શ્રી ભૂ વરાહ સ્તોત્રમ્

શ્રી ભૂ વરાહ સ્તોત્રમ્

શ્લોક 1

ઋષય ઊચુ ।

જિતં જિતં તેઽજિત યજ્ઞભાવના

ત્રયીં તનૂં સ્વાં પરિધુન્વતે નમઃ ।

યદ્રોમગર્તેષુ નિલિલ્યુરધ્વરાઃ

તસ્મૈ નમઃ કારણસૂકરાય તે

શ્લોક 2

રૂપં તવૈતન્નનુ દુષ્કૃતાત્મનાં

દુર્દર્શનં દેવ યદધ્વરાત્મકમ્ ।

છન્દાંસિ યસ્ય ત્વચિ બર્હિરોમ-

સ્સ્વાજ્યં દૃશિ ત્વઙ્ઘ્રિષુ ચાતુર્હોત્રમ્

॥ 1 ॥

શ્લોક 3

સ્રુક્તુણ્ડ આસીત્સ્રુવ ઈશ નાસયો-

રિડોદરે ચમસાઃ કર્ણરન્ધ્રે ।

પ્રાશિત્રમાસ્યે ગ્રસને ગ્રહાસ્તુ તે

યચ્ચર્વણન્તે ભગવન્નગ્નિહોત્રમ્

॥ 2 ॥

શ્લોક 4

દીક્ષાનુજન્મોપસદઃ શિરોધરં

ત્વં પ્રાયણીયો દયનીય દંષ્ટ્રઃ ।

જિહ્વા પ્રવર્ગ્યસ્તવ શીર્ષકં ક્રતોઃ

સભ્યાવસથ્યં ચિતયોઽસવો હિ તે

॥ 3 ॥

શ્લોક 5

સોમસ્તુ રેતઃ સવનાન્યવસ્થિતિઃ

સંસ્થાવિભેદાસ્તવ દેવ ધાતવઃ ।

સત્રાણિ સર્વાણિ શરીરસન્ધિ-

સ્ત્વં સર્વયજ્ઞક્રતુરિષ્ટિબન્ધનઃ

॥ 4 ॥

શ્લોક 6

નમો નમસ્તેઽખિલયન્ત્રદેવતા

દ્રવ્યાય સર્વક્રતવે ક્રિયાત્મને ।

વૈરાગ્ય ભક્ત્યાત્મજયાઽનુભાવિત

જ્ઞાનાય વિદ્યાગુરવે નમॊ નમઃ

॥ 5 ॥

શ્લોક 7

દંષ્ટ્રાગ્રકોટ્યા ભગવંસ્ત્વયા ધૃતા

વિરાજતે ભૂધર ભૂસ્સભૂધરા ।

યથા વનાન્નિસ્સરતો દતા ધૃતા

મતઙ્ગજેન્દ્રસ્ય સ પત્રપદ્મિની

॥ 6 ॥

શ્લોક 8

ત્રયીમયં રૂપમિદં ચ સૌકરં

ભૂમણ્ડલે નાથ તદા ધૃતેન તે ।

ચકાસ્તિ શૃઙ્ગોઢઘનેન ભૂયસા

કુલાચલેન્દ્રસ્ય યથૈવ વિભ્રમઃ

॥ 7 ॥

શ્લોક 9

સંસ્થાપયૈનાં જગતાં સતસ્થુષાં

લોકાય પત્નીમસિ માતરં પિતા ।

વિધેમ ચાસ્યૈ નમસા સહ ત્વયા

યસ્યાં સ્વતેજોઽગ્નિમિવારણાવધાઃ

॥ 8 ॥

શ્લોક 10

કઃ શ્રદ્ધધીતાન્યતમસ્તવ પ્રભો

રસાં ગતાયા ભુવ ઉદ્વિબર્હણમ્ ।

ન વિસ્મયોઽસૌ ત્વયિ વિશ્વવિસ્મયે

યો માયયેદં સસૃજેઽતિ વિસ્મયમ્

॥ 9 ॥

શ્લોક 11

વિધુન્વતા વેદમયં નિજં વપુ-

ર્જનસ્તપઃ સત્યનિવાસિનો વયમ્ ।

સટાશિખોદ્ધૂત શિવામ્બુબિન્દુભિ-

ર્વિમૃજ્યમાના ભૃશમીશ પાવિતાઃ

॥ 10 ॥

શ્લોક 12

સ વૈ બત ભ્રષ્ટમતિસ્તવૈષ તે

યઃ કર્મણાં પારમપારકર્મણઃ ।

યદ્યોગમાયા ગુણ યોગ મોહિતં

વિશ્વં સમસ્તં ભગવન્ વિધેહિ શમ્

॥ 11 ॥

શ્લોક 13

ઇતિ શ્રીમદ્ભાગવતે મહાપુરાણે તૃતીયસ્કન્ધે શ્રી વરાહ પ્રાદુર્ભાવોનામ ત્રયોદશોધ્યાયઃ ।