ಸಿದ್ಧಿ ವಿನಾಯಕ ಸ್ತೋತ್ರಮ್

ಸಿದ್ಧಿ ವಿನಾಯಕ ಸ್ತೋತ್ರಮ್

ಶ್ಲೋಕ 1

ವಿಘ್ನೇಶ ವಿಘ್ನಚಯಖಣ್ಡನನಾಮಧೇಯ

ಶ್ರೀಶಙ್ಕರಾತ್ಮಜ ಸುರಾಧಿಪವನ್ದ್ಯಪಾದ ।

ದುರ್ಗಾಮಹಾವ್ರತಫಲಾಖಿಲಮಙ್ಗಲಾತ್ಮನ್

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

ಶ್ಲೋಕ 2

ಸತ್ಪದ್ಮರಾಗಮಣಿವರ್ಣಶರೀರಕಾನ್ತಿಃ

ಶ್ರೀಸಿದ್ಧಿಬುದ್ಧಿಪರಿಚರ್ಚಿತಕುಙ್ಕುಮಶ್ರೀಃ ।

ವಕ್ಷಃಸ್ಥಲೇ ವಲಯಿತಾತಿಮನೋಜ್ಞಶುಣ್ಡೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 1 ॥

ಶ್ಲೋಕ 3

ಪಾಶಾಙ್ಕುಶಾಬ್ಜಪರಶೂಂಶ್ಚ ದಧಚ್ಚತುರ್ಭಿ-

-ರ್ದೋರ್ಭಿಶ್ಚ ಶೋಣಕುಸುಮಸ್ರಗುಮಾಙ್ಗಜಾತಃ ।

ಸಿನ್ದೂರಶೋಭಿತಲಲಾಟವಿಧುಪ್ರಕಾಶೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 2 ॥

ಶ್ಲೋಕ 4

ಕಾರ್ಯೇಷು ವಿಘ್ನಚಯಭೀತವಿರಿಞ್ಚಮುಖ್ಯೈಃ

ಸಮ್ಪೂಜಿತಃ ಸುರವರೈರಪಿ ಮೋದಕಾದ್ಯೈಃ ।

ಸರ್ವೇಷು ಚ ಪ್ರಥಮಮೇವ ಸುರೇಷು ಪೂಜ್ಯೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 3 ॥

ಶ್ಲೋಕ 5

ಶೀಘ್ರಾಞ್ಚನಸ್ಖಲನತುಙ್ಗರವೋರ್ಧ್ವಕಣ್ಠ-

-ಸ್ಥೂಲೇನ್ದುರುದ್ರಗಣಹಾಸಿತದೇವಸಙ್ಘಃ ।

ಶೂರ್ಪಶ್ರುತಿಶ್ಚ ಪೃಥುವರ್ತುಲತುಙ್ಗತುನ್ದೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 4 ॥

ಶ್ಲೋಕ 6

ಯಜ್ಞೋಪವೀತಪದಲಮ್ಭಿತನಾಗರಾಜ

ಮಾಸಾದಿಪುಣ್ಯದದೃಶೀಕೃತೃಕ್ಷರಾಜಃ ।

ಭಕ್ತಾಭಯಪ್ರದ ದಯಾಲಯ ವಿಘ್ನರಾಜ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 5 ॥

ಶ್ಲೋಕ 7

ಸದ್ರತ್ನಸಾರತತಿರಾಜಿತಸತ್ಕಿರೀಟಃ

ಕೌಸುಮ್ಭಚಾರುವಸನದ್ವಯ ಊರ್ಜಿತಶ್ರೀಃ ।

ಸರ್ವತ್ರಮಙ್ಗಲಕರಸ್ಮರಣಪ್ರತಾಪೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 6 ॥

ಶ್ಲೋಕ 8

ದೇವಾನ್ತಕಾದ್ಯಸುರಭೀತಸುರಾರ್ತಿಹರ್ತಾ

ವಿಜ್ಞಾನಬೋಧನವರೇಣ ತಮೋಽಪಹರ್ತಾ ।

ಆನನ್ದಿತತ್ರಿಭುವನೇಶ ಕುಮಾರಬನ್ಧೋ

ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್

॥ 7 ॥

ಶ್ಲೋಕ 9

ಇತಿ ಶ್ರೀಮುದ್ಗಲಪುರಾಣೇ ಶ್ರೀಸಿದ್ಧಿವಿನಾಯಕ ಸ್ತೋತ್ರಂ ಸಮ್ಪೂರ್ಣಮ್ ।