Sankshepa Ramayanam

ସଙ୍କ୍ଷେପ ରାମାଯଣମ୍

ଶ୍ଲୋକ 1

ଶ୍ରୀମଦ୍ଵାଲ୍ମୀକୀଯ ରାମାଯଣେ ବାଲକାଣ୍ଡମ୍ ।

ଅଥ ପ୍ରଥମସ୍ସର୍ଗଃ ।

ତପସ୍ସ୍ଵାଧ୍ଯାଯନିରତଂ ତପସ୍ଵୀ ଵାଗ୍ଵିଦାଂ ଵରମ୍ ।

ନାରଦଂ ପରିପପ୍ରଚ୍ଛ ଵାଲ୍ମୀକିର୍ମୁନିପୁଙ୍ଗଵମ୍

ଶ୍ଲୋକ 2

କୋଽନ୍ଵସ୍ମିନ୍ସାମ୍ପ୍ରତଂ ଲୋକେ ଗୁଣଵାନ୍ କଶ୍ଚ ଵୀର୍ଯଵାନ୍ ।

ଧର୍ମଜ୍ଞଶ୍ଚ କୃତଜ୍ଞଶ୍ଚ ସତ୍ଯଵାକ୍ଯୋ ଦୃଢଵ୍ରତଃ

॥ 1 ॥

ଶ୍ଲୋକ 3

ଚାରିତ୍ରେଣ ଚ କୋ ଯୁକ୍ତଃ ସର୍ଵଭୂତେଷୁ କୋ ହିତଃ ।

ଵିଦ୍ଵାନ୍ କଃ କଃ ସମର୍ଥଶ୍ଚ କଶ୍ଚୈକପ୍ରିଯଦର୍ଶନଃ

॥ 2 ॥

ଶ୍ଲୋକ 4

ଆତ୍ମଵାନ୍ କୋ ଜିତକ୍ରୋଧୋ ଦ୍ଯୁତିମାନ୍ କୋଽନସୂଯକଃ ।

କସ୍ଯ ବିଭ୍ଯତି ଦେଵାଶ୍ଚ ଜାତରୋଷସ୍ଯ ସଂଯୁଗେ

॥ 3 ॥

ଶ୍ଲୋକ 5

ଏତଦିଚ୍ଛାମ୍ଯହଂ ଶ୍ରୋତୁଂ ପରଂ କୌତୂହଲଂ ହି ମେ ।

ମହର୍ଷେ ତ୍ଵଂ ସମର୍ଥୋଽସି ଜ୍ଞାତୁମେଵଂଵିଧଂ ନରମ୍

॥ 4 ॥

ଶ୍ଲୋକ 6

ଶ୍ରୁତ୍ଵା ଚୈତତ୍ତ୍ରିଲୋକଜ୍ଞୋ ଵାଲ୍ମୀକେର୍ନାରଦୋ ଵଚଃ ।

ଶ୍ରୂଯତାମିତି ଚାମନ୍ତ୍ର୍ଯ ପ୍ରହୃଷ୍ଟୋ ଵାକ୍ଯମବ୍ରଵୀତ୍

॥ 5 ॥

ଶ୍ଲୋକ 7

ବହଵୋ ଦୁର୍ଲଭାଶ୍ଚୈଵ ଯେ ତ୍ଵଯା କୀର୍ତିତା ଗୁଣାଃ ।

ମୁନେ ଵକ୍ଷ୍ଯାମ୍ଯହଂ ବୁଦ୍ଧ୍ଵା ତୈର୍ଯୁକ୍ତଃ ଶ୍ରୂଯତାଂ ନରଃ

॥ 6 ॥

ଶ୍ଲୋକ 8

ଇକ୍ଷ୍ଵାକୁଵଂଶପ୍ରଭଵୋ ରାମୋ ନାମ ଜନୈଃ ଶ୍ରୁତଃ ।

ନିଯତାତ୍ମା ମହାଵୀର୍ଯୋ ଦ୍ଯୁତିମାନ୍ ଧୃତିମାନ୍ ଵଶୀ

॥ 7 ॥

ଶ୍ଲୋକ 9

ବୁଦ୍ଧିମାନ୍ ନୀତିମାନ୍ ଵାଗ୍ମୀ ଶ୍ରୀମାନ୍ ଶତ୍ରୁନିବର୍ହଣଃ ।

ଵିପୁଲାଂସୋ ମହାବାହୁଃ କମ୍ବୁଗ୍ରୀଵୋ ମହାହନୁଃ

॥ 8 ॥

ଶ୍ଲୋକ 10

ମହୋରସ୍କୋ ମହେଷ୍ଵାସୋ ଗୂଢଜତ୍ରୁରରିନ୍ଦମଃ ।

ଆଜାନୁବାହୁଃ ସୁଶିରାଃ ସୁଲଲାଟଃ ସୁଵିକ୍ରମଃ

॥ 9 ॥

ଶ୍ଲୋକ 11

ସମଃ ସମଵିଭକ୍ତାଙ୍ଗଃ ସ୍ନିଗ୍ଧଵର୍ଣଃ ପ୍ରତାପଵାନ୍ ।

ପୀନଵକ୍ଷା ଵିଶାଲାକ୍ଷୋ ଲକ୍ଷ୍ମୀଵାନ୍ ଶୁଭଲକ୍ଷଣଃ

॥ 10 ॥

ଶ୍ଲୋକ 12

ଧର୍ମଜ୍ଞଃ ସତ୍ଯସନ୍ଧଶ୍ଚ ପ୍ରଜାନାଂ ଚ ହିତେ ରତଃ ।

ଯଶସ୍ଵୀ ଜ୍ଞାନସମ୍ପନ୍ନଃ ଶୁଚିର୍ଵଶ୍ଯଃ ସମାଧିମାନ୍

॥ 11 ॥

ଶ୍ଲୋକ 13

ପ୍ରଜାପତିସମଃ ଶ୍ରୀମାନ୍ ଧାତା ରିପୁନିଷୂଦନଃ ।

ରକ୍ଷିତା ଜୀଵଲୋକସ୍ଯ ଧର୍ମସ୍ଯ ପରିରକ୍ଷିତା

॥ 12 ॥

ଶ୍ଲୋକ 14

ରକ୍ଷିତା ସ୍ଵସ୍ଯ ଧର୍ମସ୍ଯ ସ୍ଵଜନସ୍ଯ ଚ ରକ୍ଷିତା ।

ଵେଦଵେଦାଙ୍ଗତତ୍ତ୍ଵଜ୍ଞୋ ଧନୁର୍ଵେଦେ ଚ ନିଷ୍ଠିତଃ

॥ 13 ॥

ଶ୍ଲୋକ 15

ସର୍ଵଶାସ୍ତ୍ରାର୍ଥତତ୍ତ୍ଵଜ୍ଞୋ ସ୍ମୃତିମାନ୍ପ୍ରତିଭାନଵାନ୍ ।

ସର୍ଵଲୋକପ୍ରିଯଃ ସାଧୁରଦୀନାତ୍ମା ଵିଚକ୍ଷଣଃ

॥ 14 ॥

ଶ୍ଲୋକ 16

ସର୍ଵଦାଭିଗତଃ ସଦ୍ଭିଃ ସମୁଦ୍ର ଇଵ ସିନ୍ଧୁଭିଃ ।

ଆର୍ଯଃ ସର୍ଵସମଶ୍ଚୈଵ ସଦୈକପ୍ରିଯଦର୍ଶନଃ

॥ 15 ॥

ଶ୍ଲୋକ 17

ସ ଚ ସର୍ଵଗୁଣୋପେତଃ କୌସଲ୍ଯାନନ୍ଦଵର୍ଧନଃ ।

ସମୁଦ୍ର ଇଵ ଗାମ୍ଭୀର୍ଯେ ଧୈର୍ଯେଣ ହିମଵାନିଵ

॥ 16 ॥

ଶ୍ଲୋକ 18

ଵିଷ୍ଣୁନା ସଦୃଶୋ ଵୀର୍ଯେ ସୋମଵତ୍ପ୍ରିଯଦର୍ଶନଃ ।

କାଲାଗ୍ନିସଦୃଶଃ କ୍ରୋଧେ କ୍ଷମଯା ପୃଥିଵୀସମଃ

॥ 17 ॥

ଶ୍ଲୋକ 19

ଧନଦେନ ସମସ୍ତ୍ଯାଗେ ସତ୍ଯେ ଧର୍ମ ଇଵାପରଃ ।

ତମେଵଂ ଗୁଣସମ୍ପନ୍ନଂ ରାମଂ ସତ୍ଯପରାକ୍ରମମ୍

॥ 18 ॥

ଶ୍ଲୋକ 20

ଜ୍ଯେଷ୍ଠଂ ଶ୍ରେଷ୍ଠଗୁଣୈର୍ଯୁକ୍ତଂ ପ୍ରିଯଂ ଦଶରଥଃ ସୁତମ୍ ।

ପ୍ରକୃତୀନାଂ ହିତୈର୍ଯୁକ୍ତଂ ପ୍ରକୃତି ପ୍ରିଯ କାମ୍ଯଯା

॥ 19 ॥

ଶ୍ଲୋକ 21

ଯୌଵରାଜ୍ଯେନ ସଂଯୋକ୍ତୁମୈଚ୍ଛତ୍ପ୍ରୀତ୍ଯା ମହୀପତିଃ ।

ତସ୍ଯାଭିଷେକସମ୍ଭାରାନ୍ ଦୃଷ୍ଟ୍ଵା ଭାର୍ଯାଽଥ କୈକଯୀ

॥ 20 ॥

ଶ୍ଲୋକ 22

ପୂର୍ଵଂ ଦତ୍ତଵରା ଦେଵୀ ଵରମେନମଯାଚତ ।

ଵିଵାସନଂ ଚ ରାମସ୍ଯ ଭରତସ୍ଯାଭିଷେଚନମ୍

॥ 21 ॥

ଶ୍ଲୋକ 23

ସ ସତ୍ଯଵଚନାଦ୍ରାଜା ଧର୍ମପାଶେନ ସଂଯତଃ ।

ଵିଵାସଯାମାସ ସୁତଂ ରାମଂ ଦଶରଥଃ ପ୍ରିଯମ୍

॥ 22 ॥

ଶ୍ଲୋକ 24

ସ ଜଗାମ ଵନଂ ଵୀରଃ ପ୍ରତିଜ୍ଞାମନୁପାଲଯନ୍ ।

ପିତୁର୍ଵଚନନିର୍ଦେଶାତ୍କୈକେଯ୍ଯାଃ ପ୍ରିଯକାରଣାତ୍

॥ 23 ॥

ଶ୍ଲୋକ 25

ତଂ ଵ୍ରଜନ୍ତଂ ପ୍ରିଯୋ ଭ୍ରାତା ଲକ୍ଷ୍ମଣୋଽନୁଜଗାମ ହ ।

ସ୍ନେହାଦ୍ଵିନଯସମ୍ପନ୍ନଃ ସୁମିତ୍ରାନନ୍ଦଵର୍ଧନଃ

॥ 24 ॥

ଶ୍ଲୋକ 26

ଭ୍ରାତରଂ ଦଯିତୋ ଭ୍ରାତୁଃ ସୌଭ୍ରାତ୍ରମନୁଦର୍ଶଯନ୍ ।

ରାମସ୍ଯ ଦଯିତା ଭାର୍ଯା ନିତ୍ଯଂ ପ୍ରାଣସମାହିତା

॥ 25 ॥

ଶ୍ଲୋକ 27

ଜନକସ୍ଯ କୁଲେ ଜାତା ଦେଵମାଯେଵ ନିର୍ମିତା ।

ସର୍ଵଲକ୍ଷଣସମ୍ପନ୍ନା ନାରୀଣାମୁତ୍ତମା ଵଧୂଃ

॥ 26 ॥

ଶ୍ଲୋକ 28

ସୀତାଽପ୍ଯନୁଗତା ରାମଂ ଶଶିନଂ ରୋହିଣୀ ଯଥା ।

ପୌରୈରନୁଗତୋ ଦୂରଂ ପିତ୍ରା ଦଶରଥେନ ଚ

॥ 27 ॥

ଶ୍ଲୋକ 29

ଶୃଙ୍ଗିବେରପୁରେ ସୂତଂ ଗଙ୍ଗାକୂଲେ ଵ୍ଯସର୍ଜଯତ୍ ।

ଗୁହମାସାଦ୍ଯ ଧର୍ମାତ୍ମା ନିଷାଦାଧିପତିଂ ପ୍ରିଯମ୍

॥ 28 ॥

ଶ୍ଲୋକ 30

ଗୁହେନ ସହିତୋ ରାମଃ ଲକ୍ଷ୍ମଣେନ ଚ ସୀତଯା ।

ତେ ଵନେନ ଵନଂ ଗତ୍ଵା ନଦୀସ୍ତୀର୍ତ୍ଵା ବହୂଦକାଃ

॥ 29 ॥

ଶ୍ଲୋକ 31

ଚିତ୍ରକୂଟମନୁପ୍ରାପ୍ଯ ଭରଦ୍ଵାଜସ୍ଯ ଶାସନାତ୍ ।

ରମ୍ଯମାଵସଥଂ କୃତ୍ଵା ରମମାଣା ଵନେ ତ୍ରଯଃ

॥ 30 ॥

ଶ୍ଲୋକ 32

ଦେଵଗନ୍ଧର୍ଵସଙ୍କାଶାସ୍ତତ୍ର ତେ ନ୍ଯଵସନ୍ସୁଖମ୍ ।

ଚିତ୍ରକୂଟଂ ଗତେ ରାମେ ପୁତ୍ରଶୋକାତୁରସ୍ତଥା

॥ 31 ॥

ଶ୍ଲୋକ 33

ରାଜା ଦଶରଥଃ ସ୍ଵର୍ଗଂ ଜଗାମ ଵିଲପନ୍ସୁତମ୍ ।

ମୃତେ ତୁ ତସ୍ମିନ୍ଭରତୋ ଵସିଷ୍ଠପ୍ରମୁଖୈର୍ଦ୍ଵିଜୈଃ

॥ 32 ॥

ଶ୍ଲୋକ 34

ନିଯୁଜ୍ଯମାନୋ ରାଜ୍ଯାଯ ନୈଚ୍ଛଦ୍ରାଜ୍ଯଂ ମହାବଲଃ ।

ସ ଜଗାମ ଵନଂ ଵୀରୋ ରାମପାଦପ୍ରସାଦକଃ

॥ 33 ॥

ଶ୍ଲୋକ 35

ଗତ୍ଵା ତୁ ସ ମହାତ୍ମାନଂ ରାମଂ ସତ୍ଯପରାକ୍ରମମ୍ ।

ଅଯାଚଦ୍ଭ୍ରାତରଂ ରାମଂ ଆର୍ଯଭାଵପୁରସ୍କୃତଃ

॥ 34 ॥

ଶ୍ଲୋକ 36

ତ୍ଵମେଵ ରାଜା ଧର୍ମଜ୍ଞ ଇତି ରାମଂ ଵଚୋଽବ୍ରଵୀତ୍ ।

ରାମୋଽପି ପରମୋଦାରଃ ସୁମୁଖସ୍ସୁମହାଯଶାଃ

॥ 35 ॥

ଶ୍ଲୋକ 37

ନ ଚୈଚ୍ଛତ୍ପିତୁରାଦେଶାଦ୍ରାଜ୍ଯଂ ରାମୋ ମହାବଲଃ ।

ପାଦୁକେ ଚାସ୍ଯ ରାଜ୍ଯାଯ ନ୍ଯାସଂ ଦତ୍ତ୍ଵା ପୁନଃ ପୁନଃ

॥ 36 ॥

ଶ୍ଲୋକ 38

ନିଵର୍ତଯାମାସ ତତୋ ଭରତଂ ଭରତାଗ୍ରଜଃ ।

ସ କାମମନଵାପ୍ଯୈଵ ରାମପାଦାଵୁପସ୍ପୃଶନ୍

॥ 37 ॥

ଶ୍ଲୋକ 39

ନନ୍ଦିଗ୍ରାମେଽକରୋଦ୍ରାଜ୍ଯଂ ରାମାଗମନକାଙ୍କ୍ଷଯା ।

ଗତେ ତୁ ଭରତେ ଶ୍ରୀମାନ୍ ସତ୍ଯସନ୍ଧୋ ଜିତେନ୍ଦ୍ରିଯଃ

॥ 38 ॥

ଶ୍ଲୋକ 40

ରାମସ୍ତୁ ପୁନରାଲକ୍ଷ୍ଯ ନାଗରସ୍ଯ ଜନସ୍ଯ ଚ ।

ତତ୍ରାଗମନମେକାଗ୍ରୋ ଦଣ୍ଡକାନ୍ପ୍ରଵିଵେଶ ହ

॥ 39 ॥

ଶ୍ଲୋକ 41

ପ୍ରଵିଶ୍ଯ ତୁ ମହାରଣ୍ଯଂ ରାମୋ ରାଜୀଵଲୋଚନଃ ।

ଵିରାଧଂ ରାକ୍ଷସଂ ହତ୍ଵା ଶରଭଙ୍ଗଂ ଦଦର୍ଶ ହ

॥ 40 ॥

ଶ୍ଲୋକ 42

ସୁତୀକ୍ଷ୍ଣଂ ଚାପ୍ଯଗସ୍ତ୍ଯଂ ଚ ଅଗସ୍ତ୍ଯଭ୍ରାତରଂ ତଥା ।

ଅଗସ୍ତ୍ଯଵଚନାଚ୍ଚୈଵ ଜଗ୍ରାହୈନ୍ଦ୍ରଂ ଶରାସନମ୍

॥ 41 ॥

ଶ୍ଲୋକ 43

ଖଡ୍ଗଂ ଚ ପରମପ୍ରୀତସ୍ତୂଣୀ ଚାକ୍ଷଯସାଯକୌ ।

ଵସତସ୍ତସ୍ଯ ରାମସ୍ଯ ଵନେ ଵନଚରୈଃ ସହ

॥ 42 ॥

ଶ୍ଲୋକ 44

ଋଷଯୋଽଭ୍ଯାଗମନ୍ସର୍ଵେ ଵଧାଯାସୁରରକ୍ଷସାମ୍ ।

ସ ତେଷାଂ ପ୍ରତିଶୁଶ୍ରାଵ ରାକ୍ଷସାନାଂ ତଥା ଵନେ

॥ 43 ॥

ଶ୍ଲୋକ 45

ପ୍ରତିଜ୍ଞାତଶ୍ଚ ରାମେଣ ଵଧଃ ସଂଯତି ରକ୍ଷସାମ୍ ।

ଋଷୀଣାମଗ୍ନିକଲ୍ପାନାଂ ଦଣ୍ଡକାରଣ୍ଯଵାସିନାମ୍

॥ 44 ॥

ଶ୍ଲୋକ 46

ତେନ ତତ୍ରୈଵ ଵସତା ଜନସ୍ଥାନନିଵାସିନୀ ।

ଵିରୂପିତା ଶୂର୍ପଣଖା ରାକ୍ଷସୀ କାମରୂପିଣୀ

॥ 45 ॥

ଶ୍ଲୋକ 47

ତତଃ ଶୂର୍ପଣଖାଵାକ୍ଯାଦୁଦ୍ଯୁକ୍ତାନ୍ସର୍ଵରାକ୍ଷସାନ୍ ।

ଖରଂ ତ୍ରିଶିରସଂ ଚୈଵ ଦୂଷଣଂ ଚୈଵ ରାକ୍ଷସମ୍

॥ 46 ॥

ଶ୍ଲୋକ 48

ନିଜଘାନ ରଣେ ରାମସ୍ତେଷାଂ ଚୈଵ ପଦାନୁଗାନ୍ ।

ଵନେ ତସ୍ମିନ୍ନିଵସତା ଜନସ୍ଥାନନିଵାସିନାମ୍

॥ 47 ॥

ଶ୍ଲୋକ 49

ରକ୍ଷସାଂ ନିହତାନ୍ଯାସନ୍ସହସ୍ରାଣି ଚତୁର୍ଦଶ ।

ତତୋ ଜ୍ଞାତିଵଧଂ ଶ୍ରୁତ୍ଵା ରାଵଣଃ କ୍ରୋଧମୂର୍ଛିତଃ

॥ 48 ॥

ଶ୍ଲୋକ 50

ସହାଯଂ ଵରଯାମାସ ମାରୀଚଂ ନାମ ରାକ୍ଷସମ୍ ।

ଵାର୍ଯମାଣଃ ସୁବହୁଶୋ ମାରୀଚେନ ସ ରାଵଣଃ

॥ 49 ॥

ଶ୍ଲୋକ 51

ନ ଵିରୋଧୋ ବଲଵତା କ୍ଷମୋ ରାଵଣ ତେନ ତେ ।

ଅନାଦୃତ୍ଯ ତୁ ତଦ୍ଵାକ୍ଯଂ ରାଵଣଃ କାଲଚୋଦିତଃ

॥ 50 ॥

ଶ୍ଲୋକ 52

ଜଗାମ ସହମାରୀଚଃ ତସ୍ଯାଶ୍ରମପଦଂ ତଦା ।

ତେନ ମାଯାଵିନା ଦୂରମପଵାହ୍ଯ ନୃପାତ୍ମଜୌ

॥ 51 ॥

ଶ୍ଲୋକ 53

ଜହାର ଭାର୍ଯାଂ ରାମସ୍ଯ ଗୃଧ୍ରଂ ହତ୍ଵା ଜଟାଯୁଷମ୍ ।

ଗୃଧ୍ରଂ ଚ ନିହତଂ ଦୃଷ୍ଟ୍ଵା ହୃତାଂ ଶ୍ରୁତ୍ଵା ଚ ମୈଥିଲୀମ୍

॥ 52 ॥

ଶ୍ଲୋକ 54

ରାଘଵଃ ଶୋକସନ୍ତପ୍ତୋ ଵିଲଲାପାକୁଲେନ୍ଦ୍ରିଯଃ ।

ତତସ୍ତେନୈଵ ଶୋକେନ ଗୃଧ୍ରଂ ଦଗ୍ଧ୍ଵା ଜଟାଯୁଷମ୍

॥ 53 ॥

ଶ୍ଲୋକ 55

ମାର୍ଗମାଣୋ ଵନେ ସୀତାଂ ରାକ୍ଷସଂ ସନ୍ଦଦର୍ଶ ହ ।

କବନ୍ଧଂ ନାମ ରୂପେଣ ଵିକୃତଂ ଘୋରଦର୍ଶନମ୍

॥ 54 ॥

ଶ୍ଲୋକ 56

ତଂ ନିହତ୍ଯ ମହାବାହୁଃ ଦଦାହ ସ୍ଵର୍ଗତଶ୍ଚ ସଃ ।

ସ ଚାସ୍ଯ କଥଯାମାସ ଶବରୀଂ ଧର୍ମଚାରିଣୀମ୍

॥ 55 ॥

ଶ୍ଲୋକ 57

ଶ୍ରମଣୀଂ ଧର୍ମନିପୁଣାମଭିଗଚ୍ଛେତି ରାଘଵମ୍ ।

ସୋଽଭ୍ଯଗଚ୍ଛନ୍ମହାତେଜାଃ ଶବରୀଂ ଶତ୍ରୁସୂଦନଃ

॥ 56 ॥

ଶ୍ଲୋକ 58

ଶବର୍ଯା ପୂଜିତଃ ସମ୍ଯଗ୍ରାମୋ ଦଶରଥାତ୍ମଜଃ ।

ପମ୍ପାତୀରେ ହନୁମତା ସଙ୍ଗତୋ ଵାନରେଣ ହ

॥ 57 ॥

ଶ୍ଲୋକ 59

ହନୁମଦ୍ଵଚନାଚ୍ଚୈଵ ସୁଗ୍ରୀଵେଣ ସମାଗତଃ ।

ସୁଗ୍ରୀଵାଯ ଚ ତତ୍ସର୍ଵଂ ଶଂସଦ୍ରାମୋ ମହାବଲଃ

॥ 58 ॥

ଶ୍ଲୋକ 60

ଆଦିତସ୍ତଦ୍ଯଥାଵୃତ୍ତଂ ସୀତଯାଶ୍ଚ ଵିଶେଷତଃ ।

ସୁଗ୍ରୀଵଶ୍ଚାପି ତତ୍ସର୍ଵଂ ଶ୍ରୁତ୍ଵା ରାମସ୍ଯ ଵାନରଃ

॥ 59 ॥

ଶ୍ଲୋକ 61

ଚକାର ସଖ୍ଯଂ ରାମେଣ ପ୍ରୀତଶ୍ଚୈଵାଗ୍ନିସାକ୍ଷିକମ୍ ।

ତତୋ ଵାନରରାଜେନ ଵୈରାନୁକଥନଂ ପ୍ରତି

॥ 60 ॥

ଶ୍ଲୋକ 62

ରାମାଯାଵେଦିତଂ ସର୍ଵଂ ପ୍ରଣଯାଦ୍ଦୁଃଖିତେନ ଚ ।

ପ୍ରତିଜ୍ଞାତଂ ଚ ରାମେଣ ତଦା ଵାଲିଵଧଂ ପ୍ରତି

॥ 61 ॥

ଶ୍ଲୋକ 63

ଵାଲିନଶ୍ଚ ବଲଂ ତତ୍ର କଥଯାମାସ ଵାନରଃ ।

ସୁଗ୍ରୀଵଃ ଶଙ୍କିତଶ୍ଚାସୀନ୍ନିତ୍ଯଂ ଵୀର୍ଯେଣ ରାଘଵେ

॥ 62 ॥

ଶ୍ଲୋକ 64

ରାଘଵଃ ପ୍ରତ୍ଯଯାର୍ଥଂ ତୁ ଦୁନ୍ଦୁଭେଃ କାଯମୁତ୍ତମମ୍ ।

ଦର୍ଶଯାମାସ ସୁଗ୍ରୀଵୋ ମହାପର୍ଵତ ସନ୍ନିଭମ୍

॥ 63 ॥

ଶ୍ଲୋକ 65

ଉତ୍ସ୍ମଯିତ୍ଵା ମହାବାହୁଃ ପ୍ରେକ୍ଷ୍ଯ ଚାସ୍ଥି ମହାବଲଃ ।

ପାଦାଙ୍ଗୁଷ୍ଠେନ ଚିକ୍ଷେପ ସମ୍ପୂର୍ଣଂ ଦଶଯୋଜନମ୍

॥ 64 ॥

ଶ୍ଲୋକ 66

ବିଭେଦ ଚ ପୁନଃ ସାଲାନ୍ସପ୍ତୈକେନ ମହେଷୁଣା ।

ଗିରିଂ ରସାତଲଂ ଚୈଵ ଜନଯନ୍ ପ୍ରତ୍ଯଯଂ ତଦା

॥ 65 ॥

ଶ୍ଲୋକ 67

ତତଃ ପ୍ରୀତମନାସ୍ତେନ ଵିଶ୍ଵସ୍ତଃ ସ ମହାକପିଃ ।

କିଷ୍କିନ୍ଧାଂ ରାମସହିତୋ ଜଗାମ ଚ ଗୁହାଂ ତଦା

॥ 66 ॥

ଶ୍ଲୋକ 68

ତତୋଽଗର୍ଜଦ୍ଧରିଵରଃ ସୁଗ୍ରୀଵୋ ହେମପିଙ୍ଗଲଃ ।

ତେନ ନାଦେନ ମହତା ନିର୍ଜଗାମ ହରୀଶ୍ଵରଃ

॥ 67 ॥

ଶ୍ଲୋକ 69

ଅନୁମାନ୍ଯ ତଦା ତାରାଂ ସୁଗ୍ରୀଵେଣ ସମାଗତଃ ।

ନିଜଘାନ ଚ ତତ୍ରୈନଂ ଶରେଣୈକେନ ରାଘଵଃ

॥ 68 ॥

ଶ୍ଲୋକ 70

ତତଃ ସୁଗ୍ରୀଵଵଚନାଦ୍ଧତ୍ଵା ଵାଲିନମାହଵେ ।

ସୁଗ୍ରୀଵମେଵ ତଦ୍ରାଜ୍ଯେ ରାଘଵଃ ପ୍ରତ୍ଯପାଦଯତ୍

॥ 69 ॥

ଶ୍ଲୋକ 71

ସ ଚ ସର୍ଵାନ୍ସମାନୀଯ ଵାନରାନ୍ଵାନରର୍ଷଭଃ ।

ଦିଶଃ ପ୍ରସ୍ଥାପଯାମାସ ଦିଦୃକ୍ଷୁର୍ଜନକାତ୍ମଜାମ୍

॥ 70 ॥

ଶ୍ଲୋକ 72

ତତୋ ଗୃଧ୍ରସ୍ଯ ଵଚନାତ୍ସମ୍ପାତେର୍ହନୁମାନ୍ବଲୀ ।

ଶତଯୋଜନଵିସ୍ତୀର୍ଣଂ ପୁପ୍ଲୁଵେ ଲଵଣାର୍ଣଵମ୍

॥ 71 ॥

ଶ୍ଲୋକ 73

ତତ୍ର ଲଙ୍କାଂ ସମାସାଦ୍ଯ ପୁରୀଂ ରାଵଣପାଲିତାମ୍ ।

ଦଦର୍ଶ ସୀତାଂ ଧ୍ଯାଯନ୍ତୀଂ ଅଶୋକଵନିକାଂ ଗତାମ୍

॥ 72 ॥

ଶ୍ଲୋକ 74

ନିଵେଦଯିତ୍ଵାଽଭିଜ୍ଞାନଂ ପ୍ରଵୃତ୍ତିଂ ଚ ନିଵେଦ୍ଯ ଚ ।

ସମାଶ୍ଵାସ୍ଯ ଚ ଵୈଦେହୀଂ ମର୍ଦଯାମାସ ତୋରଣମ୍

॥ 73 ॥

ଶ୍ଲୋକ 75

ପଞ୍ଚ ସେନାଗ୍ରଗାନ୍ହତ୍ଵା ସପ୍ତ ମନ୍ତ୍ରିସୁତାନପି ।

ଶୂରମକ୍ଷଂ ଚ ନିଷ୍ପିଷ୍ଯ ଗ୍ରହଣଂ ସମୁପାଗମତ୍

॥ 74 ॥

ଶ୍ଲୋକ 76

ଅସ୍ତ୍ରେଣୋନ୍ମୁକ୍ତମାତ୍ମାନଂ ଜ୍ଞାତ୍ଵା ପୈତାମହାଦ୍ଵରାତ୍ ।

ମର୍ଷଯନ୍ରାକ୍ଷସାନ୍ଵୀରୋ ଯନ୍ତ୍ରିଣସ୍ତାନ୍ଯଦୃଚ୍ଛଯା

॥ 75 ॥

ଶ୍ଲୋକ 77

ତତୋ ଦଗ୍ଧ୍ଵା ପୁରୀଂ ଲଙ୍କାଂ ଋତେ ସୀତାଂ ଚ ମୈଥିଲୀମ୍ ।

ରାମାଯ ପ୍ରିଯମାଖ୍ଯାତୁଂ ପୁନରାଯାନ୍ମହାକପିଃ

॥ 76 ॥

ଶ୍ଲୋକ 78

ସୋଽଭିଗମ୍ଯ ମହାତ୍ମାନଂ କୃତ୍ଵା ରାମଂ ପ୍ରଦକ୍ଷିଣମ୍ ।

ନ୍ଯଵେଦଯଦମେଯାତ୍ମା ଦୃଷ୍ଟା ସୀତେତି ତତ୍ତ୍ଵତଃ

॥ 77 ॥

ଶ୍ଲୋକ 79

ତତଃ ସୁଗ୍ରୀଵସହିତୋ ଗତ୍ଵା ତୀରଂ ମହୋଦଧେଃ ।

ସମୁଦ୍ରଂ କ୍ଷୋଭଯାମାସ ଶରୈରାଦିତ୍ଯସନ୍ନିଭୈଃ

॥ 78 ॥

ଶ୍ଲୋକ 80

ଦର୍ଶଯାମାସ ଚାତ୍ମାନଂ ସମୁଦ୍ରଃ ସରିତାଂ ପତିଃ ।

ସମୁଦ୍ରଵଚନାଚ୍ଚୈଵ ନଲଂ ସେତୁମକାରଯତ୍

॥ 79 ॥

ଶ୍ଲୋକ 81

ତେନ ଗତ୍ଵା ପୁରୀଂ ଲଙ୍କାଂ ହତ୍ଵା ରାଵଣମାହଵେ ।

ରାମଃ ସୀତାମନୁପ୍ରାପ୍ଯ ପରାଂ ଵ୍ରୀଡାମୁପାଗମତ୍

॥ 80 ॥

ଶ୍ଲୋକ 82

ତାମୁଵାଚ ତତୋ ରାମଃ ପରୁଷଂ ଜନସଂସଦି ।

ଅମୃଷ୍ଯମାଣା ସା ସୀତା ଵିଵେଶ ଜ୍ଵଲନଂ ସତୀ

॥ 81 ॥

ଶ୍ଲୋକ 83

ତତୋଽଗ୍ନିଵଚନାତ୍ସୀତାଂ ଜ୍ଞାତ୍ଵା ଵିଗତକଲ୍ମଷାମ୍ ।

ବଭୌ ରାମଃ ସମ୍ପ୍ରହୃଷ୍ଟଃ ପୂଜିତଃ ସର୍ଵଦୈଵତୈଃ

॥ 82 ॥

ଶ୍ଲୋକ 84

କର୍ମଣା ତେନ ମହତା ତ୍ରୈଲୋକ୍ଯଂ ସଚରାଚରମ୍ ।

ସଦେଵର୍ଷିଗଣଂ ତୁଷ୍ଟଂ ରାଘଵସ୍ଯ ମହାତ୍ମନଃ

॥ 83 ॥

ଶ୍ଲୋକ 85

ଅଭିଷିଚ୍ଯ ଚ ଲଙ୍କାଯାଂ ରାକ୍ଷସେନ୍ଦ୍ରଂ ଵିଭୀଷଣମ୍ ।

କୃତକୃତ୍ଯସ୍ତଦା ରାମୋ ଵିଜ୍ଵରଃ ପ୍ରମୁମୋଦ ହ

॥ 84 ॥

ଶ୍ଲୋକ 86

ଦେଵତାଭ୍ଯୋ ଵରଂ ପ୍ରାପ୍ଯ ସମୁତ୍ଥାପ୍ଯ ଚ ଵାନରାନ୍ ।

ଅଯୋଧ୍ଯାଂ ପ୍ରସ୍ଥିତୋ ରାମଃ ପୁଷ୍ପକେଣ ସୁହୃଦ୍ଵୃତଃ

॥ 85 ॥

ଶ୍ଲୋକ 87

ଭରଦ୍ଵାଜାଶ୍ରମଂ ଗତ୍ଵା ରାମଃ ସତ୍ଯପରାକ୍ରମଃ ।

ଭରତସ୍ଯାନ୍ତିକଂ ରାମୋ ହନୂମନ୍ତଂ ଵ୍ଯସର୍ଜଯତ୍

॥ 86 ॥

ଶ୍ଲୋକ 88

ପୁନରାଖ୍ଯାଯିକାଂ ଜଲ୍ପନ୍ସୁଗ୍ରୀଵସହିତଶ୍ଚ ସଃ ।

ପୁଷ୍ପକଂ ତତ୍ସମାରୁହ୍ଯ ନନ୍ଦିଗ୍ରାମଂ ଯଯୌ ତଦା

॥ 87 ॥

ଶ୍ଲୋକ 89

ନନ୍ଦିଗ୍ରାମେ ଜଟାଂ ହିତ୍ଵା ଭ୍ରାତୃଭିଃ ସହିତୋଽନଘଃ ।

ରାମଃ ସୀତାମନୁପ୍ରାପ୍ଯ ରାଜ୍ଯଂ ପୁନରଵାପ୍ତଵାନ୍

॥ 88 ॥

ଶ୍ଲୋକ 90

ପ୍ରହୃଷ୍ଟମୁଦିତୋ ଲୋକସ୍ତୁଷ୍ଟଃ ପୁଷ୍ଟଃ ସୁଧାର୍ମିକଃ ।

ନିରାମଯୋ ହ୍ଯରୋଗଶ୍ଚ ଦୁର୍ଭିକ୍ଷ ଭଯଵର୍ଜିତଃ

॥ 89 ॥

ଶ୍ଲୋକ 91

ନ ପୁତ୍ରମରଣଂ କିଞ୍ଚିଦ୍ଦ୍ରକ୍ଷ୍ଯନ୍ତି ପୁରୁଷାଃ କ୍ଵଚିତ୍ ।

ନାର୍ଯଶ୍ଚାଵିଧଵା ନିତ୍ଯଂ ଭଵିଷ୍ଯନ୍ତି ପତିଵ୍ରତାଃ

॥ 90 ॥

ଶ୍ଲୋକ 92

ନ ଚାଗ୍ନିଜଂ ଭଯଂ କିଞ୍ଚିନ୍ନାପ୍ସୁ ମଜ୍ଜନ୍ତି ଜନ୍ତଵଃ ।

ନ ଵାତଜଂ ଭଯଂ କିଞ୍ଚିନ୍ନାପି ଜ୍ଵରକୃତଂ ତଥା

॥ 91 ॥

ଶ୍ଲୋକ 93

ନ ଚାପି କ୍ଷୁଦ୍ଭଯଂ ତତ୍ର ନ ତସ୍କରଭଯଂ ତଥା ।

ନଗରାଣି ଚ ରାଷ୍ଟ୍ରାଣି ଧନଧାନ୍ଯଯୁତାନି ଚ

॥ 92 ॥

ଶ୍ଲୋକ 94

ନିତ୍ଯଂ ପ୍ରମୁଦିତାଃ ସର୍ଵେ ଯଥା କୃତଯୁଗେ ତଥା ।

ଅଶ୍ଵମେଧଶତୈରିଷ୍ଟ୍ଵା ତଥା ବହୁସୁଵର୍ଣକୈଃ

॥ 93 ॥

ଶ୍ଲୋକ 95

ଗଵାଂ କୋଟ୍ଯଯୁତଂ ଦତ୍ଵା ବ୍ରହ୍ମଲୋକଂ ପ୍ରଯାସ୍ଯତି ।

ଅସଙ୍ଖ୍ଯେଯଂ ଧନଂ ଦତ୍ଵା ବ୍ରାହ୍ମଣେଭ୍ଯୋ ମହାଯଶାଃ

॥ 94 ॥

ଶ୍ଲୋକ 96

ରାଜଵଂଶାନ୍ ଶତଗୁଣାନ୍ ସ୍ଥାପଯିଷ୍ଯତି ରାଘଵଃ ।

ଚାତୁର୍ଵର୍ଣ୍ଯଂ ଚ ଲୋକେଽସ୍ମିନ୍ ସ୍ଵେ ସ୍ଵେ ଧର୍ମେ ନିଯୋକ୍ଷ୍ଯତି

॥ 95 ॥

ଶ୍ଲୋକ 97

ଦଶଵର୍ଷସହସ୍ରାଣି ଦଶଵର୍ଷଶତାନି ଚ ।

ରାମୋ ରାଜ୍ଯମୁପାସିତ୍ଵା ବ୍ରହ୍ମଲୋକଂ ଗମିଷ୍ଯତି

॥ 96 ॥

ଶ୍ଲୋକ 98

ଇଦଂ ପଵିତ୍ରଂ ପାପଘ୍ନଂ ପୁଣ୍ଯଂ ଵେଦୈଶ୍ଚ ସମ୍ମିତମ୍ ।

ଯଃ ପଠେଦ୍ରାମଚରିତଂ ସର୍ଵପାପୈଃ ପ୍ରମୁଚ୍ଯତେ

॥ 97 ॥

ଶ୍ଲୋକ 99

ଏତଦାଖ୍ଯାନମାଯୁଷ୍ଯଂ ପଠନ୍ରାମାଯଣଂ ନରଃ ।

ସପୁତ୍ରପୌତ୍ରଃ ସଗଣଃ ପ୍ରେତ୍ଯ ସ୍ଵର୍ଗେ ମହୀଯତେ

॥ 98 ॥

ଶ୍ଲୋକ 100

ପଠନ୍ ଦ୍ଵିଜୋ ଵାଗୃଷଭତ୍ଵମୀଯାତ୍

ସ୍ଯାତ୍ କ୍ଷତ୍ରିଯୋ ଭୂମିପତିତ୍ଵମୀଯାତ୍ ।

ଵଣିଗ୍ଜନଃ ପଣ୍ଯଫଲତ୍ଵମୀଯାତ୍

ଜନଶ୍ଚ ଶୂଦ୍ରୋଽପି ମହତ୍ତ୍ଵମୀଯାତ୍

॥ 99 ॥

ଶ୍ଲୋକ 101

ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯେ ଆଦିକାଵ୍ଯେ ବାଲକାଣ୍ଡେ ନାରଦଵାକ୍ଯଂ ନାମ ପ୍ରଥମଃ ସର୍ଗଃ ॥