ಸಿದ್ಧ ಕುಞ್ಜಿಕಾ ಸ್ತೋತ್ರಮ್

ಸಿದ್ಧ ಕುಞ್ಜಿಕಾ ಸ್ತೋತ್ರಮ್

ಶ್ಲೋಕ 1

ಓಂ ಅಸ್ಯ ಶ್ರೀಕುಞ್ಜಿಕಾಸ್ತೋತ್ರಮನ್ತ್ರಸ್ಯ ಸದಾಶಿವ ಋಷಿಃ, ಅನುಷ್ಟುಪ್ ಛನ್ದಃ,

ಶ್ರೀತ್ರಿಗುಣಾತ್ಮಿಕಾ ದೇವತಾ, ಓಂ ಐಂ ಬೀಜಂ, ಓಂ ಹ್ರೀಂ ಶಕ್ತಿಃ, ಓಂ ಕ್ಲೀಂ ಕೀಲಕಮ್,

ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಶಿವ ಉವಾಚ

ಶೃಣು ದೇವಿ ಪ್ರವಕ್ಷ್ಯಾಮಿ ಕುಞ್ಜಿಕಾಸ್ತೋತ್ರಮುತ್ತಮಮ್ ।

ಯೇನ ಮನ್ತ್ರಪ್ರಭಾವೇಣ ಚಣ್ಡೀಜಾಪಃ ಶುಭೋ ಭವೇತ್

ಶ್ಲೋಕ 2

ನ ಕವಚಂ ನಾರ್ಗಲಾಸ್ತೋತ್ರಂ ಕೀಲಕಂ ನ ರಹಸ್ಯಕಮ್ ।

ನ ಸೂಕ್ತಂ ನಾಪಿ ಧ್ಯಾನಂ ಚ ನ ನ್ಯಾಸೋ ನ ಚ ವಾರ್ಚನಮ್

॥ 1 ॥

ಶ್ಲೋಕ 3

ಕುಞ್ಜಿಕಾಪಾಠಮಾತ್ರೇಣ ದುರ್ಗಾಪಾಠಫಲಂ ಲಭೇತ್ ।

ಅತಿ ಗುಹ್ಯತರಂ ದೇವಿ ದೇವಾನಾಮಪಿ ದುರ್ಲಭಮ್

॥ 2 ॥

ಶ್ಲೋಕ 4

ಗೋಪನೀಯಂ ಪ್ರಯತ್ನೇನ ಸ್ವಯೋನಿರಿವ ಪಾರ್ವತಿ ।

ಮಾರಣಂ ಮೋಹನಂ ವಶ್ಯಂ ಸ್ತಮ್ಭನೋಚ್ಚಾಟನಾದಿಕಮ್ ।

ಪಾಠಮಾತ್ರೇಣ ಸಂಸಿದ್ಧ್ಯೇತ್ ಕುಞ್ಜಿಕಾಸ್ತೋತ್ರಮುತ್ತಮಮ್

॥ 3 ॥

ಶ್ಲೋಕ 5

ಅಥ ಮನ್ತ್ರಃ ।

ಓಂ ಐಂ ಹ್ರೀಂ ಕ್ಲೀಂ ಚಾಮುಣ್ಡಾಯೈ ವಿಚ್ಚೇ ।

ಓಂ ಗ್ಲೌಂ ಹುಂ ಕ್ಲೀಂ ಜೂಂ ಸಃ ಜ್ವಾಲಯ ಜ್ವಾಲಯ ಜ್ವಲ ಜ್ವಲ ಪ್ರಜ್ವಲ ಪ್ರಜ್ವಲ

ಐಂ ಹ್ರೀಂ ಕ್ಲೀಂ ಚಾಮುಣ್ಡಾಯೈ ವಿಚ್ಚೇ ಜ್ವಲ ಹಂ ಸಂ ಲಂ ಕ್ಷಂ ಫಟ್ ಸ್ವಾಹಾ

॥ 4 ॥

ಶ್ಲೋಕ 6

ಇತಿ ಮನ್ತ್ರಃ ।

ನಮಸ್ತೇ ರುದ್ರರೂಪಿಣ್ಯೈ ನಮಸ್ತೇ ಮಧುಮರ್ದಿನಿ ।

ನಮಃ ಕೈಟಭಹಾರಿಣ್ಯೈ ನಮಸ್ತೇ ಮಹಿಷಾರ್ದಿನಿ

॥ 5 ॥

ಶ್ಲೋಕ 7

ನಮಸ್ತೇ ಶುಮ್ಭಹನ್ತ್ರ್ಯೈ ಚ ನಿಶುಮ್ಭಾಸುರಘಾತಿನಿ ।

ಜಾಗ್ರತಂ ಹಿ ಮಹಾದೇವಿ ಜಪಂ ಸಿದ್ಧಂ ಕುರುಷ್ವ ಮೇ

॥ 6 ॥

ಶ್ಲೋಕ 8

ಐಙ್ಕಾರೀ ಸೃಷ್ಟಿರೂಪಾಯೈ ಹ್ರೀಙ್ಕಾರೀ ಪ್ರತಿಪಾಲಿಕಾ ।

ಕ್ಲೀಙ್ಕಾರೀ ಕಾಮರೂಪಿಣ್ಯೈ ಬೀಜರೂಪೇ ನಮೋಽಸ್ತು ತೇ

॥ 7 ॥

ಶ್ಲೋಕ 9

ಚಾಮುಣ್ಡಾ ಚಣ್ಡಘಾತೀ ಚ ಯೈಕಾರೀ ವರದಾಯಿನೀ ।

ವಿಚ್ಚೇ ಚಾಭಯದಾ ನಿತ್ಯಂ ನಮಸ್ತೇ ಮನ್ತ್ರರೂಪಿಣಿ

॥ 8 ॥

ಶ್ಲೋಕ 10

ಧಾಂ ಧೀಂ ಧೂಂ ಧೂರ್ಜಟೇಃ ಪತ್ನೀ ವಾಂ ವೀಂ ವೂಂ ವಾಗಧೀಶ್ವರೀ ।

ಕ್ರಾಂ ಕ್ರೀಂ ಕ್ರೂಂ ಕಾಲಿಕಾ ದೇವಿ ಶಾಂ ಶೀಂ ಶೂಂ ಮೇ ಶುಭಂ ಕುರು

॥ 9 ॥

ಶ್ಲೋಕ 11

ಹುಂ ಹುಂ ಹುಙ್ಕಾರರೂಪಿಣ್ಯೈ ಜಂ ಜಂ ಜಂ ಜಮ್ಭನಾದಿನೀ ।

ಭ್ರಾಂ ಭ್ರೀಂ ಭ್ರೂಂ ಭೈರವೀ ಭದ್ರೇ ಭವಾನ್ಯೈ ತೇ ನಮೋ ನಮಃ

॥ 10 ॥

ಶ್ಲೋಕ 12

ಅಂ ಕಂ ಚಂ ಟಂ ತಂ ಪಂ ಯಂ ಶಂ ವೀಂ ದುಂ ಐಂ ವೀಂ ಹಂ ಕ್ಷಮ್ ।

ಧಿಜಾಗ್ರಂ ಧಿಜಾಗ್ರಂ ತ್ರೋಟಯ ತ್ರೋಟಯ ದೀಪ್ತಂ ಕುರು ಕುರು ಸ್ವಾಹಾ

॥ 11 ॥

ಶ್ಲೋಕ 13

ಪಾಂ ಪೀಂ ಪೂಂ ಪಾರ್ವತೀ ಪೂರ್ಣಾ ಖಾಂ ಖೀಂ ಖೂಂ ಖೇಚರೀ ತಥಾ ।

ಸಾಂ ಸೀಂ ಸೂಂ ಸಪ್ತಶತೀ ದೇವ್ಯಾ ಮನ್ತ್ರಸಿದ್ಧಿಂ ಕುರುಷ್ವ ಮೇ

॥ 12 ॥

ಶ್ಲೋಕ 14

ಕುಞ್ಜಿಕಾಯೈ ನಮೋ ನಮಃ ।

ಇದಂ ತು ಕುಞ್ಜಿಕಾಸ್ತೋತ್ರಂ ಮನ್ತ್ರಜಾಗರ್ತಿಹೇತವೇ ।

ಅಭಕ್ತೇ ನೈವ ದಾತವ್ಯಂ ಗೋಪಿತಂ ರಕ್ಷ ಪಾರ್ವತಿ

॥ 13 ॥

ಶ್ಲೋಕ 15

ಯಸ್ತು ಕುಞ್ಜಿಕಯಾ ದೇವಿ ಹೀನಾಂ ಸಪ್ತಶತೀಂ ಪಠೇತ್ ।

ನ ತಸ್ಯ ಜಾಯತೇ ಸಿದ್ಧಿರರಣ್ಯೇ ರೋದನಂ ಯಥಾ

॥ 14 ॥

ಶ್ಲೋಕ 16

ಇತಿ ಶ್ರೀರುದ್ರಯಾಮಲೇ ಗೌರೀತನ್ತ್ರೇ ಶಿವಪಾರ್ವತೀಸಂವಾದೇ ಕುಞ್ಜಿಕಾಸ್ತೋತ್ರಂ ಸಮ್ಪೂರ್ಣಮ್ ।