ശ്രീ പുരുഷോത്തമ സഹസ്ര നാമ സ്തോത്രമ്

ശ്രീ പുരുഷോത്തമ സഹസ്ര നാമ സ്തോത്രമ്

ശ്ലോക 1

വിനിയോഗഃ

പുരാണപുരുഷോ വിഷ്ണുഃ പുരുഷോത്തമ ഉച്യതേ ।

നാമ്നാം സഹസ്രം വക്ഷ്യാമി തസ്യ ഭാഗവതോദ്ധൃതമ്

ശ്ലോക 2

യസ്യ പ്രസാദാദ്വാഗീശാഃ പ്രജേശാ വിഭവോന്നതാഃ ।

ക്ഷുദ്രാ അപി ഭവന്ത്യാശു ശ്രീകൃഷ്ണം തം നതോഽസ്മ്യഹമ്

॥ 1॥

ശ്ലോക 3

അനന്താ ഏവ കൃഷ്ണസ്യ ലീലാ നാമപ്രവര്തികാഃ ।

ഉക്താ ഭാഗവതേ ഗൂഹാഃ പ്രകടാ അപി കുത്രചിത്

॥ 2॥

ശ്ലോക 4

അതസ്താനി പ്രവക്ഷ്യാമി നാമാനി മുരവൈരിണഃ ।

സഹസ്രം യൈസ്തു പഠിതൈഃ പഠിതം സ്യാച്ഛുകാമൃതമ്

॥ 3॥

ശ്ലോക 5

കൃഷ്ണനാമസഹസ്രസ്യ ഋഷിരഗ്നിര്നിരൂപിതഃ ।

ഗായത്രീ ച തഥാ ഛന്ദോ ദേവതാ പുരുഷോത്തമഃ

॥ 4॥

ശ്ലോക 6

വിനിയോഗഃ സമസ്തേഷു പുരുഷാര്ഥേഷു വൈ മതഃ ।

ബീജം ഭക്തപ്രിയഃ ശക്തിഃ സത്യവാഗുച്യതേ ഹരിഃ

॥ 5॥

ശ്ലോക 7

ഭക്തോദ്ധരണയത്നസ്തു മന്ത്രോഽത്ര പരമോ മതഃ ।

അവതാരിതഭക്താംശഃ കീലകം പരികീര്തിതമ്

॥ 6॥

ശ്ലോക 8

അസ്ത്രം സര്വസമര്ഥശ്ച ഗോവിന്ദഃ കവചം മതമ് ।

പുരുഷോ ധ്യാനമത്രോക്തഃ സിദ്ധിഃ ശരണസംസ്മൃതിഃ

॥ 7॥

ശ്ലോക 9

അധികാരലീലാ

ശ്രീകൃഷ്ണഃ സച്ചിദാനന്ദോ നിത്യലീലാവിനോദകൃത് ।

സര്വാഗമവിനോദീ ച ലക്ഷ്മീശഃ പുരുഷോത്തമഃ

॥ 8॥

ശ്ലോക 10

ആദികാലഃ സര്വകാലഃ കാലാത്മാ മായയാവൃതഃ ।

ഭക്തോദ്ധാരപ്രയത്നാത്മാ ജഗത്കര്താ ജഗന്മയഃ

॥ 9॥

ശ്ലോക 11

നാമലീലാപരോ വിഷ്ണുര്വ്യാസാത്മാ ശുകമോക്ഷദഃ ।

വ്യാപിവൈകുണ്ഠദാതാ ച ശ്രീമദ്ഭാഗവതാഗമഃ

॥ 10॥

ശ്ലോക 12

ശുകവാഗമൃതാബ്ധീന്ദുഃ ശൌനകാദ്യഖിലേഷ്ടദഃ ।

ഭക്തിപ്രവര്തകസ്ത്രാതാ വ്യാസചിന്താവിനാശകഃ

॥ 11॥

ശ്ലോക 13

സര്വസിദ്ധാന്തവാഗാത്മാ നാരദാദ്യഖിലേഷ്ടദഃ ।

അന്തരാത്മാ ധ്യാനഗമ്യോ ഭക്തിരത്നപ്രദായകഃ

॥ 12॥

ശ്ലോക 14

മുക്തോപസൃപ്യഃ പൂര്ണാത്മാ മുക്താനാം രതിവര്ധനഃ ।

ഭക്തകാര്യൈകനിരതോ ദ്രൌണ്യസ്ത്രവിനിവാരകഃ

॥ 13॥

ശ്ലോക 15

ഭക്തസ്മയപ്രണേതാ ച ഭക്തവാക്പരിപാലകഃ ।

ബ്രഹ്മണ്യദേവോ ധര്മാത്മാ ഭക്താനാം ച പരീക്ഷകഃ

॥ 14॥

ശ്ലോക 16

ആസന്നഹിതകര്താ ച മായാഹിതകരഃ പ്രഭുഃ ।

ഉത്തരാപ്രാണദാതാ ച ബ്രഹ്മാസ്ത്രവിനിവാരകഃ

॥ 15॥

ശ്ലോക 17

സര്വതഃ പാണവപതിഃ പരീക്ഷിച്ഛുദ്ധികാരണമ് ।

ഗൂഹാത്മാ സര്വവേദേഷു ഭക്തൈകഹൃദയങ്ഗമഃ

॥ 16॥

ശ്ലോക 18

കുന്തീസ്തുത്യഃ പ്രസന്നാത്മാ പരമാദ്ഭുതകാര്യകൃത് ।

ഭീഷ്മമുക്തിപ്രദഃ സ്വാമീ ഭക്തമോഹനിവാരകഃ

॥ 17॥

ശ്ലോക 19

സര്വാവസ്ഥാസു സംസേവ്യഃ സമഃ സുഖഹിതപ്രദഃ ।

കൃതകൃത്യഃ സര്വസാക്ഷീ ഭക്തസ്ത്രീരതിവര്ധനഃ

॥ 18॥

ശ്ലോക 20

സര്വസൌഭാഗ്യനിലയഃ പരമാശ്ചര്യരൂപധൃക് ।

അനന്യപുരുഷസ്വാമീ ദ്വാരകാഭാഗ്യഭാജനമ്

॥ 19॥

ശ്ലോക 21

ബീജസംസ്കാരകര്താ ച പരീക്ഷിജ്ജാനപോഷകഃ ।

സര്വത്രപൂര്ണഗുണകഃ സര്വഭൂഷണഭൂഷിതഃ

॥ 20॥

ശ്ലോക 22

സര്വലക്ഷണദാതാ ച ധൃതരാഷ്ട്രവിമുക്തിദഃ ।

സന്മാര്ഗരക്ഷകോ നിത്യം വിദുരപ്രീതിപൂരകഃ

॥ 21॥

ശ്ലോക 23

ലീലാവ്യാമോഹകര്താ ച കാലധര്മപ്രവര്തകഃ ।

പാണവാനാം മോക്ഷദാതാ പരീക്ഷിദ്ഭാഗ്യവര്ധനഃ

॥ 22॥

ശ്ലോക 24

കലിനിഗ്രഹകര്താ ച ധര്മാദീനാം ച പോഷകഃ ।

സത്സങ്ഗജാനഹേതുശ്ച ശ്രീഭാഗവതകാരണമ്

॥ 23॥

ശ്ലോക 25

പ്രാകൃതാദൃഷ്ടമാര്ഗശ്ച॥॥॥॥॥॥ ചോന്തിനുഏദ്

ജ്ഞാന-സാധന-ലീലാ

॥॥॥॥॥॥॥॥॥॥॥॥ ശ്രോതവ്യഃ സകലാഗമൈഃ ।

കീര്തിതവ്യഃ ശുദ്ധഭാവൈഃ സ്മര്തവ്യശ്ചാത്മവിത്തമൈഃ

॥ 24॥

ശ്ലോക 26

അനേകമാര്ഗകര്താ ച നാനാവിധഗതിപ്രദഃ ।

പുരുഷഃ സകലാധാരഃ സത്ത്വൈകനിലയാത്മഭൂഃ

॥ 25॥

ശ്ലോക 27

സര്വധ്യേയോ യോഗഗമ്യോ ഭക്ത്യാ ഗ്രാഹ്യഃ സുരപ്രിയഃ ।

ജന്മാദിസാര്ഥകകൃതിര്ലീലാകര്താ പതിഃ സതാമ്

॥ 26॥

ശ്ലോക 28

ആദികര്താ തത്ത്വകര്താ സര്വകര്താ വിശാരദഃ ।

നാനാവതാരകര്താ ച ബ്രഹ്മാവിര്ഭാവകാരണമ്

॥ 27॥

ശ്ലോക 29

ദശലീലാവിനോദീ ച നാനാസൃഷ്ടിപ്രവര്തകഃ ।

അനേകകല്പകര്താ ച സര്വദോഷവിവര്ജിതഃ

॥ 28॥

ശ്ലോക 30

സര്ഗലീലാ

വൈരാഗ്യഹേതുസ്തീര്ഥാത്മാ സര്വതീര്ഥഫലപ്രദഃ ।

തീര്ഥശുദ്ധൈകനിലയഃ സ്വമാര്ഗപരിപോഷകഃ

॥ 29॥

ശ്ലോക 31

തീര്ഥകീര്തിര്ഭക്തഗമ്യോ ഭക്താനുശയകാര്യകൃത് ।

ഭക്തതുല്യഃ സര്വതുല്യഃ സ്വേച്ഛാസര്വപ്രവര്തകഃ

॥ 30॥

ശ്ലോക 32

ഗുണാതീതോഽനവദ്യാത്മാ സര്ഗലീലാപ്രവര്തകഃ ।

സാക്ഷാത്സര്വജഗത്കര്താ മഹദാദിപ്രവര്തകഃ

॥ 31॥

ശ്ലോക 33

മായാപ്രവര്തകഃ സാക്ഷീ മായാരതിവിവര്ധനഃ ।

ആകാശാത്മാ ചതുര്മൂര്തിശ്ചതുര്ധാ ഭൂതഭാവനഃ

॥ 32॥

ശ്ലോക 34

രജഃപ്രവര്തകോ ബ്രഹ്മാ മരീച്യാദിപിതാമഹഃ ।

വേദകര്താ യജ്ഞകര്താ സര്വകര്താഽമിതാത്മകഃ

॥ 33॥

ശ്ലോക 35

അനേകസൃഷ്ടികര്താ ച ദശധാസൃഷ്ടികാരകഃ ।

യജ്ഞാങ്ഗോ യജ്ഞവാരാഹോ ഭൂധരോ ഭൂമിപാലകഃ

॥ 34॥

ശ്ലോക 36

സേതുര്വിധരണോ ജൈത്രോ ഹിരണ്യാക്ഷാന്തകഃ സുരഃ ।

ദിതികശ്യപകാമൈകഹേതുസൃഷ്ടിപ്രവര്തകഃ

॥ 35॥

ശ്ലോക 37

ദേവാഭയപ്രദാതാ ച വൈകുണ്ഠാധിപതിര്മഹാന് ।

സര്വഗര്വപ്രഹാരീ ച സനകാദ്യഖിലാര്ഥദഃ

॥ 36॥

ശ്ലോക 38

സര്വാശ്വാസനകര്താ ച ഭക്തതുല്യാഹവപ്രദഃ ।

കാലലക്ഷണഹേതുശ്ച സര്വാര്ഥജ്ഞാപകഃ പരഃ

॥ 37॥

ശ്ലോക 39

ഭക്തോന്നതികരഃ സര്വപ്രകാരസുഖദായകഃ ।

നാനായുദ്ധപ്രഹരണോ ബ്രഹ്മശാപവിമോചകഃ

॥ 38॥

ശ്ലോക 40

പുഷ്ടിസര്ഗപ്രണേതാ ച ഗുണസൃഷ്ടിപ്രവര്തകഃ ।

കര്ദമേഷ്ടപ്രദാതാ ച ദേവഹൂത്യഖിലാര്ഥദഃ

॥ 39॥

ശ്ലോക 41

ശുക്ലനാരായണഃ സത്യകാലധര്മപ്രവര്തകഃ ।

ജ്ഞാനാവതാരഃ ശാന്താത്മാ കപിലഃ കാലനാശകഃ

॥ 40॥

ശ്ലോക 42

ത്രിഗുണാധിപതിഃ സാങ്ഖ്യശാസ്ത്രകര്താ വിശാരദഃ ।

സര്ഗദൂഷണഹാരീ ച പുഷ്ടിമോക്ഷപ്രവര്തകഃ

॥ 41॥

ശ്ലോക 43

ലൌകികാനന്ദദാതാ ച ബ്രഹ്മാനന്ദപ്രവര്തകഃ ।

ഭക്തിസിദ്ധാന്തവക്താ ച സഗുണജ്ഞാനദീപകഃ

॥ 42॥

ശ്ലോക 44

ആത്മപ്രദഃ പൂര്ണകാമോ യോഗാത്മാ യോഗഭാവിതഃ ।

ജീവന്മുക്തിപ്രദഃ ശ്രീമാനന്യഭക്തിപ്രവര്തകഃ

॥ 43॥

ശ്ലോക 45

കാലസാമര്ഥ്യദാതാ ച കാലദോഷനിവാരകഃ ।

ഗര്ഭോത്തമജ്ഞാനദാതാ കര്മമാര്ഗനിയാമകഃ

॥ 44॥

ശ്ലോക 46

സര്വമാര്ഗനിരാകര്താ ഭക്തിമാര്ഗൈകപോഷകഃ ।

സിദ്ധിഹേതുഃ സര്വഹേതുഃ സര്വാശ്ചര്യൈകകാരണമ്

॥ 45॥

ശ്ലോക 47

ചേതനാചേതനപതിഃ സമുദ്രപരിപൂജിതഃ ।

സാങ്ഖ്യാചാര്യസ്തുതഃ സിദ്ധപൂജിതഃ സര്വപൂജിതഃ

॥ 46॥

ശ്ലോക 48

വിസര്ഗലീലാ

വിസര്ഗകര്താ സര്വേശഃ കോടിസൂര്യസമപ്രഭഃ ।

അനന്തഗുണഗമ്ഭീരോ മഹാപുരുഷപൂജിതഃ

॥ 47॥

ശ്ലോക 49

അനന്തസുഖദാതാ ച ബ്രഹ്മകോടിപ്രജാപതിഃ ।

സുധാകോടിസ്വാസ്ഥ്യഹേതുഃ കാമധുക്കോടികാമദഃ

॥ 48॥

ശ്ലോക 50

സമുദ്രകോടിഗമ്ഭീരസ്തീര്ഥകോടിസമാഹ്വയഃ ।

സുമേരുകോടിനിഷ്കമ്പഃ കോടിബ്രഹ്മാണ്ഡവിഗ്രഹഃ

॥ 49॥

ശ്ലോക 51

കോട്യശ്വമേധപാപഘ്നോ വായുകോടിമഹാബലഃ ।

കോടീന്ദുജഗദാനന്ദീ ശിവകോടിപ്രസാദകൃത്

॥ 50॥

ശ്ലോക 52

സര്വസദ്ഗുണമാഹാത്മ്യഃ സര്വസദ്ഗുണഭാജനമ് ।

മന്വാദിപ്രേരകോ ധര്മോ യജ്ഞനാരായണഃ പരഃ

॥ 51॥

ശ്ലോക 53

ആകൂതിസൂനുര്ദേവേന്ദ്രോ രുചിജന്മാഽഭയപ്രദഃ ।

ദക്ഷിണാപതിരോജസ്വീ ക്രിയാശക്തിഃ പരായണഃ

॥ 52॥

ശ്ലോക 54

ദത്താത്രേയോ യോഗപതിര്യോഗമാര്ഗപ്രവര്തകഃ ।

അനസൂയാഗര്ഭരത്നമൃഷിവംശവിവര്ധനഃ

॥ 53॥

ശ്ലോക 55

ഗുണത്രയവിഭാഗജ്ഞശ്ചതുര്വര്ഗവിശാരദഃ ।

നാരായണോ ധര്മസൂനുര്മൂര്തിപുണ്യയശസ്കരഃ

॥ 54॥

ശ്ലോക 56

സഹസ്രകവചച്ഛേദീ തപഃസാരോ നരപ്രിയഃ ।

വിശ്വാനന്ദപ്രദഃ കര്മസാക്ഷീ ഭാരതപൂജിതഃ

॥ 55॥

ശ്ലോക 57

അനന്താദ്ഭുതമാഹാത്മ്യോ ബദരീസ്ഥാനഭൂഷണമ് ।

ജിതകാമോ ജിതക്രോധോ ജിതസങ്ഗോ ജിതേന്ദ്രിയഃ

॥ 56॥

ശ്ലോക 58

ഉര്വശീപ്രഭവഃ സ്വര്ഗസുഖദായീ സ്ഥിതിപ്രദഃ ।

അമാനീ മാനദോ ഗോപ്താ ഭഗവച്ഛാസ്ത്രബോധകഃ

॥ 57॥

ശ്ലോക 59

ബ്രഹ്മാദിവന്ദ്യോ ഹംസശ്രീര്മായാവൈഭവകാരണമ് ।

വിവിധാനന്തസര്ഗാത്മാ വിശ്വപൂരണതത്പരഃ

॥ 58॥

ശ്ലോക 60

യജ്ഞജീവനഹേതുശ്ച യജ്ഞസ്വാമീഷ്ടബോധകഃ ।

നാനാസിദ്ധാന്തഗമ്യശ്ച സപ്തതന്തുശ്ച ഷഡ്ഗുണഃ

॥ 59॥

ശ്ലോക 61

പ്രതിസര്ഗജഗത്കര്താ നാനാലീലാവിശാരദഃ ।

ധ്രുവപ്രിയോ ധ്രുവസ്വാമീ ചിന്തിതാധികദായകഃ

॥ 60॥

ശ്ലോക 62

ദുര്ലഭാനന്തഫലദോ ദയാനിധിരമിത്രഹാ ।

അങ്ഗസ്വാമീ കൃപാസാരോ വൈന്യോ ഭൂമിനിയാമകഃ

॥ 61॥

ശ്ലോക 63

ഭൂമിദോഗ്ധാ പ്രജാപ്രാണപാലനൈകപരായണഃ ।

യശോദാതാ ജ്ഞാനദാതാ സര്വധര്മപ്രദര്ശകഃ

॥ 62॥

ശ്ലോക 64

പുരഞ്ജനോ ജഗന്മിത്രം വിസര്ഗാന്തപ്രദര്ശകഃ ।

പ്രചേതസാം പതിശ്ചിത്രഭക്തിഹേതുര്ജനാര്ദനഃ

॥ 63॥

ശ്ലോക 65

സ്മൃതിഹേതുബ്രഹ്മഭാവസായുജ്യാദിപ്രദഃ ശുഭഃ ।

വിജയീ ॥॥॥॥॥॥॥॥॥॥ ചോന്തിനുഏദ്

സ്ഥാനലീലാ

॥॥ സ്ഥിതിലീലാബ്ധിരച്യുതോ വിജയപ്രദഃ

॥ 64॥

ശ്ലോക 66

സ്വസാമര്ഥ്യപ്രദോ ഭക്തകീര്തിഹേതുരധോക്ഷജഃ ।

പ്രിയവ്രതപ്രിയസ്വാമീ സ്വേച്ഛാവാദവിശാരദഃ

॥ 65॥

ശ്ലോക 67

സങ്ഗ്യഗമ്യഃ സ്വപ്രകാശഃ സര്വസങ്ഗവിവര്ജിതഃ ।

ഇച്ഛായാം ച സമര്യാദസ്ത്യാഗമാത്രോപലമ്ഭനഃ

॥ 66॥

ശ്ലോക 68

അചിന്ത്യകാര്യകര്താ ച തര്കാഗോചരകാര്യകൃത് ।

ശ‍ഋങ്ഗാരരസമര്യാദാ ആഗ്നീധ്രരസഭാജനമ്

॥ 67॥

ശ്ലോക 69

നാഭീഷ്ടപൂരകഃ കര്മമര്യാദാദര്ശനോത്സുകഃ ।

സര്വരൂപോഽദ്ഭുതതമോ മര്യാദാപുരുഷോത്തമഃ

॥ 68॥

ശ്ലോക 70

സര്വരൂപേഷു സത്യാത്മാ കാലസാക്ഷീ ശശിപ്രഭഃ ।

മേരുദേവീവ്രതഫലമൃഷഭോ ഭഗലക്ഷണഃ

॥ 69॥

ശ്ലോക 71

ജഗത്സന്തര്പകോ മേഘരൂപീ ദേവേന്ദ്രദര്പഹാ ।

ജയന്തീപതിരത്യന്തപ്രമാണാശേഷലൌകികഃ

॥ 70॥

ശ്ലോക 72

ശതധാന്യസ്തഭൂതാത്മാ ശതാനന്ദോ ഗുണപ്രസൂഃ ।

വൈഷ്ണവോത്പാദനപരഃ സര്വധര്മോപദേശകഃ

॥ 71॥

ശ്ലോക 73

പരഹംസക്രിയാഗോപ്താ യോഗചര്യാപ്രദര്ശകഃ ।

ചതുര്ഥാശ്രമനിര്ണേതാ സദാനന്ദശരീരവാന്

॥ 72॥

ശ്ലോക 74

പ്രദര്ശിതാന്യധര്മശ്ച ഭരതസ്വാമ്യപാരകൃത് ।

യഥാവത്കര്മകര്താ ച സങ്ഗാനിഷ്ടപ്രദര്ശകഃ

॥ 73॥

ശ്ലോക 75

ആവശ്യകപുനര്ജന്മകര്മമാര്ഗപ്രദര്ശകഃ ।

യജ്ഞരൂപമൃഗഃ ശാന്തഃ സഹിഷ്ണുഃ സത്പരാക്രമഃ

॥ 74॥

ശ്ലോക 76

രഹൂഗണഗതിജ്ഞശ്ച രഹൂഗണവിമോചകഃ ।

ഭവാടവീതത്ത്വവക്താ ബഹിര്മുഖഹിതേ രതഃ

॥ 75॥

ശ്ലോക 77

ഗയസ്വാമീ സ്ഥാനവംശകര്താ സ്ഥാനവിഭേദകൃത് ।

പുരുഷാവയവോ ഭൂമിവിശേഷവിനിരൂപകഃ

॥ 76॥

ശ്ലോക 78

ജമ്ബൂദ്വീപപതിര്മേരുനാഭിപദ്മരുഹാശ്രയഃ ।

നാനാവിഭൂതിലീലാഢ്യോ ഗങ്ഗോത്പത്തിനിദാനകൃത്

॥ 77॥

ശ്ലോക 79

ഗങ്ഗാമാഹാത്മ്യഹേതുശ്ച ഗങ്ഗാരൂപോഽതിഗൂഢകൃത് ।

വൈകുണ്ഠദേഹഹേത്വമ്ബുജന്മകൃത് സര്വപാവനഃ

॥ 78॥

ശ്ലോക 80

ശിവസ്വാമീ ശിവോപാസ്യോ ഗൂഢഃ സങ്കര്ഷണാത്മകഃ ।

സ്ഥാനരക്ഷാര്ഥമത്സ്യാദിരൂപഃ സര്വൈകപൂജിതഃ

॥ 79॥

ശ്ലോക 81

ഉപാസ്യനാനാരൂപാത്മാ ജ്യോതീരൂപോ ഗതിപ്രദഃ ।

സൂര്യനാരായണോ വേദകാന്തിരുജ്ജ്വലവേഷധൃക്

॥ 80॥

ശ്ലോക 82

ഹംസോഽന്തരിക്ഷഗമനഃ സര്വപ്രസവകാരണമ് ।

ആനന്ദകര്താ വസുദോ ബുധോ വാക്പതിരുജ്ജ്വലഃ

॥ 81॥

ശ്ലോക 83

കാലാത്മാ കാലകാലശ്ച കാലച്ഛേദകൃദുത്തമഃ ।

ശിശുമാരഃ സര്വമൂര്തിരാധിദൈവികരൂപധൃക്

॥ 82॥

ശ്ലോക 84

അനന്തസുഖഭോഗാഢ്യോ വിവരൈശ്വര്യഭാജനമ് ।

സങ്കര്ഷണോ ദൈത്യപതിഃ സര്വാധാരോ ബൃഹദ്വപുഃ

॥ 83॥

ശ്ലോക 85

അനന്തനരകച്ഛേദീ സ്മൃതിമാത്രാര്തിനാശനഃ ।

സര്വാനുഗ്രഹകര്താ ച ॥॥॥॥॥॥॥॥॥॥ ചോന്തിനുഏദ്

പോഷണ-പുഷ്ടി-ലീലാ

॥॥॥॥॥॥॥॥ മര്യാദാഭിന്നശാസ്ത്രകൃത്

॥ 84॥

ശ്ലോക 86

കാലാന്തകഭയച്ഛേദീ നാമസാമര്ഥ്യരൂപധൃക് ।

ഉദ്ധാരാനര്ഹഗോപ്ത്രാത്മാ നാമാദിപ്രേരകോത്തമഃ

॥ 85 ॥

ശ്ലോക 87

അജാമിലമഹാദുഷ്ടമോചകോഽഘവിമോചകഃ ।

ധര്മവക്താഽക്ലിഷ്ടവക്താ വിഷ്ണുധര്മസ്വരൂപധൃക്

॥ 86॥

ശ്ലോക 88

സന്മാര്ഗപ്രേരകോ ധര്താ ത്യാഗഹേതുരധോക്ഷജഃ ।

വൈകുണ്ഠപുരനേതാ ച ദാസസംവൃദ്ധികാരകഃ

॥ 87॥

ശ്ലോക 89

ദക്ഷപ്രസാദകൃദ്ധംസഗുഹ്യസ്തുതിവിഭാവനഃ ।

സ്വാഭിപ്രായപ്രവക്താ ച മുക്തജീവപ്രസൂതികൃത്

॥ 88॥

ശ്ലോക 90

നാരദപ്രേരണാത്മാ ച ഹര്യശ്വബ്രഹ്മഭാവനഃ ।

ശബലാശ്വഹിതോ ഗൂഢവാക്യാര്ഥജ്ഞാപനക്ഷമഃ

॥ 89॥

ശ്ലോക 91

ഗൂഢാര്ഥജ്ഞാപനഃ സര്വമോക്ഷാനന്ദപ്രതിഷ്ഠിതഃ ।

പുഷ്ടിപ്രരോഹഹേതുശ്ച ദാസൈകജ്ഞാതഹൃദ്ഗതഃ

॥ 90॥

ശ്ലോക 92

ശാന്തികര്താ സുഹിതകൃത് സ്ത്രീപ്രസൂഃ സര്വകാമധുക് ।

പുഷ്ടിവംശപ്രണേതാ ച വിശ്വരൂപേഷ്ടദേവതാ

॥ 91॥

ശ്ലോക 93

കവചാത്മാ പാലനാത്മാ വര്മോപചിതികാരണമ് ।

വിശ്വരൂപശിരശ്ഛേദീ ത്വാഷ്ട്രയജ്ഞവിനാശകഃ

॥ 92॥

ശ്ലോക 94

വൃത്രസ്വാമീ വൃത്രഗമ്യോ വൃത്രവ്രതപരായണഃ ।

വൃത്രകീര്തിര്വൃത്രമോക്ഷോ മഘവത്പ്രാണരക്ഷകഃ

॥ 93॥

ശ്ലോക 95

അശ്വമേധഹവിര്ഭോക്താ ദേവേന്ദ്രാമീവനാശകഃ ।

സംസാരമോചകശ്ചിത്രകേതുബോധനതത്പരഃ

॥ 94॥

ശ്ലോക 96

മന്ത്രസിദ്ധിഃ സിദ്ധിഹേതുഃ സുസിദ്ധിഫലദായകഃ ।

മഹാദേവതിരസ്കര്താ ഭക്ത്യൈ പൂര്വാര്ഥനാശകഃ

॥ 95॥

ശ്ലോക 97

ദേവബ്രാഹ്മണവിദ്വേഷവൈമുഖ്യജ്ഞാപകഃ ശിവഃ ।

ആദിത്യോ ദൈത്യരാജശ്ച മഹത്പതിരചിന്ത്യകൃത്

॥ 96॥

ശ്ലോക 98

മരുതാം ഭേദകസ്ത്രാതാ വ്രതാത്മാ പുമ്പ്രസൂതികൃത് ।

ഊതിലീലാ

കര്മാത്മാ വാസനാത്മാ ച ഊതിലീലാപരായണഃ

॥ 97॥

ശ്ലോക 99

സമദൈത്യസുരഃ സ്വാത്മാ വൈഷമ്യജ്ഞാനസംശ്രയഃ ।

ദേഹാദ്യുപാധിരഹിതഃ സര്വജ്ഞഃ സര്വഹേതുവിദ്

॥ 98॥

ശ്ലോക 100

ബ്രഹ്മവാക്സ്ഥാപനപരഃ സ്വജന്മാവധികാര്യകൃത് ।

സദസദ്വാസനാഹേതുസ്ത്രിസത്യോ ഭക്തമോചകഃ

॥ 99॥

ശ്ലോക 101

ഹിരണ്യകശിപുദ്വേഷീ പ്രവിഷ്ടാത്മാഽതിഭീഷണഃ ।

ശാന്തിജ്ഞാനാദിഹേതുശ്ച പ്രഹ്ലാദോത്പത്തികാരണമ്

॥ 100॥

ശ്ലോക 102

ദൈത്യസിദ്ധാന്തസദ്വക്താ തപഃസാര ഉദാരധീഃ ।

ദൈത്യഹേതുപ്രകടനോ ഭക്തിചിഹ്നപ്രകാശകഃ

॥ 101॥

ശ്ലോക 103

സദ്ദ്വേഷഹേതുഃ സദ്ദ്വേഷവാസനാത്മാ നിരന്തരഃ ।

നൈഷ്ഠുര്യസീമാ പ്രഹ്ലാദവത്സലഃ സങ്ഗദോഷഹാ

॥ 102॥

ശ്ലോക 104

മഹാനുഭാവഃ സാകാരഃ സര്വാകാരഃ പ്രമാണഭൂഃ ।

സ്തമ്ഭപ്രസൂതിര്നൃഹരിര്നൃസിംഹോ ഭീമവിക്രമഃ

॥ 103॥

ശ്ലോക 105

വികടാസ്യോ ലലജ്ജിഹ്വോ നഖശസ്ത്രോ ജവോത്കടഃ ।

ഹിരണ്യകശിപുച്ഛേദീ ക്രൂരദൈത്യനിവാരകഃ

॥ 104॥

ശ്ലോക 106

സിംഹാസനസ്ഥഃ ക്രോധാത്മാ ലക്ഷ്മീഭയവിവര്ധനഃ ।

ബ്രഹ്മാദ്യത്യന്തഭയഭൂരപൂര്വാചിന്ത്യരൂപധൃക്

॥ 105॥

ശ്ലോക 107

ഭക്തൈകശാന്തഹൃദയോ ഭക്തസ്തുത്യഃ സ്തുതിപ്രിയഃ ।

ഭക്താങ്ഗലേഹനോദ്ധൂതക്രോധപുങ്ജഃ പ്രശാന്തധീഃ

॥ 106॥

ശ്ലോക 108

സ്മൃതിമാത്രഭയത്രാതാ ബ്രഹ്മബുദ്ധിപ്രദായകഃ ।

ഗോരൂപധാര്യമൃതപാഃ ശിവകീര്തിവിവര്ധനഃ

॥ 107॥

ശ്ലോക 109

ധര്മാത്മാ സര്വകര്മാത്മാ വിശേഷാത്മാഽഽശ്രമപ്രഭുഃ ।

സംസാരമഗ്നസ്വോദ്ധര്താ സന്മാര്ഗാഖിലതത്ത്വവാക്

॥ 108॥

ശ്ലോക 110

ആചാരാത്മാ സദാചാരഃ ॥॥॥॥॥॥॥॥॥ ചോന്തിനുഏദ്

മന്വന്തരലീലാ

॥॥॥॥॥॥॥॥॥॥മന്വന്തരവിഭാവനഃ ।

സ്മൃത്യാഽശേഷാശുഭഹരോ ഗജേന്ദ്രസ്മൃതികാരണമ്

॥ 109॥

ശ്ലോക 111

ജാതിസ്മരണഹേത്വൈകപൂജാഭക്തിസ്വരൂപദഃ ।

യജ്ഞോ ഭയാന്മനുത്രാതാ വിഭുര്ബ്രഹ്മവ്രതാശ്രയഃ

॥ 110॥

ശ്ലോക 112

സത്യസേനോ ദുഷ്ടഘാതീ ഹരിര്ഗജവിമോചകഃ ।

വൈകുണ്ഠോ ലോകകര്താ ച അജിതോഽമൃതകാരണമ്

॥ 111॥

ശ്ലോക 113

ഉരുക്രമോ ഭൂമിഹര്താ സാര്വഭൌമോ ബലിപ്രിയഃ ।

വിഭുഃ സര്വഹിതൈകാത്മാ വിഷ്വക്സേനഃ ശിവപ്രിയഃ

॥ 112॥

ശ്ലോക 114

ധര്മസേതുര്ലോകധൃതിഃ സുധാമാന്തരപാലകഃ ।

ഉപഹര്താ യോഗപതിര്ബൃഹദ്ഭാനുഃ ക്രിയാപതിഃ

॥ 113॥

ശ്ലോക 115

ചതുര്ദശപ്രമാണാത്മാ ധര്മോ മന്വാദിബോധകഃ ।

ലക്ഷ്മീഭോഗൈകനിലയോ ദേവമന്ത്രപ്രദായകഃ

॥ 114॥

ശ്ലോക 116

ദൈത്യവ്യാമോഹകഃ സാക്ഷാദ്ഗരുഡസ്കന്ധസംശ്രയഃ ।

ലീലാമന്ദരധാരീ ച ദൈത്യവാസുകിപൂജിതഃ

॥ 115॥

ശ്ലോക 117

സമുദ്രോന്മഥനായത്തോഽവിഘ്നകര്താ സ്വവാക്യകൃത് ।

ആദികൂര്മഃ പവിത്രാത്മാ മന്ദരാഘര്ഷണോത്സുകഃ

॥ 116॥

ശ്ലോക 118

ശ്വാസൈജദബ്ധിവാര്വീചിഃ കല്പാന്താവധികാര്യകൃത് ।

ചതുര്ദശമഹാരത്നോ ലക്ഷ്മീസൌഭാഗ്യവര്ധനഃ

॥ 117॥

ശ്ലോക 119

ധന്വന്തരിഃ സുധാഹസ്തോ യജ്ഞഭോക്താഽഽര്തിനാശനഃ ।

ആയുര്വേദപ്രണേതാ ച ദേവദൈത്യാഖിലാര്ചിതഃ

॥ 118॥

ശ്ലോക 120

ബുദ്ധിവ്യാമോഹകോ ദേവകാര്യസാധനതത്പരഃ ।

സ്ത്രീരൂപോ മായയാ വക്താ ദൈത്യാന്തഃകരണപ്രിയഃ

॥ 119॥

ശ്ലോക 121

പായിതാമൃതദേവാംശോ യുദ്ധഹേതുസ്മൃതിപ്രദഃ ।

സുമാലിമാലിവധകൃന്മാല്യവത്പ്രാണഹാരകഃ

॥ 120॥

ശ്ലോക 122

കാലനേമിശിരശ്ഛേദീ ദൈത്യയജ്ഞവിനാശകഃ ।

ഇന്ദ്രസാമര്ഥ്യദാതാ ച ദൈത്യശേഷസ്ഥിതിപ്രിയഃ

॥ 121॥

ശ്ലോക 123

ശിവവ്യാമോഹകോ മായീ ഭൃഗുമന്ത്രസ്വശക്തിദഃ ।

ബലിജീവനകര്താ ച സ്വര്ഗഹേതുര്വ്രതാര്ചിതഃ

॥ 122॥

ശ്ലോക 124

അദിത്യാനന്ദകര്താ ച കശ്യപാദിതിസമ്ഭവഃ ।

ഉപേന്ദ്ര ഇന്ദ്രാവരജോ വാമനബ്രഹ്മരൂപധൃക്

॥ 123॥

ശ്ലോക 125

ബ്രഹ്മാദിസേവിതവപുര്യജ്ഞപാവനതത്പരഃ ।

യാച്ഞോപദേശകര്താ ച ജ്ഞാപിതാശേഷസംസ്ഥിതിഃ

॥ 124॥

ശ്ലോക 126

സത്യാര്ഥപ്രേരകഃ സര്വഹര്താ ഗര്വവിനാശകഃ ।

ത്രിവിക്രമസ്ത്രിലോകാത്മാ വിശ്വമൂര്തിഃ പൃഥുശ്രവാഃ

॥ 125॥

ശ്ലോക 127

പാശബദ്ധബലിഃ സര്വദൈത്യപക്ഷോപമര്ദകഃ ।

സുതലസ്ഥാപിതബലിഃ സ്വര്ഗാധികസുഖപ്രദഃ

॥ 126॥

ശ്ലോക 128

കര്മസമ്പൂര്തികര്താ ച സ്വര്ഗസംസ്ഥാപിതാമരഃ ।

ജ്ഞാതത്രിവിധധര്മാത്മാ മഹാമീനോഽബ്ധിസംശ്രയഃ

॥ 127॥

ശ്ലോക 129

സത്യവ്രതപ്രിയോ ഗോപ്താ മത്സ്യമൂര്തിധൃതശ്രുതിഃ ।

ശ‍ഋങ്ഗബദ്ധധൃതക്ഷോണിഃ സര്വാര്ഥജ്ഞാപകോ ഗുരുഃ

॥ 128॥

ശ്ലോക 130

ഈശാനുകഥാലീലാ

ഈശസേവകലീലാത്മാ സൂര്യവംശപ്രവര്തകഃ ।

സോമവംശോദ്ഭവകരോ മനുപുത്രഗതിപ്രദഃ

॥ 129॥

ശ്ലോക 131

അമ്ബരീഷപ്രിയഃ സാധുര്ദുര്വാസോഗര്വനാശകഃ ।

ബ്രഹ്മശാപോപസംഹര്താ ഭക്തകീര്തിവിവര്ധനഃ

॥ 130॥

ശ്ലോക 132

ഇക്ഷ്വാകുവംശജനകഃ സഗരാദ്യഖിലാര്ഥദഃ ।

ഭഗീരഥമഹായത്നോ ഗങ്ഗാധൌതാങ്ഘ്രിപങ്കജഃ

॥ 131॥

ശ്ലോക 133

ബ്രഹ്മസ്വാമീ ശിവസ്വാമീ സഗരാത്മജമുക്തിദഃ ।

ഖട്വാങ്ഗമോക്ഷഹേതുശ്ച രഘുവംശവിവര്ധനഃ

॥ 132॥

ശ്ലോക 134

രഘുനാഥോ രാമചന്ദ്രോ രാമഭദ്രോ രഘുപ്രിയഃ ।

അനന്തകീര്തിഃ പുണ്യാത്മാ പുണ്യശ്ലോകൈകഭാസ്കരഃ

॥ 133॥

ശ്ലോക 135

കോശലേന്ദ്രഃ പ്രമാണാത്മാ സേവ്യോ ദശരഥാത്മജഃ ।

ലക്ഷ്മണോ ഭരതശ്ചൈവ ശത്രുഘ്നോ വ്യൂഹവിഗ്രഹഃ

॥ 134॥

ശ്ലോക 136

വിശ്വാമിത്രപ്രിയോ ദാന്തസ്താഡകാവധമോക്ഷദഃ ।

വായവ്യാസ്ത്രാബ്ധിനിക്ഷിപ്തമാരീചശ്ച സുബാഹുഹാ

॥ 135॥

ശ്ലോക 137

വൃഷധ്വജധനുര്ഭങ്ഗപ്രാപ്തസീതാമഹോത്സവഃ ।

സീതാപതിര്ഭൃഗുപതിഗര്വപര്വതനാശകഃ

॥ 136॥

ശ്ലോക 138

അയോധ്യാസ്ഥമഹാഭോഗയുക്തലക്ഷ്മീവിനോദവാന് ।

കൈകേയീവാക്യകര്താ ച പിതൃവാക്പരിപാലകഃ

॥ 137॥

ശ്ലോക 139

വൈരാഗ്യബോധകോഽനന്യസാത്ത്വികസ്ഥാനബോധകഃ ।

അഹല്യാദുഃഖഹാരീ ച ഗുഹസ്വാമീ സലക്ഷ്മണഃ

॥ 138॥

ശ്ലോക 140

ചിത്രകൂടപ്രിയസ്ഥാനോ ദണ്ഡകാരണ്യപാവനഃ ।

ശരഭങ്ഗസുതീക്ഷ്ണാദിപൂജിതോഽഗസ്ത്യഭാഗ്യഭൂഃ

॥ 139॥

ശ്ലോക 141

ഋഷിസമ്പ്രാര്ഥിതകൃതിര്വിരാധവധപണ്ഡിതഃ ।

ഛിന്നശൂര്പണഖാനാസഃ ഖരദൂഷണഘാതകഃ

॥ 140॥

ശ്ലോക 142

ഏകബാണഹതാനേകസഹസ്രബലരാക്ഷസഃ ।

മാരീചഘാതീ നിയതസീതാസമ്ബന്ധശോഭിതഃ

॥ 141॥

ശ്ലോക 143

സീതാവിയോഗനാട്യശ്ച ജടായുര്വധമോക്ഷദഃ ।

ശബരീപൂജിതോ ഭക്തഹനുമത്പ്രമുഖാവൃതഃ

॥ 142॥

ശ്ലോക 144

ദുന്ദുഭ്യസ്ഥിപ്രഹരണഃ സപ്തതാലവിഭേദനഃ ।

സുഗ്രീവരാജ്യദോ വാലിഘാതീ സാഗരശോഷണഃ

॥ 143॥

ശ്ലോക 145

സേതുബന്ധനകര്താ ച വിഭീഷണഹിതപ്രദഃ ।

രാവണാദിശിരശ്ഛേദീ രാക്ഷസാഘൌഘനാശകഃ

॥ 144॥

ശ്ലോക 146

സീതാഽഭയപ്രദാതാ ച പുഷ്പകാഗമനോത്സുകഃ ।

അയോധ്യാപതിരത്യന്തസര്വലോകസുഖപ്രദഃ

॥ 145॥

ശ്ലോക 147

മഥുരാപുരനിര്മാതാ സുകൃതജ്ഞസ്വരൂപദഃ ।

ജനകജ്ഞാനഗമ്യശ്ച ഐലാന്തപ്രകടശ്രുതിഃ

॥ 146॥

ശ്ലോക 148

ഹൈഹയാന്തകരോ രാമോ ദുഷ്ടക്ഷത്രവിനാശകഃ ।

സോമവംശഹിതൈകാത്മാ യദുവംശവിവര്ധനഃ

॥ 147॥

ശ്ലോക 149

നിരോധലീലാ

പരബ്രഹ്മാവതരണഃ കേശവഃ ക്ലേശനാശനഃ ।

ഭൂമിഭാരാവതരണോ ഭക്താര്ഥാഖിലമാനസഃ

॥ 148॥

ശ്ലോക 150

സര്വഭക്തനിരോധാത്മാ ലീലാനന്തനിരോധകൃത് ।

ഭൂമിഷ്ഠപരമാനന്ദോ ദേവകീശുദ്ധികാരണമ്

॥ 149॥

ശ്ലോക 151

വസുദേവജ്ഞാനനിഷ്ഠസമജീവനിവാരകഃ ।

സര്വവൈരാഗ്യകരണസ്വലീലാധാരശോധകഃ

॥ 150॥

ശ്ലോക 152

മായാജ്ഞാപനകര്താ ച ശേഷസമ്ഭാരസമ്ഭൃതിഃ ।

ഭക്തക്ലേശപരിജ്ഞാതാ തന്നിവാരണതത്പരഃ

॥ 151॥

ശ്ലോക 153

ആവിഷ്ടവസുദേവാംശോ ദേവകീഗര്ഭഭൂഷണമ് ।

പൂര്ണതേജോമയഃ പൂര്ണഃ കംസാധൃഷ്യപ്രതാപവാന്

॥ 152॥

ശ്ലോക 154

വിവേകജ്ഞാനദാതാ ച ബ്രഹ്മാദ്യഖിലസംസ്തുതഃ ।

സത്യോ ജഗത്കല്പതരുര്നാനാരൂപവിമോഹനഃ

॥ 153॥

ശ്ലോക 155

ഭക്തിമാര്ഗപ്രതിഷ്ഠാതാ വിദ്വന്മോഹപ്രവര്തകഃ ।

മൂലകാലഗുണദ്രഷ്ടാ നയനാനന്ദഭാജനമ്

॥ 154॥

ശ്ലോക 156

വസുദേവസുഖാബ്ധിശ്ച ദേവകീനയനാമൃതമ് ।

പിതൃമാതൃസ്തുതഃ പൂര്വസര്വവൃത്താന്തബോധകഃ

॥ 155॥

ശ്ലോക 157

ഗോകുലാഗതിലീലാപ്തവസുദേവകരസ്ഥിതിഃ ।

സര്വേശത്വപ്രകടനോ മായാവ്യത്യയകാരകഃ

॥ 156॥

ശ്ലോക 158

ജ്ഞാനമോഹിതദുഷ്ടേശഃ പ്രപഞ്ചാസ്മൃതികാരണമ് ।

യശോദാനന്ദനോ നന്ദഭാഗ്യഭൂഗോകുലോത്സവഃ

॥ 157॥

ശ്ലോക 159

നന്ദപ്രിയോ നന്ദസൂനുര്യശോദായാഃ സ്തനന്ധയഃ ।

പൂതനാസുപയഃപാതാ മുഗ്ധഭാവാതിസുന്ദരഃ

॥ 158॥

ശ്ലോക 160

സുന്ദരീഹൃദയാനന്ദോ ഗോപീമന്ത്രാഭിമന്ത്രിതഃ ।

ഗോപാലാശ്ചര്യരസകൃത് ശകടാസുരഖണ്ഡനഃ

॥ 159॥

ശ്ലോക 161

നന്ദവ്രജജനാനന്ദീ നന്ദഭാഗ്യമഹോദയഃ ।

തൃണാവര്തവധോത്സാഹോ യശോദാജ്ഞാനവിഗ്രഹഃ

॥ 160॥

ശ്ലോക 162

ബലഭദ്രപ്രിയഃ കൃഷ്ണഃ സങ്കര്ഷണസഹായവാന് ।

രാമാനുജോ വാസുദേവോ ഗോഷ്ഠാങ്ഗണഗതിപ്രിയഃ

॥ 161॥

ശ്ലോക 163

കിങ്കിണീരവഭാവജ്ഞോ വത്സപുച്ഛാവലമ്ബനഃ ।

നവനീതപ്രിയോ ഗോപീമോഹസംസാരനാശകഃ

॥ 162॥

ശ്ലോക 164

ഗോപബാലകഭാവജ്ഞശ്ചൌര്യവിദ്യാവിശാരദഃ ।

മൃത്സ്നാഭക്ഷണലീലാസ്യമാഹാത്മ്യജ്ഞാനദായകഃ

॥ 163॥

ശ്ലോക 165

ധരാദ്രോണപ്രീതികര്താ ദധിഭാണ്ഡവിഭേദനഃ ।

ദാമോദരോ ഭക്തവശ്യോ യമലാര്ജുനഭഞ്ജനഃ

॥ 164॥

ശ്ലോക 166

ബൃഹദ്വനമഹാശ്ചര്യോ വൃന്ദാവനഗതിപ്രിയഃ ।

വത്സഘാതീ ബാലകേലിര്ബകാസുരനിഷൂദനഃ

॥ 165॥

ശ്ലോക 167

അരണ്യഭോക്താഽപ്യഥവാ ബാലലീലാപരായണഃ ।

പ്രോത്സാഹജനകശ്ചൈവമഘാസുരനിഷൂദനഃ

॥ 166॥

ശ്ലോക 168

വ്യാലമോക്ഷപ്രദഃ പുഷ്ടോ ബ്രഹ്മമോഹപ്രവര്ധനഃ ।

അനന്തമൂര്തിഃ സര്വാത്മാ ജങ്ഗമസ്ഥാവരാകൃതിഃ

॥ 167॥

ശ്ലോക 169

ബ്രഹ്മമോഹനകര്താ ച സ്തുത്യ ആത്മാ സദാപ്രിയഃ ।

പൌഗണ്ഡലീലാഭിരതിര്ഗോചാരണപരായണഃ

॥ 168॥

ശ്ലോക 170

വൃന്ദാവനലതാഗുല്മവൃക്ഷരൂപനിരൂപകഃ ।

നാദബ്രഹ്മപ്രകടനോ വയഃപ്രതികൃതിസ്വനഃ

॥ 169॥

ശ്ലോക 171

ബര്ഹിനൃത്യാനുകരണോ ഗോപാലാനുകൃതിസ്വനഃ ।

സദാചാരപ്രതിഷ്ഠാതാ ബലശ്രമനിരാകൃതിഃ

॥ 170॥

ശ്ലോക 172

തരുമൂലകൃതാശേഷതല്പശായീ സഖിസ്തുതഃ ।

ഗോപാലസേവിതപദഃ ശ്രീലാലിതപദാമ്ബുജഃ

॥ 171॥

ശ്ലോക 173

ഗോപസമ്പ്രാര്ഥിതഫലദാനനാശിതധേനുകഃ ।

കാലീയഫണിമാണിക്യരഞ്ജിതശ്രീപദാമ്ബുജഃ

॥ 172॥

ശ്ലോക 174

ദൃഷ്ടിസങ്ജീവിതാശേഷഗോപഗോഗോപികാപ്രിയഃ ।

ലീലാസമ്പീതദാവാഗ്നിഃ പ്രലമ്ബവധപണ്ഡിതഃ

॥ 173॥

ശ്ലോക 175

ദാവാഗ്ന്യാവൃതഗോപാലദൃഷ്ട്യാച്ഛാദനവഹ്നിപഃ ।

വര്ഷാശരദ്വിഭൂതിശ്രീര്ഗോപീകാമപ്രബോധകഃ

॥ 174॥

ശ്ലോക 176

ഗോപീരത്നസ്തുതാശേഷവേണുവാദ്യവിശാരദഃ ।

കാത്യായനീവ്രതവ്യാജസര്വഭാവാശ്രിതാങ്ഗനഃ

॥ 175॥

ശ്ലോക 177

സത്സങ്ഗതിസ്തുതിവ്യാജസ്തുതവൃന്ദാവനാങ്ഘ്രിപഃ ।

ഗോപക്ഷുച്ഛാന്തിസംവ്യാജവിപ്രഭാര്യാപ്രസാദകൃത്

॥ 176॥

ശ്ലോക 178

ഹേതുപ്രാപ്തേന്ദ്രയാഗസ്വകാര്യഗോസവബോധകഃ ।

ശൈലരൂപകൃതാശേഷരസഭോഗസുഖാവഹഃ

॥ 177॥

ശ്ലോക 179

ലീലാഗോവര്ധനോദ്ധാരപാലിതസ്വവ്രജപ്രിയഃ ।

ഗോപസ്വച്ഛന്ദലീലാര്ഥഗര്ഗവാക്യാര്ഥബോധകഃ

॥ 178॥

ശ്ലോക 180

ഇന്ദ്രധേനുസ്തുതിപ്രാപ്തഗോവിന്ദേന്ദ്രാഭിധാനവാന് ।

വ്രതാദിധര്മസംസക്തനന്ദക്ലേശവിനാശകഃ

॥ 179॥

ശ്ലോക 181

നന്ദാദിഗോപമാത്രേഷ്ടവൈകുണ്ഠഗതിദായകഃ ।

വേണുവാദസ്മരക്ഷോഭമത്തഗോപീവിമുക്തിദഃ

॥ 180॥

ശ്ലോക 182

സര്വഭാവപ്രാപ്തഗോപീസുഖസംവര്ധനക്ഷമഃ ।

ഗോപീഗര്വപ്രണാശാര്ഥതിരോധാനസുഖപ്രദഃ

॥ 181॥

ശ്ലോക 183

കൃഷ്ണഭാവവ്യാപ്തവിശ്വഗോപീഭാവിതവേഷധൃക് ।

രാധാവിശേഷസമ്ഭോഗപ്രാപ്തദോഷനിവാരകഃ

॥ 182॥

ശ്ലോക 184

പരമപ്രീതിസങ്ഗീതസര്വാദ്ഭുതമഹാഗുണഃ ।

മാനാപനോദനാക്രന്ദഗോപീദൃഷ്ടിമഹോത്സവഃ

॥ 183॥

ശ്ലോക 185

ഗോപികാവ്യാപ്തസര്വാങ്ഗഃ സ്ത്രീസമ്ഭാഷാവിശാരദഃ ।

രാസോത്സവമഹാസൌഖ്യഗോപീസമ്ഭോഗസാഗരഃ

॥ 184॥

ശ്ലോക 186

ജലസ്ഥലരതിവ്യാപ്തഗോപീദൃഷ്ട്യഭിപൂജിതഃ ।

ശാസ്ത്രാനപേക്ഷകാമൈകമുക്തിദ്വാരവിവര്ധനഃ

॥ 185॥

ശ്ലോക 187

സുദര്ശനമഹാസര്പഗ്രസ്തനന്ദവിമോചകഃ ।

ഗീതമോഹിതഗോപീധൃക്ഷങ്ഖചൂഡവിനാശകഃ

॥ 186॥

ശ്ലോക 188

ഗുണസങ്ഗീതസന്തുഷ്ടിര്ഗോപീസംസാരവിസ്മൃതിഃ ।

അരിഷ്ടമഥനോ ദൈത്യബുദ്ധിവ്യാമോഹകാരകഃ

॥ 187॥

ശ്ലോക 189

കേശിഘാതീ നാരദേഷ്ടോ വ്യോമാസുരവിനാശകഃ ।

അക്രൂരഭക്തിസംരാദ്ധപാദരേണുമഹാനിധിഃ

॥ 188॥

ശ്ലോക 190

രഥാവരോഹശുദ്ധാത്മാ ഗോപീമാനസഹാരകഃ ।

ഹ്രദസന്ദര്ശിതാശേഷവൈകുണ്ഠാക്രൂരസംസ്തുതഃ

॥ 189॥

ശ്ലോക 191

മഥുരാഗമനോത്സാഹോ മഥുരാഭാഗ്യഭാജനമ് ।

മഥുരാനഗരീശോഭാദര്ശനോത്സുകമാനസഃ

॥ 190॥

ശ്ലോക 192

ദുഷ്ടരഞ്ജകഘാതീ ച വായകാര്ചിതവിഗ്രഹഃ ।

വസ്ത്രമാലാസുശോഭാങ്ഗഃ കുബ്ജാലേപനഭൂഷിതഃ

॥ 191॥

ശ്ലോക 193

കുബ്ജാസുരൂപകര്താ ച കുബ്ജാരതിവരപ്രദഃ ।

പ്രസാദരൂപസന്തുഷ്ടഹരകോദണ്ഡഖണ്ഡനഃ

॥ 192॥

ശ്ലോക 194

ശകലാഹതകംസാപ്തധനൂരക്ഷകസൈനികഃ ।

ജാഗ്രത്സ്വപ്നഭയവ്യാപ്തമൃത്യുലക്ഷണബോധകഃ

॥ 193॥

ശ്ലോക 195

മഥുരാമല്ല ഓജസ്വീ മല്ലയുദ്ധവിശാരദഃ ।

സദ്യഃ കുവലയാപീഡഘാതീ ചാണൂരമര്ദനഃ

॥ 194॥

ശ്ലോക 196

ലീലാഹതമഹാമല്ലഃ ശലതോശലഘാതകഃ ।

കംസാന്തകോ ജിതാമിത്രോ വസുദേവവിമോചകഃ

॥ 195॥

ശ്ലോക 197

ജ്ഞാതതത്ത്വപിതൃജ്ഞാനമോഹനാമൃതവാങ്മയഃ ।

ഉഗ്രസേനപ്രതിഷ്ഠാതാ യാദവാധിവിനാശകഃ

॥ 196॥

ശ്ലോക 198

നന്ദാദിസാന്ത്വനകരോ ബ്രഹ്മചര്യവ്രതേ സ്ഥിതഃ ।

ഗുരുശുശ്രൂഷണപരോ വിദ്യാപാരമിതേശ്വരഃ

॥ 197॥

ശ്ലോക 199

സാന്ദീപനിമൃതാപത്യദാതാ കാലാന്തകാദിജിത് ।

ഗോകുലാശ്വാസനപരോ യശോദാനന്ദപോഷകഃ

॥ 198॥

ശ്ലോക 200

ഗോപികാവിരഹവ്യാജമനോഗതിരതിപ്രദഃ ।

സമോദ്ധവഭ്രമരവാക് ഗോപികാമോഹനാശകഃ

॥ 199॥

ശ്ലോക 201

കുബ്ജാരതിപ്രദോഽക്രൂരപവിത്രീകൃതഭൂഗൃഹഃ ।

പൃഥാദുഃഖപ്രണേതാ ച പാണ്ഡവാനാം സുഖപ്രദഃ

॥ 200॥

ശ്ലോക 202

ദശമസ്കന്ധോത്തരാര്ധനാമാനി നിരോധലീലാ

ജരാസന്ധസമാനീതസൈന്യഘാതീ വിചാരകഃ ।

യവനവ്യാപ്തമഥുരാജനദത്തകുശസ്ഥലിഃ

॥ 201॥

ശ്ലോക 203

ദ്വാരകാദ്ഭുതനിര്മാണവിസ്മാപിതസുരാസുരഃ ।

മനുഷ്യമാത്രഭോഗാര്ഥഭൂമ്യാനീതേന്ദ്രവൈഭവഃ

॥ 202॥

ശ്ലോക 204

യവനവ്യാപ്തമഥുരാനിര്ഗമാനന്ദവിഗ്രഹഃ ।

മുചുകുന്ദമഹാബോധയവനപ്രാണദര്പഹാ

॥ 203॥

ശ്ലോക 205

മുചുകുന്ദസ്തുതാശേഷഗുണകര്മമഹോദയഃ ।

ഫലപ്രദാനസന്തുഷ്ടിര്ജന്മാന്തരിതമോക്ഷദഃ

॥ 204॥

ശ്ലോക 206

ശിവബ്രാഹ്മണവാക്യാപ്തജയഭീതിവിഭാവനഃ ।

പ്രവര്ഷണപ്രാര്ഥിതാഗ്നിദാനപുണ്യമഹോത്സവഃ

॥ 205॥

ശ്ലോക 207

രുക്മിണീരമണഃ കാമപിതാ പ്രദ്യുമ്നഭാവനഃ ।

സ്യമന്തകമണിവ്യാജപ്രാപ്തജാമ്ബവതീപതിഃ

॥ 206॥

ശ്ലോക 208

സത്യഭാമാപ്രാണപതിഃ കാലിന്ദീരതിവര്ധനഃ ।

മിത്രവിന്ദാപതിഃ സത്യാപതിര്വൃഷനിഷൂദനഃ

॥ 207॥

ശ്ലോക 209

ഭദ്രാവാഞ്ഛിതഭര്താ ച ലക്ഷ്മണാവരണക്ഷമഃ ।

ഇന്ദ്രാദിപ്രാര്ഥിതവധനരകാസുരസൂദനഃ

॥ 208॥

ശ്ലോക 210

മുരാരിഃ പീഠഹന്താ ച താമ്രാദിപ്രാണഹാരകഃ ।

ഷോഡശസ്ത്രീസഹസ്രേശഃ ഛത്രകുണ്ഡലദാനകൃത്

॥ 209॥

ശ്ലോക 211

പാരിജാതാപഹരണോ ദേവേന്ദ്രമദനാശകഃ ।

രുക്മിണീസമസര്വസ്ത്രീസാധ്യഭോഗരതിപ്രദഃ

॥ 210॥

ശ്ലോക 212

രുക്മിണീപരിഹാസോക്തിവാക്തിരോധാനകാരകഃ ।

പുത്രപൌത്രമഹാഭാഗ്യഗൃഹധര്മപ്രവര്തകഃ

॥ 211॥

ശ്ലോക 213

ശമ്ബരാന്തകസത്പുത്രവിവാഹഹതരുക്മികഃ ।

ഉഷാപഹൃതപൌത്രശ്രീര്ബാണബാഹുനിവാരകഃ

॥ 212॥

ശ്ലോക 214

ശീതജ്വരഭയവ്യാപ്തജ്വരസംസ്തുതഷഡ്ഗുണഃ ।

ശങ്കരപ്രതിയോദ്ധാ ച ദ്വന്ദ്വയുദ്ധവിശാരദഃ

॥ 213॥

ശ്ലോക 215

നൃഗപാപപ്രഭേത്താ ച ബ്രഹ്മസ്വഗുണദോഷദൃക് ।

വിഷ്ണുഭക്തിവിരോധൈകബ്രഹ്മസ്വവിനിവാരകഃ

॥ 214॥

ശ്ലോക 216

ബലഭദ്രാഹിതഗുണോ ഗോകുലപ്രീതിദായകഃ ।

ഗോപീസ്നേഹൈകനിലയോ ഗോപീപ്രാണസ്ഥിതിപ്രദഃ

॥ 215॥

ശ്ലോക 217

വാക്യാതിഗാമിയമുനാഹലാകര്ഷണവൈഭവഃ ।

പൌണ്ഡ്രകത്യാജിതസ്പര്ധഃ കാശീരാജവിഭേദനഃ

॥ 216॥

ശ്ലോക 218

കാശീനിദാഹകരണഃ ശിവഭസ്മപ്രദായകഃ ।

ദ്വിവിദപ്രാണഘാതീ ച കൌരവാഖര്വഗര്വനുത്

॥ 217॥

ശ്ലോക 219

ലാങ്ഗലാകൃഷ്ടനഗരീസംവിഗ്നാഖിലനാഗരഃ ।

പ്രപന്നാഭയദഃ സാമ്ബപ്രാപ്തസന്മാനഭാജനമ്

॥ 218॥

ശ്ലോക 220

നാരദാന്വിഷ്ടചരണോ ഭക്തവിക്ഷേപനാശകഃ ।

സദാചാരൈകനിലയഃ സുധര്മാധ്യാസിതാസനഃ

॥ 219॥

ശ്ലോക 221

ജരാസന്ധാവരുദ്ധേന വിജ്ഞാപിതനിജക്ലമഃ ।

മന്ത്ര്യുദ്ധവാദിവാക്യോക്തപ്രകാരൈകപരായണഃ

॥ 220॥

ശ്ലോക 222

രാജസൂയാദിമഖകൃത് സമ്പ്രാര്ഥിതസഹായകൃത് ।

ഇന്ദ്രപ്രസ്ഥപ്രയാണാര്ഥമഹത്സമ്ഭാരസമ്ഭൃതിഃ

॥ 221॥

ശ്ലോക 223

ജരാസന്ധവധവ്യാജമോചിതാശേഷഭൂമിപഃ ।

സന്മാര്ഗബോധകോ യജ്ഞക്ഷിതിവാരണതത്പരഃ

॥ 222॥

ശ്ലോക 224

ശിശുപാലഹതിവ്യാജജയശാപവിമോചകഃ ।

ദുര്യോധനാഭിമാനാബ്ധിശോഷബാണവൃകോദരഃ

॥ 223॥

ശ്ലോക 225

മഹാദേവവരപ്രാപ്തപുരശാല്വവിനാശകഃ ।

ദന്തവക്ത്രവധവ്യാജവിജയാഘൌഘനാശകഃ

॥ 224॥

ശ്ലോക 226

വിദൂരഥപ്രാണഹര്താ ന്യസ്തശസ്ത്രാസ്ത്രവിഗ്രഹഃ ।

ഉപധര്മവിലിപ്താങ്ഗസൂതഘാതീ വരപ്രദഃ

॥ 225॥

ശ്ലോക 227

ബല്വലപ്രാണഹരണപാലിതര്ഷിശ്രുതിക്രിയഃ ।

സര്വതീര്ഥാഘനാശാര്ഥതീര്ഥയാത്രാവിശാരദഃ

॥ 226॥

ശ്ലോക 228

ജ്ഞാനക്രിയാവിഭേദേഷ്ടഫലസാധനതത്പരഃ ।

സാരഥ്യാദിക്രിയാകര്താ ഭക്തവശ്യത്വബോധകഃ

॥ 227॥

ശ്ലോക 229

സുദാമാരങ്കഭാര്യാര്ഥഭൂമ്യാനീതേന്ദ്രവൈഭവഃ ।

രവിഗ്രഹനിമിത്താപ്തകുരുക്ഷേത്രൈകപാവനഃ

॥ 228॥

ശ്ലോക 230

നൃപഗോപീസമസ്തസ്ത്രീപാവനാര്ഥാഖിലക്രിയഃ ।

ഋഷിമാര്ഗപ്രതിഷ്ഠാതാ വസുദേവമഖക്രിയഃ

॥ 229॥

ശ്ലോക 231

വസുദേവജ്ഞാനദാതാ ദേവകീപുത്രദായകഃ ।

അര്ജുനസ്ത്രീപ്രദാതാ ച ബഹുലാശ്വസ്വരൂപദഃ

॥ 230॥

ശ്ലോക 232

ശ്രുതദേവേഷ്ടദാതാ ച സര്വശ്രുതിനിരൂപിതഃ ।

മഹാദേവാദ്യതിശ്രേഷ്ഠോ ഭക്തിലക്ഷണനിര്ണയഃ

॥ 231॥

ശ്ലോക 233

വൃകഗ്രസ്തശിവത്രാതാ നാനാവാക്യവിശാരദഃ ।

നരഗര്വവിനാശാര്ഥഹൃതബ്രാഹ്മണബാലകഃ

॥ 232॥

ശ്ലോക 234

ലോകാലോകപരസ്ഥാനസ്ഥിതബാലകദായകഃ ।

ദ്വാരകാസ്ഥമഹാഭോഗനാനാസ്ത്രീരതിവര്ധനഃ

॥ 233॥

ശ്ലോക 235

മനസ്തിരോധാനകൃതവ്യഗ്രസ്ത്രീചിത്തഭാവിതഃ ।

മുക്തിലീലാ

മുക്തിലീലാവിഹരണോ മൌശലവ്യാജസംഹൃതിഃ

॥ 234॥

ശ്ലോക 236

ശ്രീഭാഗവതധര്മാദിബോധകോ ഭക്തിനീതികൃത് ।

ഉദ്ധവജ്ഞാനദാതാ ച പഞ്ചവിംശതിധാ ഗുരുഃ

॥ 235॥

ശ്ലോക 237

ആചാരഭക്തിമുക്ത്യാദിവക്താ ശബ്ദോദ്ഭവസ്ഥിതിഃ ।

ഹംസോ ധര്മപ്രവക്താ ച സനകാദ്യുപദേശകൃത്

॥ 236॥

ശ്ലോക 238

ഭക്തിസാധനവക്താ ച യോഗസിദ്ധിപ്രദായകഃ ।

നാനാവിഭൂതിവക്താ ച ശുദ്ധധര്മാവബോധകഃ

॥ 237॥

ശ്ലോക 239

മാര്ഗത്രയവിഭേദാത്മാ നാനാശങ്കാനിവാരകഃ ।

ഭിക്ഷുഗീതാപ്രവക്താ ച ശുദ്ധസാങ്ഖ്യപ്രവര്തകഃ

॥ 238॥

ശ്ലോക 240

മനോഗുണവിശേഷാത്മാ ജ്ഞാപകോക്തപുരൂരവാഃ ।

പൂജാവിധിപ്രവക്താ ച സര്വസിദ്ധാന്തബോധകഃ

॥ 239॥

ശ്ലോക 241

ലഘുസ്വമാര്ഗവക്താ ച സ്വസ്ഥാനഗതിബോധകഃ ।

യാദവാങ്ഗോപസംഹര്താ സര്വാശ്ചര്യഗതിക്രിയഃ

॥ 240॥

ശ്ലോക 242

ആശ്രയലീലാ

കാലധര്മവിഭേദാര്ഥവര്ണനാശനതത്പരഃ ।

ബുദ്ധോ ഗുപ്താര്ഥവക്താ ച നാനാശാസ്ത്രവിധായകഃ

॥ 241॥

ശ്ലോക 243

നഷ്ടധര്മമനുഷ്യാദിലക്ഷണജ്ഞാപനോത്സുകഃ ।

ആശ്രയൈകഗതിജ്ഞാതാ കല്കിഃ കലിമലാപഹഃ

॥ 242॥

ശ്ലോക 244

ശാസ്ത്രവൈരാഗ്യസമ്ബോധോ നാനാപ്രലയബോധകഃ ।

വിശേഷതഃ ശുകവ്യാജപരീക്ഷിജ്ജ്ഞാനബോധകഃ

॥ 243॥

ശ്ലോക 245

ശുകേഷ്ടഗതിരൂപാത്മാ പരീക്ഷിദ്ദേഹമോക്ഷദഃ ।

ശബ്ദരൂപോ നാദരൂപോ വേദരൂപോ വിഭേദനഃ

॥ 244॥

ശ്ലോക 246

വ്യാസഃ ശാഖാപ്രവക്താ ച പുരാണാര്ഥപ്രവര്തകഃ ।

മാര്കണ്ഡേയപ്രസന്നാത്മാ വടപത്രപുടേശയഃ

॥ 245॥

ശ്ലോക 247

മായാവ്യാപ്തമഹാമോഹദുഃഖശാന്തിപ്രവര്തകഃ ।

മഹാദേവസ്വരൂപശ്ച ഭക്തിദാതാ കൃപാനിധിഃ

॥ 246॥

ശ്ലോക 248

ആദിത്യാന്തര്ഗതഃ കാലഃ ദ്വാദശാത്മാ സുപൂജിതഃ ।

ശ്രീഭാഗവതരൂപശ്ച സര്വാര്ഥഫലദായകഃ

॥ 247॥

ശ്ലോക 249

ഇതീദം കീര്തനീയസ്യ ഹരേര്നാമസഹസ്രകമ് ।

പഞ്ചസപ്തതിവിസ്തീര്ണം പുരാണാന്തരഭാഷിതമ്

॥ 248॥

ശ്ലോക 250

യ ഏതത്പ്രാതരുത്ഥായ ശ്രദ്ധാവാന് സുസമാഹിതഃ ।

ജപേദര്ഥാഹിതമതിഃ സ ഗോവിന്ദപദം ലഭേത്

॥ 249॥

ശ്ലോക 251

സര്വധര്മവിനിര്മുക്തഃ സര്വസാധനവര്ജിതഃ ।

ഏതദ്ധാരണമാത്രേണ കൃഷ്ണസ്യ പദവീം വ്രജേത്

॥ 250॥

ശ്ലോക 252

ഹര്യാവേശിതചിത്തേന ശ്രീഭാഗവതസാഗരാത് ।

സമുദ്ധൃതാനി നാമാനി ചിന്താമണിനിഭാനി ഹി

॥ 251॥

ശ്ലോക 253

കണ്ഠസ്ഥിതാന്യര്ഥദീപ്ത്യാ ബാധന്തേഽജ്ഞാനജം തമഃ ।

ഭക്തിം ശ്രീകൃഷ്ണദേവസ്യ സാധയന്തി വിനിശ്ചിതമ്

॥ 252॥

ശ്ലോക 254

കിമ്ബഹൂക്തേന ഭഗവാന് നാമഭിഃ സ്തുതഷഡ്ഗുണഃ ।

ആത്മഭാവം നയത്യാശു ഭക്തിം ച കുരുതേ ദൃഢാമ്

॥ 253॥

ശ്ലോക 255

യഃ കൃഷ്ണഭക്തിമിഹ വാഞ്ഛതി സാധനൌഘൈര്-

നാമാനി ഭാസുരയശാംസി ജപേത്സ നിത്യമ് ।

തം വൈ ഹരിഃ സ്വപുരുഷം കുരുതേഽതിശീഘ്രമ്-

ആത്മാര്പണം സമധിഗച്ഛതി ഭാവതുഷ്ടഃ

॥ 254॥

ശ്ലോക 256

ശ്രീകൃഷ്ണ കൃഷ്ണസഖ വൃഷ്ണിവൃഷാവനിധ്രുഗ്-

രാജന്യവംശദഹനാനപവര്ഗവീര്യ ।

ഗോവിന്ദ ഗോപവനിതാവ്രജഭൃത്യഗീത

തീര്ഥശ്രവഃ ശ്രവണമങ്ഗല പാഹി ഭൃത്യാന്

॥ 255॥

ശ്ലോക 257

॥ ഇതി ശ്രീഭാഗവതസാരസമുച്ചയേ വൈശ്വാനരോക്തം

ശ്രീവല്ലഭാചാര്യവിരചിതം

ശ്രീപുരുഷോത്തമസഹസ്രനാമസ്തോത്രം സമ്പൂര്ണമ് ॥