શ્રી લક્ષ્મી અષ્ટોત્તર શતનામ સ્તોત્રમ્

શ્રી લક્ષ્મી અષ્ટોત્તર શતનામ સ્તોત્રમ્

શ્લોક 1

દેવ્યુવાચ

દેવદેવ! મહાદેવ! ત્રિકાલજ્ઞ! મહેશ્વર!

કરુણાકર દેવેશ! ભક્તાનુગ્રહકારક! ॥

અષ્ટોત્તર શતં લક્ષ્મ્યાઃ શ્રોતુમિચ્છામિ તત્ત્વતઃ ॥

ઈશ્વર ઉવાચ

દેવિ! સાધુ મહાભાગે મહાભાગ્ય પ્રદાયકમ્ ।

સર્વૈશ્વર્યકરં પુણ્યં સર્વપાપ પ્રણાશનમ્ ॥

સર્વદારિદ્ર્ય શમનં શ્રવણાદ્ભુક્તિ મુક્તિદમ્ ।

રાજવશ્યકરં દિવ્યં ગુહ્યાદ્-ગુહ્યતરં પરમ્ ॥

દુર્લભં સર્વદેવાનાં ચતુષ્ષષ્ટિ કલાસ્પદમ્ ।

પદ્માદીનાં વરાન્તાનાં નિધીનાં નિત્યદાયકમ્ ॥

સમસ્ત દેવ સંસેવ્યં અણિમાદ્યષ્ટ સિદ્ધિદમ્ ।

કિમત્ર બહુનોક્તેન દેવી પ્રત્યક્ષદાયકમ્ ॥

તવ પ્રીત્યાદ્ય વક્ષ્યામિ સમાહિતમનાશ્શૃણુ ।

અષ્ટોત્તર શતસ્યાસ્ય મહાલક્ષ્મિસ્તુ દેવતા ॥

ક્લીં બીજ પદમિત્યુક્તં શક્તિસ્તુ ભુવનેશ્વરી ।

અઙ્ગન્યાસઃ કરન્યાસઃ સ ઇત્યાદિ પ્રકીર્તિતઃ ॥

ધ્યાનં

વન્દે પદ્મકરાં પ્રસન્નવદનાં સૌભાગ્યદાં ભાગ્યદાં

હસ્તાભ્યામભયપ્રદાં મણિગણૈઃ નાનાવિધૈઃ ભૂષિતામ્ ।

ભક્તાભીષ્ટ ફલપ્રદાં હરિહર બ્રહ્માધિભિસ્સેવિતાં

પાર્શ્વે પઙ્કજ શઙ્ખપદ્મ નિધિભિઃ યુક્તાં સદા શક્તિભિઃ ॥

સરસિજ નયને સરોજહસ્તે ધવલ તરાંશુક ગન્ધમાલ્ય શોભે ।

ભગવતિ હરિવલ્લભે મનોજ્ઞે ત્રિભુવન ભૂતિકરિ પ્રસીદમહ્યમ્ ॥

ૐ

પ્રકૃતિં વિકૃતિં વિદ્યાં સર્વભૂત-હિતપ્રદામ્ ।

શ્રદ્ધાં વિભૂતિં સુરભિં નમામિ પરમાત્મિકામ્

શ્લોક 2

વાચં પદ્માલયાં પદ્માં શુચિં સ્વાહાં સ્વધાં સુધામ્ ।

ધન્યાં હિરણ્યયીં લક્ષ્મીં નિત્યપુષ્ટાં વિભાવરીમ્

॥ 1 ॥

શ્લોક 3

અદિતિં ચ દિતિં દીપ્તાં વસુધાં વસુધારિણીમ્ ।

નમામિ કમલાં કાન્તાં કામાક્ષીં ક્રોધસમ્ભવામ્ [કામ્યાં ક્ષીરોદસમ્ભવામ્]

॥ 2 ॥

શ્લોક 4

અનુગ્રહપ્રદાં બુદ્ધિ-મનઘાં હરિવલ્લભામ્ ।

અશોકા-મમૃતાં દીપ્તાં લોકશોકવિનાશિનીમ્

॥ 3 ॥

શ્લોક 5

નમામિ ધર્મનિલયાં કરુણાં લોકમાતરમ્ ।

પદ્મપ્રિયાં પદ્મહસ્તાં પદ્માક્ષીં પદ્મસુન્દરીમ્

॥ 4 ॥

શ્લોક 6

પદ્મોદ્ભવાં પદ્મમુખીં પદ્મનાભપ્રિયાં રમામ્ ।

પદ્મમાલાધરાં દેવીં પદ્મિનીં પદ્મગન્ધિનીમ્

॥ 5 ॥

શ્લોક 7

પુણ્યગન્ધાં સુપ્રસન્નાં પ્રસાદાભિમુખીં પ્રભામ્ ।

નમામિ ચન્દ્રવદનાં ચન્દ્રાં ચન્દ્રસહોદરીમ્

॥ 6 ॥

શ્લોક 8

ચતુર્ભુજાં ચન્દ્રરૂપા-મિન્દિરા-મિન્દુશીતલામ્ ।

આહ્લાદ જનનીં પુષ્ટિં શિવાં શિવકરીં સતીમ્

॥ 7 ॥

શ્લોક 9

વિમલાં વિશ્વજનનીં તુષ્ટિં દારિદ્ર્યનાશિનીમ્ ।

પ્રીતિપુષ્કરિણીં શાન્તાં શુક્લમાલ્યામ્બરાં શ્રિયમ્

॥ 8 ॥

શ્લોક 10

ભાસ્કરીં બિલ્વનિલયાં વરારોહાં યશસ્વિનીમ્ ।

વસુન્ધરા મુદારાઙ્ગાં હરિણીં હેમમાલિનીમ્

॥ 9 ॥

શ્લોક 11

ધનધાન્યકરીં સિદ્ધિં સ્ત્રૈણસૌમ્યાં [સદાસૌમ્યાં] શુભપ્રદામ્ ।

નૃપવેશ્મગતાં નન્દાં વરલક્ષ્મીં વસુપ્રદામ્

॥ 10 ॥

શ્લોક 12

શુભાં હિરણ્યપ્રાકારાં સમુદ્રતનયાં જયામ્ ।

નમામિ મઙ્ગલાં દેવીં વિષ્ણુવક્ષઃસ્થલસ્થિતામ્

॥ 11 ॥

શ્લોક 13

વિષ્ણુપત્નીં, પ્રસન્નાક્ષીં નારાયણસમાશ્રિતામ્ ।

દારિદ્ર્યધ્વંસિનીં દેવીં સર્વોપદ્રવવારિણીમ્

॥ 12 ॥

શ્લોક 14

નવદુર્ગાં મહાકાલીં બ્રહ્મવિષ્ણુશિવાત્મિકામ્ ।

ત્રિકાલજ્ઞાનસમ્પન્નાં નમામિ ભુવનેશ્વરીમ્

॥ 13 ॥

શ્લોક 15

લક્ષ્મીં ક્ષીરસમુદ્રરાજ તનયાં શ્રીરઙ્ગધામેશ્વરીમ્ ।

દાસીભૂત સમસ્તદેવ વનિતાં લોકૈક દીપાઙ્કુરામ્ ॥

શ્રીમન્મન્દ કટાક્ષ લબ્ધ વિભવદ્-બ્રહ્મેન્દ્ર ગઙ્ગાધરામ્ ।

ત્વાં ત્રૈલોક્ય કુટુમ્બિનીં સરસિજાં વન્દે મુકુન્દપ્રિયામ્

॥ 14 ॥

શ્લોક 16

માતર્નમામિ! કમલે! કમલાયતાક્ષિ!

શ્રી વિષ્ણુ હૃત્-કમલવાસિનિ! વિશ્વમાતઃ!

ક્ષીરોદજે કમલ કોમલ ગર્ભગૌરિ!

લક્ષ્મી! પ્રસીદ સતતં સમતાં શરણ્યે

॥ 15 ॥

શ્લોક 17

ત્રિકાલં યો જપેત્ વિદ્વાન્ ષણ્માસં વિજિતેન્દ્રિયઃ ।

દારિદ્ર્ય ધ્વંસનં કૃત્વા સર્વમાપ્નોત્-યયત્નતઃ ।

દેવીનામ સહસ્રેષુ પુણ્યમષ્ટોત્તરં શતમ્ ।

યેન શ્રિય મવાપ્નોતિ કોટિજન્મ દરિદ્રતઃ

॥ 16 ॥

શ્લોક 18

ભૃગુવારે શતં ધીમાન્ પઠેત્ વત્સરમાત્રકમ્ ।

અષ્ટૈશ્વર્ય મવાપ્નોતિ કુબેર ઇવ ભૂતલે ॥

દારિદ્ર્ય મોચનં નામ સ્તોત્રમમ્બાપરં શતમ્ ।

યેન શ્રિય મવાપ્નોતિ કોટિજન્મ દરિદ્રતઃ

॥ 17 ॥

શ્લોક 19

ભુક્ત્વાતુ વિપુલાન્ ભોગાન્ અન્તે સાયુજ્યમાપ્નુયાત્ ।

પ્રાતઃકાલે પઠેન્નિત્યં સર્વ દુઃખોપ શાન્તયે ।

પઠન્તુ ચિન્તયેદ્દેવીં સર્વાભરણ ભૂષિતામ્

॥ 18 ॥

શ્લોક 20

ઇતિ શ્રી લક્ષ્મ્યષ્ટોત્તરશતનામસ્તોત્રં સમ્પૂર્ણં