సిద్ధి వినాయక స్తోత్రమ్

సిద్ధి వినాయక స్తోత్రమ్

శ్లోక 1

విఘ్నేశ విఘ్నచయఖణ్డననామధేయ

శ్రీశఙ్కరాత్మజ సురాధిపవన్ద్యపాద ।

దుర్గామహావ్రతఫలాఖిలమఙ్గలాత్మన్

విఘ్నం మమాపహర సిద్ధివినాయక త్వమ్

శ్లోక 2

సత్పద్మరాగమణివర్ణశరీరకాన్తిః

శ్రీసిద్ధిబుద్ధిపరిచర్చితకుఙ్కుమశ్రీః ।

వక్షఃస్థలే వలయితాతిమనోజ్ఞశుణ్డో

విఘ్నం మమాపహర సిద్ధివినాయక త్వమ్

॥ 1 ॥

శ్లోక 3

పాశాఙ్కుశాబ్జపరశూంశ్చ దధచ్చతుర్భి-

-ర్దోర్భిశ్చ శోణకుసుమస్రగుమాఙ్గజాతః ।

సిన్దూరశోభితలలాటవిధుప్రకాశో

విఘ్నం మమాపహర సిద్ధివినాయక త్వమ్

॥ 2 ॥

శ్లోక 4

కార్యేషు విఘ్నచయభీతవిరిఞ్చముఖ్యైః

సమ్పూజితః సురవరైరపి మోదకాద్యైః ।

సర్వేషు చ ప్రథమమేవ సురేషు పూజ్యో

విఘ్నం మమాపహర సిద్ధివినాయక త్వమ్

॥ 3 ॥

శ్లోక 5

శీఘ్రాఞ్చనస్ఖలనతుఙ్గరవోర్ధ్వకణ్ఠ-

-స్థూలేన్దురుద్రగణహాసితదేవసఙ్ఘః ।

శూర్పశ్రుతిశ్చ పృథువర్తులతుఙ్గతున్దో

విఘ్నం మమాపహర సిద్ధివినాయక త్వమ్

॥ 4 ॥

శ్లోక 6

యజ్ఞోపవీతపదలమ్భితనాగరాజ

మాసాదిపుణ్యదదృశీకృతృక్షరాజః ।

భక్తాభయప్రద దయాలయ విఘ్నరాజ

విఘ్నం మమాపహర సిద్ధివినాయక త్వమ్

॥ 5 ॥

శ్లోక 7

సద్రత్నసారతతిరాజితసత్కిరీటః

కౌసుమ్భచారువసనద్వయ ఊర్జితశ్రీః ।

సర్వత్రమఙ్గలకరస్మరణప్రతాపో

విఘ్నం మమాపహర సిద్ధివినాయక త్వమ్

॥ 6 ॥

శ్లోక 8

దేవాన్తకాద్యసురభీతసురార్తిహర్తా

విజ్ఞానబోధనవరేణ తమోఽపహర్తా ।

ఆనన్దితత్రిభువనేశ కుమారబన్ధో

విఘ్నం మమాపహర సిద్ధివినాయక త్వమ్

॥ 7 ॥

శ్లోక 9

ఇతి శ్రీముద్గలపురాణే శ్రీసిద్ధివినాయక స్తోత్రం సమ్పూర్ణమ్ ।