ಋಣ ವಿಮೋಚನ ಗಣಪತಿ ಸ್ತೋತ್ರಮ್

ಋಣ ವಿಮೋಚನ ಗಣಪತಿ ಸ್ತೋತ್ರಮ್

ಶ್ಲೋಕ 1

ಸ್ಮರಾಮಿ ದೇವದೇವೇಶಂ ವಕ್ರತುಣ್ಡಂ ಮಹಾಬಲಮ್ ।

ಷಡಕ್ಷರಂ ಕೃಪಾಸಿನ್ಧುಂ ನಮಾಮಿ ಋಣಮುಕ್ತಯೇ

ಶ್ಲೋಕ 2

ಏಕಾಕ್ಷರಂ ಹ್ಯೇಕದನ್ತಂ ಏಕಂ ಬ್ರಹ್ಮ ಸನಾತನಮ್ ।

ಏಕಮೇವಾದ್ವಿತೀಯಂ ಚ ನಮಾಮಿ ಋಣಮುಕ್ತಯೇ

॥ 1 ॥

ಶ್ಲೋಕ 3

ಮಹಾಗಣಪತಿಂ ದೇವಂ ಮಹಾಸತ್ತ್ವಂ ಮಹಾಬಲಮ್ ।

ಮಹಾವಿಘ್ನಹರಂ ಶಮ್ಭೋಃ ನಮಾಮಿ ಋಣಮುಕ್ತಯೇ

॥ 2 ॥

ಶ್ಲೋಕ 4

ಕೃಷ್ಣಾಮ್ಬರಂ ಕೃಷ್ಣವರ್ಣಂ ಕೃಷ್ಣಗನ್ಧಾನುಲೇಪನಮ್ ।

ಕೃಷ್ಣಸರ್ಪೋಪವೀತಂ ಚ ನಮಾಮಿ ಋಣಮುಕ್ತಯೇ

॥ 3 ॥

ಶ್ಲೋಕ 5

ರಕ್ತಾಮ್ಬರಂ ರಕ್ತವರ್ಣಂ ರಕ್ತಗನ್ಧಾನುಲೇಪನಮ್ ।

ರಕ್ತಪುಷ್ಪಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ

॥ 4 ॥

ಶ್ಲೋಕ 6

ಪೀತಾಮ್ಬರಂ ಪೀತವರ್ಣಂ ಪೀತಗನ್ಧಾನುಲೇಪನಮ್ ।

ಪೀತಪುಷ್ಪಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ

॥ 5 ॥

ಶ್ಲೋಕ 7

ಧೂಮ್ರಾಮ್ಬರಂ ಧೂಮ್ರವರ್ಣಂ ಧೂಮ್ರಗನ್ಧಾನುಲೇಪನಮ್ ।

ಹೋಮಧೂಮಪ್ರಿಯಂ ದೇವಂ ನಮಾಮಿ ಋಣಮುಕ್ತಯೇ

॥ 6 ॥

ಶ್ಲೋಕ 8

ಫಾಲನೇತ್ರಂ ಫಾಲಚನ್ದ್ರಂ ಪಾಶಾಙ್ಕುಶಧರಂ ವಿಭುಮ್ ।

ಚಾಮರಾಲಙ್ಕೃತಂ ದೇವಂ ನಮಾಮಿ ಋಣಮುಕ್ತಯೇ

॥ 7 ॥

ಶ್ಲೋಕ 9

ಇದಂ ತ್ವೃಣಹರಂ ಸ್ತೋತ್ರಂ ಸನ್ಧ್ಯಾಯಾಂ ಯಃ ಪಠೇನ್ನರಃ ।

ಷಣ್ಮಾಸಾಭ್ಯನ್ತರೇಣೈವ ಋಣಮುಕ್ತೋ ಭವಿಷ್ಯತಿ

॥ 8 ॥

ಶ್ಲೋಕ 10

ಇತಿ ಋಣವಿಮೋಚನ ಮಹಾಗಣಪತಿ ಸ್ತೋತ್ರಮ್ ।