ಶ್ರೀ ಪುರುಷೋತ್ತಮ ಸಹಸ್ರ ನಾಮ ಸ್ತೋತ್ರಮ್

ಶ್ರೀ ಪುರುಷೋತ್ತಮ ಸಹಸ್ರ ನಾಮ ಸ್ತೋತ್ರಮ್

ಶ್ಲೋಕ 1

ವಿನಿಯೋಗಃ

ಪುರಾಣಪುರುಷೋ ವಿಷ್ಣುಃ ಪುರುಷೋತ್ತಮ ಉಚ್ಯತೇ ।

ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ತಸ್ಯ ಭಾಗವತೋದ್ಧೃತಮ್

ಶ್ಲೋಕ 2

ಯಸ್ಯ ಪ್ರಸಾದಾದ್ವಾಗೀಶಾಃ ಪ್ರಜೇಶಾ ವಿಭವೋನ್ನತಾಃ ।

ಕ್ಷುದ್ರಾ ಅಪಿ ಭವನ್ತ್ಯಾಶು ಶ್ರೀಕೃಷ್ಣಂ ತಂ ನತೋಽಸ್ಮ್ಯಹಮ್

॥ 1॥

ಶ್ಲೋಕ 3

ಅನನ್ತಾ ಏವ ಕೃಷ್ಣಸ್ಯ ಲೀಲಾ ನಾಮಪ್ರವರ್ತಿಕಾಃ ।

ಉಕ್ತಾ ಭಾಗವತೇ ಗೂಹಾಃ ಪ್ರಕಟಾ ಅಪಿ ಕುತ್ರಚಿತ್

॥ 2॥

ಶ್ಲೋಕ 4

ಅತಸ್ತಾನಿ ಪ್ರವಕ್ಷ್ಯಾಮಿ ನಾಮಾನಿ ಮುರವೈರಿಣಃ ।

ಸಹಸ್ರಂ ಯೈಸ್ತು ಪಠಿತೈಃ ಪಠಿತಂ ಸ್ಯಾಚ್ಛುಕಾಮೃತಮ್

॥ 3॥

ಶ್ಲೋಕ 5

ಕೃಷ್ಣನಾಮಸಹಸ್ರಸ್ಯ ಋಷಿರಗ್ನಿರ್ನಿರೂಪಿತಃ ।

ಗಾಯತ್ರೀ ಚ ತಥಾ ಛನ್ದೋ ದೇವತಾ ಪುರುಷೋತ್ತಮಃ

॥ 4॥

ಶ್ಲೋಕ 6

ವಿನಿಯೋಗಃ ಸಮಸ್ತೇಷು ಪುರುಷಾರ್ಥೇಷು ವೈ ಮತಃ ।

ಬೀಜಂ ಭಕ್ತಪ್ರಿಯಃ ಶಕ್ತಿಃ ಸತ್ಯವಾಗುಚ್ಯತೇ ಹರಿಃ

॥ 5॥

ಶ್ಲೋಕ 7

ಭಕ್ತೋದ್ಧರಣಯತ್ನಸ್ತು ಮನ್ತ್ರೋಽತ್ರ ಪರಮೋ ಮತಃ ।

ಅವತಾರಿತಭಕ್ತಾಂಶಃ ಕೀಲಕಂ ಪರಿಕೀರ್ತಿತಮ್

॥ 6॥

ಶ್ಲೋಕ 8

ಅಸ್ತ್ರಂ ಸರ್ವಸಮರ್ಥಶ್ಚ ಗೋವಿನ್ದಃ ಕವಚಂ ಮತಮ್ ।

ಪುರುಷೋ ಧ್ಯಾನಮತ್ರೋಕ್ತಃ ಸಿದ್ಧಿಃ ಶರಣಸಂಸ್ಮೃತಿಃ

॥ 7॥

ಶ್ಲೋಕ 9

ಅಧಿಕಾರಲೀಲಾ

ಶ್ರೀಕೃಷ್ಣಃ ಸಚ್ಚಿದಾನನ್ದೋ ನಿತ್ಯಲೀಲಾವಿನೋದಕೃತ್ ।

ಸರ್ವಾಗಮವಿನೋದೀ ಚ ಲಕ್ಷ್ಮೀಶಃ ಪುರುಷೋತ್ತಮಃ

॥ 8॥

ಶ್ಲೋಕ 10

ಆದಿಕಾಲಃ ಸರ್ವಕಾಲಃ ಕಾಲಾತ್ಮಾ ಮಾಯಯಾವೃತಃ ।

ಭಕ್ತೋದ್ಧಾರಪ್ರಯತ್ನಾತ್ಮಾ ಜಗತ್ಕರ್ತಾ ಜಗನ್ಮಯಃ

॥ 9॥

ಶ್ಲೋಕ 11

ನಾಮಲೀಲಾಪರೋ ವಿಷ್ಣುರ್ವ್ಯಾಸಾತ್ಮಾ ಶುಕಮೋಕ್ಷದಃ ।

ವ್ಯಾಪಿವೈಕುಣ್ಠದಾತಾ ಚ ಶ್ರೀಮದ್ಭಾಗವತಾಗಮಃ

॥ 10॥

ಶ್ಲೋಕ 12

ಶುಕವಾಗಮೃತಾಬ್ಧೀನ್ದುಃ ಶೌನಕಾದ್ಯಖಿಲೇಷ್ಟದಃ ।

ಭಕ್ತಿಪ್ರವರ್ತಕಸ್ತ್ರಾತಾ ವ್ಯಾಸಚಿನ್ತಾವಿನಾಶಕಃ

॥ 11॥

ಶ್ಲೋಕ 13

ಸರ್ವಸಿದ್ಧಾನ್ತವಾಗಾತ್ಮಾ ನಾರದಾದ್ಯಖಿಲೇಷ್ಟದಃ ।

ಅನ್ತರಾತ್ಮಾ ಧ್ಯಾನಗಮ್ಯೋ ಭಕ್ತಿರತ್ನಪ್ರದಾಯಕಃ

॥ 12॥

ಶ್ಲೋಕ 14

ಮುಕ್ತೋಪಸೃಪ್ಯಃ ಪೂರ್ಣಾತ್ಮಾ ಮುಕ್ತಾನಾಂ ರತಿವರ್ಧನಃ ।

ಭಕ್ತಕಾರ್ಯೈಕನಿರತೋ ದ್ರೌಣ್ಯಸ್ತ್ರವಿನಿವಾರಕಃ

॥ 13॥

ಶ್ಲೋಕ 15

ಭಕ್ತಸ್ಮಯಪ್ರಣೇತಾ ಚ ಭಕ್ತವಾಕ್ಪರಿಪಾಲಕಃ ।

ಬ್ರಹ್ಮಣ್ಯದೇವೋ ಧರ್ಮಾತ್ಮಾ ಭಕ್ತಾನಾಂ ಚ ಪರೀಕ್ಷಕಃ

॥ 14॥

ಶ್ಲೋಕ 16

ಆಸನ್ನಹಿತಕರ್ತಾ ಚ ಮಾಯಾಹಿತಕರಃ ಪ್ರಭುಃ ।

ಉತ್ತರಾಪ್ರಾಣದಾತಾ ಚ ಬ್ರಹ್ಮಾಸ್ತ್ರವಿನಿವಾರಕಃ

॥ 15॥

ಶ್ಲೋಕ 17

ಸರ್ವತಃ ಪಾಣವಪತಿಃ ಪರೀಕ್ಷಿಚ್ಛುದ್ಧಿಕಾರಣಮ್ ।

ಗೂಹಾತ್ಮಾ ಸರ್ವವೇದೇಷು ಭಕ್ತೈಕಹೃದಯಙ್ಗಮಃ

॥ 16॥

ಶ್ಲೋಕ 18

ಕುನ್ತೀಸ್ತುತ್ಯಃ ಪ್ರಸನ್ನಾತ್ಮಾ ಪರಮಾದ್ಭುತಕಾರ್ಯಕೃತ್ ।

ಭೀಷ್ಮಮುಕ್ತಿಪ್ರದಃ ಸ್ವಾಮೀ ಭಕ್ತಮೋಹನಿವಾರಕಃ

॥ 17॥

ಶ್ಲೋಕ 19

ಸರ್ವಾವಸ್ಥಾಸು ಸಂಸೇವ್ಯಃ ಸಮಃ ಸುಖಹಿತಪ್ರದಃ ।

ಕೃತಕೃತ್ಯಃ ಸರ್ವಸಾಕ್ಷೀ ಭಕ್ತಸ್ತ್ರೀರತಿವರ್ಧನಃ

॥ 18॥

ಶ್ಲೋಕ 20

ಸರ್ವಸೌಭಾಗ್ಯನಿಲಯಃ ಪರಮಾಶ್ಚರ್ಯರೂಪಧೃಕ್ ।

ಅನನ್ಯಪುರುಷಸ್ವಾಮೀ ದ್ವಾರಕಾಭಾಗ್ಯಭಾಜನಮ್

॥ 19॥

ಶ್ಲೋಕ 21

ಬೀಜಸಂಸ್ಕಾರಕರ್ತಾ ಚ ಪರೀಕ್ಷಿಜ್ಜಾನಪೋಷಕಃ ।

ಸರ್ವತ್ರಪೂರ್ಣಗುಣಕಃ ಸರ್ವಭೂಷಣಭೂಷಿತಃ

॥ 20॥

ಶ್ಲೋಕ 22

ಸರ್ವಲಕ್ಷಣದಾತಾ ಚ ಧೃತರಾಷ್ಟ್ರವಿಮುಕ್ತಿದಃ ।

ಸನ್ಮಾರ್ಗರಕ್ಷಕೋ ನಿತ್ಯಂ ವಿದುರಪ್ರೀತಿಪೂರಕಃ

॥ 21॥

ಶ್ಲೋಕ 23

ಲೀಲಾವ್ಯಾಮೋಹಕರ್ತಾ ಚ ಕಾಲಧರ್ಮಪ್ರವರ್ತಕಃ ।

ಪಾಣವಾನಾಂ ಮೋಕ್ಷದಾತಾ ಪರೀಕ್ಷಿದ್ಭಾಗ್ಯವರ್ಧನಃ

॥ 22॥

ಶ್ಲೋಕ 24

ಕಲಿನಿಗ್ರಹಕರ್ತಾ ಚ ಧರ್ಮಾದೀನಾಂ ಚ ಪೋಷಕಃ ।

ಸತ್ಸಙ್ಗಜಾನಹೇತುಶ್ಚ ಶ್ರೀಭಾಗವತಕಾರಣಮ್

॥ 23॥

ಶ್ಲೋಕ 25

ಪ್ರಾಕೃತಾದೃಷ್ಟಮಾರ್ಗಶ್ಚ॥॥॥॥॥॥ ಚೋನ್ತಿನುಏದ್

ಜ್ಞಾನ-ಸಾಧನ-ಲೀಲಾ

॥॥॥॥॥॥॥॥॥॥॥॥ ಶ್ರೋತವ್ಯಃ ಸಕಲಾಗಮೈಃ ।

ಕೀರ್ತಿತವ್ಯಃ ಶುದ್ಧಭಾವೈಃ ಸ್ಮರ್ತವ್ಯಶ್ಚಾತ್ಮವಿತ್ತಮೈಃ

॥ 24॥

ಶ್ಲೋಕ 26

ಅನೇಕಮಾರ್ಗಕರ್ತಾ ಚ ನಾನಾವಿಧಗತಿಪ್ರದಃ ।

ಪುರುಷಃ ಸಕಲಾಧಾರಃ ಸತ್ತ್ವೈಕನಿಲಯಾತ್ಮಭೂಃ

॥ 25॥

ಶ್ಲೋಕ 27

ಸರ್ವಧ್ಯೇಯೋ ಯೋಗಗಮ್ಯೋ ಭಕ್ತ್ಯಾ ಗ್ರಾಹ್ಯಃ ಸುರಪ್ರಿಯಃ ।

ಜನ್ಮಾದಿಸಾರ್ಥಕಕೃತಿರ್ಲೀಲಾಕರ್ತಾ ಪತಿಃ ಸತಾಮ್

॥ 26॥

ಶ್ಲೋಕ 28

ಆದಿಕರ್ತಾ ತತ್ತ್ವಕರ್ತಾ ಸರ್ವಕರ್ತಾ ವಿಶಾರದಃ ।

ನಾನಾವತಾರಕರ್ತಾ ಚ ಬ್ರಹ್ಮಾವಿರ್ಭಾವಕಾರಣಮ್

॥ 27॥

ಶ್ಲೋಕ 29

ದಶಲೀಲಾವಿನೋದೀ ಚ ನಾನಾಸೃಷ್ಟಿಪ್ರವರ್ತಕಃ ।

ಅನೇಕಕಲ್ಪಕರ್ತಾ ಚ ಸರ್ವದೋಷವಿವರ್ಜಿತಃ

॥ 28॥

ಶ್ಲೋಕ 30

ಸರ್ಗಲೀಲಾ

ವೈರಾಗ್ಯಹೇತುಸ್ತೀರ್ಥಾತ್ಮಾ ಸರ್ವತೀರ್ಥಫಲಪ್ರದಃ ।

ತೀರ್ಥಶುದ್ಧೈಕನಿಲಯಃ ಸ್ವಮಾರ್ಗಪರಿಪೋಷಕಃ

॥ 29॥

ಶ್ಲೋಕ 31

ತೀರ್ಥಕೀರ್ತಿರ್ಭಕ್ತಗಮ್ಯೋ ಭಕ್ತಾನುಶಯಕಾರ್ಯಕೃತ್ ।

ಭಕ್ತತುಲ್ಯಃ ಸರ್ವತುಲ್ಯಃ ಸ್ವೇಚ್ಛಾಸರ್ವಪ್ರವರ್ತಕಃ

॥ 30॥

ಶ್ಲೋಕ 32

ಗುಣಾತೀತೋಽನವದ್ಯಾತ್ಮಾ ಸರ್ಗಲೀಲಾಪ್ರವರ್ತಕಃ ।

ಸಾಕ್ಷಾತ್ಸರ್ವಜಗತ್ಕರ್ತಾ ಮಹದಾದಿಪ್ರವರ್ತಕಃ

॥ 31॥

ಶ್ಲೋಕ 33

ಮಾಯಾಪ್ರವರ್ತಕಃ ಸಾಕ್ಷೀ ಮಾಯಾರತಿವಿವರ್ಧನಃ ।

ಆಕಾಶಾತ್ಮಾ ಚತುರ್ಮೂರ್ತಿಶ್ಚತುರ್ಧಾ ಭೂತಭಾವನಃ

॥ 32॥

ಶ್ಲೋಕ 34

ರಜಃಪ್ರವರ್ತಕೋ ಬ್ರಹ್ಮಾ ಮರೀಚ್ಯಾದಿಪಿತಾಮಹಃ ।

ವೇದಕರ್ತಾ ಯಜ್ಞಕರ್ತಾ ಸರ್ವಕರ್ತಾಽಮಿತಾತ್ಮಕಃ

॥ 33॥

ಶ್ಲೋಕ 35

ಅನೇಕಸೃಷ್ಟಿಕರ್ತಾ ಚ ದಶಧಾಸೃಷ್ಟಿಕಾರಕಃ ।

ಯಜ್ಞಾಙ್ಗೋ ಯಜ್ಞವಾರಾಹೋ ಭೂಧರೋ ಭೂಮಿಪಾಲಕಃ

॥ 34॥

ಶ್ಲೋಕ 36

ಸೇತುರ್ವಿಧರಣೋ ಜೈತ್ರೋ ಹಿರಣ್ಯಾಕ್ಷಾನ್ತಕಃ ಸುರಃ ।

ದಿತಿಕಶ್ಯಪಕಾಮೈಕಹೇತುಸೃಷ್ಟಿಪ್ರವರ್ತಕಃ

॥ 35॥

ಶ್ಲೋಕ 37

ದೇವಾಭಯಪ್ರದಾತಾ ಚ ವೈಕುಣ್ಠಾಧಿಪತಿರ್ಮಹಾನ್ ।

ಸರ್ವಗರ್ವಪ್ರಹಾರೀ ಚ ಸನಕಾದ್ಯಖಿಲಾರ್ಥದಃ

॥ 36॥

ಶ್ಲೋಕ 38

ಸರ್ವಾಶ್ವಾಸನಕರ್ತಾ ಚ ಭಕ್ತತುಲ್ಯಾಹವಪ್ರದಃ ।

ಕಾಲಲಕ್ಷಣಹೇತುಶ್ಚ ಸರ್ವಾರ್ಥಜ್ಞಾಪಕಃ ಪರಃ

॥ 37॥

ಶ್ಲೋಕ 39

ಭಕ್ತೋನ್ನತಿಕರಃ ಸರ್ವಪ್ರಕಾರಸುಖದಾಯಕಃ ।

ನಾನಾಯುದ್ಧಪ್ರಹರಣೋ ಬ್ರಹ್ಮಶಾಪವಿಮೋಚಕಃ

॥ 38॥

ಶ್ಲೋಕ 40

ಪುಷ್ಟಿಸರ್ಗಪ್ರಣೇತಾ ಚ ಗುಣಸೃಷ್ಟಿಪ್ರವರ್ತಕಃ ।

ಕರ್ದಮೇಷ್ಟಪ್ರದಾತಾ ಚ ದೇವಹೂತ್ಯಖಿಲಾರ್ಥದಃ

॥ 39॥

ಶ್ಲೋಕ 41

ಶುಕ್ಲನಾರಾಯಣಃ ಸತ್ಯಕಾಲಧರ್ಮಪ್ರವರ್ತಕಃ ।

ಜ್ಞಾನಾವತಾರಃ ಶಾನ್ತಾತ್ಮಾ ಕಪಿಲಃ ಕಾಲನಾಶಕಃ

॥ 40॥

ಶ್ಲೋಕ 42

ತ್ರಿಗುಣಾಧಿಪತಿಃ ಸಾಙ್ಖ್ಯಶಾಸ್ತ್ರಕರ್ತಾ ವಿಶಾರದಃ ।

ಸರ್ಗದೂಷಣಹಾರೀ ಚ ಪುಷ್ಟಿಮೋಕ್ಷಪ್ರವರ್ತಕಃ

॥ 41॥

ಶ್ಲೋಕ 43

ಲೌಕಿಕಾನನ್ದದಾತಾ ಚ ಬ್ರಹ್ಮಾನನ್ದಪ್ರವರ್ತಕಃ ।

ಭಕ್ತಿಸಿದ್ಧಾನ್ತವಕ್ತಾ ಚ ಸಗುಣಜ್ಞಾನದೀಪಕಃ

॥ 42॥

ಶ್ಲೋಕ 44

ಆತ್ಮಪ್ರದಃ ಪೂರ್ಣಕಾಮೋ ಯೋಗಾತ್ಮಾ ಯೋಗಭಾವಿತಃ ।

ಜೀವನ್ಮುಕ್ತಿಪ್ರದಃ ಶ್ರೀಮಾನನ್ಯಭಕ್ತಿಪ್ರವರ್ತಕಃ

॥ 43॥

ಶ್ಲೋಕ 45

ಕಾಲಸಾಮರ್ಥ್ಯದಾತಾ ಚ ಕಾಲದೋಷನಿವಾರಕಃ ।

ಗರ್ಭೋತ್ತಮಜ್ಞಾನದಾತಾ ಕರ್ಮಮಾರ್ಗನಿಯಾಮಕಃ

॥ 44॥

ಶ್ಲೋಕ 46

ಸರ್ವಮಾರ್ಗನಿರಾಕರ್ತಾ ಭಕ್ತಿಮಾರ್ಗೈಕಪೋಷಕಃ ।

ಸಿದ್ಧಿಹೇತುಃ ಸರ್ವಹೇತುಃ ಸರ್ವಾಶ್ಚರ್ಯೈಕಕಾರಣಮ್

॥ 45॥

ಶ್ಲೋಕ 47

ಚೇತನಾಚೇತನಪತಿಃ ಸಮುದ್ರಪರಿಪೂಜಿತಃ ।

ಸಾಙ್ಖ್ಯಾಚಾರ್ಯಸ್ತುತಃ ಸಿದ್ಧಪೂಜಿತಃ ಸರ್ವಪೂಜಿತಃ

॥ 46॥

ಶ್ಲೋಕ 48

ವಿಸರ್ಗಲೀಲಾ

ವಿಸರ್ಗಕರ್ತಾ ಸರ್ವೇಶಃ ಕೋಟಿಸೂರ್ಯಸಮಪ್ರಭಃ ।

ಅನನ್ತಗುಣಗಮ್ಭೀರೋ ಮಹಾಪುರುಷಪೂಜಿತಃ

॥ 47॥

ಶ್ಲೋಕ 49

ಅನನ್ತಸುಖದಾತಾ ಚ ಬ್ರಹ್ಮಕೋಟಿಪ್ರಜಾಪತಿಃ ।

ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ

॥ 48॥

ಶ್ಲೋಕ 50

ಸಮುದ್ರಕೋಟಿಗಮ್ಭೀರಸ್ತೀರ್ಥಕೋಟಿಸಮಾಹ್ವಯಃ ।

ಸುಮೇರುಕೋಟಿನಿಷ್ಕಮ್ಪಃ ಕೋಟಿಬ್ರಹ್ಮಾಣ್ಡವಿಗ್ರಹಃ

॥ 49॥

ಶ್ಲೋಕ 51

ಕೋಟ್ಯಶ್ವಮೇಧಪಾಪಘ್ನೋ ವಾಯುಕೋಟಿಮಹಾಬಲಃ ।

ಕೋಟೀನ್ದುಜಗದಾನನ್ದೀ ಶಿವಕೋಟಿಪ್ರಸಾದಕೃತ್

॥ 50॥

ಶ್ಲೋಕ 52

ಸರ್ವಸದ್ಗುಣಮಾಹಾತ್ಮ್ಯಃ ಸರ್ವಸದ್ಗುಣಭಾಜನಮ್ ।

ಮನ್ವಾದಿಪ್ರೇರಕೋ ಧರ್ಮೋ ಯಜ್ಞನಾರಾಯಣಃ ಪರಃ

॥ 51॥

ಶ್ಲೋಕ 53

ಆಕೂತಿಸೂನುರ್ದೇವೇನ್ದ್ರೋ ರುಚಿಜನ್ಮಾಽಭಯಪ್ರದಃ ।

ದಕ್ಷಿಣಾಪತಿರೋಜಸ್ವೀ ಕ್ರಿಯಾಶಕ್ತಿಃ ಪರಾಯಣಃ

॥ 52॥

ಶ್ಲೋಕ 54

ದತ್ತಾತ್ರೇಯೋ ಯೋಗಪತಿರ್ಯೋಗಮಾರ್ಗಪ್ರವರ್ತಕಃ ।

ಅನಸೂಯಾಗರ್ಭರತ್ನಮೃಷಿವಂಶವಿವರ್ಧನಃ

॥ 53॥

ಶ್ಲೋಕ 55

ಗುಣತ್ರಯವಿಭಾಗಜ್ಞಶ್ಚತುರ್ವರ್ಗವಿಶಾರದಃ ।

ನಾರಾಯಣೋ ಧರ್ಮಸೂನುರ್ಮೂರ್ತಿಪುಣ್ಯಯಶಸ್ಕರಃ

॥ 54॥

ಶ್ಲೋಕ 56

ಸಹಸ್ರಕವಚಚ್ಛೇದೀ ತಪಃಸಾರೋ ನರಪ್ರಿಯಃ ।

ವಿಶ್ವಾನನ್ದಪ್ರದಃ ಕರ್ಮಸಾಕ್ಷೀ ಭಾರತಪೂಜಿತಃ

॥ 55॥

ಶ್ಲೋಕ 57

ಅನನ್ತಾದ್ಭುತಮಾಹಾತ್ಮ್ಯೋ ಬದರೀಸ್ಥಾನಭೂಷಣಮ್ ।

ಜಿತಕಾಮೋ ಜಿತಕ್ರೋಧೋ ಜಿತಸಙ್ಗೋ ಜಿತೇನ್ದ್ರಿಯಃ

॥ 56॥

ಶ್ಲೋಕ 58

ಉರ್ವಶೀಪ್ರಭವಃ ಸ್ವರ್ಗಸುಖದಾಯೀ ಸ್ಥಿತಿಪ್ರದಃ ।

ಅಮಾನೀ ಮಾನದೋ ಗೋಪ್ತಾ ಭಗವಚ್ಛಾಸ್ತ್ರಬೋಧಕಃ

॥ 57॥

ಶ್ಲೋಕ 59

ಬ್ರಹ್ಮಾದಿವನ್ದ್ಯೋ ಹಂಸಶ್ರೀರ್ಮಾಯಾವೈಭವಕಾರಣಮ್ ।

ವಿವಿಧಾನನ್ತಸರ್ಗಾತ್ಮಾ ವಿಶ್ವಪೂರಣತತ್ಪರಃ

॥ 58॥

ಶ್ಲೋಕ 60

ಯಜ್ಞಜೀವನಹೇತುಶ್ಚ ಯಜ್ಞಸ್ವಾಮೀಷ್ಟಬೋಧಕಃ ।

ನಾನಾಸಿದ್ಧಾನ್ತಗಮ್ಯಶ್ಚ ಸಪ್ತತನ್ತುಶ್ಚ ಷಡ್ಗುಣಃ

॥ 59॥

ಶ್ಲೋಕ 61

ಪ್ರತಿಸರ್ಗಜಗತ್ಕರ್ತಾ ನಾನಾಲೀಲಾವಿಶಾರದಃ ।

ಧ್ರುವಪ್ರಿಯೋ ಧ್ರುವಸ್ವಾಮೀ ಚಿನ್ತಿತಾಧಿಕದಾಯಕಃ

॥ 60॥

ಶ್ಲೋಕ 62

ದುರ್ಲಭಾನನ್ತಫಲದೋ ದಯಾನಿಧಿರಮಿತ್ರಹಾ ।

ಅಙ್ಗಸ್ವಾಮೀ ಕೃಪಾಸಾರೋ ವೈನ್ಯೋ ಭೂಮಿನಿಯಾಮಕಃ

॥ 61॥

ಶ್ಲೋಕ 63

ಭೂಮಿದೋಗ್ಧಾ ಪ್ರಜಾಪ್ರಾಣಪಾಲನೈಕಪರಾಯಣಃ ।

ಯಶೋದಾತಾ ಜ್ಞಾನದಾತಾ ಸರ್ವಧರ್ಮಪ್ರದರ್ಶಕಃ

॥ 62॥

ಶ್ಲೋಕ 64

ಪುರಞ್ಜನೋ ಜಗನ್ಮಿತ್ರಂ ವಿಸರ್ಗಾನ್ತಪ್ರದರ್ಶಕಃ ।

ಪ್ರಚೇತಸಾಂ ಪತಿಶ್ಚಿತ್ರಭಕ್ತಿಹೇತುರ್ಜನಾರ್ದನಃ

॥ 63॥

ಶ್ಲೋಕ 65

ಸ್ಮೃತಿಹೇತುಬ್ರಹ್ಮಭಾವಸಾಯುಜ್ಯಾದಿಪ್ರದಃ ಶುಭಃ ।

ವಿಜಯೀ ॥॥॥॥॥॥॥॥॥॥ ಚೋನ್ತಿನುಏದ್

ಸ್ಥಾನಲೀಲಾ

॥॥ ಸ್ಥಿತಿಲೀಲಾಬ್ಧಿರಚ್ಯುತೋ ವಿಜಯಪ್ರದಃ

॥ 64॥

ಶ್ಲೋಕ 66

ಸ್ವಸಾಮರ್ಥ್ಯಪ್ರದೋ ಭಕ್ತಕೀರ್ತಿಹೇತುರಧೋಕ್ಷಜಃ ।

ಪ್ರಿಯವ್ರತಪ್ರಿಯಸ್ವಾಮೀ ಸ್ವೇಚ್ಛಾವಾದವಿಶಾರದಃ

॥ 65॥

ಶ್ಲೋಕ 67

ಸಙ್ಗ್ಯಗಮ್ಯಃ ಸ್ವಪ್ರಕಾಶಃ ಸರ್ವಸಙ್ಗವಿವರ್ಜಿತಃ ।

ಇಚ್ಛಾಯಾಂ ಚ ಸಮರ್ಯಾದಸ್ತ್ಯಾಗಮಾತ್ರೋಪಲಮ್ಭನಃ

॥ 66॥

ಶ್ಲೋಕ 68

ಅಚಿನ್ತ್ಯಕಾರ್ಯಕರ್ತಾ ಚ ತರ್ಕಾಗೋಚರಕಾರ್ಯಕೃತ್ ।

ಶ‍ಋಙ್ಗಾರರಸಮರ್ಯಾದಾ ಆಗ್ನೀಧ್ರರಸಭಾಜನಮ್

॥ 67॥

ಶ್ಲೋಕ 69

ನಾಭೀಷ್ಟಪೂರಕಃ ಕರ್ಮಮರ್ಯಾದಾದರ್ಶನೋತ್ಸುಕಃ ।

ಸರ್ವರೂಪೋಽದ್ಭುತತಮೋ ಮರ್ಯಾದಾಪುರುಷೋತ್ತಮಃ

॥ 68॥

ಶ್ಲೋಕ 70

ಸರ್ವರೂಪೇಷು ಸತ್ಯಾತ್ಮಾ ಕಾಲಸಾಕ್ಷೀ ಶಶಿಪ್ರಭಃ ।

ಮೇರುದೇವೀವ್ರತಫಲಮೃಷಭೋ ಭಗಲಕ್ಷಣಃ

॥ 69॥

ಶ್ಲೋಕ 71

ಜಗತ್ಸನ್ತರ್ಪಕೋ ಮೇಘರೂಪೀ ದೇವೇನ್ದ್ರದರ್ಪಹಾ ।

ಜಯನ್ತೀಪತಿರತ್ಯನ್ತಪ್ರಮಾಣಾಶೇಷಲೌಕಿಕಃ

॥ 70॥

ಶ್ಲೋಕ 72

ಶತಧಾನ್ಯಸ್ತಭೂತಾತ್ಮಾ ಶತಾನನ್ದೋ ಗುಣಪ್ರಸೂಃ ।

ವೈಷ್ಣವೋತ್ಪಾದನಪರಃ ಸರ್ವಧರ್ಮೋಪದೇಶಕಃ

॥ 71॥

ಶ್ಲೋಕ 73

ಪರಹಂಸಕ್ರಿಯಾಗೋಪ್ತಾ ಯೋಗಚರ್ಯಾಪ್ರದರ್ಶಕಃ ।

ಚತುರ್ಥಾಶ್ರಮನಿರ್ಣೇತಾ ಸದಾನನ್ದಶರೀರವಾನ್

॥ 72॥

ಶ್ಲೋಕ 74

ಪ್ರದರ್ಶಿತಾನ್ಯಧರ್ಮಶ್ಚ ಭರತಸ್ವಾಮ್ಯಪಾರಕೃತ್ ।

ಯಥಾವತ್ಕರ್ಮಕರ್ತಾ ಚ ಸಙ್ಗಾನಿಷ್ಟಪ್ರದರ್ಶಕಃ

॥ 73॥

ಶ್ಲೋಕ 75

ಆವಶ್ಯಕಪುನರ್ಜನ್ಮಕರ್ಮಮಾರ್ಗಪ್ರದರ್ಶಕಃ ।

ಯಜ್ಞರೂಪಮೃಗಃ ಶಾನ್ತಃ ಸಹಿಷ್ಣುಃ ಸತ್ಪರಾಕ್ರಮಃ

॥ 74॥

ಶ್ಲೋಕ 76

ರಹೂಗಣಗತಿಜ್ಞಶ್ಚ ರಹೂಗಣವಿಮೋಚಕಃ ।

ಭವಾಟವೀತತ್ತ್ವವಕ್ತಾ ಬಹಿರ್ಮುಖಹಿತೇ ರತಃ

॥ 75॥

ಶ್ಲೋಕ 77

ಗಯಸ್ವಾಮೀ ಸ್ಥಾನವಂಶಕರ್ತಾ ಸ್ಥಾನವಿಭೇದಕೃತ್ ।

ಪುರುಷಾವಯವೋ ಭೂಮಿವಿಶೇಷವಿನಿರೂಪಕಃ

॥ 76॥

ಶ್ಲೋಕ 78

ಜಮ್ಬೂದ್ವೀಪಪತಿರ್ಮೇರುನಾಭಿಪದ್ಮರುಹಾಶ್ರಯಃ ।

ನಾನಾವಿಭೂತಿಲೀಲಾಢ್ಯೋ ಗಙ್ಗೋತ್ಪತ್ತಿನಿದಾನಕೃತ್

॥ 77॥

ಶ್ಲೋಕ 79

ಗಙ್ಗಾಮಾಹಾತ್ಮ್ಯಹೇತುಶ್ಚ ಗಙ್ಗಾರೂಪೋಽತಿಗೂಢಕೃತ್ ।

ವೈಕುಣ್ಠದೇಹಹೇತ್ವಮ್ಬುಜನ್ಮಕೃತ್ ಸರ್ವಪಾವನಃ

॥ 78॥

ಶ್ಲೋಕ 80

ಶಿವಸ್ವಾಮೀ ಶಿವೋಪಾಸ್ಯೋ ಗೂಢಃ ಸಙ್ಕರ್ಷಣಾತ್ಮಕಃ ।

ಸ್ಥಾನರಕ್ಷಾರ್ಥಮತ್ಸ್ಯಾದಿರೂಪಃ ಸರ್ವೈಕಪೂಜಿತಃ

॥ 79॥

ಶ್ಲೋಕ 81

ಉಪಾಸ್ಯನಾನಾರೂಪಾತ್ಮಾ ಜ್ಯೋತೀರೂಪೋ ಗತಿಪ್ರದಃ ।

ಸೂರ್ಯನಾರಾಯಣೋ ವೇದಕಾನ್ತಿರುಜ್ಜ್ವಲವೇಷಧೃಕ್

॥ 80॥

ಶ್ಲೋಕ 82

ಹಂಸೋಽನ್ತರಿಕ್ಷಗಮನಃ ಸರ್ವಪ್ರಸವಕಾರಣಮ್ ।

ಆನನ್ದಕರ್ತಾ ವಸುದೋ ಬುಧೋ ವಾಕ್ಪತಿರುಜ್ಜ್ವಲಃ

॥ 81॥

ಶ್ಲೋಕ 83

ಕಾಲಾತ್ಮಾ ಕಾಲಕಾಲಶ್ಚ ಕಾಲಚ್ಛೇದಕೃದುತ್ತಮಃ ।

ಶಿಶುಮಾರಃ ಸರ್ವಮೂರ್ತಿರಾಧಿದೈವಿಕರೂಪಧೃಕ್

॥ 82॥

ಶ್ಲೋಕ 84

ಅನನ್ತಸುಖಭೋಗಾಢ್ಯೋ ವಿವರೈಶ್ವರ್ಯಭಾಜನಮ್ ।

ಸಙ್ಕರ್ಷಣೋ ದೈತ್ಯಪತಿಃ ಸರ್ವಾಧಾರೋ ಬೃಹದ್ವಪುಃ

॥ 83॥

ಶ್ಲೋಕ 85

ಅನನ್ತನರಕಚ್ಛೇದೀ ಸ್ಮೃತಿಮಾತ್ರಾರ್ತಿನಾಶನಃ ।

ಸರ್ವಾನುಗ್ರಹಕರ್ತಾ ಚ ॥॥॥॥॥॥॥॥॥॥ ಚೋನ್ತಿನುಏದ್

ಪೋಷಣ-ಪುಷ್ಟಿ-ಲೀಲಾ

॥॥॥॥॥॥॥॥ ಮರ್ಯಾದಾಭಿನ್ನಶಾಸ್ತ್ರಕೃತ್

॥ 84॥

ಶ್ಲೋಕ 86

ಕಾಲಾನ್ತಕಭಯಚ್ಛೇದೀ ನಾಮಸಾಮರ್ಥ್ಯರೂಪಧೃಕ್ ।

ಉದ್ಧಾರಾನರ್ಹಗೋಪ್ತ್ರಾತ್ಮಾ ನಾಮಾದಿಪ್ರೇರಕೋತ್ತಮಃ

॥ 85 ॥

ಶ್ಲೋಕ 87

ಅಜಾಮಿಲಮಹಾದುಷ್ಟಮೋಚಕೋಽಘವಿಮೋಚಕಃ ।

ಧರ್ಮವಕ್ತಾಽಕ್ಲಿಷ್ಟವಕ್ತಾ ವಿಷ್ಣುಧರ್ಮಸ್ವರೂಪಧೃಕ್

॥ 86॥

ಶ್ಲೋಕ 88

ಸನ್ಮಾರ್ಗಪ್ರೇರಕೋ ಧರ್ತಾ ತ್ಯಾಗಹೇತುರಧೋಕ್ಷಜಃ ।

ವೈಕುಣ್ಠಪುರನೇತಾ ಚ ದಾಸಸಂವೃದ್ಧಿಕಾರಕಃ

॥ 87॥

ಶ್ಲೋಕ 89

ದಕ್ಷಪ್ರಸಾದಕೃದ್ಧಂಸಗುಹ್ಯಸ್ತುತಿವಿಭಾವನಃ ।

ಸ್ವಾಭಿಪ್ರಾಯಪ್ರವಕ್ತಾ ಚ ಮುಕ್ತಜೀವಪ್ರಸೂತಿಕೃತ್

॥ 88॥

ಶ್ಲೋಕ 90

ನಾರದಪ್ರೇರಣಾತ್ಮಾ ಚ ಹರ್ಯಶ್ವಬ್ರಹ್ಮಭಾವನಃ ।

ಶಬಲಾಶ್ವಹಿತೋ ಗೂಢವಾಕ್ಯಾರ್ಥಜ್ಞಾಪನಕ್ಷಮಃ

॥ 89॥

ಶ್ಲೋಕ 91

ಗೂಢಾರ್ಥಜ್ಞಾಪನಃ ಸರ್ವಮೋಕ್ಷಾನನ್ದಪ್ರತಿಷ್ಠಿತಃ ।

ಪುಷ್ಟಿಪ್ರರೋಹಹೇತುಶ್ಚ ದಾಸೈಕಜ್ಞಾತಹೃದ್ಗತಃ

॥ 90॥

ಶ್ಲೋಕ 92

ಶಾನ್ತಿಕರ್ತಾ ಸುಹಿತಕೃತ್ ಸ್ತ್ರೀಪ್ರಸೂಃ ಸರ್ವಕಾಮಧುಕ್ ।

ಪುಷ್ಟಿವಂಶಪ್ರಣೇತಾ ಚ ವಿಶ್ವರೂಪೇಷ್ಟದೇವತಾ

॥ 91॥

ಶ್ಲೋಕ 93

ಕವಚಾತ್ಮಾ ಪಾಲನಾತ್ಮಾ ವರ್ಮೋಪಚಿತಿಕಾರಣಮ್ ।

ವಿಶ್ವರೂಪಶಿರಶ್ಛೇದೀ ತ್ವಾಷ್ಟ್ರಯಜ್ಞವಿನಾಶಕಃ

॥ 92॥

ಶ್ಲೋಕ 94

ವೃತ್ರಸ್ವಾಮೀ ವೃತ್ರಗಮ್ಯೋ ವೃತ್ರವ್ರತಪರಾಯಣಃ ।

ವೃತ್ರಕೀರ್ತಿರ್ವೃತ್ರಮೋಕ್ಷೋ ಮಘವತ್ಪ್ರಾಣರಕ್ಷಕಃ

॥ 93॥

ಶ್ಲೋಕ 95

ಅಶ್ವಮೇಧಹವಿರ್ಭೋಕ್ತಾ ದೇವೇನ್ದ್ರಾಮೀವನಾಶಕಃ ।

ಸಂಸಾರಮೋಚಕಶ್ಚಿತ್ರಕೇತುಬೋಧನತತ್ಪರಃ

॥ 94॥

ಶ್ಲೋಕ 96

ಮನ್ತ್ರಸಿದ್ಧಿಃ ಸಿದ್ಧಿಹೇತುಃ ಸುಸಿದ್ಧಿಫಲದಾಯಕಃ ।

ಮಹಾದೇವತಿರಸ್ಕರ್ತಾ ಭಕ್ತ್ಯೈ ಪೂರ್ವಾರ್ಥನಾಶಕಃ

॥ 95॥

ಶ್ಲೋಕ 97

ದೇವಬ್ರಾಹ್ಮಣವಿದ್ವೇಷವೈಮುಖ್ಯಜ್ಞಾಪಕಃ ಶಿವಃ ।

ಆದಿತ್ಯೋ ದೈತ್ಯರಾಜಶ್ಚ ಮಹತ್ಪತಿರಚಿನ್ತ್ಯಕೃತ್

॥ 96॥

ಶ್ಲೋಕ 98

ಮರುತಾಂ ಭೇದಕಸ್ತ್ರಾತಾ ವ್ರತಾತ್ಮಾ ಪುಮ್ಪ್ರಸೂತಿಕೃತ್ ।

ಊತಿಲೀಲಾ

ಕರ್ಮಾತ್ಮಾ ವಾಸನಾತ್ಮಾ ಚ ಊತಿಲೀಲಾಪರಾಯಣಃ

॥ 97॥

ಶ್ಲೋಕ 99

ಸಮದೈತ್ಯಸುರಃ ಸ್ವಾತ್ಮಾ ವೈಷಮ್ಯಜ್ಞಾನಸಂಶ್ರಯಃ ।

ದೇಹಾದ್ಯುಪಾಧಿರಹಿತಃ ಸರ್ವಜ್ಞಃ ಸರ್ವಹೇತುವಿದ್

॥ 98॥

ಶ್ಲೋಕ 100

ಬ್ರಹ್ಮವಾಕ್ಸ್ಥಾಪನಪರಃ ಸ್ವಜನ್ಮಾವಧಿಕಾರ್ಯಕೃತ್ ।

ಸದಸದ್ವಾಸನಾಹೇತುಸ್ತ್ರಿಸತ್ಯೋ ಭಕ್ತಮೋಚಕಃ

॥ 99॥

ಶ್ಲೋಕ 101

ಹಿರಣ್ಯಕಶಿಪುದ್ವೇಷೀ ಪ್ರವಿಷ್ಟಾತ್ಮಾಽತಿಭೀಷಣಃ ।

ಶಾನ್ತಿಜ್ಞಾನಾದಿಹೇತುಶ್ಚ ಪ್ರಹ್ಲಾದೋತ್ಪತ್ತಿಕಾರಣಮ್

॥ 100॥

ಶ್ಲೋಕ 102

ದೈತ್ಯಸಿದ್ಧಾನ್ತಸದ್ವಕ್ತಾ ತಪಃಸಾರ ಉದಾರಧೀಃ ।

ದೈತ್ಯಹೇತುಪ್ರಕಟನೋ ಭಕ್ತಿಚಿಹ್ನಪ್ರಕಾಶಕಃ

॥ 101॥

ಶ್ಲೋಕ 103

ಸದ್ದ್ವೇಷಹೇತುಃ ಸದ್ದ್ವೇಷವಾಸನಾತ್ಮಾ ನಿರನ್ತರಃ ।

ನೈಷ್ಠುರ್ಯಸೀಮಾ ಪ್ರಹ್ಲಾದವತ್ಸಲಃ ಸಙ್ಗದೋಷಹಾ

॥ 102॥

ಶ್ಲೋಕ 104

ಮಹಾನುಭಾವಃ ಸಾಕಾರಃ ಸರ್ವಾಕಾರಃ ಪ್ರಮಾಣಭೂಃ ।

ಸ್ತಮ್ಭಪ್ರಸೂತಿರ್ನೃಹರಿರ್ನೃಸಿಂಹೋ ಭೀಮವಿಕ್ರಮಃ

॥ 103॥

ಶ್ಲೋಕ 105

ವಿಕಟಾಸ್ಯೋ ಲಲಜ್ಜಿಹ್ವೋ ನಖಶಸ್ತ್ರೋ ಜವೋತ್ಕಟಃ ।

ಹಿರಣ್ಯಕಶಿಪುಚ್ಛೇದೀ ಕ್ರೂರದೈತ್ಯನಿವಾರಕಃ

॥ 104॥

ಶ್ಲೋಕ 106

ಸಿಂಹಾಸನಸ್ಥಃ ಕ್ರೋಧಾತ್ಮಾ ಲಕ್ಷ್ಮೀಭಯವಿವರ್ಧನಃ ।

ಬ್ರಹ್ಮಾದ್ಯತ್ಯನ್ತಭಯಭೂರಪೂರ್ವಾಚಿನ್ತ್ಯರೂಪಧೃಕ್

॥ 105॥

ಶ್ಲೋಕ 107

ಭಕ್ತೈಕಶಾನ್ತಹೃದಯೋ ಭಕ್ತಸ್ತುತ್ಯಃ ಸ್ತುತಿಪ್ರಿಯಃ ।

ಭಕ್ತಾಙ್ಗಲೇಹನೋದ್ಧೂತಕ್ರೋಧಪುಙ್ಜಃ ಪ್ರಶಾನ್ತಧೀಃ

॥ 106॥

ಶ್ಲೋಕ 108

ಸ್ಮೃತಿಮಾತ್ರಭಯತ್ರಾತಾ ಬ್ರಹ್ಮಬುದ್ಧಿಪ್ರದಾಯಕಃ ।

ಗೋರೂಪಧಾರ್ಯಮೃತಪಾಃ ಶಿವಕೀರ್ತಿವಿವರ್ಧನಃ

॥ 107॥

ಶ್ಲೋಕ 109

ಧರ್ಮಾತ್ಮಾ ಸರ್ವಕರ್ಮಾತ್ಮಾ ವಿಶೇಷಾತ್ಮಾಽಽಶ್ರಮಪ್ರಭುಃ ।

ಸಂಸಾರಮಗ್ನಸ್ವೋದ್ಧರ್ತಾ ಸನ್ಮಾರ್ಗಾಖಿಲತತ್ತ್ವವಾಕ್

॥ 108॥

ಶ್ಲೋಕ 110

ಆಚಾರಾತ್ಮಾ ಸದಾಚಾರಃ ॥॥॥॥॥॥॥॥॥ ಚೋನ್ತಿನುಏದ್

ಮನ್ವನ್ತರಲೀಲಾ

॥॥॥॥॥॥॥॥॥॥ಮನ್ವನ್ತರವಿಭಾವನಃ ।

ಸ್ಮೃತ್ಯಾಽಶೇಷಾಶುಭಹರೋ ಗಜೇನ್ದ್ರಸ್ಮೃತಿಕಾರಣಮ್

॥ 109॥

ಶ್ಲೋಕ 111

ಜಾತಿಸ್ಮರಣಹೇತ್ವೈಕಪೂಜಾಭಕ್ತಿಸ್ವರೂಪದಃ ।

ಯಜ್ಞೋ ಭಯಾನ್ಮನುತ್ರಾತಾ ವಿಭುರ್ಬ್ರಹ್ಮವ್ರತಾಶ್ರಯಃ

॥ 110॥

ಶ್ಲೋಕ 112

ಸತ್ಯಸೇನೋ ದುಷ್ಟಘಾತೀ ಹರಿರ್ಗಜವಿಮೋಚಕಃ ।

ವೈಕುಣ್ಠೋ ಲೋಕಕರ್ತಾ ಚ ಅಜಿತೋಽಮೃತಕಾರಣಮ್

॥ 111॥

ಶ್ಲೋಕ 113

ಉರುಕ್ರಮೋ ಭೂಮಿಹರ್ತಾ ಸಾರ್ವಭೌಮೋ ಬಲಿಪ್ರಿಯಃ ।

ವಿಭುಃ ಸರ್ವಹಿತೈಕಾತ್ಮಾ ವಿಷ್ವಕ್ಸೇನಃ ಶಿವಪ್ರಿಯಃ

॥ 112॥

ಶ್ಲೋಕ 114

ಧರ್ಮಸೇತುರ್ಲೋಕಧೃತಿಃ ಸುಧಾಮಾನ್ತರಪಾಲಕಃ ।

ಉಪಹರ್ತಾ ಯೋಗಪತಿರ್ಬೃಹದ್ಭಾನುಃ ಕ್ರಿಯಾಪತಿಃ

॥ 113॥

ಶ್ಲೋಕ 115

ಚತುರ್ದಶಪ್ರಮಾಣಾತ್ಮಾ ಧರ್ಮೋ ಮನ್ವಾದಿಬೋಧಕಃ ।

ಲಕ್ಷ್ಮೀಭೋಗೈಕನಿಲಯೋ ದೇವಮನ್ತ್ರಪ್ರದಾಯಕಃ

॥ 114॥

ಶ್ಲೋಕ 116

ದೈತ್ಯವ್ಯಾಮೋಹಕಃ ಸಾಕ್ಷಾದ್ಗರುಡಸ್ಕನ್ಧಸಂಶ್ರಯಃ ।

ಲೀಲಾಮನ್ದರಧಾರೀ ಚ ದೈತ್ಯವಾಸುಕಿಪೂಜಿತಃ

॥ 115॥

ಶ್ಲೋಕ 117

ಸಮುದ್ರೋನ್ಮಥನಾಯತ್ತೋಽವಿಘ್ನಕರ್ತಾ ಸ್ವವಾಕ್ಯಕೃತ್ ।

ಆದಿಕೂರ್ಮಃ ಪವಿತ್ರಾತ್ಮಾ ಮನ್ದರಾಘರ್ಷಣೋತ್ಸುಕಃ

॥ 116॥

ಶ್ಲೋಕ 118

ಶ್ವಾಸೈಜದಬ್ಧಿವಾರ್ವೀಚಿಃ ಕಲ್ಪಾನ್ತಾವಧಿಕಾರ್ಯಕೃತ್ ।

ಚತುರ್ದಶಮಹಾರತ್ನೋ ಲಕ್ಷ್ಮೀಸೌಭಾಗ್ಯವರ್ಧನಃ

॥ 117॥

ಶ್ಲೋಕ 119

ಧನ್ವನ್ತರಿಃ ಸುಧಾಹಸ್ತೋ ಯಜ್ಞಭೋಕ್ತಾಽಽರ್ತಿನಾಶನಃ ।

ಆಯುರ್ವೇದಪ್ರಣೇತಾ ಚ ದೇವದೈತ್ಯಾಖಿಲಾರ್ಚಿತಃ

॥ 118॥

ಶ್ಲೋಕ 120

ಬುದ್ಧಿವ್ಯಾಮೋಹಕೋ ದೇವಕಾರ್ಯಸಾಧನತತ್ಪರಃ ।

ಸ್ತ್ರೀರೂಪೋ ಮಾಯಯಾ ವಕ್ತಾ ದೈತ್ಯಾನ್ತಃಕರಣಪ್ರಿಯಃ

॥ 119॥

ಶ್ಲೋಕ 121

ಪಾಯಿತಾಮೃತದೇವಾಂಶೋ ಯುದ್ಧಹೇತುಸ್ಮೃತಿಪ್ರದಃ ।

ಸುಮಾಲಿಮಾಲಿವಧಕೃನ್ಮಾಲ್ಯವತ್ಪ್ರಾಣಹಾರಕಃ

॥ 120॥

ಶ್ಲೋಕ 122

ಕಾಲನೇಮಿಶಿರಶ್ಛೇದೀ ದೈತ್ಯಯಜ್ಞವಿನಾಶಕಃ ।

ಇನ್ದ್ರಸಾಮರ್ಥ್ಯದಾತಾ ಚ ದೈತ್ಯಶೇಷಸ್ಥಿತಿಪ್ರಿಯಃ

॥ 121॥

ಶ್ಲೋಕ 123

ಶಿವವ್ಯಾಮೋಹಕೋ ಮಾಯೀ ಭೃಗುಮನ್ತ್ರಸ್ವಶಕ್ತಿದಃ ।

ಬಲಿಜೀವನಕರ್ತಾ ಚ ಸ್ವರ್ಗಹೇತುರ್ವ್ರತಾರ್ಚಿತಃ

॥ 122॥

ಶ್ಲೋಕ 124

ಅದಿತ್ಯಾನನ್ದಕರ್ತಾ ಚ ಕಶ್ಯಪಾದಿತಿಸಮ್ಭವಃ ।

ಉಪೇನ್ದ್ರ ಇನ್ದ್ರಾವರಜೋ ವಾಮನಬ್ರಹ್ಮರೂಪಧೃಕ್

॥ 123॥

ಶ್ಲೋಕ 125

ಬ್ರಹ್ಮಾದಿಸೇವಿತವಪುರ್ಯಜ್ಞಪಾವನತತ್ಪರಃ ।

ಯಾಚ್ಞೋಪದೇಶಕರ್ತಾ ಚ ಜ್ಞಾಪಿತಾಶೇಷಸಂಸ್ಥಿತಿಃ

॥ 124॥

ಶ್ಲೋಕ 126

ಸತ್ಯಾರ್ಥಪ್ರೇರಕಃ ಸರ್ವಹರ್ತಾ ಗರ್ವವಿನಾಶಕಃ ।

ತ್ರಿವಿಕ್ರಮಸ್ತ್ರಿಲೋಕಾತ್ಮಾ ವಿಶ್ವಮೂರ್ತಿಃ ಪೃಥುಶ್ರವಾಃ

॥ 125॥

ಶ್ಲೋಕ 127

ಪಾಶಬದ್ಧಬಲಿಃ ಸರ್ವದೈತ್ಯಪಕ್ಷೋಪಮರ್ದಕಃ ।

ಸುತಲಸ್ಥಾಪಿತಬಲಿಃ ಸ್ವರ್ಗಾಧಿಕಸುಖಪ್ರದಃ

॥ 126॥

ಶ್ಲೋಕ 128

ಕರ್ಮಸಮ್ಪೂರ್ತಿಕರ್ತಾ ಚ ಸ್ವರ್ಗಸಂಸ್ಥಾಪಿತಾಮರಃ ।

ಜ್ಞಾತತ್ರಿವಿಧಧರ್ಮಾತ್ಮಾ ಮಹಾಮೀನೋಽಬ್ಧಿಸಂಶ್ರಯಃ

॥ 127॥

ಶ್ಲೋಕ 129

ಸತ್ಯವ್ರತಪ್ರಿಯೋ ಗೋಪ್ತಾ ಮತ್ಸ್ಯಮೂರ್ತಿಧೃತಶ್ರುತಿಃ ।

ಶ‍ಋಙ್ಗಬದ್ಧಧೃತಕ್ಷೋಣಿಃ ಸರ್ವಾರ್ಥಜ್ಞಾಪಕೋ ಗುರುಃ

॥ 128॥

ಶ್ಲೋಕ 130

ಈಶಾನುಕಥಾಲೀಲಾ

ಈಶಸೇವಕಲೀಲಾತ್ಮಾ ಸೂರ್ಯವಂಶಪ್ರವರ್ತಕಃ ।

ಸೋಮವಂಶೋದ್ಭವಕರೋ ಮನುಪುತ್ರಗತಿಪ್ರದಃ

॥ 129॥

ಶ್ಲೋಕ 131

ಅಮ್ಬರೀಷಪ್ರಿಯಃ ಸಾಧುರ್ದುರ್ವಾಸೋಗರ್ವನಾಶಕಃ ।

ಬ್ರಹ್ಮಶಾಪೋಪಸಂಹರ್ತಾ ಭಕ್ತಕೀರ್ತಿವಿವರ್ಧನಃ

॥ 130॥

ಶ್ಲೋಕ 132

ಇಕ್ಷ್ವಾಕುವಂಶಜನಕಃ ಸಗರಾದ್ಯಖಿಲಾರ್ಥದಃ ।

ಭಗೀರಥಮಹಾಯತ್ನೋ ಗಙ್ಗಾಧೌತಾಙ್ಘ್ರಿಪಙ್ಕಜಃ

॥ 131॥

ಶ್ಲೋಕ 133

ಬ್ರಹ್ಮಸ್ವಾಮೀ ಶಿವಸ್ವಾಮೀ ಸಗರಾತ್ಮಜಮುಕ್ತಿದಃ ।

ಖಟ್ವಾಙ್ಗಮೋಕ್ಷಹೇತುಶ್ಚ ರಘುವಂಶವಿವರ್ಧನಃ

॥ 132॥

ಶ್ಲೋಕ 134

ರಘುನಾಥೋ ರಾಮಚನ್ದ್ರೋ ರಾಮಭದ್ರೋ ರಘುಪ್ರಿಯಃ ।

ಅನನ್ತಕೀರ್ತಿಃ ಪುಣ್ಯಾತ್ಮಾ ಪುಣ್ಯಶ್ಲೋಕೈಕಭಾಸ್ಕರಃ

॥ 133॥

ಶ್ಲೋಕ 135

ಕೋಶಲೇನ್ದ್ರಃ ಪ್ರಮಾಣಾತ್ಮಾ ಸೇವ್ಯೋ ದಶರಥಾತ್ಮಜಃ ।

ಲಕ್ಷ್ಮಣೋ ಭರತಶ್ಚೈವ ಶತ್ರುಘ್ನೋ ವ್ಯೂಹವಿಗ್ರಹಃ

॥ 134॥

ಶ್ಲೋಕ 136

ವಿಶ್ವಾಮಿತ್ರಪ್ರಿಯೋ ದಾನ್ತಸ್ತಾಡಕಾವಧಮೋಕ್ಷದಃ ।

ವಾಯವ್ಯಾಸ್ತ್ರಾಬ್ಧಿನಿಕ್ಷಿಪ್ತಮಾರೀಚಶ್ಚ ಸುಬಾಹುಹಾ

॥ 135॥

ಶ್ಲೋಕ 137

ವೃಷಧ್ವಜಧನುರ್ಭಙ್ಗಪ್ರಾಪ್ತಸೀತಾಮಹೋತ್ಸವಃ ।

ಸೀತಾಪತಿರ್ಭೃಗುಪತಿಗರ್ವಪರ್ವತನಾಶಕಃ

॥ 136॥

ಶ್ಲೋಕ 138

ಅಯೋಧ್ಯಾಸ್ಥಮಹಾಭೋಗಯುಕ್ತಲಕ್ಷ್ಮೀವಿನೋದವಾನ್ ।

ಕೈಕೇಯೀವಾಕ್ಯಕರ್ತಾ ಚ ಪಿತೃವಾಕ್ಪರಿಪಾಲಕಃ

॥ 137॥

ಶ್ಲೋಕ 139

ವೈರಾಗ್ಯಬೋಧಕೋಽನನ್ಯಸಾತ್ತ್ವಿಕಸ್ಥಾನಬೋಧಕಃ ।

ಅಹಲ್ಯಾದುಃಖಹಾರೀ ಚ ಗುಹಸ್ವಾಮೀ ಸಲಕ್ಷ್ಮಣಃ

॥ 138॥

ಶ್ಲೋಕ 140

ಚಿತ್ರಕೂಟಪ್ರಿಯಸ್ಥಾನೋ ದಣ್ಡಕಾರಣ್ಯಪಾವನಃ ।

ಶರಭಙ್ಗಸುತೀಕ್ಷ್ಣಾದಿಪೂಜಿತೋಽಗಸ್ತ್ಯಭಾಗ್ಯಭೂಃ

॥ 139॥

ಶ್ಲೋಕ 141

ಋಷಿಸಮ್ಪ್ರಾರ್ಥಿತಕೃತಿರ್ವಿರಾಧವಧಪಣ್ಡಿತಃ ।

ಛಿನ್ನಶೂರ್ಪಣಖಾನಾಸಃ ಖರದೂಷಣಘಾತಕಃ

॥ 140॥

ಶ್ಲೋಕ 142

ಏಕಬಾಣಹತಾನೇಕಸಹಸ್ರಬಲರಾಕ್ಷಸಃ ।

ಮಾರೀಚಘಾತೀ ನಿಯತಸೀತಾಸಮ್ಬನ್ಧಶೋಭಿತಃ

॥ 141॥

ಶ್ಲೋಕ 143

ಸೀತಾವಿಯೋಗನಾಟ್ಯಶ್ಚ ಜಟಾಯುರ್ವಧಮೋಕ್ಷದಃ ।

ಶಬರೀಪೂಜಿತೋ ಭಕ್ತಹನುಮತ್ಪ್ರಮುಖಾವೃತಃ

॥ 142॥

ಶ್ಲೋಕ 144

ದುನ್ದುಭ್ಯಸ್ಥಿಪ್ರಹರಣಃ ಸಪ್ತತಾಲವಿಭೇದನಃ ।

ಸುಗ್ರೀವರಾಜ್ಯದೋ ವಾಲಿಘಾತೀ ಸಾಗರಶೋಷಣಃ

॥ 143॥

ಶ್ಲೋಕ 145

ಸೇತುಬನ್ಧನಕರ್ತಾ ಚ ವಿಭೀಷಣಹಿತಪ್ರದಃ ।

ರಾವಣಾದಿಶಿರಶ್ಛೇದೀ ರಾಕ್ಷಸಾಘೌಘನಾಶಕಃ

॥ 144॥

ಶ್ಲೋಕ 146

ಸೀತಾಽಭಯಪ್ರದಾತಾ ಚ ಪುಷ್ಪಕಾಗಮನೋತ್ಸುಕಃ ।

ಅಯೋಧ್ಯಾಪತಿರತ್ಯನ್ತಸರ್ವಲೋಕಸುಖಪ್ರದಃ

॥ 145॥

ಶ್ಲೋಕ 147

ಮಥುರಾಪುರನಿರ್ಮಾತಾ ಸುಕೃತಜ್ಞಸ್ವರೂಪದಃ ।

ಜನಕಜ್ಞಾನಗಮ್ಯಶ್ಚ ಐಲಾನ್ತಪ್ರಕಟಶ್ರುತಿಃ

॥ 146॥

ಶ್ಲೋಕ 148

ಹೈಹಯಾನ್ತಕರೋ ರಾಮೋ ದುಷ್ಟಕ್ಷತ್ರವಿನಾಶಕಃ ।

ಸೋಮವಂಶಹಿತೈಕಾತ್ಮಾ ಯದುವಂಶವಿವರ್ಧನಃ

॥ 147॥

ಶ್ಲೋಕ 149

ನಿರೋಧಲೀಲಾ

ಪರಬ್ರಹ್ಮಾವತರಣಃ ಕೇಶವಃ ಕ್ಲೇಶನಾಶನಃ ।

ಭೂಮಿಭಾರಾವತರಣೋ ಭಕ್ತಾರ್ಥಾಖಿಲಮಾನಸಃ

॥ 148॥

ಶ್ಲೋಕ 150

ಸರ್ವಭಕ್ತನಿರೋಧಾತ್ಮಾ ಲೀಲಾನನ್ತನಿರೋಧಕೃತ್ ।

ಭೂಮಿಷ್ಠಪರಮಾನನ್ದೋ ದೇವಕೀಶುದ್ಧಿಕಾರಣಮ್

॥ 149॥

ಶ್ಲೋಕ 151

ವಸುದೇವಜ್ಞಾನನಿಷ್ಠಸಮಜೀವನಿವಾರಕಃ ।

ಸರ್ವವೈರಾಗ್ಯಕರಣಸ್ವಲೀಲಾಧಾರಶೋಧಕಃ

॥ 150॥

ಶ್ಲೋಕ 152

ಮಾಯಾಜ್ಞಾಪನಕರ್ತಾ ಚ ಶೇಷಸಮ್ಭಾರಸಮ್ಭೃತಿಃ ।

ಭಕ್ತಕ್ಲೇಶಪರಿಜ್ಞಾತಾ ತನ್ನಿವಾರಣತತ್ಪರಃ

॥ 151॥

ಶ್ಲೋಕ 153

ಆವಿಷ್ಟವಸುದೇವಾಂಶೋ ದೇವಕೀಗರ್ಭಭೂಷಣಮ್ ।

ಪೂರ್ಣತೇಜೋಮಯಃ ಪೂರ್ಣಃ ಕಂಸಾಧೃಷ್ಯಪ್ರತಾಪವಾನ್

॥ 152॥

ಶ್ಲೋಕ 154

ವಿವೇಕಜ್ಞಾನದಾತಾ ಚ ಬ್ರಹ್ಮಾದ್ಯಖಿಲಸಂಸ್ತುತಃ ।

ಸತ್ಯೋ ಜಗತ್ಕಲ್ಪತರುರ್ನಾನಾರೂಪವಿಮೋಹನಃ

॥ 153॥

ಶ್ಲೋಕ 155

ಭಕ್ತಿಮಾರ್ಗಪ್ರತಿಷ್ಠಾತಾ ವಿದ್ವನ್ಮೋಹಪ್ರವರ್ತಕಃ ।

ಮೂಲಕಾಲಗುಣದ್ರಷ್ಟಾ ನಯನಾನನ್ದಭಾಜನಮ್

॥ 154॥

ಶ್ಲೋಕ 156

ವಸುದೇವಸುಖಾಬ್ಧಿಶ್ಚ ದೇವಕೀನಯನಾಮೃತಮ್ ।

ಪಿತೃಮಾತೃಸ್ತುತಃ ಪೂರ್ವಸರ್ವವೃತ್ತಾನ್ತಬೋಧಕಃ

॥ 155॥

ಶ್ಲೋಕ 157

ಗೋಕುಲಾಗತಿಲೀಲಾಪ್ತವಸುದೇವಕರಸ್ಥಿತಿಃ ।

ಸರ್ವೇಶತ್ವಪ್ರಕಟನೋ ಮಾಯಾವ್ಯತ್ಯಯಕಾರಕಃ

॥ 156॥

ಶ್ಲೋಕ 158

ಜ್ಞಾನಮೋಹಿತದುಷ್ಟೇಶಃ ಪ್ರಪಞ್ಚಾಸ್ಮೃತಿಕಾರಣಮ್ ।

ಯಶೋದಾನನ್ದನೋ ನನ್ದಭಾಗ್ಯಭೂಗೋಕುಲೋತ್ಸವಃ

॥ 157॥

ಶ್ಲೋಕ 159

ನನ್ದಪ್ರಿಯೋ ನನ್ದಸೂನುರ್ಯಶೋದಾಯಾಃ ಸ್ತನನ್ಧಯಃ ।

ಪೂತನಾಸುಪಯಃಪಾತಾ ಮುಗ್ಧಭಾವಾತಿಸುನ್ದರಃ

॥ 158॥

ಶ್ಲೋಕ 160

ಸುನ್ದರೀಹೃದಯಾನನ್ದೋ ಗೋಪೀಮನ್ತ್ರಾಭಿಮನ್ತ್ರಿತಃ ।

ಗೋಪಾಲಾಶ್ಚರ್ಯರಸಕೃತ್ ಶಕಟಾಸುರಖಣ್ಡನಃ

॥ 159॥

ಶ್ಲೋಕ 161

ನನ್ದವ್ರಜಜನಾನನ್ದೀ ನನ್ದಭಾಗ್ಯಮಹೋದಯಃ ।

ತೃಣಾವರ್ತವಧೋತ್ಸಾಹೋ ಯಶೋದಾಜ್ಞಾನವಿಗ್ರಹಃ

॥ 160॥

ಶ್ಲೋಕ 162

ಬಲಭದ್ರಪ್ರಿಯಃ ಕೃಷ್ಣಃ ಸಙ್ಕರ್ಷಣಸಹಾಯವಾನ್ ।

ರಾಮಾನುಜೋ ವಾಸುದೇವೋ ಗೋಷ್ಠಾಙ್ಗಣಗತಿಪ್ರಿಯಃ

॥ 161॥

ಶ್ಲೋಕ 163

ಕಿಙ್ಕಿಣೀರವಭಾವಜ್ಞೋ ವತ್ಸಪುಚ್ಛಾವಲಮ್ಬನಃ ।

ನವನೀತಪ್ರಿಯೋ ಗೋಪೀಮೋಹಸಂಸಾರನಾಶಕಃ

॥ 162॥

ಶ್ಲೋಕ 164

ಗೋಪಬಾಲಕಭಾವಜ್ಞಶ್ಚೌರ್ಯವಿದ್ಯಾವಿಶಾರದಃ ।

ಮೃತ್ಸ್ನಾಭಕ್ಷಣಲೀಲಾಸ್ಯಮಾಹಾತ್ಮ್ಯಜ್ಞಾನದಾಯಕಃ

॥ 163॥

ಶ್ಲೋಕ 165

ಧರಾದ್ರೋಣಪ್ರೀತಿಕರ್ತಾ ದಧಿಭಾಣ್ಡವಿಭೇದನಃ ।

ದಾಮೋದರೋ ಭಕ್ತವಶ್ಯೋ ಯಮಲಾರ್ಜುನಭಞ್ಜನಃ

॥ 164॥

ಶ್ಲೋಕ 166

ಬೃಹದ್ವನಮಹಾಶ್ಚರ್ಯೋ ವೃನ್ದಾವನಗತಿಪ್ರಿಯಃ ।

ವತ್ಸಘಾತೀ ಬಾಲಕೇಲಿರ್ಬಕಾಸುರನಿಷೂದನಃ

॥ 165॥

ಶ್ಲೋಕ 167

ಅರಣ್ಯಭೋಕ್ತಾಽಪ್ಯಥವಾ ಬಾಲಲೀಲಾಪರಾಯಣಃ ।

ಪ್ರೋತ್ಸಾಹಜನಕಶ್ಚೈವಮಘಾಸುರನಿಷೂದನಃ

॥ 166॥

ಶ್ಲೋಕ 168

ವ್ಯಾಲಮೋಕ್ಷಪ್ರದಃ ಪುಷ್ಟೋ ಬ್ರಹ್ಮಮೋಹಪ್ರವರ್ಧನಃ ।

ಅನನ್ತಮೂರ್ತಿಃ ಸರ್ವಾತ್ಮಾ ಜಙ್ಗಮಸ್ಥಾವರಾಕೃತಿಃ

॥ 167॥

ಶ್ಲೋಕ 169

ಬ್ರಹ್ಮಮೋಹನಕರ್ತಾ ಚ ಸ್ತುತ್ಯ ಆತ್ಮಾ ಸದಾಪ್ರಿಯಃ ।

ಪೌಗಣ್ಡಲೀಲಾಭಿರತಿರ್ಗೋಚಾರಣಪರಾಯಣಃ

॥ 168॥

ಶ್ಲೋಕ 170

ವೃನ್ದಾವನಲತಾಗುಲ್ಮವೃಕ್ಷರೂಪನಿರೂಪಕಃ ।

ನಾದಬ್ರಹ್ಮಪ್ರಕಟನೋ ವಯಃಪ್ರತಿಕೃತಿಸ್ವನಃ

॥ 169॥

ಶ್ಲೋಕ 171

ಬರ್ಹಿನೃತ್ಯಾನುಕರಣೋ ಗೋಪಾಲಾನುಕೃತಿಸ್ವನಃ ।

ಸದಾಚಾರಪ್ರತಿಷ್ಠಾತಾ ಬಲಶ್ರಮನಿರಾಕೃತಿಃ

॥ 170॥

ಶ್ಲೋಕ 172

ತರುಮೂಲಕೃತಾಶೇಷತಲ್ಪಶಾಯೀ ಸಖಿಸ್ತುತಃ ।

ಗೋಪಾಲಸೇವಿತಪದಃ ಶ್ರೀಲಾಲಿತಪದಾಮ್ಬುಜಃ

॥ 171॥

ಶ್ಲೋಕ 173

ಗೋಪಸಮ್ಪ್ರಾರ್ಥಿತಫಲದಾನನಾಶಿತಧೇನುಕಃ ।

ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಮ್ಬುಜಃ

॥ 172॥

ಶ್ಲೋಕ 174

ದೃಷ್ಟಿಸಙ್ಜೀವಿತಾಶೇಷಗೋಪಗೋಗೋಪಿಕಾಪ್ರಿಯಃ ।

ಲೀಲಾಸಮ್ಪೀತದಾವಾಗ್ನಿಃ ಪ್ರಲಮ್ಬವಧಪಣ್ಡಿತಃ

॥ 173॥

ಶ್ಲೋಕ 175

ದಾವಾಗ್ನ್ಯಾವೃತಗೋಪಾಲದೃಷ್ಟ್ಯಾಚ್ಛಾದನವಹ್ನಿಪಃ ।

ವರ್ಷಾಶರದ್ವಿಭೂತಿಶ್ರೀರ್ಗೋಪೀಕಾಮಪ್ರಬೋಧಕಃ

॥ 174॥

ಶ್ಲೋಕ 176

ಗೋಪೀರತ್ನಸ್ತುತಾಶೇಷವೇಣುವಾದ್ಯವಿಶಾರದಃ ।

ಕಾತ್ಯಾಯನೀವ್ರತವ್ಯಾಜಸರ್ವಭಾವಾಶ್ರಿತಾಙ್ಗನಃ

॥ 175॥

ಶ್ಲೋಕ 177

ಸತ್ಸಙ್ಗತಿಸ್ತುತಿವ್ಯಾಜಸ್ತುತವೃನ್ದಾವನಾಙ್ಘ್ರಿಪಃ ।

ಗೋಪಕ್ಷುಚ್ಛಾನ್ತಿಸಂವ್ಯಾಜವಿಪ್ರಭಾರ್ಯಾಪ್ರಸಾದಕೃತ್

॥ 176॥

ಶ್ಲೋಕ 178

ಹೇತುಪ್ರಾಪ್ತೇನ್ದ್ರಯಾಗಸ್ವಕಾರ್ಯಗೋಸವಬೋಧಕಃ ।

ಶೈಲರೂಪಕೃತಾಶೇಷರಸಭೋಗಸುಖಾವಹಃ

॥ 177॥

ಶ್ಲೋಕ 179

ಲೀಲಾಗೋವರ್ಧನೋದ್ಧಾರಪಾಲಿತಸ್ವವ್ರಜಪ್ರಿಯಃ ।

ಗೋಪಸ್ವಚ್ಛನ್ದಲೀಲಾರ್ಥಗರ್ಗವಾಕ್ಯಾರ್ಥಬೋಧಕಃ

॥ 178॥

ಶ್ಲೋಕ 180

ಇನ್ದ್ರಧೇನುಸ್ತುತಿಪ್ರಾಪ್ತಗೋವಿನ್ದೇನ್ದ್ರಾಭಿಧಾನವಾನ್ ।

ವ್ರತಾದಿಧರ್ಮಸಂಸಕ್ತನನ್ದಕ್ಲೇಶವಿನಾಶಕಃ

॥ 179॥

ಶ್ಲೋಕ 181

ನನ್ದಾದಿಗೋಪಮಾತ್ರೇಷ್ಟವೈಕುಣ್ಠಗತಿದಾಯಕಃ ।

ವೇಣುವಾದಸ್ಮರಕ್ಷೋಭಮತ್ತಗೋಪೀವಿಮುಕ್ತಿದಃ

॥ 180॥

ಶ್ಲೋಕ 182

ಸರ್ವಭಾವಪ್ರಾಪ್ತಗೋಪೀಸುಖಸಂವರ್ಧನಕ್ಷಮಃ ।

ಗೋಪೀಗರ್ವಪ್ರಣಾಶಾರ್ಥತಿರೋಧಾನಸುಖಪ್ರದಃ

॥ 181॥

ಶ್ಲೋಕ 183

ಕೃಷ್ಣಭಾವವ್ಯಾಪ್ತವಿಶ್ವಗೋಪೀಭಾವಿತವೇಷಧೃಕ್ ।

ರಾಧಾವಿಶೇಷಸಮ್ಭೋಗಪ್ರಾಪ್ತದೋಷನಿವಾರಕಃ

॥ 182॥

ಶ್ಲೋಕ 184

ಪರಮಪ್ರೀತಿಸಙ್ಗೀತಸರ್ವಾದ್ಭುತಮಹಾಗುಣಃ ।

ಮಾನಾಪನೋದನಾಕ್ರನ್ದಗೋಪೀದೃಷ್ಟಿಮಹೋತ್ಸವಃ

॥ 183॥

ಶ್ಲೋಕ 185

ಗೋಪಿಕಾವ್ಯಾಪ್ತಸರ್ವಾಙ್ಗಃ ಸ್ತ್ರೀಸಮ್ಭಾಷಾವಿಶಾರದಃ ।

ರಾಸೋತ್ಸವಮಹಾಸೌಖ್ಯಗೋಪೀಸಮ್ಭೋಗಸಾಗರಃ

॥ 184॥

ಶ್ಲೋಕ 186

ಜಲಸ್ಥಲರತಿವ್ಯಾಪ್ತಗೋಪೀದೃಷ್ಟ್ಯಭಿಪೂಜಿತಃ ।

ಶಾಸ್ತ್ರಾನಪೇಕ್ಷಕಾಮೈಕಮುಕ್ತಿದ್ವಾರವಿವರ್ಧನಃ

॥ 185॥

ಶ್ಲೋಕ 187

ಸುದರ್ಶನಮಹಾಸರ್ಪಗ್ರಸ್ತನನ್ದವಿಮೋಚಕಃ ।

ಗೀತಮೋಹಿತಗೋಪೀಧೃಕ್ಷಙ್ಖಚೂಡವಿನಾಶಕಃ

॥ 186॥

ಶ್ಲೋಕ 188

ಗುಣಸಙ್ಗೀತಸನ್ತುಷ್ಟಿರ್ಗೋಪೀಸಂಸಾರವಿಸ್ಮೃತಿಃ ।

ಅರಿಷ್ಟಮಥನೋ ದೈತ್ಯಬುದ್ಧಿವ್ಯಾಮೋಹಕಾರಕಃ

॥ 187॥

ಶ್ಲೋಕ 189

ಕೇಶಿಘಾತೀ ನಾರದೇಷ್ಟೋ ವ್ಯೋಮಾಸುರವಿನಾಶಕಃ ।

ಅಕ್ರೂರಭಕ್ತಿಸಂರಾದ್ಧಪಾದರೇಣುಮಹಾನಿಧಿಃ

॥ 188॥

ಶ್ಲೋಕ 190

ರಥಾವರೋಹಶುದ್ಧಾತ್ಮಾ ಗೋಪೀಮಾನಸಹಾರಕಃ ।

ಹ್ರದಸನ್ದರ್ಶಿತಾಶೇಷವೈಕುಣ್ಠಾಕ್ರೂರಸಂಸ್ತುತಃ

॥ 189॥

ಶ್ಲೋಕ 191

ಮಥುರಾಗಮನೋತ್ಸಾಹೋ ಮಥುರಾಭಾಗ್ಯಭಾಜನಮ್ ।

ಮಥುರಾನಗರೀಶೋಭಾದರ್ಶನೋತ್ಸುಕಮಾನಸಃ

॥ 190॥

ಶ್ಲೋಕ 192

ದುಷ್ಟರಞ್ಜಕಘಾತೀ ಚ ವಾಯಕಾರ್ಚಿತವಿಗ್ರಹಃ ।

ವಸ್ತ್ರಮಾಲಾಸುಶೋಭಾಙ್ಗಃ ಕುಬ್ಜಾಲೇಪನಭೂಷಿತಃ

॥ 191॥

ಶ್ಲೋಕ 193

ಕುಬ್ಜಾಸುರೂಪಕರ್ತಾ ಚ ಕುಬ್ಜಾರತಿವರಪ್ರದಃ ।

ಪ್ರಸಾದರೂಪಸನ್ತುಷ್ಟಹರಕೋದಣ್ಡಖಣ್ಡನಃ

॥ 192॥

ಶ್ಲೋಕ 194

ಶಕಲಾಹತಕಂಸಾಪ್ತಧನೂರಕ್ಷಕಸೈನಿಕಃ ।

ಜಾಗ್ರತ್ಸ್ವಪ್ನಭಯವ್ಯಾಪ್ತಮೃತ್ಯುಲಕ್ಷಣಬೋಧಕಃ

॥ 193॥

ಶ್ಲೋಕ 195

ಮಥುರಾಮಲ್ಲ ಓಜಸ್ವೀ ಮಲ್ಲಯುದ್ಧವಿಶಾರದಃ ।

ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ

॥ 194॥

ಶ್ಲೋಕ 196

ಲೀಲಾಹತಮಹಾಮಲ್ಲಃ ಶಲತೋಶಲಘಾತಕಃ ।

ಕಂಸಾನ್ತಕೋ ಜಿತಾಮಿತ್ರೋ ವಸುದೇವವಿಮೋಚಕಃ

॥ 195॥

ಶ್ಲೋಕ 197

ಜ್ಞಾತತತ್ತ್ವಪಿತೃಜ್ಞಾನಮೋಹನಾಮೃತವಾಙ್ಮಯಃ ।

ಉಗ್ರಸೇನಪ್ರತಿಷ್ಠಾತಾ ಯಾದವಾಧಿವಿನಾಶಕಃ

॥ 196॥

ಶ್ಲೋಕ 198

ನನ್ದಾದಿಸಾನ್ತ್ವನಕರೋ ಬ್ರಹ್ಮಚರ್ಯವ್ರತೇ ಸ್ಥಿತಃ ।

ಗುರುಶುಶ್ರೂಷಣಪರೋ ವಿದ್ಯಾಪಾರಮಿತೇಶ್ವರಃ

॥ 197॥

ಶ್ಲೋಕ 199

ಸಾನ್ದೀಪನಿಮೃತಾಪತ್ಯದಾತಾ ಕಾಲಾನ್ತಕಾದಿಜಿತ್ ।

ಗೋಕುಲಾಶ್ವಾಸನಪರೋ ಯಶೋದಾನನ್ದಪೋಷಕಃ

॥ 198॥

ಶ್ಲೋಕ 200

ಗೋಪಿಕಾವಿರಹವ್ಯಾಜಮನೋಗತಿರತಿಪ್ರದಃ ।

ಸಮೋದ್ಧವಭ್ರಮರವಾಕ್ ಗೋಪಿಕಾಮೋಹನಾಶಕಃ

॥ 199॥

ಶ್ಲೋಕ 201

ಕುಬ್ಜಾರತಿಪ್ರದೋಽಕ್ರೂರಪವಿತ್ರೀಕೃತಭೂಗೃಹಃ ।

ಪೃಥಾದುಃಖಪ್ರಣೇತಾ ಚ ಪಾಣ್ಡವಾನಾಂ ಸುಖಪ್ರದಃ

॥ 200॥

ಶ್ಲೋಕ 202

ದಶಮಸ್ಕನ್ಧೋತ್ತರಾರ್ಧನಾಮಾನಿ ನಿರೋಧಲೀಲಾ

ಜರಾಸನ್ಧಸಮಾನೀತಸೈನ್ಯಘಾತೀ ವಿಚಾರಕಃ ।

ಯವನವ್ಯಾಪ್ತಮಥುರಾಜನದತ್ತಕುಶಸ್ಥಲಿಃ

॥ 201॥

ಶ್ಲೋಕ 203

ದ್ವಾರಕಾದ್ಭುತನಿರ್ಮಾಣವಿಸ್ಮಾಪಿತಸುರಾಸುರಃ ।

ಮನುಷ್ಯಮಾತ್ರಭೋಗಾರ್ಥಭೂಮ್ಯಾನೀತೇನ್ದ್ರವೈಭವಃ

॥ 202॥

ಶ್ಲೋಕ 204

ಯವನವ್ಯಾಪ್ತಮಥುರಾನಿರ್ಗಮಾನನ್ದವಿಗ್ರಹಃ ।

ಮುಚುಕುನ್ದಮಹಾಬೋಧಯವನಪ್ರಾಣದರ್ಪಹಾ

॥ 203॥

ಶ್ಲೋಕ 205

ಮುಚುಕುನ್ದಸ್ತುತಾಶೇಷಗುಣಕರ್ಮಮಹೋದಯಃ ।

ಫಲಪ್ರದಾನಸನ್ತುಷ್ಟಿರ್ಜನ್ಮಾನ್ತರಿತಮೋಕ್ಷದಃ

॥ 204॥

ಶ್ಲೋಕ 206

ಶಿವಬ್ರಾಹ್ಮಣವಾಕ್ಯಾಪ್ತಜಯಭೀತಿವಿಭಾವನಃ ।

ಪ್ರವರ್ಷಣಪ್ರಾರ್ಥಿತಾಗ್ನಿದಾನಪುಣ್ಯಮಹೋತ್ಸವಃ

॥ 205॥

ಶ್ಲೋಕ 207

ರುಕ್ಮಿಣೀರಮಣಃ ಕಾಮಪಿತಾ ಪ್ರದ್ಯುಮ್ನಭಾವನಃ ।

ಸ್ಯಮನ್ತಕಮಣಿವ್ಯಾಜಪ್ರಾಪ್ತಜಾಮ್ಬವತೀಪತಿಃ

॥ 206॥

ಶ್ಲೋಕ 208

ಸತ್ಯಭಾಮಾಪ್ರಾಣಪತಿಃ ಕಾಲಿನ್ದೀರತಿವರ್ಧನಃ ।

ಮಿತ್ರವಿನ್ದಾಪತಿಃ ಸತ್ಯಾಪತಿರ್ವೃಷನಿಷೂದನಃ

॥ 207॥

ಶ್ಲೋಕ 209

ಭದ್ರಾವಾಞ್ಛಿತಭರ್ತಾ ಚ ಲಕ್ಷ್ಮಣಾವರಣಕ್ಷಮಃ ।

ಇನ್ದ್ರಾದಿಪ್ರಾರ್ಥಿತವಧನರಕಾಸುರಸೂದನಃ

॥ 208॥

ಶ್ಲೋಕ 210

ಮುರಾರಿಃ ಪೀಠಹನ್ತಾ ಚ ತಾಮ್ರಾದಿಪ್ರಾಣಹಾರಕಃ ।

ಷೋಡಶಸ್ತ್ರೀಸಹಸ್ರೇಶಃ ಛತ್ರಕುಣ್ಡಲದಾನಕೃತ್

॥ 209॥

ಶ್ಲೋಕ 211

ಪಾರಿಜಾತಾಪಹರಣೋ ದೇವೇನ್ದ್ರಮದನಾಶಕಃ ।

ರುಕ್ಮಿಣೀಸಮಸರ್ವಸ್ತ್ರೀಸಾಧ್ಯಭೋಗರತಿಪ್ರದಃ

॥ 210॥

ಶ್ಲೋಕ 212

ರುಕ್ಮಿಣೀಪರಿಹಾಸೋಕ್ತಿವಾಕ್ತಿರೋಧಾನಕಾರಕಃ ।

ಪುತ್ರಪೌತ್ರಮಹಾಭಾಗ್ಯಗೃಹಧರ್ಮಪ್ರವರ್ತಕಃ

॥ 211॥

ಶ್ಲೋಕ 213

ಶಮ್ಬರಾನ್ತಕಸತ್ಪುತ್ರವಿವಾಹಹತರುಕ್ಮಿಕಃ ।

ಉಷಾಪಹೃತಪೌತ್ರಶ್ರೀರ್ಬಾಣಬಾಹುನಿವಾರಕಃ

॥ 212॥

ಶ್ಲೋಕ 214

ಶೀತಜ್ವರಭಯವ್ಯಾಪ್ತಜ್ವರಸಂಸ್ತುತಷಡ್ಗುಣಃ ।

ಶಙ್ಕರಪ್ರತಿಯೋದ್ಧಾ ಚ ದ್ವನ್ದ್ವಯುದ್ಧವಿಶಾರದಃ

॥ 213॥

ಶ್ಲೋಕ 215

ನೃಗಪಾಪಪ್ರಭೇತ್ತಾ ಚ ಬ್ರಹ್ಮಸ್ವಗುಣದೋಷದೃಕ್ ।

ವಿಷ್ಣುಭಕ್ತಿವಿರೋಧೈಕಬ್ರಹ್ಮಸ್ವವಿನಿವಾರಕಃ

॥ 214॥

ಶ್ಲೋಕ 216

ಬಲಭದ್ರಾಹಿತಗುಣೋ ಗೋಕುಲಪ್ರೀತಿದಾಯಕಃ ।

ಗೋಪೀಸ್ನೇಹೈಕನಿಲಯೋ ಗೋಪೀಪ್ರಾಣಸ್ಥಿತಿಪ್ರದಃ

॥ 215॥

ಶ್ಲೋಕ 217

ವಾಕ್ಯಾತಿಗಾಮಿಯಮುನಾಹಲಾಕರ್ಷಣವೈಭವಃ ।

ಪೌಣ್ಡ್ರಕತ್ಯಾಜಿತಸ್ಪರ್ಧಃ ಕಾಶೀರಾಜವಿಭೇದನಃ

॥ 216॥

ಶ್ಲೋಕ 218

ಕಾಶೀನಿದಾಹಕರಣಃ ಶಿವಭಸ್ಮಪ್ರದಾಯಕಃ ।

ದ್ವಿವಿದಪ್ರಾಣಘಾತೀ ಚ ಕೌರವಾಖರ್ವಗರ್ವನುತ್

॥ 217॥

ಶ್ಲೋಕ 219

ಲಾಙ್ಗಲಾಕೃಷ್ಟನಗರೀಸಂವಿಗ್ನಾಖಿಲನಾಗರಃ ।

ಪ್ರಪನ್ನಾಭಯದಃ ಸಾಮ್ಬಪ್ರಾಪ್ತಸನ್ಮಾನಭಾಜನಮ್

॥ 218॥

ಶ್ಲೋಕ 220

ನಾರದಾನ್ವಿಷ್ಟಚರಣೋ ಭಕ್ತವಿಕ್ಷೇಪನಾಶಕಃ ।

ಸದಾಚಾರೈಕನಿಲಯಃ ಸುಧರ್ಮಾಧ್ಯಾಸಿತಾಸನಃ

॥ 219॥

ಶ್ಲೋಕ 221

ಜರಾಸನ್ಧಾವರುದ್ಧೇನ ವಿಜ್ಞಾಪಿತನಿಜಕ್ಲಮಃ ।

ಮನ್ತ್ರ್ಯುದ್ಧವಾದಿವಾಕ್ಯೋಕ್ತಪ್ರಕಾರೈಕಪರಾಯಣಃ

॥ 220॥

ಶ್ಲೋಕ 222

ರಾಜಸೂಯಾದಿಮಖಕೃತ್ ಸಮ್ಪ್ರಾರ್ಥಿತಸಹಾಯಕೃತ್ ।

ಇನ್ದ್ರಪ್ರಸ್ಥಪ್ರಯಾಣಾರ್ಥಮಹತ್ಸಮ್ಭಾರಸಮ್ಭೃತಿಃ

॥ 221॥

ಶ್ಲೋಕ 223

ಜರಾಸನ್ಧವಧವ್ಯಾಜಮೋಚಿತಾಶೇಷಭೂಮಿಪಃ ।

ಸನ್ಮಾರ್ಗಬೋಧಕೋ ಯಜ್ಞಕ್ಷಿತಿವಾರಣತತ್ಪರಃ

॥ 222॥

ಶ್ಲೋಕ 224

ಶಿಶುಪಾಲಹತಿವ್ಯಾಜಜಯಶಾಪವಿಮೋಚಕಃ ।

ದುರ್ಯೋಧನಾಭಿಮಾನಾಬ್ಧಿಶೋಷಬಾಣವೃಕೋದರಃ

॥ 223॥

ಶ್ಲೋಕ 225

ಮಹಾದೇವವರಪ್ರಾಪ್ತಪುರಶಾಲ್ವವಿನಾಶಕಃ ।

ದನ್ತವಕ್ತ್ರವಧವ್ಯಾಜವಿಜಯಾಘೌಘನಾಶಕಃ

॥ 224॥

ಶ್ಲೋಕ 226

ವಿದೂರಥಪ್ರಾಣಹರ್ತಾ ನ್ಯಸ್ತಶಸ್ತ್ರಾಸ್ತ್ರವಿಗ್ರಹಃ ।

ಉಪಧರ್ಮವಿಲಿಪ್ತಾಙ್ಗಸೂತಘಾತೀ ವರಪ್ರದಃ

॥ 225॥

ಶ್ಲೋಕ 227

ಬಲ್ವಲಪ್ರಾಣಹರಣಪಾಲಿತರ್ಷಿಶ್ರುತಿಕ್ರಿಯಃ ।

ಸರ್ವತೀರ್ಥಾಘನಾಶಾರ್ಥತೀರ್ಥಯಾತ್ರಾವಿಶಾರದಃ

॥ 226॥

ಶ್ಲೋಕ 228

ಜ್ಞಾನಕ್ರಿಯಾವಿಭೇದೇಷ್ಟಫಲಸಾಧನತತ್ಪರಃ ।

ಸಾರಥ್ಯಾದಿಕ್ರಿಯಾಕರ್ತಾ ಭಕ್ತವಶ್ಯತ್ವಬೋಧಕಃ

॥ 227॥

ಶ್ಲೋಕ 229

ಸುದಾಮಾರಙ್ಕಭಾರ್ಯಾರ್ಥಭೂಮ್ಯಾನೀತೇನ್ದ್ರವೈಭವಃ ।

ರವಿಗ್ರಹನಿಮಿತ್ತಾಪ್ತಕುರುಕ್ಷೇತ್ರೈಕಪಾವನಃ

॥ 228॥

ಶ್ಲೋಕ 230

ನೃಪಗೋಪೀಸಮಸ್ತಸ್ತ್ರೀಪಾವನಾರ್ಥಾಖಿಲಕ್ರಿಯಃ ।

ಋಷಿಮಾರ್ಗಪ್ರತಿಷ್ಠಾತಾ ವಸುದೇವಮಖಕ್ರಿಯಃ

॥ 229॥

ಶ್ಲೋಕ 231

ವಸುದೇವಜ್ಞಾನದಾತಾ ದೇವಕೀಪುತ್ರದಾಯಕಃ ।

ಅರ್ಜುನಸ್ತ್ರೀಪ್ರದಾತಾ ಚ ಬಹುಲಾಶ್ವಸ್ವರೂಪದಃ

॥ 230॥

ಶ್ಲೋಕ 232

ಶ್ರುತದೇವೇಷ್ಟದಾತಾ ಚ ಸರ್ವಶ್ರುತಿನಿರೂಪಿತಃ ।

ಮಹಾದೇವಾದ್ಯತಿಶ್ರೇಷ್ಠೋ ಭಕ್ತಿಲಕ್ಷಣನಿರ್ಣಯಃ

॥ 231॥

ಶ್ಲೋಕ 233

ವೃಕಗ್ರಸ್ತಶಿವತ್ರಾತಾ ನಾನಾವಾಕ್ಯವಿಶಾರದಃ ।

ನರಗರ್ವವಿನಾಶಾರ್ಥಹೃತಬ್ರಾಹ್ಮಣಬಾಲಕಃ

॥ 232॥

ಶ್ಲೋಕ 234

ಲೋಕಾಲೋಕಪರಸ್ಥಾನಸ್ಥಿತಬಾಲಕದಾಯಕಃ ।

ದ್ವಾರಕಾಸ್ಥಮಹಾಭೋಗನಾನಾಸ್ತ್ರೀರತಿವರ್ಧನಃ

॥ 233॥

ಶ್ಲೋಕ 235

ಮನಸ್ತಿರೋಧಾನಕೃತವ್ಯಗ್ರಸ್ತ್ರೀಚಿತ್ತಭಾವಿತಃ ।

ಮುಕ್ತಿಲೀಲಾ

ಮುಕ್ತಿಲೀಲಾವಿಹರಣೋ ಮೌಶಲವ್ಯಾಜಸಂಹೃತಿಃ

॥ 234॥

ಶ್ಲೋಕ 236

ಶ್ರೀಭಾಗವತಧರ್ಮಾದಿಬೋಧಕೋ ಭಕ್ತಿನೀತಿಕೃತ್ ।

ಉದ್ಧವಜ್ಞಾನದಾತಾ ಚ ಪಞ್ಚವಿಂಶತಿಧಾ ಗುರುಃ

॥ 235॥

ಶ್ಲೋಕ 237

ಆಚಾರಭಕ್ತಿಮುಕ್ತ್ಯಾದಿವಕ್ತಾ ಶಬ್ದೋದ್ಭವಸ್ಥಿತಿಃ ।

ಹಂಸೋ ಧರ್ಮಪ್ರವಕ್ತಾ ಚ ಸನಕಾದ್ಯುಪದೇಶಕೃತ್

॥ 236॥

ಶ್ಲೋಕ 238

ಭಕ್ತಿಸಾಧನವಕ್ತಾ ಚ ಯೋಗಸಿದ್ಧಿಪ್ರದಾಯಕಃ ।

ನಾನಾವಿಭೂತಿವಕ್ತಾ ಚ ಶುದ್ಧಧರ್ಮಾವಬೋಧಕಃ

॥ 237॥

ಶ್ಲೋಕ 239

ಮಾರ್ಗತ್ರಯವಿಭೇದಾತ್ಮಾ ನಾನಾಶಙ್ಕಾನಿವಾರಕಃ ।

ಭಿಕ್ಷುಗೀತಾಪ್ರವಕ್ತಾ ಚ ಶುದ್ಧಸಾಙ್ಖ್ಯಪ್ರವರ್ತಕಃ

॥ 238॥

ಶ್ಲೋಕ 240

ಮನೋಗುಣವಿಶೇಷಾತ್ಮಾ ಜ್ಞಾಪಕೋಕ್ತಪುರೂರವಾಃ ।

ಪೂಜಾವಿಧಿಪ್ರವಕ್ತಾ ಚ ಸರ್ವಸಿದ್ಧಾನ್ತಬೋಧಕಃ

॥ 239॥

ಶ್ಲೋಕ 241

ಲಘುಸ್ವಮಾರ್ಗವಕ್ತಾ ಚ ಸ್ವಸ್ಥಾನಗತಿಬೋಧಕಃ ।

ಯಾದವಾಙ್ಗೋಪಸಂಹರ್ತಾ ಸರ್ವಾಶ್ಚರ್ಯಗತಿಕ್ರಿಯಃ

॥ 240॥

ಶ್ಲೋಕ 242

ಆಶ್ರಯಲೀಲಾ

ಕಾಲಧರ್ಮವಿಭೇದಾರ್ಥವರ್ಣನಾಶನತತ್ಪರಃ ।

ಬುದ್ಧೋ ಗುಪ್ತಾರ್ಥವಕ್ತಾ ಚ ನಾನಾಶಾಸ್ತ್ರವಿಧಾಯಕಃ

॥ 241॥

ಶ್ಲೋಕ 243

ನಷ್ಟಧರ್ಮಮನುಷ್ಯಾದಿಲಕ್ಷಣಜ್ಞಾಪನೋತ್ಸುಕಃ ।

ಆಶ್ರಯೈಕಗತಿಜ್ಞಾತಾ ಕಲ್ಕಿಃ ಕಲಿಮಲಾಪಹಃ

॥ 242॥

ಶ್ಲೋಕ 244

ಶಾಸ್ತ್ರವೈರಾಗ್ಯಸಮ್ಬೋಧೋ ನಾನಾಪ್ರಲಯಬೋಧಕಃ ।

ವಿಶೇಷತಃ ಶುಕವ್ಯಾಜಪರೀಕ್ಷಿಜ್ಜ್ಞಾನಬೋಧಕಃ

॥ 243॥

ಶ್ಲೋಕ 245

ಶುಕೇಷ್ಟಗತಿರೂಪಾತ್ಮಾ ಪರೀಕ್ಷಿದ್ದೇಹಮೋಕ್ಷದಃ ।

ಶಬ್ದರೂಪೋ ನಾದರೂಪೋ ವೇದರೂಪೋ ವಿಭೇದನಃ

॥ 244॥

ಶ್ಲೋಕ 246

ವ್ಯಾಸಃ ಶಾಖಾಪ್ರವಕ್ತಾ ಚ ಪುರಾಣಾರ್ಥಪ್ರವರ್ತಕಃ ।

ಮಾರ್ಕಣ್ಡೇಯಪ್ರಸನ್ನಾತ್ಮಾ ವಟಪತ್ರಪುಟೇಶಯಃ

॥ 245॥

ಶ್ಲೋಕ 247

ಮಾಯಾವ್ಯಾಪ್ತಮಹಾಮೋಹದುಃಖಶಾನ್ತಿಪ್ರವರ್ತಕಃ ।

ಮಹಾದೇವಸ್ವರೂಪಶ್ಚ ಭಕ್ತಿದಾತಾ ಕೃಪಾನಿಧಿಃ

॥ 246॥

ಶ್ಲೋಕ 248

ಆದಿತ್ಯಾನ್ತರ್ಗತಃ ಕಾಲಃ ದ್ವಾದಶಾತ್ಮಾ ಸುಪೂಜಿತಃ ।

ಶ್ರೀಭಾಗವತರೂಪಶ್ಚ ಸರ್ವಾರ್ಥಫಲದಾಯಕಃ

॥ 247॥

ಶ್ಲೋಕ 249

ಇತೀದಂ ಕೀರ್ತನೀಯಸ್ಯ ಹರೇರ್ನಾಮಸಹಸ್ರಕಮ್ ।

ಪಞ್ಚಸಪ್ತತಿವಿಸ್ತೀರ್ಣಂ ಪುರಾಣಾನ್ತರಭಾಷಿತಮ್

॥ 248॥

ಶ್ಲೋಕ 250

ಯ ಏತತ್ಪ್ರಾತರುತ್ಥಾಯ ಶ್ರದ್ಧಾವಾನ್ ಸುಸಮಾಹಿತಃ ।

ಜಪೇದರ್ಥಾಹಿತಮತಿಃ ಸ ಗೋವಿನ್ದಪದಂ ಲಭೇತ್

॥ 249॥

ಶ್ಲೋಕ 251

ಸರ್ವಧರ್ಮವಿನಿರ್ಮುಕ್ತಃ ಸರ್ವಸಾಧನವರ್ಜಿತಃ ।

ಏತದ್ಧಾರಣಮಾತ್ರೇಣ ಕೃಷ್ಣಸ್ಯ ಪದವೀಂ ವ್ರಜೇತ್

॥ 250॥

ಶ್ಲೋಕ 252

ಹರ್ಯಾವೇಶಿತಚಿತ್ತೇನ ಶ್ರೀಭಾಗವತಸಾಗರಾತ್ ।

ಸಮುದ್ಧೃತಾನಿ ನಾಮಾನಿ ಚಿನ್ತಾಮಣಿನಿಭಾನಿ ಹಿ

॥ 251॥

ಶ್ಲೋಕ 253

ಕಣ್ಠಸ್ಥಿತಾನ್ಯರ್ಥದೀಪ್ತ್ಯಾ ಬಾಧನ್ತೇಽಜ್ಞಾನಜಂ ತಮಃ ।

ಭಕ್ತಿಂ ಶ್ರೀಕೃಷ್ಣದೇವಸ್ಯ ಸಾಧಯನ್ತಿ ವಿನಿಶ್ಚಿತಮ್

॥ 252॥

ಶ್ಲೋಕ 254

ಕಿಮ್ಬಹೂಕ್ತೇನ ಭಗವಾನ್ ನಾಮಭಿಃ ಸ್ತುತಷಡ್ಗುಣಃ ।

ಆತ್ಮಭಾವಂ ನಯತ್ಯಾಶು ಭಕ್ತಿಂ ಚ ಕುರುತೇ ದೃಢಾಮ್

॥ 253॥

ಶ್ಲೋಕ 255

ಯಃ ಕೃಷ್ಣಭಕ್ತಿಮಿಹ ವಾಞ್ಛತಿ ಸಾಧನೌಘೈರ್-

ನಾಮಾನಿ ಭಾಸುರಯಶಾಂಸಿ ಜಪೇತ್ಸ ನಿತ್ಯಮ್ ।

ತಂ ವೈ ಹರಿಃ ಸ್ವಪುರುಷಂ ಕುರುತೇಽತಿಶೀಘ್ರಮ್-

ಆತ್ಮಾರ್ಪಣಂ ಸಮಧಿಗಚ್ಛತಿ ಭಾವತುಷ್ಟಃ

॥ 254॥

ಶ್ಲೋಕ 256

ಶ್ರೀಕೃಷ್ಣ ಕೃಷ್ಣಸಖ ವೃಷ್ಣಿವೃಷಾವನಿಧ್ರುಗ್-

ರಾಜನ್ಯವಂಶದಹನಾನಪವರ್ಗವೀರ್ಯ ।

ಗೋವಿನ್ದ ಗೋಪವನಿತಾವ್ರಜಭೃತ್ಯಗೀತ

ತೀರ್ಥಶ್ರವಃ ಶ್ರವಣಮಙ್ಗಲ ಪಾಹಿ ಭೃತ್ಯಾನ್

॥ 255॥

ಶ್ಲೋಕ 257

॥ ಇತಿ ಶ್ರೀಭಾಗವತಸಾರಸಮುಚ್ಚಯೇ ವೈಶ್ವಾನರೋಕ್ತಂ

ಶ್ರೀವಲ್ಲಭಾಚಾರ್ಯವಿರಚಿತಂ

ಶ್ರೀಪುರುಷೋತ್ತಮಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥