സിദ്ധി വിനായക സ്തോത്രമ്

സിദ്ധി വിനായക സ്തോത്രമ്

ശ്ലോക 1

വിഘ്നേശ വിഘ്നചയഖണ്ഡനനാമധേയ

ശ്രീശങ്കരാത്മജ സുരാധിപവന്ദ്യപാദ ।

ദുര്ഗാമഹാവ്രതഫലാഖിലമങ്ഗലാത്മന്

വിഘ്നം മമാപഹര സിദ്ധിവിനായക ത്വമ്

ശ്ലോക 2

സത്പദ്മരാഗമണിവര്ണശരീരകാന്തിഃ

ശ്രീസിദ്ധിബുദ്ധിപരിചര്ചിതകുങ്കുമശ്രീഃ ।

വക്ഷഃസ്ഥലേ വലയിതാതിമനോജ്ഞശുണ്ഡോ

വിഘ്നം മമാപഹര സിദ്ധിവിനായക ത്വമ്

॥ 1 ॥

ശ്ലോക 3

പാശാങ്കുശാബ്ജപരശൂംശ്ച ദധച്ചതുര്ഭി-

-ര്ദോര്ഭിശ്ച ശോണകുസുമസ്രഗുമാങ്ഗജാതഃ ।

സിന്ദൂരശോഭിതലലാടവിധുപ്രകാശോ

വിഘ്നം മമാപഹര സിദ്ധിവിനായക ത്വമ്

॥ 2 ॥

ശ്ലോക 4

കാര്യേഷു വിഘ്നചയഭീതവിരിഞ്ചമുഖ്യൈഃ

സമ്പൂജിതഃ സുരവരൈരപി മോദകാദ്യൈഃ ।

സര്വേഷു ച പ്രഥമമേവ സുരേഷു പൂജ്യോ

വിഘ്നം മമാപഹര സിദ്ധിവിനായക ത്വമ്

॥ 3 ॥

ശ്ലോക 5

ശീഘ്രാഞ്ചനസ്ഖലനതുങ്ഗരവോര്ധ്വകണ്ഠ-

-സ്ഥൂലേന്ദുരുദ്രഗണഹാസിതദേവസങ്ഘഃ ।

ശൂര്പശ്രുതിശ്ച പൃഥുവര്തുലതുങ്ഗതുന്ദോ

വിഘ്നം മമാപഹര സിദ്ധിവിനായക ത്വമ്

॥ 4 ॥

ശ്ലോക 6

യജ്ഞോപവീതപദലമ്ഭിതനാഗരാജ

മാസാദിപുണ്യദദൃശീകൃതൃക്ഷരാജഃ ।

ഭക്താഭയപ്രദ ദയാലയ വിഘ്നരാജ

വിഘ്നം മമാപഹര സിദ്ധിവിനായക ത്വമ്

॥ 5 ॥

ശ്ലോക 7

സദ്രത്നസാരതതിരാജിതസത്കിരീടഃ

കൌസുമ്ഭചാരുവസനദ്വയ ഊര്ജിതശ്രീഃ ।

സര്വത്രമങ്ഗലകരസ്മരണപ്രതാപോ

വിഘ്നം മമാപഹര സിദ്ധിവിനായക ത്വമ്

॥ 6 ॥

ശ്ലോക 8

ദേവാന്തകാദ്യസുരഭീതസുരാര്തിഹര്താ

വിജ്ഞാനബോധനവരേണ തമോഽപഹര്താ ।

ആനന്ദിതത്രിഭുവനേശ കുമാരബന്ധോ

വിഘ്നം മമാപഹര സിദ്ധിവിനായക ത്വമ്

॥ 7 ॥

ശ്ലോക 9

ഇതി ശ്രീമുദ്ഗലപുരാണേ ശ്രീസിദ്ധിവിനായക സ്തോത്രം സമ്പൂര്ണമ് ।