શ્રી પુરુષોત્તમ સહસ્ર નામ સ્તોત્રમ્

શ્રી પુરુષોત્તમ સહસ્ર નામ સ્તોત્રમ્

શ્લોક 1

વિનિયોગઃ

પુરાણપુરુષો વિષ્ણુઃ પુરુષોત્તમ ઉચ્યતે ।

નામ્નાં સહસ્રં વક્ષ્યામિ તસ્ય ભાગવતોદ્ધૃતમ્

શ્લોક 2

યસ્ય પ્રસાદાદ્વાગીશાઃ પ્રજેશા વિભવોન્નતાઃ ।

ક્ષુદ્રા અપિ ભવન્ત્યાશુ શ્રીકૃષ્ણં તં નતોઽસ્મ્યહમ્

॥ 1॥

શ્લોક 3

અનન્તા એવ કૃષ્ણસ્ય લીલા નામપ્રવર્તિકાઃ ।

ઉક્તા ભાગવતે ગૂહાઃ પ્રકટા અપિ કુત્રચિત્

॥ 2॥

શ્લોક 4

અતસ્તાનિ પ્રવક્ષ્યામિ નામાનિ મુરવૈરિણઃ ।

સહસ્રં યૈસ્તુ પઠિતૈઃ પઠિતં સ્યાચ્છુકામૃતમ્

॥ 3॥

શ્લોક 5

કૃષ્ણનામસહસ્રસ્ય ઋષિરગ્નિર્નિરૂપિતઃ ।

ગાયત્રી ચ તથા છન્દો દેવતા પુરુષોત્તમઃ

॥ 4॥

શ્લોક 6

વિનિયોગઃ સમસ્તેષુ પુરુષાર્થેષુ વૈ મતઃ ।

બીજં ભક્તપ્રિયઃ શક્તિઃ સત્યવાગુચ્યતે હરિઃ

॥ 5॥

શ્લોક 7

ભક્તોદ્ધરણયત્નસ્તુ મન્ત્રોઽત્ર પરમો મતઃ ।

અવતારિતભક્તાંશઃ કીલકં પરિકીર્તિતમ્

॥ 6॥

શ્લોક 8

અસ્ત્રં સર્વસમર્થશ્ચ ગોવિન્દઃ કવચં મતમ્ ।

પુરુષો ધ્યાનમત્રોક્તઃ સિદ્ધિઃ શરણસંસ્મૃતિઃ

॥ 7॥

શ્લોક 9

અધિકારલીલા

શ્રીકૃષ્ણઃ સચ્ચિદાનન્દો નિત્યલીલાવિનોદકૃત્ ।

સર્વાગમવિનોદી ચ લક્ષ્મીશઃ પુરુષોત્તમઃ

॥ 8॥

શ્લોક 10

આદિકાલઃ સર્વકાલઃ કાલાત્મા માયયાવૃતઃ ।

ભક્તોદ્ધારપ્રયત્નાત્મા જગત્કર્તા જગન્મયઃ

॥ 9॥

શ્લોક 11

નામલીલાપરો વિષ્ણુર્વ્યાસાત્મા શુકમોક્ષદઃ ।

વ્યાપિવૈકુણ્ઠદાતા ચ શ્રીમદ્ભાગવતાગમઃ

॥ 10॥

શ્લોક 12

શુકવાગમૃતાબ્ધીન્દુઃ શૌનકાદ્યખિલેષ્ટદઃ ।

ભક્તિપ્રવર્તકસ્ત્રાતા વ્યાસચિન્તાવિનાશકઃ

॥ 11॥

શ્લોક 13

સર્વસિદ્ધાન્તવાગાત્મા નારદાદ્યખિલેષ્ટદઃ ।

અન્તરાત્મા ધ્યાનગમ્યો ભક્તિરત્નપ્રદાયકઃ

॥ 12॥

શ્લોક 14

મુક્તોપસૃપ્યઃ પૂર્ણાત્મા મુક્તાનાં રતિવર્ધનઃ ।

ભક્તકાર્યૈકનિરતો દ્રૌણ્યસ્ત્રવિનિવારકઃ

॥ 13॥

શ્લોક 15

ભક્તસ્મયપ્રણેતા ચ ભક્તવાક્પરિપાલકઃ ।

બ્રહ્મણ્યદેવો ધર્માત્મા ભક્તાનાં ચ પરીક્ષકઃ

॥ 14॥

શ્લોક 16

આસન્નહિતકર્તા ચ માયાહિતકરઃ પ્રભુઃ ।

ઉત્તરાપ્રાણદાતા ચ બ્રહ્માસ્ત્રવિનિવારકઃ

॥ 15॥

શ્લોક 17

સર્વતઃ પાણવપતિઃ પરીક્ષિચ્છુદ્ધિકારણમ્ ।

ગૂહાત્મા સર્વવેદેષુ ભક્તૈકહૃદયઙ્ગમઃ

॥ 16॥

શ્લોક 18

કુન્તીસ્તુત્યઃ પ્રસન્નાત્મા પરમાદ્ભુતકાર્યકૃત્ ।

ભીષ્મમુક્તિપ્રદઃ સ્વામી ભક્તમોહનિવારકઃ

॥ 17॥

શ્લોક 19

સર્વાવસ્થાસુ સંસેવ્યઃ સમઃ સુખહિતપ્રદઃ ।

કૃતકૃત્યઃ સર્વસાક્ષી ભક્તસ્ત્રીરતિવર્ધનઃ

॥ 18॥

શ્લોક 20

સર્વસૌભાગ્યનિલયઃ પરમાશ્ચર્યરૂપધૃક્ ।

અનન્યપુરુષસ્વામી દ્વારકાભાગ્યભાજનમ્

॥ 19॥

શ્લોક 21

બીજસંસ્કારકર્તા ચ પરીક્ષિજ્જાનપોષકઃ ।

સર્વત્રપૂર્ણગુણકઃ સર્વભૂષણભૂષિતઃ

॥ 20॥

શ્લોક 22

સર્વલક્ષણદાતા ચ ધૃતરાષ્ટ્રવિમુક્તિદઃ ।

સન્માર્ગરક્ષકો નિત્યં વિદુરપ્રીતિપૂરકઃ

॥ 21॥

શ્લોક 23

લીલાવ્યામોહકર્તા ચ કાલધર્મપ્રવર્તકઃ ।

પાણવાનાં મોક્ષદાતા પરીક્ષિદ્ભાગ્યવર્ધનઃ

॥ 22॥

શ્લોક 24

કલિનિગ્રહકર્તા ચ ધર્માદીનાં ચ પોષકઃ ।

સત્સઙ્ગજાનહેતુશ્ચ શ્રીભાગવતકારણમ્

॥ 23॥

શ્લોક 25

પ્રાકૃતાદૃષ્ટમાર્ગશ્ચ॥॥॥॥॥॥ ચોન્તિનુએદ્

જ્ઞાન-સાધન-લીલા

॥॥॥॥॥॥॥॥॥॥॥॥ શ્રોતવ્યઃ સકલાગમૈઃ ।

કીર્તિતવ્યઃ શુદ્ધભાવૈઃ સ્મર્તવ્યશ્ચાત્મવિત્તમૈઃ

॥ 24॥

શ્લોક 26

અનેકમાર્ગકર્તા ચ નાનાવિધગતિપ્રદઃ ।

પુરુષઃ સકલાધારઃ સત્ત્વૈકનિલયાત્મભૂઃ

॥ 25॥

શ્લોક 27

સર્વધ્યેયો યોગગમ્યો ભક્ત્યા ગ્રાહ્યઃ સુરપ્રિયઃ ।

જન્માદિસાર્થકકૃતિર્લીલાકર્તા પતિઃ સતામ્

॥ 26॥

શ્લોક 28

આદિકર્તા તત્ત્વકર્તા સર્વકર્તા વિશારદઃ ।

નાનાવતારકર્તા ચ બ્રહ્માવિર્ભાવકારણમ્

॥ 27॥

શ્લોક 29

દશલીલાવિનોદી ચ નાનાસૃષ્ટિપ્રવર્તકઃ ।

અનેકકલ્પકર્તા ચ સર્વદોષવિવર્જિતઃ

॥ 28॥

શ્લોક 30

સર્ગલીલા

વૈરાગ્યહેતુસ્તીર્થાત્મા સર્વતીર્થફલપ્રદઃ ।

તીર્થશુદ્ધૈકનિલયઃ સ્વમાર્ગપરિપોષકઃ

॥ 29॥

શ્લોક 31

તીર્થકીર્તિર્ભક્તગમ્યો ભક્તાનુશયકાર્યકૃત્ ।

ભક્તતુલ્યઃ સર્વતુલ્યઃ સ્વેચ્છાસર્વપ્રવર્તકઃ

॥ 30॥

શ્લોક 32

ગુણાતીતોઽનવદ્યાત્મા સર્ગલીલાપ્રવર્તકઃ ।

સાક્ષાત્સર્વજગત્કર્તા મહદાદિપ્રવર્તકઃ

॥ 31॥

શ્લોક 33

માયાપ્રવર્તકઃ સાક્ષી માયારતિવિવર્ધનઃ ।

આકાશાત્મા ચતુર્મૂર્તિશ્ચતુર્ધા ભૂતભાવનઃ

॥ 32॥

શ્લોક 34

રજઃપ્રવર્તકો બ્રહ્મા મરીચ્યાદિપિતામહઃ ।

વેદકર્તા યજ્ઞકર્તા સર્વકર્તાઽમિતાત્મકઃ

॥ 33॥

શ્લોક 35

અનેકસૃષ્ટિકર્તા ચ દશધાસૃષ્ટિકારકઃ ।

યજ્ઞાઙ્ગો યજ્ઞવારાહો ભૂધરો ભૂમિપાલકઃ

॥ 34॥

શ્લોક 36

સેતુર્વિધરણો જૈત્રો હિરણ્યાક્ષાન્તકઃ સુરઃ ।

દિતિકશ્યપકામૈકહેતુસૃષ્ટિપ્રવર્તકઃ

॥ 35॥

શ્લોક 37

દેવાભયપ્રદાતા ચ વૈકુણ્ઠાધિપતિર્મહાન્ ।

સર્વગર્વપ્રહારી ચ સનકાદ્યખિલાર્થદઃ

॥ 36॥

શ્લોક 38

સર્વાશ્વાસનકર્તા ચ ભક્તતુલ્યાહવપ્રદઃ ।

કાલલક્ષણહેતુશ્ચ સર્વાર્થજ્ઞાપકઃ પરઃ

॥ 37॥

શ્લોક 39

ભક્તોન્નતિકરઃ સર્વપ્રકારસુખદાયકઃ ।

નાનાયુદ્ધપ્રહરણો બ્રહ્મશાપવિમોચકઃ

॥ 38॥

શ્લોક 40

પુષ્ટિસર્ગપ્રણેતા ચ ગુણસૃષ્ટિપ્રવર્તકઃ ।

કર્દમેષ્ટપ્રદાતા ચ દેવહૂત્યખિલાર્થદઃ

॥ 39॥

શ્લોક 41

શુક્લનારાયણઃ સત્યકાલધર્મપ્રવર્તકઃ ।

જ્ઞાનાવતારઃ શાન્તાત્મા કપિલઃ કાલનાશકઃ

॥ 40॥

શ્લોક 42

ત્રિગુણાધિપતિઃ સાઙ્ખ્યશાસ્ત્રકર્તા વિશારદઃ ।

સર્ગદૂષણહારી ચ પુષ્ટિમોક્ષપ્રવર્તકઃ

॥ 41॥

શ્લોક 43

લૌકિકાનન્દદાતા ચ બ્રહ્માનન્દપ્રવર્તકઃ ।

ભક્તિસિદ્ધાન્તવક્તા ચ સગુણજ્ઞાનદીપકઃ

॥ 42॥

શ્લોક 44

આત્મપ્રદઃ પૂર્ણકામો યોગાત્મા યોગભાવિતઃ ।

જીવન્મુક્તિપ્રદઃ શ્રીમાનન્યભક્તિપ્રવર્તકઃ

॥ 43॥

શ્લોક 45

કાલસામર્થ્યદાતા ચ કાલદોષનિવારકઃ ।

ગર્ભોત્તમજ્ઞાનદાતા કર્મમાર્ગનિયામકઃ

॥ 44॥

શ્લોક 46

સર્વમાર્ગનિરાકર્તા ભક્તિમાર્ગૈકપોષકઃ ।

સિદ્ધિહેતુઃ સર્વહેતુઃ સર્વાશ્ચર્યૈકકારણમ્

॥ 45॥

શ્લોક 47

ચેતનાચેતનપતિઃ સમુદ્રપરિપૂજિતઃ ।

સાઙ્ખ્યાચાર્યસ્તુતઃ સિદ્ધપૂજિતઃ સર્વપૂજિતઃ

॥ 46॥

શ્લોક 48

વિસર્ગલીલા

વિસર્ગકર્તા સર્વેશઃ કોટિસૂર્યસમપ્રભઃ ।

અનન્તગુણગમ્ભીરો મહાપુરુષપૂજિતઃ

॥ 47॥

શ્લોક 49

અનન્તસુખદાતા ચ બ્રહ્મકોટિપ્રજાપતિઃ ।

સુધાકોટિસ્વાસ્થ્યહેતુઃ કામધુક્કોટિકામદઃ

॥ 48॥

શ્લોક 50

સમુદ્રકોટિગમ્ભીરસ્તીર્થકોટિસમાહ્વયઃ ।

સુમેરુકોટિનિષ્કમ્પઃ કોટિબ્રહ્માણ્ડવિગ્રહઃ

॥ 49॥

શ્લોક 51

કોટ્યશ્વમેધપાપઘ્નો વાયુકોટિમહાબલઃ ।

કોટીન્દુજગદાનન્દી શિવકોટિપ્રસાદકૃત્

॥ 50॥

શ્લોક 52

સર્વસદ્ગુણમાહાત્મ્યઃ સર્વસદ્ગુણભાજનમ્ ।

મન્વાદિપ્રેરકો ધર્મો યજ્ઞનારાયણઃ પરઃ

॥ 51॥

શ્લોક 53

આકૂતિસૂનુર્દેવેન્દ્રો રુચિજન્માઽભયપ્રદઃ ।

દક્ષિણાપતિરોજસ્વી ક્રિયાશક્તિઃ પરાયણઃ

॥ 52॥

શ્લોક 54

દત્તાત્રેયો યોગપતિર્યોગમાર્ગપ્રવર્તકઃ ।

અનસૂયાગર્ભરત્નમૃષિવંશવિવર્ધનઃ

॥ 53॥

શ્લોક 55

ગુણત્રયવિભાગજ્ઞશ્ચતુર્વર્ગવિશારદઃ ।

નારાયણો ધર્મસૂનુર્મૂર્તિપુણ્યયશસ્કરઃ

॥ 54॥

શ્લોક 56

સહસ્રકવચચ્છેદી તપઃસારો નરપ્રિયઃ ।

વિશ્વાનન્દપ્રદઃ કર્મસાક્ષી ભારતપૂજિતઃ

॥ 55॥

શ્લોક 57

અનન્તાદ્ભુતમાહાત્મ્યો બદરીસ્થાનભૂષણમ્ ।

જિતકામો જિતક્રોધો જિતસઙ્ગો જિતેન્દ્રિયઃ

॥ 56॥

શ્લોક 58

ઉર્વશીપ્રભવઃ સ્વર્ગસુખદાયી સ્થિતિપ્રદઃ ।

અમાની માનદો ગોપ્તા ભગવચ્છાસ્ત્રબોધકઃ

॥ 57॥

શ્લોક 59

બ્રહ્માદિવન્દ્યો હંસશ્રીર્માયાવૈભવકારણમ્ ।

વિવિધાનન્તસર્ગાત્મા વિશ્વપૂરણતત્પરઃ

॥ 58॥

શ્લોક 60

યજ્ઞજીવનહેતુશ્ચ યજ્ઞસ્વામીષ્ટબોધકઃ ।

નાનાસિદ્ધાન્તગમ્યશ્ચ સપ્તતન્તુશ્ચ ષડ્ગુણઃ

॥ 59॥

શ્લોક 61

પ્રતિસર્ગજગત્કર્તા નાનાલીલાવિશારદઃ ।

ધ્રુવપ્રિયો ધ્રુવસ્વામી ચિન્તિતાધિકદાયકઃ

॥ 60॥

શ્લોક 62

દુર્લભાનન્તફલદો દયાનિધિરમિત્રહા ।

અઙ્ગસ્વામી કૃપાસારો વૈન્યો ભૂમિનિયામકઃ

॥ 61॥

શ્લોક 63

ભૂમિદોગ્ધા પ્રજાપ્રાણપાલનૈકપરાયણઃ ।

યશોદાતા જ્ઞાનદાતા સર્વધર્મપ્રદર્શકઃ

॥ 62॥

શ્લોક 64

પુરઞ્જનો જગન્મિત્રં વિસર્ગાન્તપ્રદર્શકઃ ।

પ્રચેતસાં પતિશ્ચિત્રભક્તિહેતુર્જનાર્દનઃ

॥ 63॥

શ્લોક 65

સ્મૃતિહેતુબ્રહ્મભાવસાયુજ્યાદિપ્રદઃ શુભઃ ।

વિજયી ॥॥॥॥॥॥॥॥॥॥ ચોન્તિનુએદ્

સ્થાનલીલા

॥॥ સ્થિતિલીલાબ્ધિરચ્યુતો વિજયપ્રદઃ

॥ 64॥

શ્લોક 66

સ્વસામર્થ્યપ્રદો ભક્તકીર્તિહેતુરધોક્ષજઃ ।

પ્રિયવ્રતપ્રિયસ્વામી સ્વેચ્છાવાદવિશારદઃ

॥ 65॥

શ્લોક 67

સઙ્ગ્યગમ્યઃ સ્વપ્રકાશઃ સર્વસઙ્ગવિવર્જિતઃ ।

ઇચ્છાયાં ચ સમર્યાદસ્ત્યાગમાત્રોપલમ્ભનઃ

॥ 66॥

શ્લોક 68

અચિન્ત્યકાર્યકર્તા ચ તર્કાગોચરકાર્યકૃત્ ।

શ‍ઋઙ્ગારરસમર્યાદા આગ્નીધ્રરસભાજનમ્

॥ 67॥

શ્લોક 69

નાભીષ્ટપૂરકઃ કર્મમર્યાદાદર્શનોત્સુકઃ ।

સર્વરૂપોઽદ્ભુતતમો મર્યાદાપુરુષોત્તમઃ

॥ 68॥

શ્લોક 70

સર્વરૂપેષુ સત્યાત્મા કાલસાક્ષી શશિપ્રભઃ ।

મેરુદેવીવ્રતફલમૃષભો ભગલક્ષણઃ

॥ 69॥

શ્લોક 71

જગત્સન્તર્પકો મેઘરૂપી દેવેન્દ્રદર્પહા ।

જયન્તીપતિરત્યન્તપ્રમાણાશેષલૌકિકઃ

॥ 70॥

શ્લોક 72

શતધાન્યસ્તભૂતાત્મા શતાનન્દો ગુણપ્રસૂઃ ।

વૈષ્ણવોત્પાદનપરઃ સર્વધર્મોપદેશકઃ

॥ 71॥

શ્લોક 73

પરહંસક્રિયાગોપ્તા યોગચર્યાપ્રદર્શકઃ ।

ચતુર્થાશ્રમનિર્ણેતા સદાનન્દશરીરવાન્

॥ 72॥

શ્લોક 74

પ્રદર્શિતાન્યધર્મશ્ચ ભરતસ્વામ્યપારકૃત્ ।

યથાવત્કર્મકર્તા ચ સઙ્ગાનિષ્ટપ્રદર્શકઃ

॥ 73॥

શ્લોક 75

આવશ્યકપુનર્જન્મકર્મમાર્ગપ્રદર્શકઃ ।

યજ્ઞરૂપમૃગઃ શાન્તઃ સહિષ્ણુઃ સત્પરાક્રમઃ

॥ 74॥

શ્લોક 76

રહૂગણગતિજ્ઞશ્ચ રહૂગણવિમોચકઃ ।

ભવાટવીતત્ત્વવક્તા બહિર્મુખહિતે રતઃ

॥ 75॥

શ્લોક 77

ગયસ્વામી સ્થાનવંશકર્તા સ્થાનવિભેદકૃત્ ।

પુરુષાવયવો ભૂમિવિશેષવિનિરૂપકઃ

॥ 76॥

શ્લોક 78

જમ્બૂદ્વીપપતિર્મેરુનાભિપદ્મરુહાશ્રયઃ ।

નાનાવિભૂતિલીલાઢ્યો ગઙ્ગોત્પત્તિનિદાનકૃત્

॥ 77॥

શ્લોક 79

ગઙ્ગામાહાત્મ્યહેતુશ્ચ ગઙ્ગારૂપોઽતિગૂઢકૃત્ ।

વૈકુણ્ઠદેહહેત્વમ્બુજન્મકૃત્ સર્વપાવનઃ

॥ 78॥

શ્લોક 80

શિવસ્વામી શિવોપાસ્યો ગૂઢઃ સઙ્કર્ષણાત્મકઃ ।

સ્થાનરક્ષાર્થમત્સ્યાદિરૂપઃ સર્વૈકપૂજિતઃ

॥ 79॥

શ્લોક 81

ઉપાસ્યનાનારૂપાત્મા જ્યોતીરૂપો ગતિપ્રદઃ ।

સૂર્યનારાયણો વેદકાન્તિરુજ્જ્વલવેષધૃક્

॥ 80॥

શ્લોક 82

હંસોઽન્તરિક્ષગમનઃ સર્વપ્રસવકારણમ્ ।

આનન્દકર્તા વસુદો બુધો વાક્પતિરુજ્જ્વલઃ

॥ 81॥

શ્લોક 83

કાલાત્મા કાલકાલશ્ચ કાલચ્છેદકૃદુત્તમઃ ।

શિશુમારઃ સર્વમૂર્તિરાધિદૈવિકરૂપધૃક્

॥ 82॥

શ્લોક 84

અનન્તસુખભોગાઢ્યો વિવરૈશ્વર્યભાજનમ્ ।

સઙ્કર્ષણો દૈત્યપતિઃ સર્વાધારો બૃહદ્વપુઃ

॥ 83॥

શ્લોક 85

અનન્તનરકચ્છેદી સ્મૃતિમાત્રાર્તિનાશનઃ ।

સર્વાનુગ્રહકર્તા ચ ॥॥॥॥॥॥॥॥॥॥ ચોન્તિનુએદ્

પોષણ-પુષ્ટિ-લીલા

॥॥॥॥॥॥॥॥ મર્યાદાભિન્નશાસ્ત્રકૃત્

॥ 84॥

શ્લોક 86

કાલાન્તકભયચ્છેદી નામસામર્થ્યરૂપધૃક્ ।

ઉદ્ધારાનર્હગોપ્ત્રાત્મા નામાદિપ્રેરકોત્તમઃ

॥ 85 ॥

શ્લોક 87

અજામિલમહાદુષ્ટમોચકોઽઘવિમોચકઃ ।

ધર્મવક્તાઽક્લિષ્ટવક્તા વિષ્ણુધર્મસ્વરૂપધૃક્

॥ 86॥

શ્લોક 88

સન્માર્ગપ્રેરકો ધર્તા ત્યાગહેતુરધોક્ષજઃ ।

વૈકુણ્ઠપુરનેતા ચ દાસસંવૃદ્ધિકારકઃ

॥ 87॥

શ્લોક 89

દક્ષપ્રસાદકૃદ્ધંસગુહ્યસ્તુતિવિભાવનઃ ।

સ્વાભિપ્રાયપ્રવક્તા ચ મુક્તજીવપ્રસૂતિકૃત્

॥ 88॥

શ્લોક 90

નારદપ્રેરણાત્મા ચ હર્યશ્વબ્રહ્મભાવનઃ ।

શબલાશ્વહિતો ગૂઢવાક્યાર્થજ્ઞાપનક્ષમઃ

॥ 89॥

શ્લોક 91

ગૂઢાર્થજ્ઞાપનઃ સર્વમોક્ષાનન્દપ્રતિષ્ઠિતઃ ।

પુષ્ટિપ્રરોહહેતુશ્ચ દાસૈકજ્ઞાતહૃદ્ગતઃ

॥ 90॥

શ્લોક 92

શાન્તિકર્તા સુહિતકૃત્ સ્ત્રીપ્રસૂઃ સર્વકામધુક્ ।

પુષ્ટિવંશપ્રણેતા ચ વિશ્વરૂપેષ્ટદેવતા

॥ 91॥

શ્લોક 93

કવચાત્મા પાલનાત્મા વર્મોપચિતિકારણમ્ ।

વિશ્વરૂપશિરશ્છેદી ત્વાષ્ટ્રયજ્ઞવિનાશકઃ

॥ 92॥

શ્લોક 94

વૃત્રસ્વામી વૃત્રગમ્યો વૃત્રવ્રતપરાયણઃ ।

વૃત્રકીર્તિર્વૃત્રમોક્ષો મઘવત્પ્રાણરક્ષકઃ

॥ 93॥

શ્લોક 95

અશ્વમેધહવિર્ભોક્તા દેવેન્દ્રામીવનાશકઃ ।

સંસારમોચકશ્ચિત્રકેતુબોધનતત્પરઃ

॥ 94॥

શ્લોક 96

મન્ત્રસિદ્ધિઃ સિદ્ધિહેતુઃ સુસિદ્ધિફલદાયકઃ ।

મહાદેવતિરસ્કર્તા ભક્ત્યૈ પૂર્વાર્થનાશકઃ

॥ 95॥

શ્લોક 97

દેવબ્રાહ્મણવિદ્વેષવૈમુખ્યજ્ઞાપકઃ શિવઃ ।

આદિત્યો દૈત્યરાજશ્ચ મહત્પતિરચિન્ત્યકૃત્

॥ 96॥

શ્લોક 98

મરુતાં ભેદકસ્ત્રાતા વ્રતાત્મા પુમ્પ્રસૂતિકૃત્ ।

ઊતિલીલા

કર્માત્મા વાસનાત્મા ચ ઊતિલીલાપરાયણઃ

॥ 97॥

શ્લોક 99

સમદૈત્યસુરઃ સ્વાત્મા વૈષમ્યજ્ઞાનસંશ્રયઃ ।

દેહાદ્યુપાધિરહિતઃ સર્વજ્ઞઃ સર્વહેતુવિદ્

॥ 98॥

શ્લોક 100

બ્રહ્મવાક્સ્થાપનપરઃ સ્વજન્માવધિકાર્યકૃત્ ।

સદસદ્વાસનાહેતુસ્ત્રિસત્યો ભક્તમોચકઃ

॥ 99॥

શ્લોક 101

હિરણ્યકશિપુદ્વેષી પ્રવિષ્ટાત્માઽતિભીષણઃ ।

શાન્તિજ્ઞાનાદિહેતુશ્ચ પ્રહ્લાદોત્પત્તિકારણમ્

॥ 100॥

શ્લોક 102

દૈત્યસિદ્ધાન્તસદ્વક્તા તપઃસાર ઉદારધીઃ ।

દૈત્યહેતુપ્રકટનો ભક્તિચિહ્નપ્રકાશકઃ

॥ 101॥

શ્લોક 103

સદ્દ્વેષહેતુઃ સદ્દ્વેષવાસનાત્મા નિરન્તરઃ ।

નૈષ્ઠુર્યસીમા પ્રહ્લાદવત્સલઃ સઙ્ગદોષહા

॥ 102॥

શ્લોક 104

મહાનુભાવઃ સાકારઃ સર્વાકારઃ પ્રમાણભૂઃ ।

સ્તમ્ભપ્રસૂતિર્નૃહરિર્નૃસિંહો ભીમવિક્રમઃ

॥ 103॥

શ્લોક 105

વિકટાસ્યો લલજ્જિહ્વો નખશસ્ત્રો જવોત્કટઃ ।

હિરણ્યકશિપુચ્છેદી ક્રૂરદૈત્યનિવારકઃ

॥ 104॥

શ્લોક 106

સિંહાસનસ્થઃ ક્રોધાત્મા લક્ષ્મીભયવિવર્ધનઃ ।

બ્રહ્માદ્યત્યન્તભયભૂરપૂર્વાચિન્ત્યરૂપધૃક્

॥ 105॥

શ્લોક 107

ભક્તૈકશાન્તહૃદયો ભક્તસ્તુત્યઃ સ્તુતિપ્રિયઃ ।

ભક્તાઙ્ગલેહનોદ્ધૂતક્રોધપુઙ્જઃ પ્રશાન્તધીઃ

॥ 106॥

શ્લોક 108

સ્મૃતિમાત્રભયત્રાતા બ્રહ્મબુદ્ધિપ્રદાયકઃ ।

ગોરૂપધાર્યમૃતપાઃ શિવકીર્તિવિવર્ધનઃ

॥ 107॥

શ્લોક 109

ધર્માત્મા સર્વકર્માત્મા વિશેષાત્માઽઽશ્રમપ્રભુઃ ।

સંસારમગ્નસ્વોદ્ધર્તા સન્માર્ગાખિલતત્ત્વવાક્

॥ 108॥

શ્લોક 110

આચારાત્મા સદાચારઃ ॥॥॥॥॥॥॥॥॥ ચોન્તિનુએદ્

મન્વન્તરલીલા

॥॥॥॥॥॥॥॥॥॥મન્વન્તરવિભાવનઃ ।

સ્મૃત્યાઽશેષાશુભહરો ગજેન્દ્રસ્મૃતિકારણમ્

॥ 109॥

શ્લોક 111

જાતિસ્મરણહેત્વૈકપૂજાભક્તિસ્વરૂપદઃ ।

યજ્ઞો ભયાન્મનુત્રાતા વિભુર્બ્રહ્મવ્રતાશ્રયઃ

॥ 110॥

શ્લોક 112

સત્યસેનો દુષ્ટઘાતી હરિર્ગજવિમોચકઃ ।

વૈકુણ્ઠો લોકકર્તા ચ અજિતોઽમૃતકારણમ્

॥ 111॥

શ્લોક 113

ઉરુક્રમો ભૂમિહર્તા સાર્વભૌમો બલિપ્રિયઃ ।

વિભુઃ સર્વહિતૈકાત્મા વિષ્વક્સેનઃ શિવપ્રિયઃ

॥ 112॥

શ્લોક 114

ધર્મસેતુર્લોકધૃતિઃ સુધામાન્તરપાલકઃ ।

ઉપહર્તા યોગપતિર્બૃહદ્ભાનુઃ ક્રિયાપતિઃ

॥ 113॥

શ્લોક 115

ચતુર્દશપ્રમાણાત્મા ધર્મો મન્વાદિબોધકઃ ।

લક્ષ્મીભોગૈકનિલયો દેવમન્ત્રપ્રદાયકઃ

॥ 114॥

શ્લોક 116

દૈત્યવ્યામોહકઃ સાક્ષાદ્ગરુડસ્કન્ધસંશ્રયઃ ।

લીલામન્દરધારી ચ દૈત્યવાસુકિપૂજિતઃ

॥ 115॥

શ્લોક 117

સમુદ્રોન્મથનાયત્તોઽવિઘ્નકર્તા સ્વવાક્યકૃત્ ।

આદિકૂર્મઃ પવિત્રાત્મા મન્દરાઘર્ષણોત્સુકઃ

॥ 116॥

શ્લોક 118

શ્વાસૈજદબ્ધિવાર્વીચિઃ કલ્પાન્તાવધિકાર્યકૃત્ ।

ચતુર્દશમહારત્નો લક્ષ્મીસૌભાગ્યવર્ધનઃ

॥ 117॥

શ્લોક 119

ધન્વન્તરિઃ સુધાહસ્તો યજ્ઞભોક્તાઽઽર્તિનાશનઃ ।

આયુર્વેદપ્રણેતા ચ દેવદૈત્યાખિલાર્ચિતઃ

॥ 118॥

શ્લોક 120

બુદ્ધિવ્યામોહકો દેવકાર્યસાધનતત્પરઃ ।

સ્ત્રીરૂપો માયયા વક્તા દૈત્યાન્તઃકરણપ્રિયઃ

॥ 119॥

શ્લોક 121

પાયિતામૃતદેવાંશો યુદ્ધહેતુસ્મૃતિપ્રદઃ ।

સુમાલિમાલિવધકૃન્માલ્યવત્પ્રાણહારકઃ

॥ 120॥

શ્લોક 122

કાલનેમિશિરશ્છેદી દૈત્યયજ્ઞવિનાશકઃ ।

ઇન્દ્રસામર્થ્યદાતા ચ દૈત્યશેષસ્થિતિપ્રિયઃ

॥ 121॥

શ્લોક 123

શિવવ્યામોહકો માયી ભૃગુમન્ત્રસ્વશક્તિદઃ ।

બલિજીવનકર્તા ચ સ્વર્ગહેતુર્વ્રતાર્ચિતઃ

॥ 122॥

શ્લોક 124

અદિત્યાનન્દકર્તા ચ કશ્યપાદિતિસમ્ભવઃ ।

ઉપેન્દ્ર ઇન્દ્રાવરજો વામનબ્રહ્મરૂપધૃક્

॥ 123॥

શ્લોક 125

બ્રહ્માદિસેવિતવપુર્યજ્ઞપાવનતત્પરઃ ।

યાચ્ઞોપદેશકર્તા ચ જ્ઞાપિતાશેષસંસ્થિતિઃ

॥ 124॥

શ્લોક 126

સત્યાર્થપ્રેરકઃ સર્વહર્તા ગર્વવિનાશકઃ ।

ત્રિવિક્રમસ્ત્રિલોકાત્મા વિશ્વમૂર્તિઃ પૃથુશ્રવાઃ

॥ 125॥

શ્લોક 127

પાશબદ્ધબલિઃ સર્વદૈત્યપક્ષોપમર્દકઃ ।

સુતલસ્થાપિતબલિઃ સ્વર્ગાધિકસુખપ્રદઃ

॥ 126॥

શ્લોક 128

કર્મસમ્પૂર્તિકર્તા ચ સ્વર્ગસંસ્થાપિતામરઃ ।

જ્ઞાતત્રિવિધધર્માત્મા મહામીનોઽબ્ધિસંશ્રયઃ

॥ 127॥

શ્લોક 129

સત્યવ્રતપ્રિયો ગોપ્તા મત્સ્યમૂર્તિધૃતશ્રુતિઃ ।

શ‍ઋઙ્ગબદ્ધધૃતક્ષોણિઃ સર્વાર્થજ્ઞાપકો ગુરુઃ

॥ 128॥

શ્લોક 130

ઈશાનુકથાલીલા

ઈશસેવકલીલાત્મા સૂર્યવંશપ્રવર્તકઃ ।

સોમવંશોદ્ભવકરો મનુપુત્રગતિપ્રદઃ

॥ 129॥

શ્લોક 131

અમ્બરીષપ્રિયઃ સાધુર્દુર્વાસોગર્વનાશકઃ ।

બ્રહ્મશાપોપસંહર્તા ભક્તકીર્તિવિવર્ધનઃ

॥ 130॥

શ્લોક 132

ઇક્ષ્વાકુવંશજનકઃ સગરાદ્યખિલાર્થદઃ ।

ભગીરથમહાયત્નો ગઙ્ગાધૌતાઙ્ઘ્રિપઙ્કજઃ

॥ 131॥

શ્લોક 133

બ્રહ્મસ્વામી શિવસ્વામી સગરાત્મજમુક્તિદઃ ।

ખટ્વાઙ્ગમોક્ષહેતુશ્ચ રઘુવંશવિવર્ધનઃ

॥ 132॥

શ્લોક 134

રઘુનાથો રામચન્દ્રો રામભદ્રો રઘુપ્રિયઃ ।

અનન્તકીર્તિઃ પુણ્યાત્મા પુણ્યશ્લોકૈકભાસ્કરઃ

॥ 133॥

શ્લોક 135

કોશલેન્દ્રઃ પ્રમાણાત્મા સેવ્યો દશરથાત્મજઃ ।

લક્ષ્મણો ભરતશ્ચૈવ શત્રુઘ્નો વ્યૂહવિગ્રહઃ

॥ 134॥

શ્લોક 136

વિશ્વામિત્રપ્રિયો દાન્તસ્તાડકાવધમોક્ષદઃ ।

વાયવ્યાસ્ત્રાબ્ધિનિક્ષિપ્તમારીચશ્ચ સુબાહુહા

॥ 135॥

શ્લોક 137

વૃષધ્વજધનુર્ભઙ્ગપ્રાપ્તસીતામહોત્સવઃ ।

સીતાપતિર્ભૃગુપતિગર્વપર્વતનાશકઃ

॥ 136॥

શ્લોક 138

અયોધ્યાસ્થમહાભોગયુક્તલક્ષ્મીવિનોદવાન્ ।

કૈકેયીવાક્યકર્તા ચ પિતૃવાક્પરિપાલકઃ

॥ 137॥

શ્લોક 139

વૈરાગ્યબોધકોઽનન્યસાત્ત્વિકસ્થાનબોધકઃ ।

અહલ્યાદુઃખહારી ચ ગુહસ્વામી સલક્ષ્મણઃ

॥ 138॥

શ્લોક 140

ચિત્રકૂટપ્રિયસ્થાનો દણ્ડકારણ્યપાવનઃ ।

શરભઙ્ગસુતીક્ષ્ણાદિપૂજિતોઽગસ્ત્યભાગ્યભૂઃ

॥ 139॥

શ્લોક 141

ઋષિસમ્પ્રાર્થિતકૃતિર્વિરાધવધપણ્ડિતઃ ।

છિન્નશૂર્પણખાનાસઃ ખરદૂષણઘાતકઃ

॥ 140॥

શ્લોક 142

એકબાણહતાનેકસહસ્રબલરાક્ષસઃ ।

મારીચઘાતી નિયતસીતાસમ્બન્ધશોભિતઃ

॥ 141॥

શ્લોક 143

સીતાવિયોગનાટ્યશ્ચ જટાયુર્વધમોક્ષદઃ ।

શબરીપૂજિતો ભક્તહનુમત્પ્રમુખાવૃતઃ

॥ 142॥

શ્લોક 144

દુન્દુભ્યસ્થિપ્રહરણઃ સપ્તતાલવિભેદનઃ ।

સુગ્રીવરાજ્યદો વાલિઘાતી સાગરશોષણઃ

॥ 143॥

શ્લોક 145

સેતુબન્ધનકર્તા ચ વિભીષણહિતપ્રદઃ ।

રાવણાદિશિરશ્છેદી રાક્ષસાઘૌઘનાશકઃ

॥ 144॥

શ્લોક 146

સીતાઽભયપ્રદાતા ચ પુષ્પકાગમનોત્સુકઃ ।

અયોધ્યાપતિરત્યન્તસર્વલોકસુખપ્રદઃ

॥ 145॥

શ્લોક 147

મથુરાપુરનિર્માતા સુકૃતજ્ઞસ્વરૂપદઃ ।

જનકજ્ઞાનગમ્યશ્ચ ઐલાન્તપ્રકટશ્રુતિઃ

॥ 146॥

શ્લોક 148

હૈહયાન્તકરો રામો દુષ્ટક્ષત્રવિનાશકઃ ।

સોમવંશહિતૈકાત્મા યદુવંશવિવર્ધનઃ

॥ 147॥

શ્લોક 149

નિરોધલીલા

પરબ્રહ્માવતરણઃ કેશવઃ ક્લેશનાશનઃ ।

ભૂમિભારાવતરણો ભક્તાર્થાખિલમાનસઃ

॥ 148॥

શ્લોક 150

સર્વભક્તનિરોધાત્મા લીલાનન્તનિરોધકૃત્ ।

ભૂમિષ્ઠપરમાનન્દો દેવકીશુદ્ધિકારણમ્

॥ 149॥

શ્લોક 151

વસુદેવજ્ઞાનનિષ્ઠસમજીવનિવારકઃ ।

સર્વવૈરાગ્યકરણસ્વલીલાધારશોધકઃ

॥ 150॥

શ્લોક 152

માયાજ્ઞાપનકર્તા ચ શેષસમ્ભારસમ્ભૃતિઃ ।

ભક્તક્લેશપરિજ્ઞાતા તન્નિવારણતત્પરઃ

॥ 151॥

શ્લોક 153

આવિષ્ટવસુદેવાંશો દેવકીગર્ભભૂષણમ્ ।

પૂર્ણતેજોમયઃ પૂર્ણઃ કંસાધૃષ્યપ્રતાપવાન્

॥ 152॥

શ્લોક 154

વિવેકજ્ઞાનદાતા ચ બ્રહ્માદ્યખિલસંસ્તુતઃ ।

સત્યો જગત્કલ્પતરુર્નાનારૂપવિમોહનઃ

॥ 153॥

શ્લોક 155

ભક્તિમાર્ગપ્રતિષ્ઠાતા વિદ્વન્મોહપ્રવર્તકઃ ।

મૂલકાલગુણદ્રષ્ટા નયનાનન્દભાજનમ્

॥ 154॥

શ્લોક 156

વસુદેવસુખાબ્ધિશ્ચ દેવકીનયનામૃતમ્ ।

પિતૃમાતૃસ્તુતઃ પૂર્વસર્વવૃત્તાન્તબોધકઃ

॥ 155॥

શ્લોક 157

ગોકુલાગતિલીલાપ્તવસુદેવકરસ્થિતિઃ ।

સર્વેશત્વપ્રકટનો માયાવ્યત્યયકારકઃ

॥ 156॥

શ્લોક 158

જ્ઞાનમોહિતદુષ્ટેશઃ પ્રપઞ્ચાસ્મૃતિકારણમ્ ।

યશોદાનન્દનો નન્દભાગ્યભૂગોકુલોત્સવઃ

॥ 157॥

શ્લોક 159

નન્દપ્રિયો નન્દસૂનુર્યશોદાયાઃ સ્તનન્ધયઃ ।

પૂતનાસુપયઃપાતા મુગ્ધભાવાતિસુન્દરઃ

॥ 158॥

શ્લોક 160

સુન્દરીહૃદયાનન્દો ગોપીમન્ત્રાભિમન્ત્રિતઃ ।

ગોપાલાશ્ચર્યરસકૃત્ શકટાસુરખણ્ડનઃ

॥ 159॥

શ્લોક 161

નન્દવ્રજજનાનન્દી નન્દભાગ્યમહોદયઃ ।

તૃણાવર્તવધોત્સાહો યશોદાજ્ઞાનવિગ્રહઃ

॥ 160॥

શ્લોક 162

બલભદ્રપ્રિયઃ કૃષ્ણઃ સઙ્કર્ષણસહાયવાન્ ।

રામાનુજો વાસુદેવો ગોષ્ઠાઙ્ગણગતિપ્રિયઃ

॥ 161॥

શ્લોક 163

કિઙ્કિણીરવભાવજ્ઞો વત્સપુચ્છાવલમ્બનઃ ।

નવનીતપ્રિયો ગોપીમોહસંસારનાશકઃ

॥ 162॥

શ્લોક 164

ગોપબાલકભાવજ્ઞશ્ચૌર્યવિદ્યાવિશારદઃ ।

મૃત્સ્નાભક્ષણલીલાસ્યમાહાત્મ્યજ્ઞાનદાયકઃ

॥ 163॥

શ્લોક 165

ધરાદ્રોણપ્રીતિકર્તા દધિભાણ્ડવિભેદનઃ ।

દામોદરો ભક્તવશ્યો યમલાર્જુનભઞ્જનઃ

॥ 164॥

શ્લોક 166

બૃહદ્વનમહાશ્ચર્યો વૃન્દાવનગતિપ્રિયઃ ।

વત્સઘાતી બાલકેલિર્બકાસુરનિષૂદનઃ

॥ 165॥

શ્લોક 167

અરણ્યભોક્તાઽપ્યથવા બાલલીલાપરાયણઃ ।

પ્રોત્સાહજનકશ્ચૈવમઘાસુરનિષૂદનઃ

॥ 166॥

શ્લોક 168

વ્યાલમોક્ષપ્રદઃ પુષ્ટો બ્રહ્મમોહપ્રવર્ધનઃ ।

અનન્તમૂર્તિઃ સર્વાત્મા જઙ્ગમસ્થાવરાકૃતિઃ

॥ 167॥

શ્લોક 169

બ્રહ્મમોહનકર્તા ચ સ્તુત્ય આત્મા સદાપ્રિયઃ ।

પૌગણ્ડલીલાભિરતિર્ગોચારણપરાયણઃ

॥ 168॥

શ્લોક 170

વૃન્દાવનલતાગુલ્મવૃક્ષરૂપનિરૂપકઃ ।

નાદબ્રહ્મપ્રકટનો વયઃપ્રતિકૃતિસ્વનઃ

॥ 169॥

શ્લોક 171

બર્હિનૃત્યાનુકરણો ગોપાલાનુકૃતિસ્વનઃ ।

સદાચારપ્રતિષ્ઠાતા બલશ્રમનિરાકૃતિઃ

॥ 170॥

શ્લોક 172

તરુમૂલકૃતાશેષતલ્પશાયી સખિસ્તુતઃ ।

ગોપાલસેવિતપદઃ શ્રીલાલિતપદામ્બુજઃ

॥ 171॥

શ્લોક 173

ગોપસમ્પ્રાર્થિતફલદાનનાશિતધેનુકઃ ।

કાલીયફણિમાણિક્યરઞ્જિતશ્રીપદામ્બુજઃ

॥ 172॥

શ્લોક 174

દૃષ્ટિસઙ્જીવિતાશેષગોપગોગોપિકાપ્રિયઃ ।

લીલાસમ્પીતદાવાગ્નિઃ પ્રલમ્બવધપણ્ડિતઃ

॥ 173॥

શ્લોક 175

દાવાગ્ન્યાવૃતગોપાલદૃષ્ટ્યાચ્છાદનવહ્નિપઃ ।

વર્ષાશરદ્વિભૂતિશ્રીર્ગોપીકામપ્રબોધકઃ

॥ 174॥

શ્લોક 176

ગોપીરત્નસ્તુતાશેષવેણુવાદ્યવિશારદઃ ।

કાત્યાયનીવ્રતવ્યાજસર્વભાવાશ્રિતાઙ્ગનઃ

॥ 175॥

શ્લોક 177

સત્સઙ્ગતિસ્તુતિવ્યાજસ્તુતવૃન્દાવનાઙ્ઘ્રિપઃ ।

ગોપક્ષુચ્છાન્તિસંવ્યાજવિપ્રભાર્યાપ્રસાદકૃત્

॥ 176॥

શ્લોક 178

હેતુપ્રાપ્તેન્દ્રયાગસ્વકાર્યગોસવબોધકઃ ।

શૈલરૂપકૃતાશેષરસભોગસુખાવહઃ

॥ 177॥

શ્લોક 179

લીલાગોવર્ધનોદ્ધારપાલિતસ્વવ્રજપ્રિયઃ ।

ગોપસ્વચ્છન્દલીલાર્થગર્ગવાક્યાર્થબોધકઃ

॥ 178॥

શ્લોક 180

ઇન્દ્રધેનુસ્તુતિપ્રાપ્તગોવિન્દેન્દ્રાભિધાનવાન્ ।

વ્રતાદિધર્મસંસક્તનન્દક્લેશવિનાશકઃ

॥ 179॥

શ્લોક 181

નન્દાદિગોપમાત્રેષ્ટવૈકુણ્ઠગતિદાયકઃ ।

વેણુવાદસ્મરક્ષોભમત્તગોપીવિમુક્તિદઃ

॥ 180॥

શ્લોક 182

સર્વભાવપ્રાપ્તગોપીસુખસંવર્ધનક્ષમઃ ।

ગોપીગર્વપ્રણાશાર્થતિરોધાનસુખપ્રદઃ

॥ 181॥

શ્લોક 183

કૃષ્ણભાવવ્યાપ્તવિશ્વગોપીભાવિતવેષધૃક્ ।

રાધાવિશેષસમ્ભોગપ્રાપ્તદોષનિવારકઃ

॥ 182॥

શ્લોક 184

પરમપ્રીતિસઙ્ગીતસર્વાદ્ભુતમહાગુણઃ ।

માનાપનોદનાક્રન્દગોપીદૃષ્ટિમહોત્સવઃ

॥ 183॥

શ્લોક 185

ગોપિકાવ્યાપ્તસર્વાઙ્ગઃ સ્ત્રીસમ્ભાષાવિશારદઃ ।

રાસોત્સવમહાસૌખ્યગોપીસમ્ભોગસાગરઃ

॥ 184॥

શ્લોક 186

જલસ્થલરતિવ્યાપ્તગોપીદૃષ્ટ્યભિપૂજિતઃ ।

શાસ્ત્રાનપેક્ષકામૈકમુક્તિદ્વારવિવર્ધનઃ

॥ 185॥

શ્લોક 187

સુદર્શનમહાસર્પગ્રસ્તનન્દવિમોચકઃ ।

ગીતમોહિતગોપીધૃક્ષઙ્ખચૂડવિનાશકઃ

॥ 186॥

શ્લોક 188

ગુણસઙ્ગીતસન્તુષ્ટિર્ગોપીસંસારવિસ્મૃતિઃ ।

અરિષ્ટમથનો દૈત્યબુદ્ધિવ્યામોહકારકઃ

॥ 187॥

શ્લોક 189

કેશિઘાતી નારદેષ્ટો વ્યોમાસુરવિનાશકઃ ।

અક્રૂરભક્તિસંરાદ્ધપાદરેણુમહાનિધિઃ

॥ 188॥

શ્લોક 190

રથાવરોહશુદ્ધાત્મા ગોપીમાનસહારકઃ ।

હ્રદસન્દર્શિતાશેષવૈકુણ્ઠાક્રૂરસંસ્તુતઃ

॥ 189॥

શ્લોક 191

મથુરાગમનોત્સાહો મથુરાભાગ્યભાજનમ્ ।

મથુરાનગરીશોભાદર્શનોત્સુકમાનસઃ

॥ 190॥

શ્લોક 192

દુષ્ટરઞ્જકઘાતી ચ વાયકાર્ચિતવિગ્રહઃ ।

વસ્ત્રમાલાસુશોભાઙ્ગઃ કુબ્જાલેપનભૂષિતઃ

॥ 191॥

શ્લોક 193

કુબ્જાસુરૂપકર્તા ચ કુબ્જારતિવરપ્રદઃ ।

પ્રસાદરૂપસન્તુષ્ટહરકોદણ્ડખણ્ડનઃ

॥ 192॥

શ્લોક 194

શકલાહતકંસાપ્તધનૂરક્ષકસૈનિકઃ ।

જાગ્રત્સ્વપ્નભયવ્યાપ્તમૃત્યુલક્ષણબોધકઃ

॥ 193॥

શ્લોક 195

મથુરામલ્લ ઓજસ્વી મલ્લયુદ્ધવિશારદઃ ।

સદ્યઃ કુવલયાપીડઘાતી ચાણૂરમર્દનઃ

॥ 194॥

શ્લોક 196

લીલાહતમહામલ્લઃ શલતોશલઘાતકઃ ।

કંસાન્તકો જિતામિત્રો વસુદેવવિમોચકઃ

॥ 195॥

શ્લોક 197

જ્ઞાતતત્ત્વપિતૃજ્ઞાનમોહનામૃતવાઙ્મયઃ ।

ઉગ્રસેનપ્રતિષ્ઠાતા યાદવાધિવિનાશકઃ

॥ 196॥

શ્લોક 198

નન્દાદિસાન્ત્વનકરો બ્રહ્મચર્યવ્રતે સ્થિતઃ ।

ગુરુશુશ્રૂષણપરો વિદ્યાપારમિતેશ્વરઃ

॥ 197॥

શ્લોક 199

સાન્દીપનિમૃતાપત્યદાતા કાલાન્તકાદિજિત્ ।

ગોકુલાશ્વાસનપરો યશોદાનન્દપોષકઃ

॥ 198॥

શ્લોક 200

ગોપિકાવિરહવ્યાજમનોગતિરતિપ્રદઃ ।

સમોદ્ધવભ્રમરવાક્ ગોપિકામોહનાશકઃ

॥ 199॥

શ્લોક 201

કુબ્જારતિપ્રદોઽક્રૂરપવિત્રીકૃતભૂગૃહઃ ।

પૃથાદુઃખપ્રણેતા ચ પાણ્ડવાનાં સુખપ્રદઃ

॥ 200॥

શ્લોક 202

દશમસ્કન્ધોત્તરાર્ધનામાનિ નિરોધલીલા

જરાસન્ધસમાનીતસૈન્યઘાતી વિચારકઃ ।

યવનવ્યાપ્તમથુરાજનદત્તકુશસ્થલિઃ

॥ 201॥

શ્લોક 203

દ્વારકાદ્ભુતનિર્માણવિસ્માપિતસુરાસુરઃ ।

મનુષ્યમાત્રભોગાર્થભૂમ્યાનીતેન્દ્રવૈભવઃ

॥ 202॥

શ્લોક 204

યવનવ્યાપ્તમથુરાનિર્ગમાનન્દવિગ્રહઃ ।

મુચુકુન્દમહાબોધયવનપ્રાણદર્પહા

॥ 203॥

શ્લોક 205

મુચુકુન્દસ્તુતાશેષગુણકર્મમહોદયઃ ।

ફલપ્રદાનસન્તુષ્ટિર્જન્માન્તરિતમોક્ષદઃ

॥ 204॥

શ્લોક 206

શિવબ્રાહ્મણવાક્યાપ્તજયભીતિવિભાવનઃ ।

પ્રવર્ષણપ્રાર્થિતાગ્નિદાનપુણ્યમહોત્સવઃ

॥ 205॥

શ્લોક 207

રુક્મિણીરમણઃ કામપિતા પ્રદ્યુમ્નભાવનઃ ।

સ્યમન્તકમણિવ્યાજપ્રાપ્તજામ્બવતીપતિઃ

॥ 206॥

શ્લોક 208

સત્યભામાપ્રાણપતિઃ કાલિન્દીરતિવર્ધનઃ ।

મિત્રવિન્દાપતિઃ સત્યાપતિર્વૃષનિષૂદનઃ

॥ 207॥

શ્લોક 209

ભદ્રાવાઞ્છિતભર્તા ચ લક્ષ્મણાવરણક્ષમઃ ।

ઇન્દ્રાદિપ્રાર્થિતવધનરકાસુરસૂદનઃ

॥ 208॥

શ્લોક 210

મુરારિઃ પીઠહન્તા ચ તામ્રાદિપ્રાણહારકઃ ।

ષોડશસ્ત્રીસહસ્રેશઃ છત્રકુણ્ડલદાનકૃત્

॥ 209॥

શ્લોક 211

પારિજાતાપહરણો દેવેન્દ્રમદનાશકઃ ।

રુક્મિણીસમસર્વસ્ત્રીસાધ્યભોગરતિપ્રદઃ

॥ 210॥

શ્લોક 212

રુક્મિણીપરિહાસોક્તિવાક્તિરોધાનકારકઃ ।

પુત્રપૌત્રમહાભાગ્યગૃહધર્મપ્રવર્તકઃ

॥ 211॥

શ્લોક 213

શમ્બરાન્તકસત્પુત્રવિવાહહતરુક્મિકઃ ।

ઉષાપહૃતપૌત્રશ્રીર્બાણબાહુનિવારકઃ

॥ 212॥

શ્લોક 214

શીતજ્વરભયવ્યાપ્તજ્વરસંસ્તુતષડ્ગુણઃ ।

શઙ્કરપ્રતિયોદ્ધા ચ દ્વન્દ્વયુદ્ધવિશારદઃ

॥ 213॥

શ્લોક 215

નૃગપાપપ્રભેત્તા ચ બ્રહ્મસ્વગુણદોષદૃક્ ।

વિષ્ણુભક્તિવિરોધૈકબ્રહ્મસ્વવિનિવારકઃ

॥ 214॥

શ્લોક 216

બલભદ્રાહિતગુણો ગોકુલપ્રીતિદાયકઃ ।

ગોપીસ્નેહૈકનિલયો ગોપીપ્રાણસ્થિતિપ્રદઃ

॥ 215॥

શ્લોક 217

વાક્યાતિગામિયમુનાહલાકર્ષણવૈભવઃ ।

પૌણ્ડ્રકત્યાજિતસ્પર્ધઃ કાશીરાજવિભેદનઃ

॥ 216॥

શ્લોક 218

કાશીનિદાહકરણઃ શિવભસ્મપ્રદાયકઃ ।

દ્વિવિદપ્રાણઘાતી ચ કૌરવાખર્વગર્વનુત્

॥ 217॥

શ્લોક 219

લાઙ્ગલાકૃષ્ટનગરીસંવિગ્નાખિલનાગરઃ ।

પ્રપન્નાભયદઃ સામ્બપ્રાપ્તસન્માનભાજનમ્

॥ 218॥

શ્લોક 220

નારદાન્વિષ્ટચરણો ભક્તવિક્ષેપનાશકઃ ।

સદાચારૈકનિલયઃ સુધર્માધ્યાસિતાસનઃ

॥ 219॥

શ્લોક 221

જરાસન્ધાવરુદ્ધેન વિજ્ઞાપિતનિજક્લમઃ ।

મન્ત્ર્યુદ્ધવાદિવાક્યોક્તપ્રકારૈકપરાયણઃ

॥ 220॥

શ્લોક 222

રાજસૂયાદિમખકૃત્ સમ્પ્રાર્થિતસહાયકૃત્ ।

ઇન્દ્રપ્રસ્થપ્રયાણાર્થમહત્સમ્ભારસમ્ભૃતિઃ

॥ 221॥

શ્લોક 223

જરાસન્ધવધવ્યાજમોચિતાશેષભૂમિપઃ ।

સન્માર્ગબોધકો યજ્ઞક્ષિતિવારણતત્પરઃ

॥ 222॥

શ્લોક 224

શિશુપાલહતિવ્યાજજયશાપવિમોચકઃ ।

દુર્યોધનાભિમાનાબ્ધિશોષબાણવૃકોદરઃ

॥ 223॥

શ્લોક 225

મહાદેવવરપ્રાપ્તપુરશાલ્વવિનાશકઃ ।

દન્તવક્ત્રવધવ્યાજવિજયાઘૌઘનાશકઃ

॥ 224॥

શ્લોક 226

વિદૂરથપ્રાણહર્તા ન્યસ્તશસ્ત્રાસ્ત્રવિગ્રહઃ ।

ઉપધર્મવિલિપ્તાઙ્ગસૂતઘાતી વરપ્રદઃ

॥ 225॥

શ્લોક 227

બલ્વલપ્રાણહરણપાલિતર્ષિશ્રુતિક્રિયઃ ।

સર્વતીર્થાઘનાશાર્થતીર્થયાત્રાવિશારદઃ

॥ 226॥

શ્લોક 228

જ્ઞાનક્રિયાવિભેદેષ્ટફલસાધનતત્પરઃ ।

સારથ્યાદિક્રિયાકર્તા ભક્તવશ્યત્વબોધકઃ

॥ 227॥

શ્લોક 229

સુદામારઙ્કભાર્યાર્થભૂમ્યાનીતેન્દ્રવૈભવઃ ।

રવિગ્રહનિમિત્તાપ્તકુરુક્ષેત્રૈકપાવનઃ

॥ 228॥

શ્લોક 230

નૃપગોપીસમસ્તસ્ત્રીપાવનાર્થાખિલક્રિયઃ ।

ઋષિમાર્ગપ્રતિષ્ઠાતા વસુદેવમખક્રિયઃ

॥ 229॥

શ્લોક 231

વસુદેવજ્ઞાનદાતા દેવકીપુત્રદાયકઃ ।

અર્જુનસ્ત્રીપ્રદાતા ચ બહુલાશ્વસ્વરૂપદઃ

॥ 230॥

શ્લોક 232

શ્રુતદેવેષ્ટદાતા ચ સર્વશ્રુતિનિરૂપિતઃ ।

મહાદેવાદ્યતિશ્રેષ્ઠો ભક્તિલક્ષણનિર્ણયઃ

॥ 231॥

શ્લોક 233

વૃકગ્રસ્તશિવત્રાતા નાનાવાક્યવિશારદઃ ।

નરગર્વવિનાશાર્થહૃતબ્રાહ્મણબાલકઃ

॥ 232॥

શ્લોક 234

લોકાલોકપરસ્થાનસ્થિતબાલકદાયકઃ ।

દ્વારકાસ્થમહાભોગનાનાસ્ત્રીરતિવર્ધનઃ

॥ 233॥

શ્લોક 235

મનસ્તિરોધાનકૃતવ્યગ્રસ્ત્રીચિત્તભાવિતઃ ।

મુક્તિલીલા

મુક્તિલીલાવિહરણો મૌશલવ્યાજસંહૃતિઃ

॥ 234॥

શ્લોક 236

શ્રીભાગવતધર્માદિબોધકો ભક્તિનીતિકૃત્ ।

ઉદ્ધવજ્ઞાનદાતા ચ પઞ્ચવિંશતિધા ગુરુઃ

॥ 235॥

શ્લોક 237

આચારભક્તિમુક્ત્યાદિવક્તા શબ્દોદ્ભવસ્થિતિઃ ।

હંસો ધર્મપ્રવક્તા ચ સનકાદ્યુપદેશકૃત્

॥ 236॥

શ્લોક 238

ભક્તિસાધનવક્તા ચ યોગસિદ્ધિપ્રદાયકઃ ।

નાનાવિભૂતિવક્તા ચ શુદ્ધધર્માવબોધકઃ

॥ 237॥

શ્લોક 239

માર્ગત્રયવિભેદાત્મા નાનાશઙ્કાનિવારકઃ ।

ભિક્ષુગીતાપ્રવક્તા ચ શુદ્ધસાઙ્ખ્યપ્રવર્તકઃ

॥ 238॥

શ્લોક 240

મનોગુણવિશેષાત્મા જ્ઞાપકોક્તપુરૂરવાઃ ।

પૂજાવિધિપ્રવક્તા ચ સર્વસિદ્ધાન્તબોધકઃ

॥ 239॥

શ્લોક 241

લઘુસ્વમાર્ગવક્તા ચ સ્વસ્થાનગતિબોધકઃ ।

યાદવાઙ્ગોપસંહર્તા સર્વાશ્ચર્યગતિક્રિયઃ

॥ 240॥

શ્લોક 242

આશ્રયલીલા

કાલધર્મવિભેદાર્થવર્ણનાશનતત્પરઃ ।

બુદ્ધો ગુપ્તાર્થવક્તા ચ નાનાશાસ્ત્રવિધાયકઃ

॥ 241॥

શ્લોક 243

નષ્ટધર્મમનુષ્યાદિલક્ષણજ્ઞાપનોત્સુકઃ ।

આશ્રયૈકગતિજ્ઞાતા કલ્કિઃ કલિમલાપહઃ

॥ 242॥

શ્લોક 244

શાસ્ત્રવૈરાગ્યસમ્બોધો નાનાપ્રલયબોધકઃ ।

વિશેષતઃ શુકવ્યાજપરીક્ષિજ્જ્ઞાનબોધકઃ

॥ 243॥

શ્લોક 245

શુકેષ્ટગતિરૂપાત્મા પરીક્ષિદ્દેહમોક્ષદઃ ।

શબ્દરૂપો નાદરૂપો વેદરૂપો વિભેદનઃ

॥ 244॥

શ્લોક 246

વ્યાસઃ શાખાપ્રવક્તા ચ પુરાણાર્થપ્રવર્તકઃ ।

માર્કણ્ડેયપ્રસન્નાત્મા વટપત્રપુટેશયઃ

॥ 245॥

શ્લોક 247

માયાવ્યાપ્તમહામોહદુઃખશાન્તિપ્રવર્તકઃ ।

મહાદેવસ્વરૂપશ્ચ ભક્તિદાતા કૃપાનિધિઃ

॥ 246॥

શ્લોક 248

આદિત્યાન્તર્ગતઃ કાલઃ દ્વાદશાત્મા સુપૂજિતઃ ।

શ્રીભાગવતરૂપશ્ચ સર્વાર્થફલદાયકઃ

॥ 247॥

શ્લોક 249

ઇતીદં કીર્તનીયસ્ય હરેર્નામસહસ્રકમ્ ।

પઞ્ચસપ્તતિવિસ્તીર્ણં પુરાણાન્તરભાષિતમ્

॥ 248॥

શ્લોક 250

ય એતત્પ્રાતરુત્થાય શ્રદ્ધાવાન્ સુસમાહિતઃ ।

જપેદર્થાહિતમતિઃ સ ગોવિન્દપદં લભેત્

॥ 249॥

શ્લોક 251

સર્વધર્મવિનિર્મુક્તઃ સર્વસાધનવર્જિતઃ ।

એતદ્ધારણમાત્રેણ કૃષ્ણસ્ય પદવીં વ્રજેત્

॥ 250॥

શ્લોક 252

હર્યાવેશિતચિત્તેન શ્રીભાગવતસાગરાત્ ।

સમુદ્ધૃતાનિ નામાનિ ચિન્તામણિનિભાનિ હિ

॥ 251॥

શ્લોક 253

કણ્ઠસ્થિતાન્યર્થદીપ્ત્યા બાધન્તેઽજ્ઞાનજં તમઃ ।

ભક્તિં શ્રીકૃષ્ણદેવસ્ય સાધયન્તિ વિનિશ્ચિતમ્

॥ 252॥

શ્લોક 254

કિમ્બહૂક્તેન ભગવાન્ નામભિઃ સ્તુતષડ્ગુણઃ ।

આત્મભાવં નયત્યાશુ ભક્તિં ચ કુરુતે દૃઢામ્

॥ 253॥

શ્લોક 255

યઃ કૃષ્ણભક્તિમિહ વાઞ્છતિ સાધનૌઘૈર્-

નામાનિ ભાસુરયશાંસિ જપેત્સ નિત્યમ્ ।

તં વૈ હરિઃ સ્વપુરુષં કુરુતેઽતિશીઘ્રમ્-

આત્માર્પણં સમધિગચ્છતિ ભાવતુષ્ટઃ

॥ 254॥

શ્લોક 256

શ્રીકૃષ્ણ કૃષ્ણસખ વૃષ્ણિવૃષાવનિધ્રુગ્-

રાજન્યવંશદહનાનપવર્ગવીર્ય ।

ગોવિન્દ ગોપવનિતાવ્રજભૃત્યગીત

તીર્થશ્રવઃ શ્રવણમઙ્ગલ પાહિ ભૃત્યાન્

॥ 255॥

શ્લોક 257

॥ ઇતિ શ્રીભાગવતસારસમુચ્ચયે વૈશ્વાનરોક્તં

શ્રીવલ્લભાચાર્યવિરચિતં

શ્રીપુરુષોત્તમસહસ્રનામસ્તોત્રં સમ્પૂર્ણમ્ ॥