শ্রী পুরুষোত্তম সহস্র নাম স্তোত্রম্

শ্রী পুরুষোত্তম সহস্র নাম স্তোত্রম্

শ্লোক 1

বিনিযোগঃ

পুরাণপুরুষো বিষ্ণুঃ পুরুষোত্তম উচ্যতে ।

নাম্নাং সহস্রং বক্ষ্যামি তস্য ভাগবতোদ্ধৃতম্

শ্লোক 2

যস্য প্রসাদাদ্বাগীশাঃ প্রজেশা বিভবোন্নতাঃ ।

ক্ষুদ্রা অপি ভবন্ত্যাশু শ্রীকৃষ্ণং তং নতোঽস্ম্যহম্

॥ 1॥

শ্লোক 3

অনন্তা এব কৃষ্ণস্য লীলা নামপ্রবর্তিকাঃ ।

উক্তা ভাগবতে গূহাঃ প্রকটা অপি কুত্রচিত্

॥ 2॥

শ্লোক 4

অতস্তানি প্রবক্ষ্যামি নামানি মুরবৈরিণঃ ।

সহস্রং যৈস্তু পঠিতৈঃ পঠিতং স্যাচ্ছুকামৃতম্

॥ 3॥

শ্লোক 5

কৃষ্ণনামসহস্রস্য ঋষিরগ্নির্নিরূপিতঃ ।

গাযত্রী চ তথা ছন্দো দেবতা পুরুষোত্তমঃ

॥ 4॥

শ্লোক 6

বিনিযোগঃ সমস্তেষু পুরুষার্থেষু বৈ মতঃ ।

বীজং ভক্তপ্রিযঃ শক্তিঃ সত্যবাগুচ্যতে হরিঃ

॥ 5॥

শ্লোক 7

ভক্তোদ্ধরণযত্নস্তু মন্ত্রোঽত্র পরমো মতঃ ।

অবতারিতভক্তাংশঃ কীলকং পরিকীর্তিতম্

॥ 6॥

শ্লোক 8

অস্ত্রং সর্বসমর্থশ্চ গোবিন্দঃ কবচং মতম্ ।

পুরুষো ধ্যানমত্রোক্তঃ সিদ্ধিঃ শরণসংস্মৃতিঃ

॥ 7॥

শ্লোক 9

অধিকারলীলা

শ্রীকৃষ্ণঃ সচ্চিদানন্দো নিত্যলীলাবিনোদকৃত্ ।

সর্বাগমবিনোদী চ লক্ষ্মীশঃ পুরুষোত্তমঃ

॥ 8॥

শ্লোক 10

আদিকালঃ সর্বকালঃ কালাত্মা মাযযাবৃতঃ ।

ভক্তোদ্ধারপ্রযত্নাত্মা জগত্কর্তা জগন্মযঃ

॥ 9॥

শ্লোক 11

নামলীলাপরো বিষ্ণুর্ব্যাসাত্মা শুকমোক্ষদঃ ।

ব্যাপিবৈকুণ্ঠদাতা চ শ্রীমদ্ভাগবতাগমঃ

॥ 10॥

শ্লোক 12

শুকবাগমৃতাব্ধীন্দুঃ শৌনকাদ্যখিলেষ্টদঃ ।

ভক্তিপ্রবর্তকস্ত্রাতা ব্যাসচিন্তাবিনাশকঃ

॥ 11॥

শ্লোক 13

সর্বসিদ্ধান্তবাগাত্মা নারদাদ্যখিলেষ্টদঃ ।

অন্তরাত্মা ধ্যানগম্যো ভক্তিরত্নপ্রদাযকঃ

॥ 12॥

শ্লোক 14

মুক্তোপসৃপ্যঃ পূর্ণাত্মা মুক্তানাং রতিবর্ধনঃ ।

ভক্তকার্যৈকনিরতো দ্রৌণ্যস্ত্রবিনিবারকঃ

॥ 13॥

শ্লোক 15

ভক্তস্মযপ্রণেতা চ ভক্তবাক্পরিপালকঃ ।

ব্রহ্মণ্যদেবো ধর্মাত্মা ভক্তানাং চ পরীক্ষকঃ

॥ 14॥

শ্লোক 16

আসন্নহিতকর্তা চ মাযাহিতকরঃ প্রভুঃ ।

উত্তরাপ্রাণদাতা চ ব্রহ্মাস্ত্রবিনিবারকঃ

॥ 15॥

শ্লোক 17

সর্বতঃ পাণবপতিঃ পরীক্ষিচ্ছুদ্ধিকারণম্ ।

গূহাত্মা সর্ববেদেষু ভক্তৈকহৃদযঙ্গমঃ

॥ 16॥

শ্লোক 18

কুন্তীস্তুত্যঃ প্রসন্নাত্মা পরমাদ্ভুতকার্যকৃত্ ।

ভীষ্মমুক্তিপ্রদঃ স্বামী ভক্তমোহনিবারকঃ

॥ 17॥

শ্লোক 19

সর্বাবস্থাসু সংসেব্যঃ সমঃ সুখহিতপ্রদঃ ।

কৃতকৃত্যঃ সর্বসাক্ষী ভক্তস্ত্রীরতিবর্ধনঃ

॥ 18॥

শ্লোক 20

সর্বসৌভাগ্যনিলযঃ পরমাশ্চর্যরূপধৃক্ ।

অনন্যপুরুষস্বামী দ্বারকাভাগ্যভাজনম্

॥ 19॥

শ্লোক 21

বীজসংস্কারকর্তা চ পরীক্ষিজ্জানপোষকঃ ।

সর্বত্রপূর্ণগুণকঃ সর্বভূষণভূষিতঃ

॥ 20॥

শ্লোক 22

সর্বলক্ষণদাতা চ ধৃতরাষ্ট্রবিমুক্তিদঃ ।

সন্মার্গরক্ষকো নিত্যং বিদুরপ্রীতিপূরকঃ

॥ 21॥

শ্লোক 23

লীলাব্যামোহকর্তা চ কালধর্মপ্রবর্তকঃ ।

পাণবানাং মোক্ষদাতা পরীক্ষিদ্ভাগ্যবর্ধনঃ

॥ 22॥

শ্লোক 24

কলিনিগ্রহকর্তা চ ধর্মাদীনাং চ পোষকঃ ।

সত্সঙ্গজানহেতুশ্চ শ্রীভাগবতকারণম্

॥ 23॥

শ্লোক 25

প্রাকৃতাদৃষ্টমার্গশ্চ॥॥॥॥॥॥ চোন্তিনুএদ্

জ্ঞান-সাধন-লীলা

॥॥॥॥॥॥॥॥॥॥॥॥ শ্রোতব্যঃ সকলাগমৈঃ ।

কীর্তিতব্যঃ শুদ্ধভাবৈঃ স্মর্তব্যশ্চাত্মবিত্তমৈঃ

॥ 24॥

শ্লোক 26

অনেকমার্গকর্তা চ নানাবিধগতিপ্রদঃ ।

পুরুষঃ সকলাধারঃ সত্ত্বৈকনিলযাত্মভূঃ

॥ 25॥

শ্লোক 27

সর্বধ্যেযো যোগগম্যো ভক্ত্যা গ্রাহ্যঃ সুরপ্রিযঃ ।

জন্মাদিসার্থককৃতির্লীলাকর্তা পতিঃ সতাম্

॥ 26॥

শ্লোক 28

আদিকর্তা তত্ত্বকর্তা সর্বকর্তা বিশারদঃ ।

নানাবতারকর্তা চ ব্রহ্মাবির্ভাবকারণম্

॥ 27॥

শ্লোক 29

দশলীলাবিনোদী চ নানাসৃষ্টিপ্রবর্তকঃ ।

অনেককল্পকর্তা চ সর্বদোষবিবর্জিতঃ

॥ 28॥

শ্লোক 30

সর্গলীলা

বৈরাগ্যহেতুস্তীর্থাত্মা সর্বতীর্থফলপ্রদঃ ।

তীর্থশুদ্ধৈকনিলযঃ স্বমার্গপরিপোষকঃ

॥ 29॥

শ্লোক 31

তীর্থকীর্তির্ভক্তগম্যো ভক্তানুশযকার্যকৃত্ ।

ভক্ততুল্যঃ সর্বতুল্যঃ স্বেচ্ছাসর্বপ্রবর্তকঃ

॥ 30॥

শ্লোক 32

গুণাতীতোঽনবদ্যাত্মা সর্গলীলাপ্রবর্তকঃ ।

সাক্ষাত্সর্বজগত্কর্তা মহদাদিপ্রবর্তকঃ

॥ 31॥

শ্লোক 33

মাযাপ্রবর্তকঃ সাক্ষী মাযারতিবিবর্ধনঃ ।

আকাশাত্মা চতুর্মূর্তিশ্চতুর্ধা ভূতভাবনঃ

॥ 32॥

শ্লোক 34

রজঃপ্রবর্তকো ব্রহ্মা মরীচ্যাদিপিতামহঃ ।

বেদকর্তা যজ্ঞকর্তা সর্বকর্তাঽমিতাত্মকঃ

॥ 33॥

শ্লোক 35

অনেকসৃষ্টিকর্তা চ দশধাসৃষ্টিকারকঃ ।

যজ্ঞাঙ্গো যজ্ঞবারাহো ভূধরো ভূমিপালকঃ

॥ 34॥

শ্লোক 36

সেতুর্বিধরণো জৈত্রো হিরণ্যাক্ষান্তকঃ সুরঃ ।

দিতিকশ্যপকামৈকহেতুসৃষ্টিপ্রবর্তকঃ

॥ 35॥

শ্লোক 37

দেবাভযপ্রদাতা চ বৈকুণ্ঠাধিপতির্মহান্ ।

সর্বগর্বপ্রহারী চ সনকাদ্যখিলার্থদঃ

॥ 36॥

শ্লোক 38

সর্বাশ্বাসনকর্তা চ ভক্ততুল্যাহবপ্রদঃ ।

কাললক্ষণহেতুশ্চ সর্বার্থজ্ঞাপকঃ পরঃ

॥ 37॥

শ্লোক 39

ভক্তোন্নতিকরঃ সর্বপ্রকারসুখদাযকঃ ।

নানাযুদ্ধপ্রহরণো ব্রহ্মশাপবিমোচকঃ

॥ 38॥

শ্লোক 40

পুষ্টিসর্গপ্রণেতা চ গুণসৃষ্টিপ্রবর্তকঃ ।

কর্দমেষ্টপ্রদাতা চ দেবহূত্যখিলার্থদঃ

॥ 39॥

শ্লোক 41

শুক্লনারাযণঃ সত্যকালধর্মপ্রবর্তকঃ ।

জ্ঞানাবতারঃ শান্তাত্মা কপিলঃ কালনাশকঃ

॥ 40॥

শ্লোক 42

ত্রিগুণাধিপতিঃ সাঙ্খ্যশাস্ত্রকর্তা বিশারদঃ ।

সর্গদূষণহারী চ পুষ্টিমোক্ষপ্রবর্তকঃ

॥ 41॥

শ্লোক 43

লৌকিকানন্দদাতা চ ব্রহ্মানন্দপ্রবর্তকঃ ।

ভক্তিসিদ্ধান্তবক্তা চ সগুণজ্ঞানদীপকঃ

॥ 42॥

শ্লোক 44

আত্মপ্রদঃ পূর্ণকামো যোগাত্মা যোগভাবিতঃ ।

জীবন্মুক্তিপ্রদঃ শ্রীমানন্যভক্তিপ্রবর্তকঃ

॥ 43॥

শ্লোক 45

কালসামর্থ্যদাতা চ কালদোষনিবারকঃ ।

গর্ভোত্তমজ্ঞানদাতা কর্মমার্গনিযামকঃ

॥ 44॥

শ্লোক 46

সর্বমার্গনিরাকর্তা ভক্তিমার্গৈকপোষকঃ ।

সিদ্ধিহেতুঃ সর্বহেতুঃ সর্বাশ্চর্যৈককারণম্

॥ 45॥

শ্লোক 47

চেতনাচেতনপতিঃ সমুদ্রপরিপূজিতঃ ।

সাঙ্খ্যাচার্যস্তুতঃ সিদ্ধপূজিতঃ সর্বপূজিতঃ

॥ 46॥

শ্লোক 48

বিসর্গলীলা

বিসর্গকর্তা সর্বেশঃ কোটিসূর্যসমপ্রভঃ ।

অনন্তগুণগম্ভীরো মহাপুরুষপূজিতঃ

॥ 47॥

শ্লোক 49

অনন্তসুখদাতা চ ব্রহ্মকোটিপ্রজাপতিঃ ।

সুধাকোটিস্বাস্থ্যহেতুঃ কামধুক্কোটিকামদঃ

॥ 48॥

শ্লোক 50

সমুদ্রকোটিগম্ভীরস্তীর্থকোটিসমাহ্বযঃ ।

সুমেরুকোটিনিষ্কম্পঃ কোটিব্রহ্মাণ্ডবিগ্রহঃ

॥ 49॥

শ্লোক 51

কোট্যশ্বমেধপাপঘ্নো বাযুকোটিমহাবলঃ ।

কোটীন্দুজগদানন্দী শিবকোটিপ্রসাদকৃত্

॥ 50॥

শ্লোক 52

সর্বসদ্গুণমাহাত্ম্যঃ সর্বসদ্গুণভাজনম্ ।

মন্বাদিপ্রেরকো ধর্মো যজ্ঞনারাযণঃ পরঃ

॥ 51॥

শ্লোক 53

আকূতিসূনুর্দেবেন্দ্রো রুচিজন্মাঽভযপ্রদঃ ।

দক্ষিণাপতিরোজস্বী ক্রিযাশক্তিঃ পরাযণঃ

॥ 52॥

শ্লোক 54

দত্তাত্রেযো যোগপতির্যোগমার্গপ্রবর্তকঃ ।

অনসূযাগর্ভরত্নমৃষিবংশবিবর্ধনঃ

॥ 53॥

শ্লোক 55

গুণত্রযবিভাগজ্ঞশ্চতুর্বর্গবিশারদঃ ।

নারাযণো ধর্মসূনুর্মূর্তিপুণ্যযশস্করঃ

॥ 54॥

শ্লোক 56

সহস্রকবচচ্ছেদী তপঃসারো নরপ্রিযঃ ।

বিশ্বানন্দপ্রদঃ কর্মসাক্ষী ভারতপূজিতঃ

॥ 55॥

শ্লোক 57

অনন্তাদ্ভুতমাহাত্ম্যো বদরীস্থানভূষণম্ ।

জিতকামো জিতক্রোধো জিতসঙ্গো জিতেন্দ্রিযঃ

॥ 56॥

শ্লোক 58

উর্বশীপ্রভবঃ স্বর্গসুখদাযী স্থিতিপ্রদঃ ।

অমানী মানদো গোপ্তা ভগবচ্ছাস্ত্রবোধকঃ

॥ 57॥

শ্লোক 59

ব্রহ্মাদিবন্দ্যো হংসশ্রীর্মাযাবৈভবকারণম্ ।

বিবিধানন্তসর্গাত্মা বিশ্বপূরণতত্পরঃ

॥ 58॥

শ্লোক 60

যজ্ঞজীবনহেতুশ্চ যজ্ঞস্বামীষ্টবোধকঃ ।

নানাসিদ্ধান্তগম্যশ্চ সপ্ততন্তুশ্চ ষড্গুণঃ

॥ 59॥

শ্লোক 61

প্রতিসর্গজগত্কর্তা নানালীলাবিশারদঃ ।

ধ্রুবপ্রিযো ধ্রুবস্বামী চিন্তিতাধিকদাযকঃ

॥ 60॥

শ্লোক 62

দুর্লভানন্তফলদো দযানিধিরমিত্রহা ।

অঙ্গস্বামী কৃপাসারো বৈন্যো ভূমিনিযামকঃ

॥ 61॥

শ্লোক 63

ভূমিদোগ্ধা প্রজাপ্রাণপালনৈকপরাযণঃ ।

যশোদাতা জ্ঞানদাতা সর্বধর্মপ্রদর্শকঃ

॥ 62॥

শ্লোক 64

পুরঞ্জনো জগন্মিত্রং বিসর্গান্তপ্রদর্শকঃ ।

প্রচেতসাং পতিশ্চিত্রভক্তিহেতুর্জনার্দনঃ

॥ 63॥

শ্লোক 65

স্মৃতিহেতুব্রহ্মভাবসাযুজ্যাদিপ্রদঃ শুভঃ ।

বিজযী ॥॥॥॥॥॥॥॥॥॥ চোন্তিনুএদ্

স্থানলীলা

॥॥ স্থিতিলীলাব্ধিরচ্যুতো বিজযপ্রদঃ

॥ 64॥

শ্লোক 66

স্বসামর্থ্যপ্রদো ভক্তকীর্তিহেতুরধোক্ষজঃ ।

প্রিযব্রতপ্রিযস্বামী স্বেচ্ছাবাদবিশারদঃ

॥ 65॥

শ্লোক 67

সঙ্গ্যগম্যঃ স্বপ্রকাশঃ সর্বসঙ্গবিবর্জিতঃ ।

ইচ্ছাযাং চ সমর্যাদস্ত্যাগমাত্রোপলম্ভনঃ

॥ 66॥

শ্লোক 68

অচিন্ত্যকার্যকর্তা চ তর্কাগোচরকার্যকৃত্ ।

শ‍ঋঙ্গাররসমর্যাদা আগ্নীধ্ররসভাজনম্

॥ 67॥

শ্লোক 69

নাভীষ্টপূরকঃ কর্মমর্যাদাদর্শনোত্সুকঃ ।

সর্বরূপোঽদ্ভুততমো মর্যাদাপুরুষোত্তমঃ

॥ 68॥

শ্লোক 70

সর্বরূপেষু সত্যাত্মা কালসাক্ষী শশিপ্রভঃ ।

মেরুদেবীব্রতফলমৃষভো ভগলক্ষণঃ

॥ 69॥

শ্লোক 71

জগত্সন্তর্পকো মেঘরূপী দেবেন্দ্রদর্পহা ।

জযন্তীপতিরত্যন্তপ্রমাণাশেষলৌকিকঃ

॥ 70॥

শ্লোক 72

শতধান্যস্তভূতাত্মা শতানন্দো গুণপ্রসূঃ ।

বৈষ্ণবোত্পাদনপরঃ সর্বধর্মোপদেশকঃ

॥ 71॥

শ্লোক 73

পরহংসক্রিযাগোপ্তা যোগচর্যাপ্রদর্শকঃ ।

চতুর্থাশ্রমনির্ণেতা সদানন্দশরীরবান্

॥ 72॥

শ্লোক 74

প্রদর্শিতান্যধর্মশ্চ ভরতস্বাম্যপারকৃত্ ।

যথাবত্কর্মকর্তা চ সঙ্গানিষ্টপ্রদর্শকঃ

॥ 73॥

শ্লোক 75

আবশ্যকপুনর্জন্মকর্মমার্গপ্রদর্শকঃ ।

যজ্ঞরূপমৃগঃ শান্তঃ সহিষ্ণুঃ সত্পরাক্রমঃ

॥ 74॥

শ্লোক 76

রহূগণগতিজ্ঞশ্চ রহূগণবিমোচকঃ ।

ভবাটবীতত্ত্ববক্তা বহির্মুখহিতে রতঃ

॥ 75॥

শ্লোক 77

গযস্বামী স্থানবংশকর্তা স্থানবিভেদকৃত্ ।

পুরুষাবযবো ভূমিবিশেষবিনিরূপকঃ

॥ 76॥

শ্লোক 78

জম্বূদ্বীপপতির্মেরুনাভিপদ্মরুহাশ্রযঃ ।

নানাবিভূতিলীলাঢ্যো গঙ্গোত্পত্তিনিদানকৃত্

॥ 77॥

শ্লোক 79

গঙ্গামাহাত্ম্যহেতুশ্চ গঙ্গারূপোঽতিগূঢকৃত্ ।

বৈকুণ্ঠদেহহেত্বম্বুজন্মকৃত্ সর্বপাবনঃ

॥ 78॥

শ্লোক 80

শিবস্বামী শিবোপাস্যো গূঢঃ সঙ্কর্ষণাত্মকঃ ।

স্থানরক্ষার্থমত্স্যাদিরূপঃ সর্বৈকপূজিতঃ

॥ 79॥

শ্লোক 81

উপাস্যনানারূপাত্মা জ্যোতীরূপো গতিপ্রদঃ ।

সূর্যনারাযণো বেদকান্তিরুজ্জ্বলবেষধৃক্

॥ 80॥

শ্লোক 82

হংসোঽন্তরিক্ষগমনঃ সর্বপ্রসবকারণম্ ।

আনন্দকর্তা বসুদো বুধো বাক্পতিরুজ্জ্বলঃ

॥ 81॥

শ্লোক 83

কালাত্মা কালকালশ্চ কালচ্ছেদকৃদুত্তমঃ ।

শিশুমারঃ সর্বমূর্তিরাধিদৈবিকরূপধৃক্

॥ 82॥

শ্লোক 84

অনন্তসুখভোগাঢ্যো বিবরৈশ্বর্যভাজনম্ ।

সঙ্কর্ষণো দৈত্যপতিঃ সর্বাধারো বৃহদ্বপুঃ

॥ 83॥

শ্লোক 85

অনন্তনরকচ্ছেদী স্মৃতিমাত্রার্তিনাশনঃ ।

সর্বানুগ্রহকর্তা চ ॥॥॥॥॥॥॥॥॥॥ চোন্তিনুএদ্

পোষণ-পুষ্টি-লীলা

॥॥॥॥॥॥॥॥ মর্যাদাভিন্নশাস্ত্রকৃত্

॥ 84॥

শ্লোক 86

কালান্তকভযচ্ছেদী নামসামর্থ্যরূপধৃক্ ।

উদ্ধারানর্হগোপ্ত্রাত্মা নামাদিপ্রেরকোত্তমঃ

॥ 85 ॥

শ্লোক 87

অজামিলমহাদুষ্টমোচকোঽঘবিমোচকঃ ।

ধর্মবক্তাঽক্লিষ্টবক্তা বিষ্ণুধর্মস্বরূপধৃক্

॥ 86॥

শ্লোক 88

সন্মার্গপ্রেরকো ধর্তা ত্যাগহেতুরধোক্ষজঃ ।

বৈকুণ্ঠপুরনেতা চ দাসসংবৃদ্ধিকারকঃ

॥ 87॥

শ্লোক 89

দক্ষপ্রসাদকৃদ্ধংসগুহ্যস্তুতিবিভাবনঃ ।

স্বাভিপ্রাযপ্রবক্তা চ মুক্তজীবপ্রসূতিকৃত্

॥ 88॥

শ্লোক 90

নারদপ্রেরণাত্মা চ হর্যশ্বব্রহ্মভাবনঃ ।

শবলাশ্বহিতো গূঢবাক্যার্থজ্ঞাপনক্ষমঃ

॥ 89॥

শ্লোক 91

গূঢার্থজ্ঞাপনঃ সর্বমোক্ষানন্দপ্রতিষ্ঠিতঃ ।

পুষ্টিপ্ররোহহেতুশ্চ দাসৈকজ্ঞাতহৃদ্গতঃ

॥ 90॥

শ্লোক 92

শান্তিকর্তা সুহিতকৃত্ স্ত্রীপ্রসূঃ সর্বকামধুক্ ।

পুষ্টিবংশপ্রণেতা চ বিশ্বরূপেষ্টদেবতা

॥ 91॥

শ্লোক 93

কবচাত্মা পালনাত্মা বর্মোপচিতিকারণম্ ।

বিশ্বরূপশিরশ্ছেদী ত্বাষ্ট্রযজ্ঞবিনাশকঃ

॥ 92॥

শ্লোক 94

বৃত্রস্বামী বৃত্রগম্যো বৃত্রব্রতপরাযণঃ ।

বৃত্রকীর্তির্বৃত্রমোক্ষো মঘবত্প্রাণরক্ষকঃ

॥ 93॥

শ্লোক 95

অশ্বমেধহবির্ভোক্তা দেবেন্দ্রামীবনাশকঃ ।

সংসারমোচকশ্চিত্রকেতুবোধনতত্পরঃ

॥ 94॥

শ্লোক 96

মন্ত্রসিদ্ধিঃ সিদ্ধিহেতুঃ সুসিদ্ধিফলদাযকঃ ।

মহাদেবতিরস্কর্তা ভক্ত্যৈ পূর্বার্থনাশকঃ

॥ 95॥

শ্লোক 97

দেবব্রাহ্মণবিদ্বেষবৈমুখ্যজ্ঞাপকঃ শিবঃ ।

আদিত্যো দৈত্যরাজশ্চ মহত্পতিরচিন্ত্যকৃত্

॥ 96॥

শ্লোক 98

মরুতাং ভেদকস্ত্রাতা ব্রতাত্মা পুম্প্রসূতিকৃত্ ।

ঊতিলীলা

কর্মাত্মা বাসনাত্মা চ ঊতিলীলাপরাযণঃ

॥ 97॥

শ্লোক 99

সমদৈত্যসুরঃ স্বাত্মা বৈষম্যজ্ঞানসংশ্রযঃ ।

দেহাদ্যুপাধিরহিতঃ সর্বজ্ঞঃ সর্বহেতুবিদ্

॥ 98॥

শ্লোক 100

ব্রহ্মবাক্স্থাপনপরঃ স্বজন্মাবধিকার্যকৃত্ ।

সদসদ্বাসনাহেতুস্ত্রিসত্যো ভক্তমোচকঃ

॥ 99॥

শ্লোক 101

হিরণ্যকশিপুদ্বেষী প্রবিষ্টাত্মাঽতিভীষণঃ ।

শান্তিজ্ঞানাদিহেতুশ্চ প্রহ্লাদোত্পত্তিকারণম্

॥ 100॥

শ্লোক 102

দৈত্যসিদ্ধান্তসদ্বক্তা তপঃসার উদারধীঃ ।

দৈত্যহেতুপ্রকটনো ভক্তিচিহ্নপ্রকাশকঃ

॥ 101॥

শ্লোক 103

সদ্দ্বেষহেতুঃ সদ্দ্বেষবাসনাত্মা নিরন্তরঃ ।

নৈষ্ঠুর্যসীমা প্রহ্লাদবত্সলঃ সঙ্গদোষহা

॥ 102॥

শ্লোক 104

মহানুভাবঃ সাকারঃ সর্বাকারঃ প্রমাণভূঃ ।

স্তম্ভপ্রসূতির্নৃহরির্নৃসিংহো ভীমবিক্রমঃ

॥ 103॥

শ্লোক 105

বিকটাস্যো ললজ্জিহ্বো নখশস্ত্রো জবোত্কটঃ ।

হিরণ্যকশিপুচ্ছেদী ক্রূরদৈত্যনিবারকঃ

॥ 104॥

শ্লোক 106

সিংহাসনস্থঃ ক্রোধাত্মা লক্ষ্মীভযবিবর্ধনঃ ।

ব্রহ্মাদ্যত্যন্তভযভূরপূর্বাচিন্ত্যরূপধৃক্

॥ 105॥

শ্লোক 107

ভক্তৈকশান্তহৃদযো ভক্তস্তুত্যঃ স্তুতিপ্রিযঃ ।

ভক্তাঙ্গলেহনোদ্ধূতক্রোধপুঙ্জঃ প্রশান্তধীঃ

॥ 106॥

শ্লোক 108

স্মৃতিমাত্রভযত্রাতা ব্রহ্মবুদ্ধিপ্রদাযকঃ ।

গোরূপধার্যমৃতপাঃ শিবকীর্তিবিবর্ধনঃ

॥ 107॥

শ্লোক 109

ধর্মাত্মা সর্বকর্মাত্মা বিশেষাত্মাঽঽশ্রমপ্রভুঃ ।

সংসারমগ্নস্বোদ্ধর্তা সন্মার্গাখিলতত্ত্ববাক্

॥ 108॥

শ্লোক 110

আচারাত্মা সদাচারঃ ॥॥॥॥॥॥॥॥॥ চোন্তিনুএদ্

মন্বন্তরলীলা

॥॥॥॥॥॥॥॥॥॥মন্বন্তরবিভাবনঃ ।

স্মৃত্যাঽশেষাশুভহরো গজেন্দ্রস্মৃতিকারণম্

॥ 109॥

শ্লোক 111

জাতিস্মরণহেত্বৈকপূজাভক্তিস্বরূপদঃ ।

যজ্ঞো ভযান্মনুত্রাতা বিভুর্ব্রহ্মব্রতাশ্রযঃ

॥ 110॥

শ্লোক 112

সত্যসেনো দুষ্টঘাতী হরির্গজবিমোচকঃ ।

বৈকুণ্ঠো লোককর্তা চ অজিতোঽমৃতকারণম্

॥ 111॥

শ্লোক 113

উরুক্রমো ভূমিহর্তা সার্বভৌমো বলিপ্রিযঃ ।

বিভুঃ সর্বহিতৈকাত্মা বিষ্বক্সেনঃ শিবপ্রিযঃ

॥ 112॥

শ্লোক 114

ধর্মসেতুর্লোকধৃতিঃ সুধামান্তরপালকঃ ।

উপহর্তা যোগপতির্বৃহদ্ভানুঃ ক্রিযাপতিঃ

॥ 113॥

শ্লোক 115

চতুর্দশপ্রমাণাত্মা ধর্মো মন্বাদিবোধকঃ ।

লক্ষ্মীভোগৈকনিলযো দেবমন্ত্রপ্রদাযকঃ

॥ 114॥

শ্লোক 116

দৈত্যব্যামোহকঃ সাক্ষাদ্গরুডস্কন্ধসংশ্রযঃ ।

লীলামন্দরধারী চ দৈত্যবাসুকিপূজিতঃ

॥ 115॥

শ্লোক 117

সমুদ্রোন্মথনাযত্তোঽবিঘ্নকর্তা স্ববাক্যকৃত্ ।

আদিকূর্মঃ পবিত্রাত্মা মন্দরাঘর্ষণোত্সুকঃ

॥ 116॥

শ্লোক 118

শ্বাসৈজদব্ধিবার্বীচিঃ কল্পান্তাবধিকার্যকৃত্ ।

চতুর্দশমহারত্নো লক্ষ্মীসৌভাগ্যবর্ধনঃ

॥ 117॥

শ্লোক 119

ধন্বন্তরিঃ সুধাহস্তো যজ্ঞভোক্তাঽঽর্তিনাশনঃ ।

আযুর্বেদপ্রণেতা চ দেবদৈত্যাখিলার্চিতঃ

॥ 118॥

শ্লোক 120

বুদ্ধিব্যামোহকো দেবকার্যসাধনতত্পরঃ ।

স্ত্রীরূপো মাযযা বক্তা দৈত্যান্তঃকরণপ্রিযঃ

॥ 119॥

শ্লোক 121

পাযিতামৃতদেবাংশো যুদ্ধহেতুস্মৃতিপ্রদঃ ।

সুমালিমালিবধকৃন্মাল্যবত্প্রাণহারকঃ

॥ 120॥

শ্লোক 122

কালনেমিশিরশ্ছেদী দৈত্যযজ্ঞবিনাশকঃ ।

ইন্দ্রসামর্থ্যদাতা চ দৈত্যশেষস্থিতিপ্রিযঃ

॥ 121॥

শ্লোক 123

শিবব্যামোহকো মাযী ভৃগুমন্ত্রস্বশক্তিদঃ ।

বলিজীবনকর্তা চ স্বর্গহেতুর্ব্রতার্চিতঃ

॥ 122॥

শ্লোক 124

অদিত্যানন্দকর্তা চ কশ্যপাদিতিসম্ভবঃ ।

উপেন্দ্র ইন্দ্রাবরজো বামনব্রহ্মরূপধৃক্

॥ 123॥

শ্লোক 125

ব্রহ্মাদিসেবিতবপুর্যজ্ঞপাবনতত্পরঃ ।

যাচ্ঞোপদেশকর্তা চ জ্ঞাপিতাশেষসংস্থিতিঃ

॥ 124॥

শ্লোক 126

সত্যার্থপ্রেরকঃ সর্বহর্তা গর্ববিনাশকঃ ।

ত্রিবিক্রমস্ত্রিলোকাত্মা বিশ্বমূর্তিঃ পৃথুশ্রবাঃ

॥ 125॥

শ্লোক 127

পাশবদ্ধবলিঃ সর্বদৈত্যপক্ষোপমর্দকঃ ।

সুতলস্থাপিতবলিঃ স্বর্গাধিকসুখপ্রদঃ

॥ 126॥

শ্লোক 128

কর্মসম্পূর্তিকর্তা চ স্বর্গসংস্থাপিতামরঃ ।

জ্ঞাতত্রিবিধধর্মাত্মা মহামীনোঽব্ধিসংশ্রযঃ

॥ 127॥

শ্লোক 129

সত্যব্রতপ্রিযো গোপ্তা মত্স্যমূর্তিধৃতশ্রুতিঃ ।

শ‍ঋঙ্গবদ্ধধৃতক্ষোণিঃ সর্বার্থজ্ঞাপকো গুরুঃ

॥ 128॥

শ্লোক 130

ঈশানুকথালীলা

ঈশসেবকলীলাত্মা সূর্যবংশপ্রবর্তকঃ ।

সোমবংশোদ্ভবকরো মনুপুত্রগতিপ্রদঃ

॥ 129॥

শ্লোক 131

অম্বরীষপ্রিযঃ সাধুর্দুর্বাসোগর্বনাশকঃ ।

ব্রহ্মশাপোপসংহর্তা ভক্তকীর্তিবিবর্ধনঃ

॥ 130॥

শ্লোক 132

ইক্ষ্বাকুবংশজনকঃ সগরাদ্যখিলার্থদঃ ।

ভগীরথমহাযত্নো গঙ্গাধৌতাঙ্ঘ্রিপঙ্কজঃ

॥ 131॥

শ্লোক 133

ব্রহ্মস্বামী শিবস্বামী সগরাত্মজমুক্তিদঃ ।

খট্বাঙ্গমোক্ষহেতুশ্চ রঘুবংশবিবর্ধনঃ

॥ 132॥

শ্লোক 134

রঘুনাথো রামচন্দ্রো রামভদ্রো রঘুপ্রিযঃ ।

অনন্তকীর্তিঃ পুণ্যাত্মা পুণ্যশ্লোকৈকভাস্করঃ

॥ 133॥

শ্লোক 135

কোশলেন্দ্রঃ প্রমাণাত্মা সেব্যো দশরথাত্মজঃ ।

লক্ষ্মণো ভরতশ্চৈব শত্রুঘ্নো ব্যূহবিগ্রহঃ

॥ 134॥

শ্লোক 136

বিশ্বামিত্রপ্রিযো দান্তস্তাডকাবধমোক্ষদঃ ।

বাযব্যাস্ত্রাব্ধিনিক্ষিপ্তমারীচশ্চ সুবাহুহা

॥ 135॥

শ্লোক 137

বৃষধ্বজধনুর্ভঙ্গপ্রাপ্তসীতামহোত্সবঃ ।

সীতাপতির্ভৃগুপতিগর্বপর্বতনাশকঃ

॥ 136॥

শ্লোক 138

অযোধ্যাস্থমহাভোগযুক্তলক্ষ্মীবিনোদবান্ ।

কৈকেযীবাক্যকর্তা চ পিতৃবাক্পরিপালকঃ

॥ 137॥

শ্লোক 139

বৈরাগ্যবোধকোঽনন্যসাত্ত্বিকস্থানবোধকঃ ।

অহল্যাদুঃখহারী চ গুহস্বামী সলক্ষ্মণঃ

॥ 138॥

শ্লোক 140

চিত্রকূটপ্রিযস্থানো দণ্ডকারণ্যপাবনঃ ।

শরভঙ্গসুতীক্ষ্ণাদিপূজিতোঽগস্ত্যভাগ্যভূঃ

॥ 139॥

শ্লোক 141

ঋষিসম্প্রার্থিতকৃতির্বিরাধবধপণ্ডিতঃ ।

ছিন্নশূর্পণখানাসঃ খরদূষণঘাতকঃ

॥ 140॥

শ্লোক 142

একবাণহতানেকসহস্রবলরাক্ষসঃ ।

মারীচঘাতী নিযতসীতাসম্বন্ধশোভিতঃ

॥ 141॥

শ্লোক 143

সীতাবিযোগনাট্যশ্চ জটাযুর্বধমোক্ষদঃ ।

শবরীপূজিতো ভক্তহনুমত্প্রমুখাবৃতঃ

॥ 142॥

শ্লোক 144

দুন্দুভ্যস্থিপ্রহরণঃ সপ্ততালবিভেদনঃ ।

সুগ্রীবরাজ্যদো বালিঘাতী সাগরশোষণঃ

॥ 143॥

শ্লোক 145

সেতুবন্ধনকর্তা চ বিভীষণহিতপ্রদঃ ।

রাবণাদিশিরশ্ছেদী রাক্ষসাঘৌঘনাশকঃ

॥ 144॥

শ্লোক 146

সীতাঽভযপ্রদাতা চ পুষ্পকাগমনোত্সুকঃ ।

অযোধ্যাপতিরত্যন্তসর্বলোকসুখপ্রদঃ

॥ 145॥

শ্লোক 147

মথুরাপুরনির্মাতা সুকৃতজ্ঞস্বরূপদঃ ।

জনকজ্ঞানগম্যশ্চ ঐলান্তপ্রকটশ্রুতিঃ

॥ 146॥

শ্লোক 148

হৈহযান্তকরো রামো দুষ্টক্ষত্রবিনাশকঃ ।

সোমবংশহিতৈকাত্মা যদুবংশবিবর্ধনঃ

॥ 147॥

শ্লোক 149

নিরোধলীলা

পরব্রহ্মাবতরণঃ কেশবঃ ক্লেশনাশনঃ ।

ভূমিভারাবতরণো ভক্তার্থাখিলমানসঃ

॥ 148॥

শ্লোক 150

সর্বভক্তনিরোধাত্মা লীলানন্তনিরোধকৃত্ ।

ভূমিষ্ঠপরমানন্দো দেবকীশুদ্ধিকারণম্

॥ 149॥

শ্লোক 151

বসুদেবজ্ঞাননিষ্ঠসমজীবনিবারকঃ ।

সর্ববৈরাগ্যকরণস্বলীলাধারশোধকঃ

॥ 150॥

শ্লোক 152

মাযাজ্ঞাপনকর্তা চ শেষসম্ভারসম্ভৃতিঃ ।

ভক্তক্লেশপরিজ্ঞাতা তন্নিবারণতত্পরঃ

॥ 151॥

শ্লোক 153

আবিষ্টবসুদেবাংশো দেবকীগর্ভভূষণম্ ।

পূর্ণতেজোমযঃ পূর্ণঃ কংসাধৃষ্যপ্রতাপবান্

॥ 152॥

শ্লোক 154

বিবেকজ্ঞানদাতা চ ব্রহ্মাদ্যখিলসংস্তুতঃ ।

সত্যো জগত্কল্পতরুর্নানারূপবিমোহনঃ

॥ 153॥

শ্লোক 155

ভক্তিমার্গপ্রতিষ্ঠাতা বিদ্বন্মোহপ্রবর্তকঃ ।

মূলকালগুণদ্রষ্টা নযনানন্দভাজনম্

॥ 154॥

শ্লোক 156

বসুদেবসুখাব্ধিশ্চ দেবকীনযনামৃতম্ ।

পিতৃমাতৃস্তুতঃ পূর্বসর্ববৃত্তান্তবোধকঃ

॥ 155॥

শ্লোক 157

গোকুলাগতিলীলাপ্তবসুদেবকরস্থিতিঃ ।

সর্বেশত্বপ্রকটনো মাযাব্যত্যযকারকঃ

॥ 156॥

শ্লোক 158

জ্ঞানমোহিতদুষ্টেশঃ প্রপঞ্চাস্মৃতিকারণম্ ।

যশোদানন্দনো নন্দভাগ্যভূগোকুলোত্সবঃ

॥ 157॥

শ্লোক 159

নন্দপ্রিযো নন্দসূনুর্যশোদাযাঃ স্তনন্ধযঃ ।

পূতনাসুপযঃপাতা মুগ্ধভাবাতিসুন্দরঃ

॥ 158॥

শ্লোক 160

সুন্দরীহৃদযানন্দো গোপীমন্ত্রাভিমন্ত্রিতঃ ।

গোপালাশ্চর্যরসকৃত্ শকটাসুরখণ্ডনঃ

॥ 159॥

শ্লোক 161

নন্দব্রজজনানন্দী নন্দভাগ্যমহোদযঃ ।

তৃণাবর্তবধোত্সাহো যশোদাজ্ঞানবিগ্রহঃ

॥ 160॥

শ্লোক 162

বলভদ্রপ্রিযঃ কৃষ্ণঃ সঙ্কর্ষণসহাযবান্ ।

রামানুজো বাসুদেবো গোষ্ঠাঙ্গণগতিপ্রিযঃ

॥ 161॥

শ্লোক 163

কিঙ্কিণীরবভাবজ্ঞো বত্সপুচ্ছাবলম্বনঃ ।

নবনীতপ্রিযো গোপীমোহসংসারনাশকঃ

॥ 162॥

শ্লোক 164

গোপবালকভাবজ্ঞশ্চৌর্যবিদ্যাবিশারদঃ ।

মৃত্স্নাভক্ষণলীলাস্যমাহাত্ম্যজ্ঞানদাযকঃ

॥ 163॥

শ্লোক 165

ধরাদ্রোণপ্রীতিকর্তা দধিভাণ্ডবিভেদনঃ ।

দামোদরো ভক্তবশ্যো যমলার্জুনভঞ্জনঃ

॥ 164॥

শ্লোক 166

বৃহদ্বনমহাশ্চর্যো বৃন্দাবনগতিপ্রিযঃ ।

বত্সঘাতী বালকেলির্বকাসুরনিষূদনঃ

॥ 165॥

শ্লোক 167

অরণ্যভোক্তাঽপ্যথবা বাললীলাপরাযণঃ ।

প্রোত্সাহজনকশ্চৈবমঘাসুরনিষূদনঃ

॥ 166॥

শ্লোক 168

ব্যালমোক্ষপ্রদঃ পুষ্টো ব্রহ্মমোহপ্রবর্ধনঃ ।

অনন্তমূর্তিঃ সর্বাত্মা জঙ্গমস্থাবরাকৃতিঃ

॥ 167॥

শ্লোক 169

ব্রহ্মমোহনকর্তা চ স্তুত্য আত্মা সদাপ্রিযঃ ।

পৌগণ্ডলীলাভিরতির্গোচারণপরাযণঃ

॥ 168॥

শ্লোক 170

বৃন্দাবনলতাগুল্মবৃক্ষরূপনিরূপকঃ ।

নাদব্রহ্মপ্রকটনো বযঃপ্রতিকৃতিস্বনঃ

॥ 169॥

শ্লোক 171

বর্হিনৃত্যানুকরণো গোপালানুকৃতিস্বনঃ ।

সদাচারপ্রতিষ্ঠাতা বলশ্রমনিরাকৃতিঃ

॥ 170॥

শ্লোক 172

তরুমূলকৃতাশেষতল্পশাযী সখিস্তুতঃ ।

গোপালসেবিতপদঃ শ্রীলালিতপদাম্বুজঃ

॥ 171॥

শ্লোক 173

গোপসম্প্রার্থিতফলদাননাশিতধেনুকঃ ।

কালীযফণিমাণিক্যরঞ্জিতশ্রীপদাম্বুজঃ

॥ 172॥

শ্লোক 174

দৃষ্টিসঙ্জীবিতাশেষগোপগোগোপিকাপ্রিযঃ ।

লীলাসম্পীতদাবাগ্নিঃ প্রলম্ববধপণ্ডিতঃ

॥ 173॥

শ্লোক 175

দাবাগ্ন্যাবৃতগোপালদৃষ্ট্যাচ্ছাদনবহ্নিপঃ ।

বর্ষাশরদ্বিভূতিশ্রীর্গোপীকামপ্রবোধকঃ

॥ 174॥

শ্লোক 176

গোপীরত্নস্তুতাশেষবেণুবাদ্যবিশারদঃ ।

কাত্যাযনীব্রতব্যাজসর্বভাবাশ্রিতাঙ্গনঃ

॥ 175॥

শ্লোক 177

সত্সঙ্গতিস্তুতিব্যাজস্তুতবৃন্দাবনাঙ্ঘ্রিপঃ ।

গোপক্ষুচ্ছান্তিসংব্যাজবিপ্রভার্যাপ্রসাদকৃত্

॥ 176॥

শ্লোক 178

হেতুপ্রাপ্তেন্দ্রযাগস্বকার্যগোসববোধকঃ ।

শৈলরূপকৃতাশেষরসভোগসুখাবহঃ

॥ 177॥

শ্লোক 179

লীলাগোবর্ধনোদ্ধারপালিতস্বব্রজপ্রিযঃ ।

গোপস্বচ্ছন্দলীলার্থগর্গবাক্যার্থবোধকঃ

॥ 178॥

শ্লোক 180

ইন্দ্রধেনুস্তুতিপ্রাপ্তগোবিন্দেন্দ্রাভিধানবান্ ।

ব্রতাদিধর্মসংসক্তনন্দক্লেশবিনাশকঃ

॥ 179॥

শ্লোক 181

নন্দাদিগোপমাত্রেষ্টবৈকুণ্ঠগতিদাযকঃ ।

বেণুবাদস্মরক্ষোভমত্তগোপীবিমুক্তিদঃ

॥ 180॥

শ্লোক 182

সর্বভাবপ্রাপ্তগোপীসুখসংবর্ধনক্ষমঃ ।

গোপীগর্বপ্রণাশার্থতিরোধানসুখপ্রদঃ

॥ 181॥

শ্লোক 183

কৃষ্ণভাবব্যাপ্তবিশ্বগোপীভাবিতবেষধৃক্ ।

রাধাবিশেষসম্ভোগপ্রাপ্তদোষনিবারকঃ

॥ 182॥

শ্লোক 184

পরমপ্রীতিসঙ্গীতসর্বাদ্ভুতমহাগুণঃ ।

মানাপনোদনাক্রন্দগোপীদৃষ্টিমহোত্সবঃ

॥ 183॥

শ্লোক 185

গোপিকাব্যাপ্তসর্বাঙ্গঃ স্ত্রীসম্ভাষাবিশারদঃ ।

রাসোত্সবমহাসৌখ্যগোপীসম্ভোগসাগরঃ

॥ 184॥

শ্লোক 186

জলস্থলরতিব্যাপ্তগোপীদৃষ্ট্যভিপূজিতঃ ।

শাস্ত্রানপেক্ষকামৈকমুক্তিদ্বারবিবর্ধনঃ

॥ 185॥

শ্লোক 187

সুদর্শনমহাসর্পগ্রস্তনন্দবিমোচকঃ ।

গীতমোহিতগোপীধৃক্ষঙ্খচূডবিনাশকঃ

॥ 186॥

শ্লোক 188

গুণসঙ্গীতসন্তুষ্টির্গোপীসংসারবিস্মৃতিঃ ।

অরিষ্টমথনো দৈত্যবুদ্ধিব্যামোহকারকঃ

॥ 187॥

শ্লোক 189

কেশিঘাতী নারদেষ্টো ব্যোমাসুরবিনাশকঃ ।

অক্রূরভক্তিসংরাদ্ধপাদরেণুমহানিধিঃ

॥ 188॥

শ্লোক 190

রথাবরোহশুদ্ধাত্মা গোপীমানসহারকঃ ।

হ্রদসন্দর্শিতাশেষবৈকুণ্ঠাক্রূরসংস্তুতঃ

॥ 189॥

শ্লোক 191

মথুরাগমনোত্সাহো মথুরাভাগ্যভাজনম্ ।

মথুরানগরীশোভাদর্শনোত্সুকমানসঃ

॥ 190॥

শ্লোক 192

দুষ্টরঞ্জকঘাতী চ বাযকার্চিতবিগ্রহঃ ।

বস্ত্রমালাসুশোভাঙ্গঃ কুব্জালেপনভূষিতঃ

॥ 191॥

শ্লোক 193

কুব্জাসুরূপকর্তা চ কুব্জারতিবরপ্রদঃ ।

প্রসাদরূপসন্তুষ্টহরকোদণ্ডখণ্ডনঃ

॥ 192॥

শ্লোক 194

শকলাহতকংসাপ্তধনূরক্ষকসৈনিকঃ ।

জাগ্রত্স্বপ্নভযব্যাপ্তমৃত্যুলক্ষণবোধকঃ

॥ 193॥

শ্লোক 195

মথুরামল্ল ওজস্বী মল্লযুদ্ধবিশারদঃ ।

সদ্যঃ কুবলযাপীডঘাতী চাণূরমর্দনঃ

॥ 194॥

শ্লোক 196

লীলাহতমহামল্লঃ শলতোশলঘাতকঃ ।

কংসান্তকো জিতামিত্রো বসুদেববিমোচকঃ

॥ 195॥

শ্লোক 197

জ্ঞাততত্ত্বপিতৃজ্ঞানমোহনামৃতবাঙ্মযঃ ।

উগ্রসেনপ্রতিষ্ঠাতা যাদবাধিবিনাশকঃ

॥ 196॥

শ্লোক 198

নন্দাদিসান্ত্বনকরো ব্রহ্মচর্যব্রতে স্থিতঃ ।

গুরুশুশ্রূষণপরো বিদ্যাপারমিতেশ্বরঃ

॥ 197॥

শ্লোক 199

সান্দীপনিমৃতাপত্যদাতা কালান্তকাদিজিত্ ।

গোকুলাশ্বাসনপরো যশোদানন্দপোষকঃ

॥ 198॥

শ্লোক 200

গোপিকাবিরহব্যাজমনোগতিরতিপ্রদঃ ।

সমোদ্ধবভ্রমরবাক্ গোপিকামোহনাশকঃ

॥ 199॥

শ্লোক 201

কুব্জারতিপ্রদোঽক্রূরপবিত্রীকৃতভূগৃহঃ ।

পৃথাদুঃখপ্রণেতা চ পাণ্ডবানাং সুখপ্রদঃ

॥ 200॥

শ্লোক 202

দশমস্কন্ধোত্তরার্ধনামানি নিরোধলীলা

জরাসন্ধসমানীতসৈন্যঘাতী বিচারকঃ ।

যবনব্যাপ্তমথুরাজনদত্তকুশস্থলিঃ

॥ 201॥

শ্লোক 203

দ্বারকাদ্ভুতনির্মাণবিস্মাপিতসুরাসুরঃ ।

মনুষ্যমাত্রভোগার্থভূম্যানীতেন্দ্রবৈভবঃ

॥ 202॥

শ্লোক 204

যবনব্যাপ্তমথুরানির্গমানন্দবিগ্রহঃ ।

মুচুকুন্দমহাবোধযবনপ্রাণদর্পহা

॥ 203॥

শ্লোক 205

মুচুকুন্দস্তুতাশেষগুণকর্মমহোদযঃ ।

ফলপ্রদানসন্তুষ্টির্জন্মান্তরিতমোক্ষদঃ

॥ 204॥

শ্লোক 206

শিবব্রাহ্মণবাক্যাপ্তজযভীতিবিভাবনঃ ।

প্রবর্ষণপ্রার্থিতাগ্নিদানপুণ্যমহোত্সবঃ

॥ 205॥

শ্লোক 207

রুক্মিণীরমণঃ কামপিতা প্রদ্যুম্নভাবনঃ ।

স্যমন্তকমণিব্যাজপ্রাপ্তজাম্ববতীপতিঃ

॥ 206॥

শ্লোক 208

সত্যভামাপ্রাণপতিঃ কালিন্দীরতিবর্ধনঃ ।

মিত্রবিন্দাপতিঃ সত্যাপতির্বৃষনিষূদনঃ

॥ 207॥

শ্লোক 209

ভদ্রাবাঞ্ছিতভর্তা চ লক্ষ্মণাবরণক্ষমঃ ।

ইন্দ্রাদিপ্রার্থিতবধনরকাসুরসূদনঃ

॥ 208॥

শ্লোক 210

মুরারিঃ পীঠহন্তা চ তাম্রাদিপ্রাণহারকঃ ।

ষোডশস্ত্রীসহস্রেশঃ ছত্রকুণ্ডলদানকৃত্

॥ 209॥

শ্লোক 211

পারিজাতাপহরণো দেবেন্দ্রমদনাশকঃ ।

রুক্মিণীসমসর্বস্ত্রীসাধ্যভোগরতিপ্রদঃ

॥ 210॥

শ্লোক 212

রুক্মিণীপরিহাসোক্তিবাক্তিরোধানকারকঃ ।

পুত্রপৌত্রমহাভাগ্যগৃহধর্মপ্রবর্তকঃ

॥ 211॥

শ্লোক 213

শম্বরান্তকসত্পুত্রবিবাহহতরুক্মিকঃ ।

উষাপহৃতপৌত্রশ্রীর্বাণবাহুনিবারকঃ

॥ 212॥

শ্লোক 214

শীতজ্বরভযব্যাপ্তজ্বরসংস্তুতষড্গুণঃ ।

শঙ্করপ্রতিযোদ্ধা চ দ্বন্দ্বযুদ্ধবিশারদঃ

॥ 213॥

শ্লোক 215

নৃগপাপপ্রভেত্তা চ ব্রহ্মস্বগুণদোষদৃক্ ।

বিষ্ণুভক্তিবিরোধৈকব্রহ্মস্ববিনিবারকঃ

॥ 214॥

শ্লোক 216

বলভদ্রাহিতগুণো গোকুলপ্রীতিদাযকঃ ।

গোপীস্নেহৈকনিলযো গোপীপ্রাণস্থিতিপ্রদঃ

॥ 215॥

শ্লোক 217

বাক্যাতিগামিযমুনাহলাকর্ষণবৈভবঃ ।

পৌণ্ড্রকত্যাজিতস্পর্ধঃ কাশীরাজবিভেদনঃ

॥ 216॥

শ্লোক 218

কাশীনিদাহকরণঃ শিবভস্মপ্রদাযকঃ ।

দ্বিবিদপ্রাণঘাতী চ কৌরবাখর্বগর্বনুত্

॥ 217॥

শ্লোক 219

লাঙ্গলাকৃষ্টনগরীসংবিগ্নাখিলনাগরঃ ।

প্রপন্নাভযদঃ সাম্বপ্রাপ্তসন্মানভাজনম্

॥ 218॥

শ্লোক 220

নারদান্বিষ্টচরণো ভক্তবিক্ষেপনাশকঃ ।

সদাচারৈকনিলযঃ সুধর্মাধ্যাসিতাসনঃ

॥ 219॥

শ্লোক 221

জরাসন্ধাবরুদ্ধেন বিজ্ঞাপিতনিজক্লমঃ ।

মন্ত্র্যুদ্ধবাদিবাক্যোক্তপ্রকারৈকপরাযণঃ

॥ 220॥

শ্লোক 222

রাজসূযাদিমখকৃত্ সম্প্রার্থিতসহাযকৃত্ ।

ইন্দ্রপ্রস্থপ্রযাণার্থমহত্সম্ভারসম্ভৃতিঃ

॥ 221॥

শ্লোক 223

জরাসন্ধবধব্যাজমোচিতাশেষভূমিপঃ ।

সন্মার্গবোধকো যজ্ঞক্ষিতিবারণতত্পরঃ

॥ 222॥

শ্লোক 224

শিশুপালহতিব্যাজজযশাপবিমোচকঃ ।

দুর্যোধনাভিমানাব্ধিশোষবাণবৃকোদরঃ

॥ 223॥

শ্লোক 225

মহাদেববরপ্রাপ্তপুরশাল্ববিনাশকঃ ।

দন্তবক্ত্রবধব্যাজবিজযাঘৌঘনাশকঃ

॥ 224॥

শ্লোক 226

বিদূরথপ্রাণহর্তা ন্যস্তশস্ত্রাস্ত্রবিগ্রহঃ ।

উপধর্মবিলিপ্তাঙ্গসূতঘাতী বরপ্রদঃ

॥ 225॥

শ্লোক 227

বল্বলপ্রাণহরণপালিতর্ষিশ্রুতিক্রিযঃ ।

সর্বতীর্থাঘনাশার্থতীর্থযাত্রাবিশারদঃ

॥ 226॥

শ্লোক 228

জ্ঞানক্রিযাবিভেদেষ্টফলসাধনতত্পরঃ ।

সারথ্যাদিক্রিযাকর্তা ভক্তবশ্যত্ববোধকঃ

॥ 227॥

শ্লোক 229

সুদামারঙ্কভার্যার্থভূম্যানীতেন্দ্রবৈভবঃ ।

রবিগ্রহনিমিত্তাপ্তকুরুক্ষেত্রৈকপাবনঃ

॥ 228॥

শ্লোক 230

নৃপগোপীসমস্তস্ত্রীপাবনার্থাখিলক্রিযঃ ।

ঋষিমার্গপ্রতিষ্ঠাতা বসুদেবমখক্রিযঃ

॥ 229॥

শ্লোক 231

বসুদেবজ্ঞানদাতা দেবকীপুত্রদাযকঃ ।

অর্জুনস্ত্রীপ্রদাতা চ বহুলাশ্বস্বরূপদঃ

॥ 230॥

শ্লোক 232

শ্রুতদেবেষ্টদাতা চ সর্বশ্রুতিনিরূপিতঃ ।

মহাদেবাদ্যতিশ্রেষ্ঠো ভক্তিলক্ষণনির্ণযঃ

॥ 231॥

শ্লোক 233

বৃকগ্রস্তশিবত্রাতা নানাবাক্যবিশারদঃ ।

নরগর্ববিনাশার্থহৃতব্রাহ্মণবালকঃ

॥ 232॥

শ্লোক 234

লোকালোকপরস্থানস্থিতবালকদাযকঃ ।

দ্বারকাস্থমহাভোগনানাস্ত্রীরতিবর্ধনঃ

॥ 233॥

শ্লোক 235

মনস্তিরোধানকৃতব্যগ্রস্ত্রীচিত্তভাবিতঃ ।

মুক্তিলীলা

মুক্তিলীলাবিহরণো মৌশলব্যাজসংহৃতিঃ

॥ 234॥

শ্লোক 236

শ্রীভাগবতধর্মাদিবোধকো ভক্তিনীতিকৃত্ ।

উদ্ধবজ্ঞানদাতা চ পঞ্চবিংশতিধা গুরুঃ

॥ 235॥

শ্লোক 237

আচারভক্তিমুক্ত্যাদিবক্তা শব্দোদ্ভবস্থিতিঃ ।

হংসো ধর্মপ্রবক্তা চ সনকাদ্যুপদেশকৃত্

॥ 236॥

শ্লোক 238

ভক্তিসাধনবক্তা চ যোগসিদ্ধিপ্রদাযকঃ ।

নানাবিভূতিবক্তা চ শুদ্ধধর্মাববোধকঃ

॥ 237॥

শ্লোক 239

মার্গত্রযবিভেদাত্মা নানাশঙ্কানিবারকঃ ।

ভিক্ষুগীতাপ্রবক্তা চ শুদ্ধসাঙ্খ্যপ্রবর্তকঃ

॥ 238॥

শ্লোক 240

মনোগুণবিশেষাত্মা জ্ঞাপকোক্তপুরূরবাঃ ।

পূজাবিধিপ্রবক্তা চ সর্বসিদ্ধান্তবোধকঃ

॥ 239॥

শ্লোক 241

লঘুস্বমার্গবক্তা চ স্বস্থানগতিবোধকঃ ।

যাদবাঙ্গোপসংহর্তা সর্বাশ্চর্যগতিক্রিযঃ

॥ 240॥

শ্লোক 242

আশ্রযলীলা

কালধর্মবিভেদার্থবর্ণনাশনতত্পরঃ ।

বুদ্ধো গুপ্তার্থবক্তা চ নানাশাস্ত্রবিধাযকঃ

॥ 241॥

শ্লোক 243

নষ্টধর্মমনুষ্যাদিলক্ষণজ্ঞাপনোত্সুকঃ ।

আশ্রযৈকগতিজ্ঞাতা কল্কিঃ কলিমলাপহঃ

॥ 242॥

শ্লোক 244

শাস্ত্রবৈরাগ্যসম্বোধো নানাপ্রলযবোধকঃ ।

বিশেষতঃ শুকব্যাজপরীক্ষিজ্জ্ঞানবোধকঃ

॥ 243॥

শ্লোক 245

শুকেষ্টগতিরূপাত্মা পরীক্ষিদ্দেহমোক্ষদঃ ।

শব্দরূপো নাদরূপো বেদরূপো বিভেদনঃ

॥ 244॥

শ্লোক 246

ব্যাসঃ শাখাপ্রবক্তা চ পুরাণার্থপ্রবর্তকঃ ।

মার্কণ্ডেযপ্রসন্নাত্মা বটপত্রপুটেশযঃ

॥ 245॥

শ্লোক 247

মাযাব্যাপ্তমহামোহদুঃখশান্তিপ্রবর্তকঃ ।

মহাদেবস্বরূপশ্চ ভক্তিদাতা কৃপানিধিঃ

॥ 246॥

শ্লোক 248

আদিত্যান্তর্গতঃ কালঃ দ্বাদশাত্মা সুপূজিতঃ ।

শ্রীভাগবতরূপশ্চ সর্বার্থফলদাযকঃ

॥ 247॥

শ্লোক 249

ইতীদং কীর্তনীযস্য হরের্নামসহস্রকম্ ।

পঞ্চসপ্ততিবিস্তীর্ণং পুরাণান্তরভাষিতম্

॥ 248॥

শ্লোক 250

য এতত্প্রাতরুত্থায শ্রদ্ধাবান্ সুসমাহিতঃ ।

জপেদর্থাহিতমতিঃ স গোবিন্দপদং লভেত্

॥ 249॥

শ্লোক 251

সর্বধর্মবিনির্মুক্তঃ সর্বসাধনবর্জিতঃ ।

এতদ্ধারণমাত্রেণ কৃষ্ণস্য পদবীং ব্রজেত্

॥ 250॥

শ্লোক 252

হর্যাবেশিতচিত্তেন শ্রীভাগবতসাগরাত্ ।

সমুদ্ধৃতানি নামানি চিন্তামণিনিভানি হি

॥ 251॥

শ্লোক 253

কণ্ঠস্থিতান্যর্থদীপ্ত্যা বাধন্তেঽজ্ঞানজং তমঃ ।

ভক্তিং শ্রীকৃষ্ণদেবস্য সাধযন্তি বিনিশ্চিতম্

॥ 252॥

শ্লোক 254

কিম্বহূক্তেন ভগবান্ নামভিঃ স্তুতষড্গুণঃ ।

আত্মভাবং নযত্যাশু ভক্তিং চ কুরুতে দৃঢাম্

॥ 253॥

শ্লোক 255

যঃ কৃষ্ণভক্তিমিহ বাঞ্ছতি সাধনৌঘৈর্-

নামানি ভাসুরযশাংসি জপেত্স নিত্যম্ ।

তং বৈ হরিঃ স্বপুরুষং কুরুতেঽতিশীঘ্রম্-

আত্মার্পণং সমধিগচ্ছতি ভাবতুষ্টঃ

॥ 254॥

শ্লোক 256

শ্রীকৃষ্ণ কৃষ্ণসখ বৃষ্ণিবৃষাবনিধ্রুগ্-

রাজন্যবংশদহনানপবর্গবীর্য ।

গোবিন্দ গোপবনিতাব্রজভৃত্যগীত

তীর্থশ্রবঃ শ্রবণমঙ্গল পাহি ভৃত্যান্

॥ 255॥

শ্লোক 257

॥ ইতি শ্রীভাগবতসারসমুচ্চযে বৈশ্বানরোক্তং

শ্রীবল্লভাচার্যবিরচিতং

শ্রীপুরুষোত্তমসহস্রনামস্তোত্রং সম্পূর্ণম্ ॥