শ্রী ভূ বরাহ স্তোত্রম্

শ্রী ভূ বরাহ স্তোত্রম্

শ্লোক 1

ঋষয ঊচু ।

জিতং জিতং তেঽজিত যজ্ঞভাবনা

ত্রযীং তনূং স্বাং পরিধুন্বতে নমঃ ।

যদ্রোমগর্তেষু নিলিল্যুরধ্বরাঃ

তস্মৈ নমঃ কারণসূকরায তে

শ্লোক 2

রূপং তবৈতন্ননু দুষ্কৃতাত্মনাং

দুর্দর্শনং দেব যদধ্বরাত্মকম্ ।

ছন্দাংসি যস্য ত্বচি বর্হিরোম-

স্স্বাজ্যং দৃশি ত্বঙ্ঘ্রিষু চাতুর্হোত্রম্

॥ 1 ॥

শ্লোক 3

স্রুক্তুণ্ড আসীত্স্রুব ঈশ নাসযো-

রিডোদরে চমসাঃ কর্ণরন্ধ্রে ।

প্রাশিত্রমাস্যে গ্রসনে গ্রহাস্তু তে

যচ্চর্বণন্তে ভগবন্নগ্নিহোত্রম্

॥ 2 ॥

শ্লোক 4

দীক্ষানুজন্মোপসদঃ শিরোধরং

ত্বং প্রাযণীযো দযনীয দংষ্ট্রঃ ।

জিহ্বা প্রবর্গ্যস্তব শীর্ষকং ক্রতোঃ

সভ্যাবসথ্যং চিতযোঽসবো হি তে

॥ 3 ॥

শ্লোক 5

সোমস্তু রেতঃ সবনান্যবস্থিতিঃ

সংস্থাবিভেদাস্তব দেব ধাতবঃ ।

সত্রাণি সর্বাণি শরীরসন্ধি-

স্ত্বং সর্বযজ্ঞক্রতুরিষ্টিবন্ধনঃ

॥ 4 ॥

শ্লোক 6

নমো নমস্তেঽখিলযন্ত্রদেবতা

দ্রব্যায সর্বক্রতবে ক্রিযাত্মনে ।

বৈরাগ্য ভক্ত্যাত্মজযাঽনুভাবিত

জ্ঞানায বিদ্যাগুরবে নমॊ নমঃ

॥ 5 ॥

শ্লোক 7

দংষ্ট্রাগ্রকোট্যা ভগবংস্ত্বযা ধৃতা

বিরাজতে ভূধর ভূস্সভূধরা ।

যথা বনান্নিস্সরতো দতা ধৃতা

মতঙ্গজেন্দ্রস্য স পত্রপদ্মিনী

॥ 6 ॥

শ্লোক 8

ত্রযীমযং রূপমিদং চ সৌকরং

ভূমণ্ডলে নাথ তদা ধৃতেন তে ।

চকাস্তি শৃঙ্গোঢঘনেন ভূযসা

কুলাচলেন্দ্রস্য যথৈব বিভ্রমঃ

॥ 7 ॥

শ্লোক 9

সংস্থাপযৈনাং জগতাং সতস্থুষাং

লোকায পত্নীমসি মাতরং পিতা ।

বিধেম চাস্যৈ নমসা সহ ত্বযা

যস্যাং স্বতেজোঽগ্নিমিবারণাবধাঃ

॥ 8 ॥

শ্লোক 10

কঃ শ্রদ্ধধীতান্যতমস্তব প্রভো

রসাং গতাযা ভুব উদ্বিবর্হণম্ ।

ন বিস্মযোঽসৌ ত্বযি বিশ্ববিস্মযে

যো মাযযেদং সসৃজেঽতি বিস্মযম্

॥ 9 ॥

শ্লোক 11

বিধুন্বতা বেদমযং নিজং বপু-

র্জনস্তপঃ সত্যনিবাসিনো বযম্ ।

সটাশিখোদ্ধূত শিবাম্বুবিন্দুভি-

র্বিমৃজ্যমানা ভৃশমীশ পাবিতাঃ

॥ 10 ॥

শ্লোক 12

স বৈ বত ভ্রষ্টমতিস্তবৈষ তে

যঃ কর্মণাং পারমপারকর্মণঃ ।

যদ্যোগমাযা গুণ যোগ মোহিতং

বিশ্বং সমস্তং ভগবন্ বিধেহি শম্

॥ 11 ॥

শ্লোক 13

ইতি শ্রীমদ্ভাগবতে মহাপুরাণে তৃতীযস্কন্ধে শ্রী বরাহ প্রাদুর্ভাবোনাম ত্রযোদশোধ্যাযঃ ।