శ్రీ అన్నపూర్ణా స్తోత్రమ్

శ్రీ అన్నపూర్ణా స్తోత్రమ్

శ్లోక 1

నిత్యానన్దకరీ వరాభయకరీ సౌన్దర్య రత్నాకరీ

నిర్ధూతాఖిల ఘోర పావనకరీ ప్రత్యక్ష మాహేశ్వరీ ।

ప్రాలేయాచల వంశ పావనకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

శ్లోక 2

నానా రత్న విచిత్ర భూషణకరి హేమామ్బరాడమ్బరీ

ముక్తాహార విలమ్బమాన విలసత్-వక్షోజ కుమ్భాన్తరీ ।

కాశ్మీరాగరు వాసితా రుచికరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 1 ॥

శ్లోక 3

యోగానన్దకరీ రిపుక్షయకరీ ధర్మైక్య నిష్ఠాకరీ

చన్ద్రార్కానల భాసమాన లహరీ త్రైలోక్య రక్షాకరీ ।

సర్వైశ్వర్యకరీ తపః ఫలకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 2 ॥

శ్లోక 4

కైలాసాచల కన్దరాలయకరీ గౌరీ-హ్యుమాశాఙ్కరీ

కౌమారీ నిగమార్థ-గోచరకరీ-హ్యోఙ్కార-బీజాక్షరీ ।

మోక్షద్వార-కవాటపాటనకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 3 ॥

శ్లోక 5

దృశ్యాదృశ్య-విభూతి-వాహనకరీ బ్రహ్మాణ్డ-భాణ్డోదరీ

లీలా-నాటక-సూత్ర-ఖేలనకరీ విజ్ఞాన-దీపాఙ్కురీ ।

శ్రీవిశ్వేశమనః-ప్రసాదనకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 4 ॥

శ్లోక 6

ఉర్వీసర్వజయేశ్వరీ భగవతీ [జయకరీ] మాతా కృపాసాగరీ

వేణీ-నీలసమాన-కున్తలధరీ నిత్యాన్న-దానేశ్వరీ ।

సాక్షాన్మోక్షకరీ సదా శుభకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 5 ॥

శ్లోక 7

ఆదిక్షాన్త-సమస్తవర్ణనకరీ శమ్భోస్త్రిభావాకరీ

కాశ్మీరా త్రిపురేశ్వరీ త్రినయని విశ్వేశ్వరీ శర్వరీ ।

స్వర్గద్వార-కపాట-పాటనకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 6 ॥

శ్లోక 8

దేవీ సర్వవిచిత్ర-రత్నరుచితా దాక్షాయిణీ సున్దరీ

వామా-స్వాదుపయోధరా ప్రియకరీ సౌభాగ్యమాహేశ్వరీ ।

భక్తాభీష్టకరీ సదా శుభకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 7 ॥

శ్లోక 9

చన్ద్రార్కానల-కోటికోటి-సదృశీ చన్ద్రాంశు-బిమ్బాధరీ

చన్ద్రార్కాగ్ని-సమాన-కుణ్డల-ధరీ చన్ద్రార్క-వర్ణేశ్వరీ

మాలా-పుస్తక-పాశసాఙ్కుశధరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 8 ॥

శ్లోక 10

క్షత్రత్రాణకరీ మహాభయకరీ మాతా కృపాసాగరీ

సర్వానన్దకరీ సదా శివకరీ విశ్వేశ్వరీ శ్రీధరీ ।

దక్షాక్రన్దకరీ నిరామయకరీ కాశీపురాధీశ్వరీ

భిక్షాం దేహి కృపావలమ్బనకరీ మాతాన్నపూర్ణేశ్వరీ

॥ 9 ॥

శ్లోక 11

అన్నపూర్ణే సదాపూర్ణే శఙ్కర-ప్రాణవల్లభే ।

జ్ఞాన-వైరాగ్య-సిద్ధ్యర్థం భిక్షాం దేహి చ పార్వతీ

॥ 10 ॥

శ్లోక 12

మాతా చ పార్వతీదేవీ పితాదేవో మహేశ్వరః ।

బాన్ధవా: శివభక్తాశ్చ స్వదేశో భువనత్రయమ్

॥ 11 ॥

శ్లోక 13

సర్వ-మఙ్గల-మాఙ్గల్యే శివే సర్వార్థ-సాధికే ।

శరణ్యే త్ర్యమ్బకే గౌరి నారాయణి నమోఽస్తు తే

॥ 12 ॥

శ్లోక 14

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ అన్నపూర్ణా స్తోత్రమ్ ।