఛతి భావతుష్టః

॥ 254॥

శ్లోక 256

శ్రీకృష్ణ కృష్ణసఖ వృష్ణివృషావనిధ్రుగ్-

రాజన్యవంశదహనానపవర్గవీర్య ।

గోవిన్ద గోపవనితావ్రజభృత్యగీత

తీర్థశ్రవః శ్రవణమఙ్గల పాహి భృత్యాన్

॥ 255॥

శ్లోక 257

॥ ఇతి శ్రీభాగవతసారసముచ్చయే వైశ్వానరోక్తం

శ్రీవల్లభాచార్యవిరచితం

శ్రీపురుషోత్తమసహస్రనామస్తోత్రం సమ్పూర్ణమ్ ॥