ശ്രീ അന്നപൂര്ണാ സ്തോത്രമ്

ശ്രീ അന്നപൂര്ണാ സ്തോത്രമ്

ശ്ലോക 1

നിത്യാനന്ദകരീ വരാഭയകരീ സൌന്ദര്യ രത്നാകരീ

നിര്ധൂതാഖില ഘോര പാവനകരീ പ്രത്യക്ഷ മാഹേശ്വരീ ।

പ്രാലേയാചല വംശ പാവനകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

ശ്ലോക 2

നാനാ രത്ന വിചിത്ര ഭൂഷണകരി ഹേമാമ്ബരാഡമ്ബരീ

മുക്താഹാര വിലമ്ബമാന വിലസത്-വക്ഷോജ കുമ്ഭാന്തരീ ।

കാശ്മീരാഗരു വാസിതാ രുചികരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 1 ॥

ശ്ലോക 3

യോഗാനന്ദകരീ രിപുക്ഷയകരീ ധര്മൈക്യ നിഷ്ഠാകരീ

ചന്ദ്രാര്കാനല ഭാസമാന ലഹരീ ത്രൈലോക്യ രക്ഷാകരീ ।

സര്വൈശ്വര്യകരീ തപഃ ഫലകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 2 ॥

ശ്ലോക 4

കൈലാസാചല കന്ദരാലയകരീ ഗൌരീ-ഹ്യുമാശാങ്കരീ

കൌമാരീ നിഗമാര്ഥ-ഗോചരകരീ-ഹ്യോങ്കാര-ബീജാക്ഷരീ ।

മോക്ഷദ്വാര-കവാടപാടനകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 3 ॥

ശ്ലോക 5

ദൃശ്യാദൃശ്യ-വിഭൂതി-വാഹനകരീ ബ്രഹ്മാണ്ഡ-ഭാണ്ഡോദരീ

ലീലാ-നാടക-സൂത്ര-ഖേലനകരീ വിജ്ഞാന-ദീപാങ്കുരീ ।

ശ്രീവിശ്വേശമനഃ-പ്രസാദനകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 4 ॥

ശ്ലോക 6

ഉര്വീസര്വജയേശ്വരീ ഭഗവതീ [ജയകരീ] മാതാ കൃപാസാഗരീ

വേണീ-നീലസമാന-കുന്തലധരീ നിത്യാന്ന-ദാനേശ്വരീ ।

സാക്ഷാന്മോക്ഷകരീ സദാ ശുഭകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 5 ॥

ശ്ലോക 7

ആദിക്ഷാന്ത-സമസ്തവര്ണനകരീ ശമ്ഭോസ്ത്രിഭാവാകരീ

കാശ്മീരാ ത്രിപുരേശ്വരീ ത്രിനയനി വിശ്വേശ്വരീ ശര്വരീ ।

സ്വര്ഗദ്വാര-കപാട-പാടനകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 6 ॥

ശ്ലോക 8

ദേവീ സര്വവിചിത്ര-രത്നരുചിതാ ദാക്ഷായിണീ സുന്ദരീ

വാമാ-സ്വാദുപയോധരാ പ്രിയകരീ സൌഭാഗ്യമാഹേശ്വരീ ।

ഭക്താഭീഷ്ടകരീ സദാ ശുഭകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 7 ॥

ശ്ലോക 9

ചന്ദ്രാര്കാനല-കോടികോടി-സദൃശീ ചന്ദ്രാംശു-ബിമ്ബാധരീ

ചന്ദ്രാര്കാഗ്നി-സമാന-കുണ്ഡല-ധരീ ചന്ദ്രാര്ക-വര്ണേശ്വരീ

മാലാ-പുസ്തക-പാശസാങ്കുശധരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 8 ॥

ശ്ലോക 10

ക്ഷത്രത്രാണകരീ മഹാഭയകരീ മാതാ കൃപാസാഗരീ

സര്വാനന്ദകരീ സദാ ശിവകരീ വിശ്വേശ്വരീ ശ്രീധരീ ।

ദക്ഷാക്രന്ദകരീ നിരാമയകരീ കാശീപുരാധീശ്വരീ

ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ

॥ 9 ॥

ശ്ലോക 11

അന്നപൂര്ണേ സദാപൂര്ണേ ശങ്കര-പ്രാണവല്ലഭേ ।

ജ്ഞാന-വൈരാഗ്യ-സിദ്ധ്യര്ഥം ഭിക്ഷാം ദേഹി ച പാര്വതീ

॥ 10 ॥

ശ്ലോക 12

മാതാ ച പാര്വതീദേവീ പിതാദേവോ മഹേശ്വരഃ ।

ബാന്ധവാ: ശിവഭക്താശ്ച സ്വദേശോ ഭുവനത്രയമ്

॥ 11 ॥

ശ്ലോക 13

സര്വ-മങ്ഗല-മാങ്ഗല്യേ ശിവേ സര്വാര്ഥ-സാധികേ ।

ശരണ്യേ ത്ര്യമ്ബകേ ഗൌരി നാരായണി നമോഽസ്തു തേ

॥ 12 ॥

ശ്ലോക 14

ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ അന്നപൂര്ണാ സ്തോത്രമ് ।