శ్రీ లక్ష్మీ అష్టోత్తర శతనామ స్తోత్రమ్

శ్రీ లక్ష్మీ అష్టోత్తర శతనామ స్తోత్రమ్

శ్లోక 1

దేవ్యువాచ

దేవదేవ! మహాదేవ! త్రికాలజ్ఞ! మహేశ్వర!

కరుణాకర దేవేశ! భక్తానుగ్రహకారక! ॥

అష్టోత్తర శతం లక్ష్మ్యాః శ్రోతుమిచ్ఛామి తత్త్వతః ॥

ఈశ్వర ఉవాచ

దేవి! సాధు మహాభాగే మహాభాగ్య ప్రదాయకమ్ ।

సర్వైశ్వర్యకరం పుణ్యం సర్వపాప ప్రణాశనమ్ ॥

సర్వదారిద్ర్య శమనం శ్రవణాద్భుక్తి ముక్తిదమ్ ।

రాజవశ్యకరం దివ్యం గుహ్యాద్-గుహ్యతరం పరమ్ ॥

దుర్లభం సర్వదేవానాం చతుష్షష్టి కలాస్పదమ్ ।

పద్మాదీనాం వరాన్తానాం నిధీనాం నిత్యదాయకమ్ ॥

సమస్త దేవ సంసేవ్యం అణిమాద్యష్ట సిద్ధిదమ్ ।

కిమత్ర బహునోక్తేన దేవీ ప్రత్యక్షదాయకమ్ ॥

తవ ప్రీత్యాద్య వక్ష్యామి సమాహితమనాశ్శృణు ।

అష్టోత్తర శతస్యాస్య మహాలక్ష్మిస్తు దేవతా ॥

క్లీం బీజ పదమిత్యుక్తం శక్తిస్తు భువనేశ్వరీ ।

అఙ్గన్యాసః కరన్యాసః స ఇత్యాది ప్రకీర్తితః ॥

ధ్యానం

వన్దే పద్మకరాం ప్రసన్నవదనాం సౌభాగ్యదాం భాగ్యదాం

హస్తాభ్యామభయప్రదాం మణిగణైః నానావిధైః భూషితామ్ ।

భక్తాభీష్ట ఫలప్రదాం హరిహర బ్రహ్మాధిభిస్సేవితాం

పార్శ్వే పఙ్కజ శఙ్ఖపద్మ నిధిభిః యుక్తాం సదా శక్తిభిః ॥

సరసిజ నయనే సరోజహస్తే ధవల తరాంశుక గన్ధమాల్య శోభే ।

భగవతి హరివల్లభే మనోజ్ఞే త్రిభువన భూతికరి ప్రసీదమహ్యమ్ ॥

ఓం

ప్రకృతిం వికృతిం విద్యాం సర్వభూత-హితప్రదామ్ ।

శ్రద్ధాం విభూతిం సురభిం నమామి పరమాత్మికామ్

శ్లోక 2

వాచం పద్మాలయాం పద్మాం శుచిం స్వాహాం స్వధాం సుధామ్ ।

ధన్యాం హిరణ్యయీం లక్ష్మీం నిత్యపుష్టాం విభావరీమ్

॥ 1 ॥

శ్లోక 3

అదితిం చ దితిం దీప్తాం వసుధాం వసుధారిణీమ్ ।

నమామి కమలాం కాన్తాం కామాక్షీం క్రోధసమ్భవామ్ [కామ్యాం క్షీరోదసమ్భవామ్]

॥ 2 ॥

శ్లోక 4

అనుగ్రహప్రదాం బుద్ధి-మనఘాం హరివల్లభామ్ ।

అశోకా-మమృతాం దీప్తాం లోకశోకవినాశినీమ్

॥ 3 ॥

శ్లోక 5

నమామి ధర్మనిలయాం కరుణాం లోకమాతరమ్ ।

పద్మప్రియాం పద్మహస్తాం పద్మాక్షీం పద్మసున్దరీమ్

॥ 4 ॥

శ్లోక 6

పద్మోద్భవాం పద్మముఖీం పద్మనాభప్రియాం రమామ్ ।

పద్మమాలాధరాం దేవీం పద్మినీం పద్మగన్ధినీమ్

॥ 5 ॥

శ్లోక 7

పుణ్యగన్ధాం సుప్రసన్నాం ప్రసాదాభిముఖీం ప్రభామ్ ।

నమామి చన్ద్రవదనాం చన్ద్రాం చన్ద్రసహోదరీమ్

॥ 6 ॥

శ్లోక 8

చతుర్భుజాం చన్ద్రరూపా-మిన్దిరా-మిన్దుశీతలామ్ ।

ఆహ్లాద జననీం పుష్టిం శివాం శివకరీం సతీమ్

॥ 7 ॥

శ్లోక 9

విమలాం విశ్వజననీం తుష్టిం దారిద్ర్యనాశినీమ్ ।

ప్రీతిపుష్కరిణీం శాన్తాం శుక్లమాల్యామ్బరాం శ్రియమ్

॥ 8 ॥

శ్లోక 10

భాస్కరీం బిల్వనిలయాం వరారోహాం యశస్వినీమ్ ।

వసున్ధరా ముదారాఙ్గాం హరిణీం హేమమాలినీమ్

॥ 9 ॥

శ్లోక 11

ధనధాన్యకరీం సిద్ధిం స్త్రైణసౌమ్యాం [సదాసౌమ్యాం] శుభప్రదామ్ ।

నృపవేశ్మగతాం నన్దాం వరలక్ష్మీం వసుప్రదామ్

॥ 10 ॥

శ్లోక 12

శుభాం హిరణ్యప్రాకారాం సముద్రతనయాం జయామ్ ।

నమామి మఙ్గలాం దేవీం విష్ణువక్షఃస్థలస్థితామ్

॥ 11 ॥

శ్లోక 13

విష్ణుపత్నీం, ప్రసన్నాక్షీం నారాయణసమాశ్రితామ్ ।

దారిద్ర్యధ్వంసినీం దేవీం సర్వోపద్రవవారిణీమ్

॥ 12 ॥

శ్లోక 14

నవదుర్గాం మహాకాలీం బ్రహ్మవిష్ణుశివాత్మికామ్ ।

త్రికాలజ్ఞానసమ్పన్నాం నమామి భువనేశ్వరీమ్

॥ 13 ॥

శ్లోక 15

లక్ష్మీం క్షీరసముద్రరాజ తనయాం శ్రీరఙ్గధామేశ్వరీమ్ ।

దాసీభూత సమస్తదేవ వనితాం లోకైక దీపాఙ్కురామ్ ॥

శ్రీమన్మన్ద కటాక్ష లబ్ధ విభవద్-బ్రహ్మేన్ద్ర గఙ్గాధరామ్ ।

త్వాం త్రైలోక్య కుటుమ్బినీం సరసిజాం వన్దే ముకున్దప్రియామ్

॥ 14 ॥

శ్లోక 16

మాతర్నమామి! కమలే! కమలాయతాక్షి!

శ్రీ విష్ణు హృత్-కమలవాసిని! విశ్వమాతః!

క్షీరోదజే కమల కోమల గర్భగౌరి!

లక్ష్మీ! ప్రసీద సతతం సమతాం శరణ్యే

॥ 15 ॥

శ్లోక 17

త్రికాలం యో జపేత్ విద్వాన్ షణ్మాసం విజితేన్ద్రియః ।

దారిద్ర్య ధ్వంసనం కృత్వా సర్వమాప్నోత్-యయత్నతః ।

దేవీనామ సహస్రేషు పుణ్యమష్టోత్తరం శతమ్ ।

యేన శ్రియ మవాప్నోతి కోటిజన్మ దరిద్రతః

॥ 16 ॥

శ్లోక 18

భృగువారే శతం ధీమాన్ పఠేత్ వత్సరమాత్రకమ్ ।

అష్టైశ్వర్య మవాప్నోతి కుబేర ఇవ భూతలే ॥

దారిద్ర్య మోచనం నామ స్తోత్రమమ్బాపరం శతమ్ ।

యేన శ్రియ మవాప్నోతి కోటిజన్మ దరిద్రతః

॥ 17 ॥

శ్లోక 19

భుక్త్వాతు విపులాన్ భోగాన్ అన్తే సాయుజ్యమాప్నుయాత్ ।

ప్రాతఃకాలే పఠేన్నిత్యం సర్వ దుఃఖోప శాన్తయే ।

పఠన్తు చిన్తయేద్దేవీం సర్వాభరణ భూషితామ్

॥ 18 ॥

శ్లోక 20

ఇతి శ్రీ లక్ష్మ్యష్టోత్తరశతనామస్తోత్రం సమ్పూర్ణం